افضل X99 motherboard في حدود 2500 جنيه ؟

[Ziad Hosni]

الاعضاء الكرام...

عايز استفيد من خبراتكم في افضل ماركه/موديل X99 Motherboard في حدود 2500 جنيه لكسر السرعه و SLI ل 2 GTX 970 GP Us

ASUS
MSI
GIGABYTE

ولكم جزيل الشكر...

[hisoo]

MSI X99S GAMING 7 Socket 2011-3 Motherboard (https://www.********.com/en/product/msi-x99s-gaming-7-socket-2011-3-motherboard-high-end)
اللوحه دى هى انسب لوحه فى حدود ميزانيتك وسعرها 2400 جنيه وهى من فئه الجيمينج

[Ziad Hosni]

شكرا اخي hisoo علي مرورك و ردك....

طيب ايه رأيك في دول ؟

Gigabyte GA-X99-Gaming 5 = 2650 LE
MSI X99A GAMING 7 Socket 2011-3 = 2500 LE
MSI X99S MPOWER Socket 2011-3 = 2100 LE

و بالنسبه ل ASUS في برضه مويلات بس انا مش عارفها قوي..

[phenomenon]

شوف اخى عشان اقطع عليك شوط كبير جدا من الاسئله والاجابات ..

يجب ان تعلم ما انت بصدد شرائه ..
افتراضا اننا نمتلك خمسه لوحات او حتى 20 لوحه ام وكل منهم تصنيع شركه مختلفه ولكن جميعهم بنفس الرنج السعرى الواحد وليكن 2000 جنيه
فيجب ان تعلم مباشره ان جميع اللوحات تكلفتها الصناعيه وليكن 1800جنيه لجميعهم بشكل كبير جدا جميعهم نظريا هيكون بنفس التكلفه السعريه فى
المواد الخام والتصنيع

سبب كلامى انك ضيفت لوحه بسعر 2100 ولوحه بسعر 2650 اكيد هنقول لوحه سعر 2650 افضل
لكن يجب ان نعلم تفاصيل اكثر دقه عن الامر بالتاكيد

ربما تجد 10 لوحات منهم بسعر 2000 جنيه اى نعم بسبب التكلفه المرتفعه فى شراء مكثفات ودوائر الطاقه لدائره الباور VRM الخاصه بكسر السرعه
او بمعنى افضل الخاصه بتنظيم فولتيات المعالج والعمل على تمكين المستهلك من تحقيق كسر اعلى

ربما نجد ال 10 لوحات الاخرين بسعر 2000 جنيه اى نعم بسبب الاهتمام بتوفير بعض الكماليات مرتفعه التكلفه السعريه
( كارت صوت افضل / لان افضل / تردد ذواكر اعلى / مشتتات افضل فى الخامه ) اى شىء فالاختلافات كثيره لا تعد ولا تحصى

جميع اللوحات من اسيوس او جيجابايت او ام اس اى او ازروك او زوتاك او ايفجا او بيو ستار او فوكس كون
من المفترض انها تم تصميمها بنفس الكفائه لجميعهم وان صادف عجز احد هذه الشركات فى التصميم لجزء معين فى اللوحات الام
بيتم الاستعانه بخبره مهندسين من شركات اخرى اكبر وافضل بالخبره كانتل على سبيل المثال او حتى وان كان منافس لنفس تصنيع الماده نفسها
اذا صادف ان شركه Foxcon تحتاج خبره مهندسين من MSI لتصنيع موديل معين فيجب ان يتم الامر حتى وان لم نعلم نحن بمجريات التفاصيل

المهم ان يتمكن بالنهايه لتوفير لوحه ام Reliable او موثوق فيها ويعتمد عليها وبضمان ثلاثه سنوات ويبدا بتجربتها مسبقا بالمصنع قبل خروجها
ووضعها تحت اقصى ظروف الشغل حتى لا تعود للمصنع مره اخرى بسبب مشاكل فنيه او عيوب صناعه تتسبب فى هلاك سمعه الشركه او الخساره

الغرض من مراجعات مواقع الهاردوير الاجنبيه
ارسال اللوحه الام او الرامات او الباور سبلاى او الهاردات او التليفون او اىه الكرتونيات حديثه لان المراجع بجانب الخبره هو عباره عن مستخدم
او زبون ليبدا باختبار اللوحه الام كانه مستهلك عادى يركب فيها الرامات وكارت الشاشه والهاردات بتاعته والباور سبلاى ويبدا بكسر سرعه المعالج
والضغط على اللوحه الام ان كان لديها الاستعداد على الكسر كما هو بالمواصفات ويبدا يدخل على البيوس ويقيم اللوحه الام حسب نظرته الشخصيه
وتكون المراجعه مكونه من عده صفحات تشمل عده اختبارات
وكل مراجع له طريقه اختبارات ولكن جميعها بالنهايه تدل على نتيجه واحده ( شغاله الله ينور )

ماذا يحدث اذا تم اكتشاف عيب فنى او عيب صناعه فى اللوحه الام /
نعم احيانا تحدث لان مناهج الاختبارات داخل المصانع وبالرغم انها من اشد واقسى الاختبارات الا انها ليست مرجع كامل للمستهلك
حينما اقوم بشراء هارد من الشمال ورامات من الجنوب وكارت شاشه من الشرق وباور من الغرب / لذلك كل هذه الامور بيتم وضعها بعين الاعتبار
والغرض من مراجعات الهاردوير اكتشاف الاخطاء اولا قبل انطلاق اللوحه الام الى الاسواق / اذا اكتشف المراجع خطا يبدا بطلب عينه اخرى واحيانا
يطلب اكثر من عينه واحده فاذا تم التاكد ان هناك عيب صناعه يبدا بتنبيهه المصنع نفسه ومراسلته للتاكد من الخطا / ربما هناك شىء مستجد طارىء
او بالفعل ربما هو خطا فنى بالصناعه غير ملحوظ ثم يلفت انتباهك للخطا او لا يقوم بعرض المراجعه فى انتظار العينات السليمه بعد تصحيحها

الشركات والمصانع اصبحت اكثر من انها تنتظر خطا يلاحظه المراجع لان كل شركه لها مراجعين ايضا داخل المصانع وخبراء بالالاف
انا بحاول اطمنك بس واقولك ان محمد زى احمد لكن الامر كليا يعود للراحه النفسيه فى الاختيار

انا افضل جيجابايت
اعلم ان لوحات اسيوس من اقوى اللوحات عالميا ولكنى لن اقوم بتغير جيجابايت
الاخ hisoo لو اتكلمت قدامه فى حق MSI بالغلط ممكن يبلغ عنك ويقول مخالف للقوانين :)
نفس الامور ازروك ليها عشاقها وايفجا لها عشاق بالملايين وسافير وغيرهم والملايين من المستخدمين يمتلكون مئات الملايين من اللوحات المختلفه

لذلك الاجابه على سؤالك صعبه جدا وكنت بحاول ابعد عنها لكن عشان مش تنتظر كتير او تلاقى تجاوب على ما يجاوبك الاخ hisoo
حبيت اقولك انه بالرغم سؤال بسيط جدا لكن اجابته صعبه جدا

بردو عشان اضيفلك اى افاده
حاول تعرف امكانياتك من اللوحه الام ومتطلباتك وافتح كل صفحه لوحه من اللى انت محتار بينهم واقرا خصائصهم او ابحث فى مراجعاتهم على النت
وشوف الكلام عنهم وشوف الخصائص على صفحاتهم وشوف اللى انت مرتاحلها نفسيا وزى ماقولت لحضرتك فى البدايه كل لوحه ام ليها سعر ولم
ا تفرق فى السعر 500 جنيه مره واحده
اكيد الفرق لصالح الاعلى لانها افضل فى شىء ما ( لازم تكون افضل = لازم )
عشان المصنع عارف ان المستهلك هيشوف سعرها ويشوف تستحقه ولا لا والموضوع طويل جدا :)
بالرغم انها من الممكن ان تكون اقل فى شىء من لوحه اخرى اقل بالسعر بالتاكيد امر وارد ولكن هناك شىء بها تسبب فى زياده التكلفه السعريه
فى صناعتها من اجل توفيره للمستهلك وتوقع احتياجاته ليها

[Ziad Hosni]

اخي العزيز Phenomenon (https://arabhardware.net/forum/member.php?u=11301600)

متشكر جدا علي ردك المحترم و علي وقتك و جازاك الله كل خير
(https://arabhardware.net/forum/member.php?u=11301600)

[hisoo]

فعلا المشرف تكلم واوجز الموضوع واعطاك الخلاصه جزاه الله خيرا ... وبالفعل كلا منا له تجارب مع لوحات ارتاح معاها على مدار استعماله للكمبيوتر فاكيد هيرشحها لك وساقتبس من كلام اخى المشرف ( انا افضل جيجابايت
اعلم ان لوحات اسيوس من اقوى اللوحات عالميا ولكنى لن اقوم بتغير جيجابايت )
ومع علم اخى الفاضل الافضليه لاسوس ولكنه مرتاح مع جيجابايت وتستطيع هذه الشركه بلوحاتها الوصول به الى حد الرضى فاعلم يا اخى الفاضل ان اذا تساوت الفئه السعريه او تقاربت ان اللوحات متشابها الى حد كبير فانظر مثلا الى سهوله التعامل مع البايوس او الوان اللوحه وتناسقها مع المكونات والكيس ....الخ
ارجو ان نكون قد اخرجناك من حيرتك ولم نزيدها .