مساعدة الخبراء فى شراء جهاز جديد للالعاب

[wcw 321]

بسم الله الرحمن الرحيم
السلامو عليك ورحمة الله وبركاته كان لى صديق حبيبى محتاج يشترى جهاز جديد كامل للالعاب والميزانية 4000 جنيه
يعنى جهاز جديد شامل كل شى وبالشاشة وياريت تجميعة انتل وتجميعة تانية amd
وياريت الرامات 8جيجا والبروسيسور core i5
ولكم جزيل الشكر والعرفان

[wcw 321]

والنبى حد يرد على ياجماعة

[phenomenon]

وعليكم السلام ورحمه الله وبركاته
عليه الصلاه والسلام لكن مستحب الا تحلف الا بالله اخى الكريم ...

احسب كمان مره عشان تتاكد من المجموع
بناءا على طلبك

Benq VL2040AZ 19.5 Inch 1600X900 Res LED Monitor = 550 LE
Gigabyte-GA-H81-S2PV = 520 LE
Core I5-4430 3.1GHz 6mb Cash LGA1150 = 1325 LE
Kingstone Fury Blue 8GB 1x8 DDR3 1600MHz 1.5V = 510 LE
Western Digiyal 1TB Caviar Blue = 420 LE
VGA Card = 500 LE
CASE + PSU = 500 LE

4300

التجميعه سيئه جدا بهذا الشكل وهتشتت تركيزك وقت التحديث
عموما دى تجميعه قريبه من القبول عليها

Benq VL2040AZ 19.5 Inch 1600X900 Res LED Monitor = 550 LE
Gigabyte-GA-H81-S2PV = 520 LE
Core I3-4150 3.1GHz 3mb Cash LGA1150 = 850 LE
Kingstone Fury Blue 8GB 1x8 DDR3 1600MHz 1.5V = 510 LE
Western Digiyal 1TB Caviar Blue = 420 LE
GTX 750 2GB = 1000 LE
CASE + PSU = 500 LE

4415
كده التجميعه ظبطت شويه :

دى التجميعه اللى هشتريها لو بمكانك

Benq VL2040AZ 19.5 Inch 1600X900 Res LED Monitor = 550 LE
Gigabyte-GA-H81-S2PV = 520 LE
Pentium G3258 LGA1150 3MB Cash= 550 LE
Kingstone Fury Blue 4GB 1x4 DDR3 1600MHz 1.5V = 250 LE
Western Digiyal 1TB Caviar Blue = 420 LE
Sapphire-Dual-X R9-285 22GB = 1900 LE
PSU = 500 LE

4600

اى كيسه مش مشكله لو حتى درج مكتب : المهم تمم على الحراره وظهر البورده او كيستك القديمه طبعا
المهم الباور القوى فى التجميعه الاخيره وبالمستقبل القريب اول حاجه هعملها رامه كمان عليها بقى كده 8 جيجا ولما الامور تتيسر
اجيب معالج I7-47xx مره واحده لو لقيت فرصه لمعالج كويس مستعمل او حتى Core I5 افضل من انك تشتت نفسك فى التحديث بالمستقبل

اذا مشيت مع تجميعه معالج رباعى ورامه 8 جيجا الاولى جيده جدا بس هتتزنق جدا عشان الكارت بالرغم ان المعالج مش بالاهميه للدرجادى خاصه ان كارت الشاشه
هيكون ضعيف جدا لانك مش هتقدر تشترى كارت قوى تستفيد من المعالج بتاعك معاه يبقى ايه لازمه معالج رباعى ؟ وكارت شاشه ب 500 جنيه

اذا كنت بتفكر فى ترقيه الكارت بالمستقبل القريب مفيش مشكله بردو بس ده مش بيكون طريقه تفكير الجيمر
تفكير الجيمر العب انهارده كويس جدا وبالمستقبل كويس مش فكر العب انهارده وحش وبالمستقبل كويس

[wcw 321]

أحب اشكر كل اللى رد على ولى استفسار حضرتك ماوضحتش فى التجميعة الاولى نوع كارت الشاشة رغم ان حضرتك كاتب سعره 500 جنية
اما فى التجميعة التانية موضح نوع كارت الشاشة فى التجميعة التانية والثالثة وبردة ليه حضرتك حاطط نوع غالى لكارت الشاشة فى التجميعة الثالثة
وعلى فكرة انا بش عايز العب الالعاب على الالترا او الهاى بس تشتغل كويس جدا على الميديم ومايكونش فيه تقطيع
وشكرا لسعة صدركم

[phenomenon]

الشكر لله اخى

التجميعه الاولى اخى هى طلبك فى بدايه الموضوع : لكن طلبك فى بدايه الموضوع بيقول ايه ايضا منصه للالعاب
والميزانيه قليله على تنفيذ كلا الطلبين ( معالج رباعى ورامه 8 جيجا ومن جهه اخرى منصه للالعاب فى حدود 4000 جنيه )
بعد ماضيفنا المتطلبات الاساسيه لم يعد متبقى مبلغ جيد لكارت الشاشه وبقولك فيها انه متبقى فقط 500 جنيه لكارت الشاشه
المبلغ ده حاليا ميجبيشى كارت متوسط حتى للالعاب : يمكن لو هتشترى مستعمل حاجه فى حدود GTX 550 TI هتكون بسعر 700 جنيه تقريبا
قبصراحه معرفتش اضيفلك ايه فقولتلك ده المتبقى ومفيش كارت للالعاب جديد بسعر 500 جنيه لكن فى كارت للافلام والجودات العاليه

التجميعه التانيه حاولت اعدل التجميعه عشان توصل لكارت على الاقل هيشغلك الالعاب على Medium Quality وتقدر تحقق عدد اطارات لا باس به
عشان سلاسه ونعومه الالعاب معاك عشان كده اتضرينا ننزل لمعالج اتنين نواه

التجميعه التالته تعتبر افضل تجميعه : ( من خلال وجهه نظرى الشخصيه )
معالج بانتيم بيعطى اداء جيد جدا بما انه بيمتلك نواه الجيل الرابع من البدايه / هو بالاساس يعتبر معالج Core I3-4xxx ولكن
بدون ميزه خاصيه hyper threading او Turbo boost ان لم تخوننى ذاكرتى .
وادائه فى المراجعات منافس قوى لمعالجات Core I3 وحتى ان لم اهتم لمنافسه معالجات اخرى ولكن ادائه جيد جدا ومصنف ضمن
افضل معالجات الالعاب للميزانيات البسيطه : يعنى مش هتندم اذا اشتريته واذا حبيبت تلعب على الترا او هاى هتقدر تلعب

بعض الالعاب بتستفاد من قوه المعالجات المركزيه الاقوى : يعنى لو فى فرصه لشراء معالج Core I3-4150 يمكن تقدر تحقق مش
اقل من 10 اطارات زياده او 15 اطار ببعض الالعاب على نفس المنصه

انا مش ههتم شخصيا بشراء معالج رباعى الان بنفس الميزانيه لان معالج بانتيم ادائه عالى مع كروت الشاشه القويه وبيعطى المطلوب
يعنى بكشل كبير جدا هتحقق اعدادات هاى او الترا اللى بيقدر عليها كارت R9-285 اذن هلعب العاب الحاضر على احد افضل الاعدادات ليها

بالمستقبل القريب هحاول الترقيه الى معالج رباعى ورامه زياده وان حبيت ترجع لالعاب الماضى فى التجربه مش هتحس بفرق شاسع فى عدد الاطارات
بمعظم الالعاب بس هيكون ادائه مطلوب بشكل كبير وراحه اكبر مع جميع الالعاب بشكل اكبر وبما ان العاب المستقبل هتكون بالتاكيد فى الزياده للاحتياج
المستمر من كارت الشاشه الاعلى هكتشف ان اداء الكارت بتاعى مع الالعاب الجديده ثبت عند هاى ونادر وصوله الى الترا لكن مش مستحيل

والسبب ان الكارت من الاساس مصنف ضمن فئه الكروت الحماسيه او Mainstream PCs وفرصته بتكون عاليه جدا لان خصائصه فى البدايه عاليه
وسعره عالى اما لو اكتفيت حاليا بكارت زى GTX 550 او اقل يدوب هتقدر توصل لاداء Medium ومع الالعاب القويه مش هتكون راضى عن الاداء
بالرغم انك معاك معالج رباعى لكن مش هيفيدك فى اى شىء ولا كانه ليه وجود
لان بالاساس جهده مع كارت 550 يعتبر هفوه عمل بالنسباله يعنى بيقول انا لازمتى ايه ؟

لكن اذا استمريت مع نفس الفكر بمعالج رباعى عشان المستقبل وكارت وليكن GTX 550 او اقل حسب ماتلاقى ربما يكون فى صفقه افضل بس
هتقدر تلعب حاليا Medium وبما انك معاك معالج رباعى فالتفكير بالمستقبل هيكون كارت شاشه اقوى فقط وبالتاكيد باور سبلاى اقوى
لكن انت هتكتشف فى المستقبل ان الميزانيه اللى معاك مازالت حاكمه عليك انك تفضل مستمر فى فئات كروت Mid - Low Entry PCs يعنى مازلت
هتلعب على medium الالعاب الحديثه لانك معملتش نقله حقيقيه قويه فى اداء المعالجه الجرافيكيه المطلوبه باستمرار مع الالعاب الحديثه

عشان اوفر عليك موضوع الانشاء : مثال بسيط

انا اشتريت جهاز R9-280 + Pentium G3258 + 4GB + XFX 430W على قد ميزانيتى وهنسميه جهاز رقم 1 وحبيت اختبر الاداء على
لعبه Witcher 3 مثلا وحققت اكتر من 60 اطار واللعبه كانت سلسله وناعمه جدا ومبسوط من جوده الجرافيك اللى بلعب عليها

وصحيح كان صديقى الثانى بيمتلك ( جهاز رقم 2 ) فيه معالج رباعى مع نفس باقى المنصه المشابهه لمنصتى وكان بيحقق 73 اطار يعنى اكتر منى
بس كان بيلعب تقريبا على نفس الجرافيك بتاعى يعنى جهازى ( رقم 1 ) كان فى نسبه عنق زجاجه بسيط جدا بس على الاقل مخنقشى الحاله المزاجيه
بتاعتى وفى نفس الوقت قدملى الجوده العاليه والنعومه وان شاء الله هجيب معالج رباعى فى اقرب فرصه واستفيد بقوه الكارت كامل
لكن جهاز رقم 1 وجهاز رقم 2 لما شيلنا عداد الاطارات من على الشاشه محسناش بفرق شاسع بالاداء وكان كلاهما بيلعب على نفس الجوده العاليه

بس لما شوفت صيدقى التالت ( جهاز رقم 3 ) اللى ضحى بكارت الشاشه العالى ورضى انه ينزل لكارت GTX 550 واشترى معالج رباعى ماكانشى
قادر يوصل لاعدادات High زي جهازى وجهاز رقم 2 وكان يدوب بيحقق 30 اطار على اعدادات Medium لان كارته اضعف من كروتنا جدا

عدى علينا سنه ان كان لينا عمر

جهاز رقم 1 بتاعى اشتريتله معالج رباعى ورامه زياده ورجعنا نختبر اللعبه لقيت نفسى حققت 73 اطار اللى كانوا فى جهاز صديقى ( رقم 2 )
وجينا نشوف جهاز ( رقم 3 ) صاحبنا اللى عنده معالج رباعى لقيناه اشترى كارت اعلى واحدث وحسب ميزانيه افتراضا اشترى GTX 750
يعنى مازال داخل فئه الكروت الوسطى وسالناه عملت ايه فى اللعبه ؟ قال قدرت العب على هاى واجيب 60 اطار

اذن بالرغم انه معاه معالج رباعى الا انه مازال متاخر عنك بخطوه بالماضى وحتى بالحاضر وانت معاك معالج ثنائى
بس ده لانك معاك كارت شاشه اقوى منه فى الخصائص من البدايه بتميزك عنه فى الالعاب الحديثه الحاضره والمستقبليه
بخلاف انك بالماضى وبالحاضر جوده الالعاب عاليه لان الجرافيكيات قوى ومفيش عنق يخنق الدنيا
وسلاسه الالعاب تبدا عند 30 اطار والاداء المثالى 60 اطار

هى فى الاخر وجهه نظر شخصيه لكن انا بقولك وجهات نظر الجيمر فى عمليه بناء منصات المعتمده على المنصات السعريه او Budget