(سوهاج) تجميعة كمبيوتر للالعاب وكسر السرعة فى حدود 5580 بدون كارت شاشة

[Mustafa2016]

اقصى ميزانية محددة : 5400 : 5580
استخدام الجهاز : العاب ثقيلة + كسر سرعة
القطع التى تنوى شرائها : ماذربورد تدعم كسر السرعة + بروسيسور ويجب ان يكون Core i7 4790K Devils Canyon انا مش عايز بروسيسور غيره + رامات + هارد 1 تيرا + كيسة + باور يكون قادر على تشغيل كارت شاشة Gigabyte GTX 960 G1 Gaming 4GB GDDR5
القطع التى ستعيد استخدامها من الجهاز القديم : الشاشة + كارت شاشة Gigabyte GTX 960 G1 Gaming 4GB GDDR5 لسة جايبه جديد جبته النهارده
معاد الشراء : كنت هروح النهارده بس اجلت المعاد وهروح بكره ان شاء الله
مكان الشراء : اى مول فى سوهاج

ملحوظة فى التجميعة : انا يا جماعة مش هرضى بأى بروسيسور غير Core i7 4790K Devils Canyon + التجميعة ما يبقاش فيها كرت شاشة + التجميعة ما يبقاش فيها مشتت عشان انا لما هكسر السرعة هبقى اجيبه او ممكن تضيفو مشتت مع التجميعة
وسؤال .. هل المشتت الى بييجى مع المعالج كافى فى حالة عدم كسر السرعة وعند كسر السرعة اجيب مشتت ؟؟
وشكراً مقدماً

[phenomenon]

التزم بموضوع واحد يا اخ مصطفى : لا تقم برفع الموضوع بدون داعى واكتفى بتعديل مشاركاتك الاصليه او اخر المشاركات

MOBO : Gigabyte-Z97X-Gaming 3 LGA1150 = 1400 LE
CPU : Core I7-4790K up to 4.4GHz 8mb cash = 2700 LE
Cooler : Thermaltake Water 3 PRO = 750 LE
MEMORY : Corsair Vengeance PRO 8GB 2x4DDR3 bus 1600mhz CL9 = 625 LE
WD Caviar Blue 1TB = 400 LE
Cooler Master V series 750V GOLD = 900 LE

Total = 6700 LE

ممكن تشترى رامات اعلى بالتردد اذا حبيت واتوفرت ميزانيه معاك
ممكن تكتفى بمشتت بسيط بس معالج 4790 بيعانى من درجه حراره مرتفعه بنسبه كبيره حتى مع الترددات الافتراضيه
المشتتات المائيه هتنضفها كل 6 شهور وتغيرلها المياه ( معنديش خبره كبيره فيها ) اعتمد على اليوتيوب
اقل باور سبلاى لازم يكون فى حدود 650W او اعلى ( اعمل حساب 200W على الاقل كسر سرعه ) 100 وات احتياطيا لكسر السرعه + 100 وات headroom مش هيتم احتياجهم
اقل باور 750W مناسب لكسر السرعه فى مصر حسب خبرتى وتفضيلى الشخصى هيكون المذكور او Seasonic M12II 750W او EVGA 750W SuperNOVA

[Mustafa2016]

الميزانية زادت كتير اوى اوى انا مش هقدر ازود عن الميزانية 5580
مش هقدر ازود عن الميزانية جنية حتى
وايه الغلط فى التجميعة دى
البروسيسور : Intel Core I7-4790K Devil's Canyon Quad-Core 4.0GHz LGA 1150 Desktop Processor 2700 LE
المازربورد : MSI Z97-G43 GAMING Socket 1150 Motherboard 1050 LE
الرامات : G.skill Ripjaws 4GB (1 x 4GB) DDR3 1600 CL9 1.5v Desktop Memory 320 LE
الهارد : Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD 410 LE
الكيسة : Cooler Master K380 K-Series Mid Tower Desktop Case 375 LE
الباور : EVGA 500W PSU 425 LE
مشتت حرارة البروسيسور : Cooler Master Hyper 212 Evo 300 LE

علماً بأنى هجيب رام 4 جيجا بعد شهر من شراء الجهاز ان شاء الله
وبخصوص المشتت انا جايب المشتت مش عشان هكسر سرعة المعالج .. انا جايبة علشان يحافظ على المعالج ويخلى درجة حرارته منخفضة .. يعنى عادى اعتمد على المشتت الى بييجى مع المعالج فى حالة عدم كسر السرعة وهل هيشكل خطر على المعالج ؟؟
علماً بأنى لو ما جبتش المشتت هجيب رام Corsair Vengeance PRO 8GB ( 2 x 4 ) DDR3
وبخصوص الباور انا سألت عليه ولقيته هيشغل الكارت بدون اي مشاكل تذكر .. ده كارت Gigabyte GTX 960 4GB بيحتاج باور 400 وات فقط
ومعلش علشان انا عملت موضوع جديد .. علشان فى الموضوع القديم محدش رد عليا قلت اعمل موضوع جديد افضل

[phenomenon]

مش هقدر ازود عن الميزانية جنية حتى
وايه الغلط فى التجميعة دى
البروسيسور : Intel Core I7-4790K Devil's Canyon Quad-Core 4.0GHz LGA 1150 Desktop Processor 2700 LE
تمام جدا اختيار معالج للكسر

المازربورد : MSI Z97-G43 GAMING Socket 1150 Motherboard 1050 LE
لوحه ضعيفه فى الكسر ومتنساش انت المعالج بتاعك تربو افتراضى 4.4GHz ماذا تنتظر من لوحه MSI G43 ؟ 4.5GHz ؟ ياله من كسر :)

الرامات : G.skill Ripjaws 4GB (1 x 4GB) DDR3 1600 CL9 1.5v Desktop Memory 320 LE
طالما كمان شهر هتزود رامه يبقى الامور ظبطت افضل

الهارد : Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD 410 LE
تمام جدا

الكيسة : Cooler Master K380 K-Series Mid Tower Desktop Case 375 LE
معقوله هتجيب ارخص واديق كيس فى السوق مع منصه Z97 ومعالج لكسر السرعه ؟ وياترى ايه نوعيات المراوح فيها ؟ حتى حرام شرعا :)

الباور : EVGA 500W PSU 425 LE

بعض النظر انه خلص من السوق وبغض النظر انه 500W وبغض النظر انه تصنيع HEC وبغض النظر ان كفائته الحقيقيه اقل من 78%
وبغض النظر ان المكثفات تصنيع CapaXon صينيه تقييمها 85C وبغض النظر ان دائره الحمايه تفشل فى المراجعات فى حمايه الباور والكومبيوتر
وبغض النظر انه مصمم للعمل فى ظل درجات حراره 40C فقط وبغض النظر انه لا يمتلك افضل او احدث دائره تصحيح الفولتيه مما ينتج عنها ضجيج
عالى بوحده 12V+ وبغض النظر ان مكثفات الجهد بالجزء الثانى من الباور لا يمتلك مكثف واحد يوحد رب العرش يكون تصنيع يابانى وبغض النظر ان
الباور بيفشل فى تقديم استقرار وثبات النظام مع مخاطر واخطاء شبكات الكهرباء

لكن مع كل هذا نستطيع ان نعتمد عليه فى العمل باطمئنان شديد ولكن مع منصه زى اللى انت بتجمعها ؟ انت اكيد بتهرج او اكيد مش عارف الخطوره
اللى بتعرض نفسك ليه - احنا لو فضنل نتكلم ليه التجميعه مش راكبه على بعضها هنطلع اخطاء كثيره جدا
العمليه مش مجرد وفق وركب ودور واطلع علطول لا طبعا مش كده او على الاقل مش دى التجميعه اللى نتمنى وجودها او امتلاكها ومستحيل تخرج من
انسان عنده خبره بسيطه جدا وعارف التجميعه دى من اول اللوحه الام والمعالج هتوصله لحد فين وايه طلبه منها تحديدا
مشتت حرارة البروسيسور : Cooler Master Hyper 212 Evo 300 LEلكسر السرعه بردو ؟
يا اخ مصطفى منصه haswell تعانى من ارتفاع درجات حراره ومحاولات غير متميزه فى كسر السرعه بسبب امتلاك الـ CPU Die
على جزء كبير من دوائر الطاقه ( power Phases ) التى تستبب فى ارتفاع درجات حرارته عن المعهود بالاجيال السابقه

وبخصوص المشتت انا جايب المشتت مش عشان هكسر سرعة المعالج .. انا جايبة علشان يحافظ على المعالج ويخلى درجة حرارته منخفضة
طيب طالما مش هتكسر السرعه ليه شريحه Z97 G43 تحديدا فى اختيارك ؟ وليه معالج حرف K ؟
انا مش بقولك متجيبشى انا بس عاوز اعرف وجهه نظرك لانها هتفيدنى وهتفيد غيرى هل محتاج فرق التردد بمعالج حرف K فقط ؟
عنى عادى اعتمد على المشتت الى بييجى مع المعالج فى حالة عدم كسر السرعة وهل هيشكل خطر على المعالج ؟؟
لا مش هيشكل خطر على المعالج الا لو حظك سىء فى باتش المعالج وشيبايه اللوحه الام نفسها وامكانياتها
ممكن تلاقى معالج وصل 90C وممكن وصل 80C حسب الحظوظ ومكان التصنيع للباتش بيختلف وفولتيه اللوحه الام
المستعده لتشغيل المعالج الافتراضيه مختلفه - تقدر تشترى المعالج الاول وتجرب النتائج وتعمل حساب تمن المشتت فى ايديك لعل وعسى

علماً بأنى لو ما جبتش المشتت هجيب رام Corsair Vengeance PRO 8GB ( 2 x 4) DDR3
شوف انت زانق نفسك جدا ازاى ؟ طيب حاول تجيب لوحه MSI H97 PRO Gaming 3 وتستفاد ب الفرق اى اى شىء

وبخصوص الباور انا سألت عليه ولقيته هيشغل الكارت بدون اي مشاكل تذكر ..
ايوه فعلا بس انت لما تحط تجميعه فيها معالج حرف K ولوحه Z97 يخلينى اقول ملعون ابو انتل اللى ضحت على عقول الناس
وععملت 300mhz زياده عشان تشيل الناس معالج حرف K غصب عنها وتضحك عليهم بفرق التردد بس ان جيت للحق العيب فينا
يعنى انا عاوز اعرف ايه سبب معالج حرف K بالرغم انك مش هتكسر سرعته ؟؟؟؟؟؟؟؟؟؟؟؟؟؟؟؟؟؟


ده كارت Gigabyte GTX 960 4GB بيحتاج باور 400 وات فقط
ان جيت للحق هو مش بيحتاج 150W فقط :)ان شاء الله الباور كافى طالما مفيش كسر سرعه وارشحلك باور XFX 430W لان باور ايفجا خلص من السوق

ومعلش علشان انا عملت موضوع جديد .. علشان فى الموضوع القديم محدش رد عليا قلت اعمل موضوع جديد افضل

[Mustafa2016]

ايه الردود دى بس اجابة على كل سؤال انا قلتلك انتا ملك الخبراء يا اخ ابراهيم والله على ما اقول شهيد
سبب اختيارى معالج I7 4790K لأن المعالج بيقدم اداء رائع مع الالعاب وكمان المعالج ده كان مع ابن عمتى وكان ادائه رائع فى الالعاب بدون تهنيج فى اللعبة او اى بطئ يلحظ والمعالج ال Core i7 4790 مع عمى ومعاه نفس المكونات الباقية بس بلاحظ فرق اثناء اللعب وبلاقى بطئ تلاحظة لو انت مركز اوى فى اللعب عشان كده انا عايز بروسيسور Core i7 4790K وغير كده انت لو كسرته لـ 4.2GHZ هتلاقى فارق فى الاداء .. هتلاقى الجهاز بقى فوق الممتاز فى الالعاب .. ولو ما كسرتهوش برضو المعالج قوى فى الالعاب
وبعدين يبقى ابن عمى معاه جهاز احدث منى وهو اصغر منى .. ميـنفعش :D
....................................

يا ريت يا اخ ابراهيم لو سمحت تعملى تجميعة يكون فيها البروسيسور Core I7 4790K تكون فى حدود 5580 ما يزدش عن كده
علماُ بأنى معايا كرت قوى Gigabyte GTX 960 G1 Gaming 4GB GDDR5
ملحوظة الرجاء ذكر الاسم الكامل للقطع عشان بيبقى فى قطع كتير بتحمل نفس الاسم
وربنا يوفقك معلش تعبتك جداً معايا

[phenomenon]

هههههههههه قول كده بقى طالما الموضوع فيها عمك وابن عمك ارشحلك I7-5820K وخليك منافس قوى حتى مش هيقولوا بتقلد :)
على كل حال خلاص طالما نويت توكل على الله

اولا مشكور على ردك ولكن الملك لله وحده اخى الكريم والموضوع بسيط جدا والعمليه وجهات نظر
انت كمل مع تجميعتك خلاص مفيش مشكله طالما العمليه زضحت بس حاول تجيب رامه كمان لانك بقيت فى احتياج شديد لاكتر من 4GB حاليا

افضل مصنع بيصنع انتل جميع المصانع ايرلندا - اريزونا - فيتنام - كوستاريكا - الفلبيين - ماليزيا - اوريجون - اسرائيل - المكسيك - الصين - وغيرهم حسب علمى
المعالج بيتم تصميمه وبيخرج واحد من اى مصنع وانت وحظك بالباتش والعمليه متفاوته جدا ومالهاش قوانين او نماذج عشان تقدر تحدد
لانه بالاساس المعالج المركزى واحد مفيهاش نقاش

افضل دوله مصنعه للبروسيسورات حاليا Intel :) اقصد شافطه السوق لواحدها

[Mustafa2016]

معلش يا اخ ابراهيم اعملى انت التجميعة رجائاً
رجائاً اعملهالى انت التجميعة وما تزيدش عن 5600 جنية وما تنساش الكيسة تحطها فى التجميعة علشان انا مبعرفش اختار كيسات
فى انتظار رد الاخ ابراهيم :ah7:

[عادل مرجان]

انت ليك جبرة فى كسر السرعة دة اولا وثانيا الحاجات دة مش متوفرة بكثرة عندنا فى سوهاج

[عادل مرجان]

Intel Core I7-4790K Devil's Canyon Quad-Core 4.0GHz LGA 1150 Desktop Processor 2600 L.E G.skill RipjawsX 4GB 4GB) DDR3 1600 CL9 1.35v Dual Channel Memory Kit 310 L.E XFX TS Series 650W 80 Plus Bronze PSU 750 مWestern Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD 410 LEL.E,Cooler Master HAF XB Desktop Case 775 L.E

[عادل مرجان]

وبعدين اشترى رامة ثانى مع مازر غير مخصصة للكسر السرعةبشريحة H97 تبقى ب 5855

[Mustafa2016]

انت من سوهاج يا اخ (عادل مرجان) ؟؟
والاسعار دى انت متأكد منها ولا لا ؟؟
وايه المول اللى في سوهاج بيبيع القطع دى ؟؟
وممكن تعملى التجميعة كاملة بالمذربورد ويا ريت يكون فيها كيسة (واقفة) وشكلها جامد وتكون التهوية فيها جامدة .. وتشيل كارت Gigabyte GTX 960 G1 Gaming 4GB GDDR5 3X النسخة الى فيها 3 مراوح فى الكارت .. (وتكون التجميعة بالقطع المتوفرة فى سوهاج)

اخيراً لقيت واحد من محافظة سوهاج
وانا ملييش قوى فى كسر السرعة انا عايز البروسيسور لقوته فقط
وشكراً

[عادل مرجان]

انا من سوهاج بس لاسف حاجات فى التجميعة بتيجى بطلب انت منين من سوهاج

[Mustafa2016]

انا من سوهاج بس لاسف حاجات فى التجميعة بتيجى بطلب انت منين من سوهاج
انا من قرية تابعة لمركزالمراغة محافظة سوهاج
ممكن تعملى التجميعة كاملة حضرتك بالاسعار الموجودة فى سوهاج ( رجائاً اخ عادل ) اعملى التجميعة كاملة وتكون بطريقة منظمة عشان ما تدخلش قطعة فى قطعة تانية
وقلى المول اللى عندو الاسعار فى سوهاج او الى بيبيع القطع دى فى سوهاج رجائاً اعملى التجميعة رجائاً وشكراً مقدماً
وازاى يعنى بتيجى بطلب ؟؟ يعنى انت تطلب القطع الى انت عايزها وهو يجيبهالك

[Mustafa2016]

بـنتظار رد الاخ عادل مرجان

[عادل مرجان]

اخى العزيز مصطفى انا بسالك عن القطع المتوفرة فى سوهاج مشكلة فى كيسة وباور الا مش متوفرين فاصبر شوية لغدا وانا هرد عليك

[phenomenon]

Oveclocking built

CPU : Intel Core I7-4790K Devil's Canyon Quad-Core 4.0GHz LGA 1150 = 2700 LE
Motherboar : MSI Z97 GAMING G43 Socket 1150 Motherboard = 1050 LE
Cooler : Zalman CNPS10X Performa CPU Cooler = 350 LE
Memory : Crucial 4GB DDR3 1600MHz = 250 LE
PSU : XFX TS Series 650W 80 Plus Bronze PSU = 750 LE
Case : ZALMAN Z12 Plus Mid Tower Case = 640 LE
Fan X1 : Corsair Air Series AF120 Performance Edition High Airflow Fan = 160 LE
Fan X2 :Corsair Air Series AF120 Performance Edition High Airflow Fan = 160 LE
Fan X3 : Thermaltake Pure S 12 LED Fan = 55 LE

Total 6.000 LE


Base Clocks Built

CPU : Intel Core I7-4790K Devil's Canyon Quad-Core 4.0GHz LGA 1150 = 2700 LE
Motherboar : MSI H97 GAMING 3 Socket 1150 Motherboard = 950 LE
Cooler : Zalman CNPS5x Performa CPU Cooler = 200 LE
RAM : Crucial 4GB DDR3 1600MHz = 250 LE
PSU : Corsair VS Series VS550M 550w PSU = 525 LE
Case : Corsair Carbide Series SPEC-02 Red LED Mid Tower Gaming Case = 550 LE
Fan X1 : Corsair Air Series AF140 Quiet Edition High Airflow Fan Case = 180 LE
Fan X2 Cooler Master 120mm SickleFlow X Fan (red) = 50 LE

Total 5.450 LE

[phenomenon]

الرد على الاسئله اخى مصطفى :

1- انا ارشحلك معالج Core I7-4790K لانه اعلى من معالج FX9590 بالالعاب وبرامج التصاميم على عكس المنافس ادائه اعلى فى صناعه الملفات الضخمه وبعض البرامج الكتابيه
2- مش تقلق من الباور سواء بالتجميعه الاولى او التانيه لكن اذا كنت تحب تجيب الباور الاول مع اى تجميعه فهيم مفيش مشاكل
لكن الفكره من اختيار الباور بالتجميعتين هى كالاتى : باور 750W مناسب جدا مش عشان كارت الشاشه ولكن عشان كسر سرعه المعالج وبالاضافه لخامه مكوناته
ودرجات حرارته فهو يعتبر من الفئات الاولى فى الاعتماديه اوقات كسر السرعه لانه تصنيع SeaSonic ومتكلف بشكل كبير فى اجزائه الافضل
اما عن التجميعه التانيه فالباور كافى ايضا لكن المرادى عشان خاطر كارت الشاشه بس ومفكرتش فى باور لكسر السرعه لان التجميعه التانيه مش للكسر
بالرغم ان كفائته عاليه ايضا : مش عاوزين ندخل فى تفاصيل دقيقه عشان منتعبشى ونتوهه عن التفاصيل الاهم
التجميعه الاولى للكسر وينبغى الا تقل عنها فى الموصفات اما التجميعه التانيه هتمشى مع الترددات الاساسيه للمعالج

بخصوص اختيار اللوحه ( شخصيا بفضل جيجابايت ) لكن المرادى ارشحلك لوحه MSI H97 Haming 3 لانها افضل فى اشياء عديده

بخصوص المشتت فى التجميعه الاولى هتلاقيه اعلى بالسعر لان كفائته افضل فى التبريد من المشتت فى التجميعه التانيه
عاوزين كفائته افضل فى التجميعه الاولى عشان التجميعه الولى معرض انك ترفع الفولتيه للمعالج اما مع التجميعه التانيه
انت مش هتقدر ترفع فولتيه المعالج ولذلك المشتت هيكون اكتر من كافى

تم التاكد من احجام المشتتين الاتنين وطولهم وتناسبهم مع احجام الكيسستين فى التجميعتين
تقدر تشترى اى مشتت فيهم يناسبك اذا مشيت مع التجميعه التانيه وتقدر تشترى الكيسه اللى تناسبك فى التجميعتين بدون قلق من اى مشتت انه يكون عائق
فى قفل باب الكيس

ممكن تستغنى مؤقتا عن المراوح لان بالتاكيد كل كيسه فيهم هيكون فيها مجموعه مراوح اما عن طريقه توزيع الهواء داخلهم مش هتقدر تعرف الا لما تشتريهم
واعداد المراوح واحجامها بتكون فى صفحاتهم الخاصه بالمواقع
اى مروحه جايه مع الكيسه سواء حجمها 12cm او 14cm بيكون مكتوب جمبها Included
اى مكان خالى لتركيب مراوح اضافيه على حسابك سواء كان اى حجم بيتكتب جمعها Optional اختياريه لو حبيت تشترى

اشترى الهارد وحسب رؤيتك لدرجات الحراره لكن المراوح اهميتها ضروريه وحسب عدد المراوح وكفائه تبريد الكيسه انت هتقرر بنفسك
لكن اعرف بردو ان زياده المراوح فى الكيسه بيكون ليها عامل ايجابى خاصه عشان اللوحه الام لان المشتتات بتطرد الهواء اساخن
فى منطقه المعالج واحنا محتاجين نطرد الهواء دا اما عن طريق سقف Top الكيس او المروحه الخلفيه Rear او المراوح الاماميه Front
فعاوزك تتاكد بنفسك عن امكانيات الكيسيتبن فى عدد المراوح فى الاماكن دى وتشوف بنفسك انت هترتاح لايه وان شاء الله الامور طبيعيه جدا
حتى بدون شرائها مؤقتا وربما الكيس يكون فيه عدد مراوح كافى بالفعل وفيه نظام تهويه كويس وترتيب للاسلاك بشكل احترافى

[Mustafa2016]

انت جاوبت على كل اسئلتى والله وعلى كل استفساراتى
اعانك الله اخ ابراهيم وجعله الله فى ميزان حسناتك ربنا يخليك
ويجعلك من الذين يدخلون الجنة بغير حساب
اعانك الله يا مبدع عرب هاردوير اثابك الله يا اخ ( ابراهيم )