الكمبيوتر بيعمل ريستارت بدون انذار ارجو المساعده

[Lustra]

السلام عليكم

دلوقتي انا بفتح الجهاز من 5 الفجر مثلا او قبلها وبيفضل شغال عادي جدا بدون اي مشاكل لحد الساعه 1 الضهر ويبدا يعمل ريستارت لوحده من غير انذار يعني الجهاز بيفضل شغال اكتر من 8 سعات بدون اي مشاكل فا مظنش ان ده عيب حمل لانه بيتحمل فتره طويله عادي بس لما بيحصل ريستارت المروحه اللي عندي في الغرفه بتضعف وترجع لسرعتها تاني يعني حاسس انه ضعف في التيار وبيرجع تاني بس المشكله ان مفيش اي اجهزه في البيت بتتاثر الا المروحه وجهاز الكمبيوتر مش عارف دي مشكله ايه بالظبط ومروحه البروسيسور ومروحه الباور شغاله والحراره دايما طبيعيه لاني متابعها بالنسبه للبروسيسور وكارت الشاشه اما الرامات منضف مكانها ومنضفهم كويس مش عارفه بصراحه اعمل ايه لان الموضوع بدأ يزهق ويخنقني بقالي اكتر من اسبوع في العذاب دا كل ساعه الجهاز بيفصل من مره لـ 3 مرات وخايف ده يأثر عليه علي المدي البعيد يا تري في حل ؟

[ahmadrashad]

السلام عليكم ورحمه الله

عموما في اجهزة تردد التيار بالانخفاض والارتفاع بياثر فعلا عليها انصحك لو تقدر توفر افو ميتر وتقيس الفولت الخارج من البرايزة لانه لو قل عن 200 فولت فدة مؤشر خطر علي الكمبيوتر اقل من 175 طبعا دة حد خطر علي كل الاجهزة الي شغاله في البيت مش قدامك غير انك تجيب استبليزر الي هو مثبت الجهد عند 220 فولت ولازم تجيبه ماركه كويسه عشان ميبقاش شغل علي الفاضي وبالنسبه للكمبيوتر يعتبر 500 وات لاستبليزر كويسين عليه وطبعا اغلب الناس بتجيبه عشان ال UBS لان اي تردد للتيار بيخليه ميعملش الشغل المطلوب منه علي اي اساس انصحك انك كمان تتاكد ان مروحه البور سبلاي تكون شغاله وادائها كويس شوف كدة هتعمل اي اواحنا معاك

[Lustra]

السلام عليكم ورحمه الله

عموما في اجهزة تردد التيار بالانخفاض والارتفاع بياثر فعلا عليها انصحك لو تقدر توفر افو ميتر وتقيس الفولت الخارج من البرايزة لانه لو قل عن 200 فولت فدة مؤشر خطر علي الكمبيوتر اقل من 175 طبعا دة حد خطر علي كل الاجهزة الي شغاله في البيت مش قدامك غير انك تجيب استبليزر الي هو مثبت الجهد عند 220 فولت ولازم تجيبه ماركه كويسه عشان ميبقاش شغل علي الفاضي وبالنسبه للكمبيوتر يعتبر 500 وات لاستبليزر كويسين عليه وطبعا اغلب الناس بتجيبه عشان ال UBS لان اي تردد للتيار بيخليه ميعملش الشغل المطلوب منه علي اي اساس انصحك انك كمان تتاكد ان مروحه البور سبلاي تكون شغاله وادائها كويس شوف كدة هتعمل اي اواحنا معاك

وعليكم السلام ورحمه الله

شكرا علي ردك يا استاذ احمد ... انا سبت الجهاز شغال فتره مفتوح عشان اتابع مروحه البروسيسور وكارت الشاشه والباور وشغالين عادي جدا والفصل بيحصل وقت ضعف التيار بس المشكله ان الضعف بيأثر علي المروحه اللي في الاوضه والكمبيوتر بس بلاقي سرعه المروحه بتقل وبعدين ترجع للسرعه الطبيعيه والجهاز يعمل ريستارت لكن باقي الاجهزه في البيت بتشتغل عادي انا الباور اللي عندي Highlink 350 وات تقريبا لان الجهاز مش high end يعتبر جهاز طبيعي لالعاب مش تقيله .... انا عملت شكوي لموضوع الكهرباء مع اني عارف انهم مش هيعملو حاجه مش عارف دلوقتي اودي الجهاز لمختص يشوفه ولا ايه ... هل تعرف سعر الاستبليزر بيبقي كام ؟

[ahmadrashad]

سعر الاستبليزر بيختلف من شركه للتانيه يعني لو ياباني 500 وات ممكن يوصل 750 جنيه في نوع فتنامي شوفته كان عامل 575 جنيه برضو 500 وات في نوعيات صيني سعرها بيكون 275 جنيه بس انت وحظك في نوعيات فعلا بترفع الجهد لو قل وفي نوعيات ولا بتعمل اي حاجه شوف مركز بيع الادوات الكهربائيه عندكم واسال في كذا محل لو هتشري لحد ما تاخد فكره عن الانواع و الاسعار بس خليك فاكر 500 وات لان في بيوصل لحد 5000 وات ويزيد كمان شوف كدة ولو اي حاجه انا متابعك وبالنسبه لشركه الكهرباء مع الصيف ودرجه الحرارة العاليه وكله مشغل تكييفات دة بيكون وقت ذروة فعلا مش هيقدرو يعملو ليك حاجه

[RADEON009]

السلام عليكم