السلام عليكم ورحمة الله وبركاته

[Omar Kamal]

انا اخوكم عمر من مصر
ودة اول سوال ليا في الموقع
عندي pc محتاج باور سبلاي
Intel core i7 4770
Nivida geforce 780ti عدد 2 sli
Ram 4*4 Kingston hyper x total 16 gb
Gigabyte motherboard GA-Z87X-D3H
Dvd rom r\w Asus
4hdd
(3) western digital 7200rpm
And 1 seagate 6tb 7200 rpm
الي جانب مروحة البروسيسور و عدد(4) مرواح تهوية كبيرة
انا كان عندي
Power supply xfx 850 w
بس الجهاز بيفتح و يقفل يفتح و يقفل بدون توقف في ناس قالت دة الباور عايز يتغير او مكان البروسيسور عايز يتغير عشان في سنون متنية لذا ارجو سرعة الاجابة
لو العيب في الباور اجيب اية و سعرة كام و فين
ولو مكان البروسيسور بيتغير ولا لا و بكام و فين
مع العلم الجهاز خارج الضمان و شكرا و سمحوني لو في خطا في الكتابة انا كتبت من الموبيل
و اسف على الازعاج

[محمد البرديسى]

فى البدية شوف موضوع البوردة اخى ومكان السنون لو فيها مشكلة اذهب الى التوكيل

[ahmadrashad]

السلام عليكم ورحمه الله

اولا انا استبعد ان المشكله من البور سبلاي الا اذا كانت المروحه بتاعته تقلت ومش بتعمل تبريد للبور ممكن في الحاله دة تكون المشكله منه وهتلاقي جسم البور سبلاي في الحاله دة بيسخن جدا لكن شوف موضوع السنون وقولنا انت من اي محافظه عشان الاعضاء تقدر تقولك تروح لمين بخصوص المازر بورد

[Omar Kamal]

شكراً جدا على الاهتمام الكبير و سرعة الرد
انا من محافظة القاهرة عايز اعرف فين التوكيل لان سوق العصر واحد قالي ان اغلب اللي هنا ناصبين

[Omar Kamal]

ايه يا جماعة مساعدة

[phenomenon]

القسم الصحيح قسم المشاكل وحلولها
المشكله مستبعده من الباور سبلاى الا ان كان الباور سبلاى فيه عيب فعلا ولازم تتاكد من تشغيله على جهاز تانى اولا
المشكله ممكن تكون من بنن المعالج فعلا

بس سؤال .. مين اللى قال ليك ان البنن معوجه ومحتاجخ تغيير ؟ هل فى فنى هاردوير شافها ؟ مين الناس اللى بتقول دول ؟ وبناءا على ايه قالوا كده ؟
سؤال تانى : هل الجهاز جايلك كده فعلا ولا دى مشكله منك انت اثناء التركيب وخلال شرحك للمشكله اتضح ان العيب من البنن ؟
هل جربت تشتغل على رامه واحده او تغير مكان سلوت الرام اللى بتركب الرامات فيها - هل متاكد من وصلات الباور فى اللوحه الام
شغلتها قبل كده ولا مشغلتهاش ؟ خليك مستفيض فى الشرح يمكن تكون بسيطه او يمكن فعلا محتاجه صيانه

على كل حال مينفعشى نقول هات باور والسلام .. باور XFX من افضل الباورات عالميا ومش بالسهل يكون فيه مشكله واذا كان بيبوظ يبقى ليه اسمه XFX
الامر مستبعد ايضا سواء كان داعم Haswell Ready ام لا المفروض يقوم المنصه بسهوله

لكن انت بتقول فى ناس قالت .. مين الناس اللى قالت دى ؟ هل شافوا اللوحه قدام عنيهم ؟

انت المفروض بباور ب 20 جنبيه تقدر تقوم الجهاز كبدايه التشغيل مش قضيه كبيره حتى لو كان كابل باور المعالج 12V EPS عدد 4 بن فقط مش 8
لكن لو الموضوع هيحتاج صيانه للوحه الام فدى لازم ترجع ضمانها لكن انت بتقول خارج الضمان بردو
يبقى مفيش امامك غير صاينتها فى شركه هاردوير محترمه بس خلى فنى هاردوير يشوفها الاول

[Omar Kamal]

اولا شكرا جزيل الشكر للعضوPhenomenon
انا جالي مهندس جاري كشف على الكيسة و قالي سنون البوردة معوجة ممكن يكون العيب منها بس محدش جية جنبها لان الاسرة كانت مسافرة قالي روح سوق العصر روحت لشركة
Maximum computer
قالو نفس الكلام بس مش مفيش عندهم صيانة
روحت كوين سنتر قالو نفس الكلام بس لازم اسيب الكيسة كان معايا صحابي قالوا لا شكلهم نصابين و فعلا الراجل كان بيتحايل عليا اسيب الكيسة و مكنش عارف يفكها
انا قولت اروح التوكيل بس الضمان منتهي لان الكيسة بقالها 4سنين و ضمانها gamma

[Omar Kamal]

علي فكره نوع البور PRO Series 850W PSU Black Edition - P1-850B-BEFX - XFX
جالي شحن من برة مصر

[phenomenon]

كده الامور اصبحت واضحه ومعتشى ليه لزوم الكلام عن الباور نهائى ...
الكيسه ضمانها منتهى بس احنا عاوزين ضمان البورده بس والبورده اكيد فيها فتره ضمان لسى بس لو جيالك من الخارج بردو هتبقى نفس الباور
على كل حال ممكن تروح ضمان جاما عادى وتتاكد منهم مره تانيه على العيب وتسالهم على تكلفه الصيانه وفرصه رجوعها سليمه مره اخرى

ومش تقلق من الباور اطلاقا اخى الكريم : الباور سعره فى مصر تقريبا 1000 جنيه مصرى يعنى مضمون لسنوات طويله باذن الله
ولو عاوز تتاكد اكتر زى مابقولك اى باور ب 20 او 30 جنيه هاته وجرب تقوم اللوحه الام وشوف الامور معاك عامله ايه بس انا رايى
طالما جميع من ذكر امر العيب فى البنن هم شركات هاردوير بالفعل يبقى مفيش كلام بعدهم

[Omar Kamal]

تم حل المشكلة طلعت فى سنون البروسيسور و تم عملها فى التوكيل gamma
ب 200 جنيها
شكرا جزيلا