اريد ان اعرف رأي الاخوة الاعضاء في شراء صب ويفر بصوت محيطي 5.1

[lovingmido]

بسم الله الرحمن الرحيم
السلام عليكم ورحمة الله وبركاتة

قررت ان اشتري صب ويفر صوت محيطي 5.1 وبعد بحث طويل علي النت من الموديلات وجدت ماركة Edifier
واخترت منها موديل s760d صوت محيطي 5.1
وهذا رابط الخاص بموقع الجهاز
https://www.edifier.com/us/en/speakers/s760d-5.1-gaming-speakers
وجدت سعره 4600 جنية مصري
مع العلم ان موصفات جهازي وهي كالتالي
core i7-3770k
ASUS (https://rd.bizrate.com/r/6097214225?af_assettype_id=12&af_placement_id=1635526&af_creative_id=2932&rf=af1&af_id=26865) Maximus V Formula
ASUS GTX 680 DirectCU II Top 2GB GDDR5
Cooler Master HAF X Full Tower
CORSAIR Vengeance 8GB (2 x 4GB) DDR3 1600 CL9 Dual Channel Memory Kit
Corsair Force Series GT 120GB SATA III Solid State Drive (https://www.amazon.com/dp/B00KHRYRLY) (SSD
Seagate Barracuda (https://www.walmart.com/ip/Seagate-Barracuda-1TB-Hard-Drive/34514723) ST2000DM001 2TB 7200 RPM SATA 6GB/s 64MB Cache
XFX ProSeries XXX Edition 850W PSU 80 Plus Silver - Semi-Modular
فما رأي الاخوة الأعضاء بهذا الصب ويفر من كل النواحي
فما رأي الاخوة الأعضاء بهذا الصب كصوت محيطي مع هذا الجهاز
وهل يوجد افضل منه من نفس الفئة السعرية
وهل يستحق هذا الثمن
وهل احتاج الي كارت صوت خارجي لتشغيله
وهذه صورة من الصب من علي النت
https://arabhardware.net/forum/attachment.php?attachmentid=29303&stc=1

باذن الله الشراء في خلال يومين علي الأكثر من القاهرة
واشكر جميع أعضاء المنتدي الرائع لما استفد منه في كثسر من الأوقات

[arrow92]

تم النقل للقسم الصحيح

[lovingmido]

شكرا لك
واسف علي الخطاء الوارد مني

[lovingmido]

إلا يوجد أعضاء عندهم أي معلومات عن الصب ده

[weaamx]

ال 760D رائعة طبعاً , و بالنظمة للأنظمة الموجهة للكمبيوتر فهى تعتبر رأس الهرم فى مصر ...

فى 2 أوبشن :

1- إنها أفضل من الهوم ثيتر و ده فى حالة

* هتستخدمها للكمبيوتر بالأخص

* إنك من هواه البيز - مستحيل تحصيل البيز بتاعها بالسعر ده من أى هو ثيتر فى مصر -

* إن ده أقصى رينجك فى الفلوس

2- الهوم ثيتر أفضل و ده فى حالة

* إنك مش عايز بيز أو مش مفيد للأهتماماتك

* إن التفاصيك الصوتية و الكواليتى فى المقام الأول و بتسمع صوت هادى سواء فى الأفلام أو غيره

* إنك ممكن ترفع رينج السعر لأعلى

-- مش هتحتاج كارت صوت لو هتوصل أوبتيكال على البوردة على طول ..

-- ملحوظة : كان فى قطعة فى فيرجن بسعر 4500

[lovingmido]

شكرا مشرفنا الغالي علي معلوماتك القيمة
وان شاء الله انا متوجه الي الشراء اليوم
جزاك الله كل خير

[m7amd_7amdy]

الف مبروك ياباشا وأختيارك ممتاز جداا والموديل ده محترم جدااا جداا
ومتأكد إنك هتاخد صوت محترم ونقى جداا وعالى جدا جداااا وبيز يهد الجدار :)
انا مجرب الشركة دى فى موديل C6XD من سنتين تقريبا
وممتاز جداا سواء صوت عالى ونقاء وبيز مع انه 85 وات تقريبا اجمالى
انا كنت هجيب الموديل بتاعك S760D بس بعد بحث كتير توصلت ان الهوم ثيتر = ريسيفر + سماعات + صب ووفر
بمعنى أصح هوم ثيتر حقيقى وسينما بجد وتفاصيل أدق وجبت الوحش ONKYO HT-S7705
https://www.intl.onkyo.com/products/system_components/home_theater/ht-s7705/index.html

نصيحة أخيرة لازم ولابد توصل الجهاز بتاعك بوصلة الأوبتيكال عشان تاخد اعلى اداء
واى وصلات تانية هيبقى الصوت ردىء
وعن تجربة فى الموديل اللى عندى
بالتوفيق

[lovingmido]

شكرا لك اخي العزيز
وشكرا مره اخري علي ذوقك في الكلام
ربنا يبارك فيك يارب أن شاء الله
وألف مبروك لك علي الهوم ثيتر ربنا يبارك لك فيه
بس انا مشكلتي اني مش فاهم فيه أي حاجه خصوصا توصيلاته دي وأول مره اجرب سماعات بالشكل ومش عارف توصيلاته غير أني وصلت السماعات بالصب وعشان أوصل الصب بالكمبيوتر تعبت جدا لحد ما اشتغل بس مع المحاولات عرفت اشغله عن طريق الكابلات العادية ومع التجربة اشتغل أيضا بوصلة الاوبتكال وهي فعلا اختراع جامد
بس حاليا مش عارف اضبط مستويات الصوت ومش عارف اسمع خالص الصوت المحيطي اللي بيتكلمه عليه نهائي ومش حاسس بية خالص
يمكن في ضبط للموضوع ده وانا مش عارف اعمله ازاي
وكمان عندي الصب نفسه بيسخن جدا جدا من الخلف وسألت مكان ما اشتريته قالي ده طبيعي مش عارف بقي ده طبيعي فعلا ولا لا.
وهل فعلا الهوم ثيتر ده أفضل في المستوي من الصب اللي معايا بس حضرتك بتقول أن الهوم ثيتر=ريسيفر +سماعات +صب
يعني ممكن أجيب ريسيفر ويكون هوم ثيتر ولا مش ينفع
وانا اسف أني طولت في كلام بس فعلا انا لا أفقه شئ في الموضوع ده لاني اول مره اجرب حاجه زي دي
وانا بشكر جميع أعضاء المنتدي لاني حقا استفدت منه في حاجات كتيييير جدا جدا

[m7amd_7amdy]

الله يبارك فيك شكرا ليك
بص ياسيدى الموضوع مش صعب اطلاقا
انت بس خد الشاى بتاعك وركز شوية
وافتح الكتالوج هتلاقى صور طريقة تركيب جميع الوصلات اللى مفروض تعملها
وبما انك اشتريت الطقم ده خلاص متفكرش فى حاجة تانى ولا تشترى ريسيفر ولا حاجة
وانت معاك طقم محترم
بعد ماتوصل الوصلات بتاعت السماعات فى اماكنها السليمة
زى ماقولتلك الغى اى وصلات تانية توصلها بالكومبيوتر
هى وصلة واحدة بس الاوبتيكال وده هيديك اعلى اداء
نفس الكلام ممكن توصل الطقم بكابل اوبتيكال برده للشاشة لو عندك شاشة كبيرة وتقريبا على ما افتكر عندك 3 مخارج اوبتيكال
موضوع السخونية ده عادى متقلقش بس حاول متحطهوش فى مكان مكتوم وخليه فى حته طراوة
موضوع الصوت المحيطى ده معتمد اعتماد كلى على الفيلم اللى حضرتك هتشغله
يعنى لازم يكون الفيلم عندك بيدعم الصوت المحيطى 5.1
سواء دولبى او dts
وهنا هتحس بالفرق بين الفيلم ده واى مقطع صوتى تانى تشغله
حاجة كمان لازم تكون موزع السماعات مظبوط
وكل سماعة فى مكانها زى الصورة دى كده
29406
لو محتاج حاجة قولى

[lovingmido]

والله كلك ذوقك وشاكر ليك جدا جدا علي معلوماتك المفيدة دي ربنا ما يحرمني من أعضاء المنتدي العزيز علي قلبي ده خصوصا بأعضائه المحترمين مفيش حد منهم بيتاخر عن مساعدة الآخرين
وانا اسف علي الإطالة
حضرتك انا مش بفكر اشتري حاليا الريسيفر انا كنت بسال فيما بعد لو اشتريت ريسيفر هينفع يشتغل عليه ويكون حاجه ممتازة أو لازم يكون (سمعات + صب )مخصص الرسيفر إنما ده مينفعش
تمام هو ده تقريبا نفس توزيعة السماعات في الغرفه عندي بس بحس أن السماعات الخلفيه صوتها واطي شوية وان السماعات الأمامية أعلى بسيط منها وبعد كده كل الصوت بيتركز في السماعة الكبيرة شوية دي اللي بتكون في الوسط.

[m7amd_7amdy]

شكرا ليك
هو عشان تشترى ريسيفر لازم تشترى فى المقابل سماعات احترافية
يبقى كده مسرح كامل غير اللى عندك
السماعات السراوند اللى هما بيكونوا ورا بيبقى ليهم تأثيرات تانية غير اللى قدام
وفعلا بيكونوا اوطى شوية من الفرونت والسنتر
ودول اللى بيخلوك تسمع الصوت المحيطى وزى ماقولتلك لازم يكون الفيلم بيدعم ده

[lovingmido]

شكرا يا باشا
تمام كده انا بدأت أفهم ربنا يبارك فيك
ولو في حاجه وقفت أمامي لا قدر الله هكون اسف علي ازعاجك مره تانية
شكرا مره اخري يا باشا علي معلوماتك المفيدة

[ahmedwega]

ممكن تعمل مراجعه عن السماعات وتقولنا رايك فيها