مشكله فى البرسيسور [الأرشيف] - منتديات عرب هاردوير

مشاهدة النسخة كاملة : مشكله فى البرسيسور

BeBo_Boy

14-08-2015, 18:02

السلام عليكم ورحمة الله

امبارح اشتريت برسيسور وبوردة i5 4590 / H81 وركبتهم بس درجة حرارة البرسيسور فى الخمول بتوصل 57 وانهردا فوق ال 60 ووقت الضغط وصلت امبارح 80

للعلم انا محطتش معجون حرارى لانه كان فى فى اسفل الفانه معجون فركبتها على طول

اتصلت بالمحل اللى اشتريت منه قالى دا عادى لان الجو حر ومتقلقش الا لو الجهاز فصل منك غير كدا عادى

بس مش معقول كل دا بسبب الجو كنت همسح المعجون واحط تانى بس هو قالى لا متحطش حاجة

فهل الكلام دا صحيح ودا طبيعى ولا لا وايه الحل ؟

BeBo_Boy

14-08-2015, 18:05

صورة من الدوس لحرارة البرسيسور

(https://https://www13.0zz0.com/2015/08/14/18/670244207.jpg)https://www13.0zz0.com/2015/08/14/18/670244207.jpg (https://https://www13.0zz0.com/2015/08/14/18/670244207.jpg)

ahmadrashad

14-08-2015, 19:03

BeBo_Boy

14-08-2015, 19:11

وعليكم السلام ورحمه الله وبركاته

فعلا درجه الحراره في الخمول تعتبر عاليه نسبيا بس متقلقش لانه ممكن يستحمل لغايه 90 درجه اعتقد انك محتاج مروحه اضافيه تركبها في الكياس الي هي خلف البرسيسور عشان تطرد الحرارة خارج الكيسه باستمرار مع الالتزام بقفل الكياس متسبهوش مفتوح بيعمل حراره اعلي طبعا لو مفيش مراوح داخل الكياس الا مروحه البرسيسور ممكن تسيها مفتوحه لحد ما تجيب مروحه وياريت تذكر نوعيه الفانه المتركبه و الباور سبلاي وممكن تقري الموضوع دة هيفيدك في موضوع التبريد :

https://arabhardware.net/forum/showthread.php?t=429632

شوف كدة وانا متابعك

اولا شكرا لاهتمام حضرتك

انا حضرتك مركب مروحة فى ضهر الكيسة غير المروحة اللى فى الباب ومروحة البرسيسور وكارت الشاشة والبور

والبور سبلاى بتاعى زالمان 350 وات

وحاليا جربت اللعب لعبة متوسطة زى فيفا 15 الحرارة بتوصل ل 77 ولما قفلت اللعبة نزلت بقت 53 دلوقتى

محمد فاروق غازي

14-08-2015, 20:38

عليكم السلام ورحمة الله وبركاته
أنا عندي نفس اللوحة وبروسيسور Core I5-4440 ودرجة حرارته في الخمول 51 وبتوصل لـ 53 وفي الضغط بتوصل فوق الـ 70
وفي الأول كنت فاكر إن فيه مشكلة في درجات الحرارة برده لكن بعد البحث لقيت إن ده طبيعي جدًا، والبروسيسور شغال بكفائة عالية حتى وقت الضغط
فالكلام اللي المحل قالهولك كله تمام إن شاء الله، وهو فعلاً أنت معدلاتك فوق الطبيعي بدرجتين أو 3 بس ده مش معناه إن البروسيسور فيه عيب
المعدلات دي طبيعية بردة ومقبولة خاصة في الجو ده وأغلب بروسيسورات الجيل الرابع معدلات درجات حرارتها عالية نسبيًا فمتقلقش من حاجة يا أخي
وبإذن الله لما موجة الحر دي تعدي على خير هتلاقي درجات الحرارة بقت تمام عن كده
المهم كل فترة تنفخ الأتربة من على مشتت البروسيسور والكيس والقطع عمومًا
ومبارك عليك اللوحة والبروسيسور وربنا يبارلك فيهم

BeBo_Boy

14-08-2015, 21:03

جزاك الله خير يا استاذ محمد

كلامك مظبوط خصوصا البرسيسور دا 4 كور وبيسهتلك بور 80 وات مع الجو الحر دا اكيد دا السبب فى درجة الحرارة دى

عموما انا شغلت مروحة باب الكيس كمان ودرجة الحرارة حاليا من 48 ل 50

بس كمعلومة عايز اعرف اما توصل كام درجة فى الضغط يبقى كدا خطر

ahmed_BF4

14-08-2015, 21:38

بص يا اخى درجات الحرارة لديك مرتفعة قليلا لكن الموضوع ده بيعتبر نسبى وبيتوقف على عدة عوامل ....
اولا درجة حرارة الغرفة نفسها اللى الجهاز فيها ....
وضع الكيسة فى مكان جيد التهوية ....
عدد مراوح التهوية الموجودة بالكيسة ....
لو باب الكيسة الجانبى مفيهوش مروحة يرجى فكه وازالته لان الجو حر ...
لو تقدر توصل لمعجون حرارى احترافى من اى ماركة معروفة يبقى امسح اللى موجود حاليا (تمام دون ترك اى اثر ) واضف من المعجون الاحترافى
حاول تستخدم اكتر من برنامج لمراقبة درجات الحرارة علشان توصل للادق لان فى برامج بتقرا فوق الحقيقى بدرجتين او 3

محمد فاروق غازي

14-08-2015, 21:41

لو عايز الدقة موضوع درجة الحرارة اللي تمثل الخطورة ده نسبي وبيعتمد على نوع المعالج ونظام التبريد ودرجة حرارة المكان عمومًا والبرنامج اللي ضاغط على المعالج سواء كانت لعبة أو برنامج جرافيك ثقيل أو غيره
بمعنى إن في معالجات مثلاً مخصصة لكسر السرعة فطبيعي تكون درجة حرارتها وقت الضغط أعلى من غيرها وعشان كده لازملها مشتتات احترافية ونظام تبريد فلو قولنا مثلاً إن معالج Core I5 - 4770K بتوصل درجة حرارته
مع كسر السرعة وتشغيل برنامج من العيار الثقيل لـ 85 درجة ده منطقي ومقبول وفي نفس الوقت الدرجة دي غير مقبولة مع معالج كور آي 5 نفس الجيل غير مكسور السرعة
عمومًا في حالتك وقت الضغط الشديد في الجو ده معاك لمنتصف وأخر السبعينات ولو عليت عن كده الخطورة هتكون في العمر الافتراضي للمعالج وممكن الأداء يتأثر بنسبة قليلة جدًا متزدش عن 10%
لكن المعالج هيفضل شغال عادي جدًا وطبعًا درجات الحرارة العالية هتكون وقت الضغط فقط مش هتكون طول الوقت

BeBo_Boy

14-08-2015, 23:45

تمام انا كدا فهمت بس اخر حاجة علشان ابقى مطمن الصبح قبل مكتب الموضوع شيلت المروحة ومسحت المعجون من على البرسيسور خالص بس الفانه كان لسه فيها معجون وركبتها تانى كدا فى مشكله ولا احط معجون بدل اللى مسحته

محمد فاروق غازي

15-08-2015, 00:29

كان المفروض متمسحوش لأن المعجون اللي بيجي على مشتت مروحة المعالج بيكون احترافي أو قريب من الاحترافي
المهم حط معجون بدل اللي اتمسح بس قبل ما تحط نظف أي بقايا للمعجون القديم من على المعالج أو مشتت المروحة بشكل جيد
ولما تحط المعجون الجديد حط مجرد نقطة بحجم حبة البازلاء فوق منتصف المعالج بالضبط وبس على كده تركب المروحة وتقفل

BeBo_Boy

15-08-2015, 01:38

انا محتطش لان لقيت المروحة لسه عليها معجون لو كدا امسحه واحت تانى

ahmed_BF4

16-08-2015, 14:28

لأ كده امسح كبه ونضف تمام وزى ما قولتلك لو تقدر تجيب معجون احترافى هيفرق معاك لو متقدرش حط من العادى زى ما الاخ محمد فاروق شرحلك الطريقة
وقولنا بعد كده درجات الحرارة عاملة ايه

RADEON009

25-08-2015, 00:48

حط تانى بعد التنطبف

BeBo_Boy

25-08-2015, 00:51

مسحت القديم اللى اصلا كان اكنه ممسوح وحطيت جديد

وحالبا درجة الحرارة من 40-44 فى الخمول وبتوصل من 60-70 فى الضغط مع الالعاب احيانا

BeBo_Boy

29-08-2015, 01:33

للاسف الحرارة انهردا من اول مفتح الجهاز بتبقى 60 مع ان الجو انهردا مش حر اوى ومعملتش لسه اى حاجة فى الجهاز لسة فاتحة حالا

كلمت من شويا الدعم فى Intel قالى ان دا طبيعى والحد الخطر فوق ال 72 وان لو عدت الدرجة اكتر من كدا ممكن يكون العيب فى ال BIOS واحدثة لاخر اصدار واشوف النتيجة انا بصراحة مش مقتنع ايه رايكم ؟