استفسار بخصوص باص الرام

[Osama Hisoka]

السلام عليكم و رحمه الله و بركاته

فى كام سوال كده عاوز اسال فيهم لو سمحتم

نوع البورد الى عندي gigabyte h61-s2p-b3 الاصدار الثانى

https://arabic.gigabyte.com/products/product-page.aspx?pid=4293#ov

و المفروض انها تدعم باص رام لحد 2200 و انا معايا رام باتريت باص 1333 و هي شغال بالفعل بباص 665.1 علشان طبعا سينجل

بس جيبت واحد تانيه من صديق ليه كينج استون هايبر اكس باص 1600 و الى هى المفروض تشتغل بنفس باصها على البورد الى عندي حسب كلام الموضوعين دوال

https://arabhardware.net/forum/showthread.php?t=403356

https://arabhardware.net/forum/showthread.php?t=414914

بس لقيتها نزل الباص بتاعها لحد 1333 زي الى عندي لو كنت مشغل الاتنين مع بعض

جربت اشغلها لوحدها و ارفع الباص بنفسي من البايوس بس برده دون جدوي بتقرا باص 665.1

و لما اشغل الاتنين مع بعض مش المفروض ان الباص يقرا كام يعنى يبقي 1333 ؟؟؟

الباص ببرنامج cpuz بيقرا برده 665.1 دا بقي عيب من ايه ؟؟؟

مع انى جربت اغير مكان كل رام بس يبقي الوضع على ما هوه عليه

[Osama Hisoka]

دي يا جماعه صوره من برنامج cpuz

https://arabhardware.net/forum/attachment.php?attachmentid=29423&stc=1

[SheTos.]

طب وهو ينفع تشغل رامتين باصهم مختلف مع بعض ؟

[ahmadrashad]

السلام عليكم ورحمه الله

انا الموضوع دة حصل معايا في كذا تجميعه وكمان لما كنت بنرفع التردد يدوي كان بيرفع بس الجهاز بيكون غير مستقر تقريبا علي ما اعتقد بيكون شايف الفعلي الخاص بالرامه العيب مش من المازر بورد طالما هي داعمه بس اتاكد من باص البرسيسور عشان متكونش واقع في عنق الزجاجه وشكرا

[Osama Hisoka]

السلام عليكم ورحمه الله

انا الموضوع دة حصل معايا في كذا تجميعه وكمان لما كنت بنرفع التردد يدوي كان بيرفع بس الجهاز بيكون غير مستقر تقريبا علي ما اعتقد بيكون شايف الفعلي الخاص بالرامه العيب مش من المازر بورد طالما هي داعمه بس اتاكد من باص البرسيسور عشان متكونش واقع في عنق الزجاجه وشكرا

المعالج core i3 2120

حتي الرفع اليدوي مش بيترفع اكتر من 1333 مع ان المفروض ان الباص دا للرام و الرام باص 1600

بس الباص فى وجود الرامتنين بيقرا 665.1 و هوه هوه لما اشغل رام واحد برده بيقرا 665.1

[Osama Hisoka]

طب وهو ينفع تشغل رامتين باصهم مختلف مع بعض ؟

اه عادي بس التردد الرام الاصغر هيكون هوه الاساس و التانيه هتقل معاها و دا عموما بيسبب بعض المشاكل

[phenomenon]

وعليكم السلام ورحمه الله وبركاته
شوف اخى الكريم ..
1- اذا اشترينا رامه باص 2400MHz وركبناها مع باص 1066MHz لازم الاتنين ينزلوا لتردد 1066MHz تلقائيا والا البورده هتعانى فى الاستقرار
2- جميع لوحات Intel H61 بتدعم اقصى التردد 1333MHz
3- معالج Sandy Bridge الجيل التانى بيدعم خاصيه XMP او Xtreme Memory Profile
بمعنى ان متحكم المعالج اقصى تدعيم ليه ان كان 1600MHz فتبدا بتنشيط بروفايل XMP من البيوس عشان الرامه توصل الى 2400MHz
لكن بالنسبالك اولا الرامه الاولى الاقل بالتردد بالتاكيد هى التاثير الاول على هبوط تردد الرامه الاخرى 1600MHz فيهبط كلاهما الى 1333MHz

4- تردد سرعه الرام ( DRAM Frequncy ) بالصوره هو DDR 665MHz
وبما ان DDR هى Double Data Rate اى 665MHz مضروبه فى X2 = يبقى النتيجى 1330MHz
اذن راماتك تعمل بشكل سليم تماما
وتذكر ان اقصى تردد مدعوم للوحات H61 هو 1333MHz

[Osama Hisoka]

حضرتك دي البورد و الاصدار بتاعها
https://arabic.gigabyte.com/products/product-page.aspx?pid=4293#ov
و مكتوب انها داعمه لحد باص 2200 و الى انا فاهمه ان الباص فى الاول و الاخر للرام يعنى انا لما باجي اركب ال الى هى 1600 لوحدها بتقرا برده 665.1 من البرنامج cpuz بس من على التسك مانيجر بتقرا باص 1333

اما لو ركبت معاها الرام التانيه مفيش اى حاجه بتتغير فى الباص من البيوس او برنامج cpuz او التسك مانيجر للويندس برده الاتنين شغالين على 665.1 و التاسك مانيجر بيقراهم 1333

ولو ركب الرام الاقل باص لوحدها برده نفس القراءه فى كل الاماكن دى مفيش اى تغيير

و للعلم انا كان معايا اتنين رام نفس النوع باص 1333 و كانت لما اركب واحد تقرا 665.1 فى كل الاماكن اما لما اشغل الاتنين مع بعض بيقرؤ 1333 فى كل الامكان برده بس كانو الاتنين نفس الباص و نفس الذاكره

ممكن حضرتك تقولي تفسير لدا ؟

[Osama Hisoka]

و لا ممكن هنا الفولت ليه اهميه فى الكلام دا ؟؟؟

علشان الرام الى هى باص 1600 تعمل بفولت مابين 1.7 الى 1.9 دا مكتوب على الرام بس من البايوس وبرنامج cpuz متكوب انها تعمل ب 1.5 فولت ؟؟

[phenomenon]

حضرتك دي البورد و الاصدار بتاعها
https://arabic.gigabyte.com/products/product-page.aspx?pid=4293#ov
و مكتوب انها داعمه لحد باص 2200 و الى انا فاهمه ان الباص فى الاول و الاخر للرام يعنى انا لما باجي اركب ال الى هى 1600 لوحدها بتقرا برده 665.1 من البرنامج cpuz بس من على التسك مانيجر بتقرا باص 1333

اما لو ركبت معاها الرام التانيه مفيش اى حاجه بتتغير فى الباص من البيوس او برنامج cpuz او التسك مانيجر للويندس برده الاتنين شغالين على 665.1 و التاسك مانيجر بيقراهم 1333

ولو ركب الرام الاقل باص لوحدها برده نفس القراءه فى كل الاماكن دى مفيش اى تغيير

و للعلم انا كان معايا اتنين رام نفس النوع باص 1333 و كانت لما اركب واحد تقرا 665.1 فى كل الاماكن اما لما اشغل الاتنين مع بعض بيقرؤ 1333 فى كل الامكان برده بس كانو الاتنين نفس الباص و نفس الذاكره

ممكن حضرتك تقولي تفسير لدا ؟



ايوه فعلا هقولك الفكره ... عشان فى حاجه انا قولتهالك فى ردى السابق بعتزرلك عليه
1- اولا XMP مدعوم مع معالجات Ivy Bridge الجيل الثالث فقط ودى اول نقطه


2- اللوحه بتقول انها بتدعملك التردد 1066 / 800 / 1333 اقصى تردد ولكن مع كسر سرعه الرام تصل الى 2200
,وده معناه ان لو معايا رامه وعاوز اكسر سرعتها وطبعا حسب كفائه الرام نفسها هتعلى معايا لحد فين
ولكن هنفترض انك معاك فى الحاله دى رامه 1600MHz والسؤال ليه هى بتقرا فقط 1333MHz على البيوس ؟
الاجابه : السبب هو متحكم الذواكر بالمعالج فى المقام الاول اقصى تدعيم ليه افتراضيا 1333MHz
ولذلك البورده بتهبط تردد الرام افتراضيا على فولتيه 1.5v وتردد 1333MHz بسبب متحكم المعالج

اما لو المعالج بتاعنا من الجيل التالت المفترض ان البورده تقرا الرام على باص 1600MHz بشرط .. بشرط ان البورده دى تكون بتدعم التردد ده افتراضيا مش مع الكسر
طيب لو البورده زى اللى معاك مش بتدعم التردد ده مع الجيل التالت الا بالكسر ؟
يبقى المفترض انك تفعل بروفايل XMP وبالشكل ده التردد يوصل تلقائيا على 1600MHz او هتشوفو من CPUz على 800MHz تقريبا وبالتاكيد مضروب فى 2

3- اما فى حالتك المعالج من الجيل التانى ومش بيدعم التردد افتراضيا ولا بيدعم XMP واللوحه نفسها مش بتدعم التردد ده الا بكسر سرعه الرام
يبقى المفترض منك انك تروح فى البيوس على معامل الضرب فى الرامات وتضبطه على X16 Multi
او حتى تضبطها بايديك على 1600MHz مباشره من DRAM Frequency

وبالشكل ده الرامات تقرا من برنامج CPUz على 800MHz او 79xMHz والمقصود بيها مضروبه فى 2 DDR وتبقى 1600MHz
طيب لو مقراتشى معاك بالشكل ده حتى بعد ضبطها من البايوس بتنزل تلقائيا تانى الى 665MHz يعنى تردد 1333MHz الاصلى للرام ؟
يبقى 1- جرب تحدث البيوس وده اولا وان لم يصلح الحل ده
يبقى 2- البورده مش قادر توصل للاستقرار على التردد ده بسبب المعالج محتاج كسر سرعه اعلى ولكن اللوحه مشبتدعم الكسر
يبقى 3 - مفيش حل غير معالج الجيل الثالث لانه بيمتلك متحكم IMC DDR3L 1600MHz pre-installed
وبعدها تركب الرامه وتضبط التردد يدوى على 1600MHz ومفترض قرائته
اما اذا كانت الرامه اعلى من 1600 فهتكون متوقفه على تردد المعالج بردو
بمعنى ان كانت الرامه 2100MHz مش من السهل نضبطها مع معالج I3-3220 الجيل الثالث
ربما يكون حظك حلو وتقدر تضطبها ولكن فى الغالب هتكون محتاج معالج اقوى واعلى فى التردد ( الاهم انه اقوى )
لان المعالج المركزى دائما ( لا يقبل لاى شىء على الشيبايه يكون افضل منه )
فاما يحتاج لكسر سرعته اذا كان ليه القابليه واللوحه قادره

- اما فى حالتك الان انت مش قادر تعلى التردد بسبب المعالج بالمقام الاول
ثانيا انا عندى سؤال مهم اخى عشان اتاكد بس ان رامتك فعلا مش قادره تقرا 1600MHz
ارفع صوره من نافذه SPD وشوف وقت الضغط على المعالج هل تردد DRAM Frequency بيوصل الى كام بالضبط فى الضغط من قائمه Memory