(مصر) جهاز للاستخدام في برامج الجرافك والالعاب ب3000 جنيه

[coolhero]

- الميزانية المحددة:3000
- استخدامك للجهاز:برامج الجرافك و الالعاب
- حجم الشاشة و الدقة (Resolution) التي تستخدمها: 1080
- القطع التي تنوي شراءها: لوحة ام ومعالج ورامات
- القطع التي ستعيد استخدامها من الجهاز القديم: الهارد والكيسه والباور XFX 500w و كرت الشاشه GTX 560
- ميعاد شراء الجهاز: اخر الاسبوع
- مكان الشراء:القاهره
- محل سكنك: القاهره

[phenomenon]

Mobo : ASUS H81 PRO GAMER LGA 1150 = 650 KE
CPU : Core I5-4690 6mb LGA1150 = 1750 LE
Corsair Vengeance Pro 8GB (2 X 4GB) DDR3 1600 CL9 V1.5 Dual = 650 LE
Total = 3100 LE

[coolhero]

لو عليت المزر ل
725 = MSI H97 PC Mate Socket 1150
780 = Gigabyte GA-B85-HD3 Socket 1150

خاصه ال msi الاداء هيفرق واي بورده الافضل

[coolhero]

ممكن اعرف تغيير المزر هيفرق معايا ولا لا خاصه اني مش لاقي مراجعه ل ASUS (https://rd.bizrate.com/r/6097214225?af_assettype_id=12&af_placement_id=1635526&af_creative_id=2932&rf=af1&af_id=26865) H81 PRO GAMER

[phenomenon]

لان لوحه H81 Pro Gamer لسى جديده واظاهر اسيوس مش بعتت اللوحه لاى مواقع لمراجعتها بما ان الجميع بيجهز لارسال لوحات Z170 وهكذا
ولو عليت اللوحه ل B85 Chipset او H97 Chipset اذن بقى فى امكانيه ترقيه 32GB للرامات وامكانيه زياده اعداد الــ USB + SATA III على اللوحه

ولكن ASUS عملت لوحه H81 Gamer بشكل منافس جدا ومختلف عن اى لوحه اخرى وتستحق سعرها
اولا اربعه سوكيت للرامات وهذا غير موجود اطلاقا فى اى لوحه شيبايه H81
زودت اعداد USB3 على اللوحه
زودت اللوحه بكارت صوت ولان للالعاب

لوحه h97 Mate مش عارف بصراحه السبب من وجودها ربما توفير استهلاك الوات لكن ايضا لم اتابع مراجعاتها
وبالتاكيد الميزه الوحيده هى المعتاده ربما سوكيت هاردات m.2 10GB/s واكيد تدعيم معالجات الجيل الخامس فقط

[coolhero]

انا هشتري قسط فالزياده مش هتفرق كتير لو جبت حاجه زي MSI H97 GAMING 3 هتفرق معايا كتير في الاداء مع العلم ان معايا كرت صوت خارجي asus فموضوع الصوت مش هيفرق معايا كتير

[phenomenon]

شوف اخى توضيح بسيط .. من حيث شيبايه H97 بوجهه عام .. هل هى افضل من H81 ؟ الاجابه بالتاكيد افضل بوجهه عام

خلاص ان شاء الله هنستقر على لوحه زى H97 Gaming واختيار مثالى وبالتاكيد فيها سوكيت PCI لكارت الصوت معاك

ولكن اريد ان واضح لك نقطه بسيطه خارج الموضوع او بخصوص سؤالك عن الاداء .. واهتم بالجزئيه باللون الازرق
الاجابه بلا طبعا .. مستحيل ان تقدم H97 افضل من H81 اداء افضل بالالعاب ومستحيل ان تقدم Z97 اداء افضل من H97 بالالعاب ..

لان اى كارت شاشه بيستطيع العمل باقصى جهد مقدر له بمجرد ان يمتلك 16 مسار اتصال مع المعالج المركزى
واى معالج مركزى قادر على ايصال 16 مسار على الاقل لسوكيت كارت الشاشه الاول كاملين
حتى لا يتسبب فى عنق زجاجه اى كارت شاشه موصول على اللوحه الام بالسوكيت الاول
سواء كان السوكيت / سواء كان الكارت PCI 3 او PCi 2 ايضا فلا يوجد اى هبوط او تدنى بالاداء

اذن لا ينبغى ان نقول ماذا عن اداء الالعاب مع اللوحه الام الا حين السؤال الاخر عن امكانيات تدعيم اكتر من كارت شاشه على المنصه

لذلك لما حد يقولك لوحه Z97 افضل من لوحه H81 فى الالعاب قوله اثبتلى بالادله !!
واذا جابلنا مراجعه بيثبت فيها ان لوحه Z97 افضل باطار او اطارين
سااتيك بمراجعه اخرى تظهر فيها لوحه H81 انها تحثث اداء افضل على لعبه اخرى باطار او اتنين
لان الامر لا يتعلق بالخصائص بل بالكفائه ربما ..
لكن لماذا تحديدا احيانا نجد لوحه تزيد باطار او اتنين او اجزاء من الاطار عن لوحه ثم نجد اللوحه الاخرى فى لعبه اخرى تزيد عن الاولى ؟
ربما درجات الحراره
ربما نظام عمل اللعبه على الويندوز
ربما معايا رامات افضل بالكفائه او هارد
ولكن
ولكن على كل حال : سافترض معك ان لوحه Z97 تحقق اطار افضل من لوحه H97 فهل هذا يعنى انها افضل بالالعاب او حتى اطارين او تلاته ؟
بالتاكيد لا لانى بالفعل برى نسبه التفاوت هذه موجوده فى نفس المعالج الجرافيكى الواحد بين شركه وشركه مصنعه لبوردته ودايره الفولتيه له

لكن امتى لوحه Z97 نقول لوحه افضل ب الالعاب ؟
لما نقول عاوزين لوحه نقدر نركب عليها كارتين شاشه SLI
لما نقدر نكسر سرعه المعالجات بتاعتنا عليها ونحقق فرق ملحوظ فى التردد وتاكد ان الكسر غير مجدى بالالعاب ولا يستحق عناء المحاوله
بقدر اهميته فى منصات الاعمال

امتى نقول لوحه H97 افضل من H81 بالالعاب ؟
لما نقول عاوزين لوحه نركب عليها كارتين AMD

امتى نقول لوحه H97 افضل بالخصائص
لما نقول عاوزين لوحه اكبر فى عدد USB3 لما نقول عدد الهاردات الاكبر او الرامات الاكبر وهكذا

لكن لما نركب منصه واحده كمثال : كارت شاشه وهارد ورامات وباور سبلاى داحل كيس واحد ومعالج واحد واجربهم على لوحتين مختلفتين
ونقول ايه اللوحه الافضل بالالعاب ؟
الاجابه الاتنين زى بعض ولكن مع بعض الالعمال المهنيه تظر كفائه لوحات Z بسبب بعض الامور الدقيقه

على كل حال انا حبيبت اوضحلك النقطه دى لانك سالت عنها بالمره السابقه ايضا عن موضوع الاداء
لا اخى لا تسال عن الاداء لانه هيكون واحد ومعتمد على باقى المواصفات
وعلى كل حال انا برشح لوحه Gaming 3 ايضا ولكن انت بتقول معاك كارت صوت
يبقى مفيش اى ميزه اضافيه فى لوحه gaming غير كارت صوت افضل
عن بقيه الاصدارات كاصدار PC Mate

معايا 1000 جنيه وانت معاك 1000 جنيه ايضا
روحت انا شارى لوحه Z97 ومعالج I5-4460 و رامه 4 جيجا كينجستون وهارد بلو 1 تيرا واتبقى معايا 100 جنيه فاشتريت كارت GTX 750TI
انت اشتريت لوحه H81 ومعالج I5-4460 ورامه 4 جيجا كينجستون وهار بلو 1 تيرا ولكن اتبقى معاك 200 جنيه فاشتريت كارت GTX 960

دلوقتى السؤال الوحيد مين الافضل فى الاداء ؟ بالتاكيد انت والفرق هل اطار او اتنين او تلاته ؟ لا طبعا
انت بفرق تمن اللوحتين اشتريت كارت ضعف الاداء تقريبا فى الالعاب وانا حققت 60 اطار لكن انت حققت 90 اطار وكده انت افضل بالاداء

طبعا انا عارف ان الف جنيه كتير جدا على اى منصه فيهم ول1لك هحاول مصرفشى كلهم عشان مش يبقى تبذير :)

[coolhero]

شكرا بجد على التوضيح وطريقه واسلوب الشرح


Sent from my LG-D802 using Tapatalk

[coolhero]

لو عايز كمان كيسه في حدود 700 جنيه

[phenomenon]

حاول تزود 150 جنيه وتوصل لكيسه NZXT Phantom 410 كيس كويس فى رنج الميزانيه وخاصه الون الميتاليك والجديد المشبح بالبرتقالى
كيس فى حدود 700 جنيه بالضبط
ممكن Corsair Graphite Series 230T Windowed
ممكن Cooler Master CM 690III

[coolhero]

ايه رايك في NZXT S340 Mid Tower

[phenomenon]

ممتازه فى الترتيب وشكلها كويس ولكن عموما الكيس تفضيل شخصى بسبب الكماليات التى لا ينتهى النقاش عنها
الحجم من الداخل او الطول والتدعيمات لاحجام اللوحات الام المختلفه واعداد الهاردات واحجامها المتنوعه ونظام التبريد وحركه الهواء
وعدد المراوح واحجامها وامكانيه التحكم بسرعاتها والخامات المستحدمه فى صناعه الكيس ومكان الباور بالكيس واحجامه
وقابليه عدد من كروت الشاشه واحجامها ونوعيات الفلاتر واعدادها واماكن توزيعها واحجام المشتتات المدعومه وامكانيه توفير اكتر من مكان ليها
وسهوله الربط والفك وترتيب الكابلات وتدعيم اعداد من الاقراص الضوئيه
حتى يصل الامر الى الشكل وخامه كابلات التشغيل ونوعيات الطلاء وتاثيرها مع التعامل او التجريح وراحتك فى التعامل مع محتوياتها او شيلها

كل الامور دى شخصيه تماما ومتنوعه حسب الراحه والاحتياجات ولازم تعرف كل شىء عن الكيس من خلال مراجعته
لان مفيش كيس كامل نادر جدا تلاقى كيس كامل ولو كامل هيكون غالى جدا
فتبدا تعرف هتضحى بايه وايه الاهم

كمثل : كيس S340
هتلاحظ من خلال مراجعته انه كيس محترم جدا وبيوصل تفضيله مع منصات X99 Mobos بسبب امور كثيره قدرت توفرهالك كتدعيم احجام البوردات Wide-Extended ATX
ولكن اخدت منك اماكن تدعيم الاقراص الضوئيه - الطلاء من خلال المراجعات خفيف جدا وسهل التجريح ولذلك هسال نفسى سؤال واحد

هل انا محتاج اركب DVD معاها ؟ هل هقدر احافظ على الطلاء ومتتجرحشى منى خاصه من الخارج لان من اجمل مافيها شكلها الكلاسيكى ( تلاجه بباب )
لو الاجابه نعم اذن مناسبه جدا

[coolhero]

انا معنديش dvd من الاساس باظ من 3 سنين ومجبتش غيره من ساعتها بس للاسف المشكله في موضوع انها سهله التجريح ومع شكلها الكلاسيكي اي خدش هيبوظها

Sent from my LG-D802 using Tapatalk

[phenomenon]

والله اخى انا شوفت مراجعه سريعه من فتره على Anandtech والكيس كويس جدا ( مناسب بشكل كافى )
حتى كان مفضل بالنسبه لشركه ZOTAC فى تجميع جهاز الالعاب الجديد اللى بتبيعه باسم الشركه
ولكن من خلال المراجعه الكيس كان باللون الاسود فمش عارف هل اللون الابيض سريع التاثير ام لا
الاحتياطات مع نوعيات الطلاء الخفيفه = المحافظه عليها ودى سهله جدا - الكيس مش بيتاشر ولا حاجه واكيد مرشوش بنوعيات عاليه
واكيد هتلاحظ كده بمجرد ما تشوفها لكن فى طلاء بيستحمل انك مش تاخد بالك وتفك وتركب وتركن الكيس على الحائط او على الارض
وتيجى تبص بعدها تلاقى علامه خفيفه مكان ماكنت ساند الكيس على الارض
ولذلك احتياطيا لازم فك وتركيب الكيس يكون على المكتب او على ارض خشبيه من النوعيات الباركيه وما شابهه

[coolhero]

تمام انا بصيت فعلا على مراجعات وعجبتني جدا بصراحه والي بيتجرح بشكل فظيع فعلا البلاستيك الي في الجنب الجنبخاصه اللون الابيض منها شيك جدا بس مش متواجد في مصر تقريبا حتى الكيسه ال corsair عجبتني بصراحه بس مش لاقي منها اللون الاورانج
بس انا عايز اسال هو فيها زرار ريستارت
وكمان الهارد العادي بيتحط فين

ومعلش هتقل عليك شويه
هو لو جبت الرامات رامه واحده بدل رامتين 4 هتفرق كتير انا كل ما اتصلل بمحل يقولي مش موجود

انا حاسس ان السوق نايم شويه وحاجات كتير خلصانه انا مش عارف الاقي الحاجه كلها في مكان واحد

Sent from my LG-D802 using Tapatalk

[phenomenon]

طيب تمام بس بصراحه مش عارف موضوع زرار الريستارت موجود ولا مش موجود
الهاردات اكيد ليها حامل عكسىى عشان تبقى قريبه من الباور
بخصوص الرامه : مفيش اى مشاكل ولا فرق ملحوظ بالاداء بين دوال او سينجل والامر متفاوت جدا
المهم تهتم بشراء رامه نوعيه كويسه وفولتيه 1.5v ان كانت متاحه وتواقيت CL9 وموديل مشهور فى التدعيم
الميزه فى اختيار رامتين باستثناء دوال شانل ان لو حصل لها حاجه بالمستقبل وتعطلت عن العمل متبقاش 8 جيجا بدل 4 جيجا

عموما التركيز هيبقى بشكل كبير على رامات DDR4 فى الفتره القادمه والسعه الكبيره اول على الاقل مع نزول شيبات B150 + H110 من لوحات الاسعار الوسطى
لكن موود كيت قطعتين من نوعيات كتيره بس زى مابتقول يمكن متعرفشى تلم كل حاجتك من مكان واحد