حيران حيران وعاوز مساعدة

[tham1010]

يا جماعة الخير

هل حد عنده تجربة عن بور سبلاى مركة جاما 350 وات Gamma 350 VN RX عندى كيسة كمبيوتر عادية كارت شاشة gt 730 يعنى بيسحب اقل من 50 وات. والبروسيسور بنلتيومdual core بيسحب حسب الموقع 65 وات. وديفيدى rewrite وذاكرة 4 جيجا وهارد 1 تيرا وسترن وشوية الحاجات العادية( موس وكيبور وكارت صوت في المزربورد).

دلوقتى الكمبيوتر شغال ببور تجارى مكتوب عليه 650 وات مركة ميدياتيك صيني. المشكلة ان المروحة بتاعته كل شوية تقف وتعمل صوت وحش. قمت بتنظيف البور كذا مرة وحطيت زيت للمروحتين بتوع البور سبلاى. ولكن لسة المروحة بتقف وتعمل صوت وحش واقعد احركها بقلم لحد ما تدور ويروح الصوت... علشان كدة عاوز اشترى بور وقلت اجيب بور اصلى مش تجارى ارخص حاجة متاحة ولقيت الجاما 350 وات ارخص واحد...

متردد من حاجة واحدة انى أكون بادفع فلوس اكثر مما ينبغي. يعنى كنت اجيب بور تجارى جديد ب 70 جنية مثلا زى اللى عندى طالما البور الموجود ماشى ومشغل الجهاز, وارجع أقول يا ولد جيب حاجة كويسة علشان الهارد الجديد 1 تيرا والكارت الجديد اللى انت جايبهم حافظ عليهم ويمكن ترفع البروسيسور بواحد اعلى مستعمل يريح الجهاز واشعر بان الجهاز زى الحديد باقل فلوس...

حد ممكن يفكر معايا...عملت صح ولا دفعت فلوس على الفاضى

هل البور مركة جاما كويس.. البور مش مكتوب عنه معلومات يعنى مش عارف إذا كان جولد ولا برونز ولا كفائته ايه. الموقع كاتب up to 80%...

البور مروحة واحده 8 سنتى فقط مش هيسخن ده وخاصة انه مقفل خالص...

يعنى بصراحة كدة هجيب البور الجاما ب 200 جنية مجبر لأنه ارخص حاجة ومش مقتنع بكفائته وحاسس انى بدفع فلوس في حاجة مش فرقة كثير عن البور أبو 70 جنية. علشان كدة متردد

افيدونى بأسرع وقت

[phenomenon]

اانت فعلا فى موقف لا تحسد عليه

من خلال كلامك عن المستقبل ارشحلك شراء باور ماركه موثوقه ويعتمد عليه
حاول تلحق باور XFX 430W وهو اعلى 200 جنيه

[tham1010]

أولا متشكر جدا جدا جدا للرد.. عاوز فقط توضيح لو سمحت ليه نصحتنى حضرتك بالبور دى انا أصلا مع الكيسة دى ليس لى مستقبل... الكيسة ضعيفة خالص والبائع قال لى بور 300 وات يكفى ويزيرد... حتى انى دخلت على واحد من المواقع اللى بتحسب الاستهلاك ووجدت انى في احسن الاحول مش هستهلك 252 وات بعد تعلية البروسيسور لبروسيسور مستعمل Q9500 انتل بلتينيم كواد كور....

يا مشرفنا العزيز وضح لى..هل النصيحة لان البور الجاما وحش كمركة أم لانى حاجتى للطاقة اكبر وعاوز اكثر من 350 وات..

[tham1010]

على فكرة يا أستاذ Phenomenon البور اللى حضرتك نصحتنى بيه مش موجود في السوق في اغلب المحلات... في اعلى منه coolmaster 500 w lite ودة ممكن يجى من 360 لحد 400 جنية حسب المحل...

دة انا أصلا حيران لانى مستخصر ادفع 200 جنية في بور جاما وبقول خلينى في البور التجارى اللى ب 70 جنية طالما انا الكمبيوتر عندى ضعيف أصلا.. إليك مواصفات الجهاز الخاص بى


بروسوسير// Intel (https://api.viglink.com/api/click?format=go&jsonp=vglnk_144045693270414&key=dc985e96d7fe839273c2001e6743d384&libId=idqiulgb0100gkbv000DA8b36i4qi&loc=http%3A%2F%2Farabhardware.net%2Fforum%2Fshowth read.php%3Ft%3D424259&v=1&exp=-1%3Ana%3A0&type=L&out=http%3A%2F%2Fwww.amazon.com%2Fs%2Fref%3Dnb_sb_ ss_c_0_5%3Furl%3Dsearch-alias%253Daps%26field-keywords%3Dintel%26rh%3Di%253Aaps%252Ck%253Aintel&ref=http%3A%2F%2Farabhardware.net%2Fforum%2Fsearch .php%3Fsearchid%3D1771904%26pp%3D%26page%3D3&title=%D8%A7%D8%B3%D8%AA%D9%81%D8%B3%D8%A7%D8%B1%2 0%D9%84%D9%83%D8%A7%D8%B1%D8%AA%20%D8%A7%D9%84%D8% B4%D8%A7%D8%B4%D9%87&txt=%3Cspan%3EIntel%3C%2Fspan%3E) Core 2 Duo E5200
هارد// اتيرا بلو كافير وسترن ديجيتال
رام 4 جيجا ddr 2
المزربورد جيجابيت G31
كارت شاشة GeForce gt730 - 1g DDR5
ديفيدى كتابة

[Walid DX01]

جهازك تحت الضغط مش هيوصل لأكتر من 280 وات
رأيي ان باور HEC مناسب ليك وسعره كويس
HEC VN-RX Series 350w PSU (350VN-2RX) (https://www.********.com/en/product/hec-vn-rx-series-350w-psu-350vn-2rx--up-to-date-computer) = 220 L.E

[phenomenon]

انت محتار وعاوز تحيرنى معاك :)

طيب الفرق بين باور جاما والتجارى بالتاكيد النسبه الاقرب للواقعيه من منسوب الوات
الفرق بين باور جاما وباور XFX بتحط كل جنيه من فلوسك فى مكانها الصحيح ودا اقرب وارخص باور بتحط فلوسك فيه فى مكانها الصحيح
واى انسان على كوكب الكره الارضيه لو شاف الباورات الموجوده فى مصر هيكون دا ترشيحه الاول
وليه ؟
لان دا اقرب باور بتحط فلوسك فيه فى مكانها الصحيح

اما
Eliite 500W
Gamma
HEC
Zalman
جميعهم باورات بتحاول تقدملك باور اقرب لمنسوب الوات الحقيقى ومناسب لمنصتك وميزانيتك البسيطه

عندنا باور جامبو وليكن 1000 وات اللى مفيهوش اساسا ترانزستورز قادر على تصحيح 250 وات من الاساس
عندنا باور جاما وليكن 500 وات اللى فيه ترانسزتور قادر على تصحيح 500W ولكن مع نسبه اكبر فى تشتيت الوات Power Dissiption
وبالتالى باور يعمل فى درجه حراره مرتفعه بدون داعى ومع ارتفاع حرارته تهبط كفائه تصحيح الامبير اقل نسبيا
فبدلا من ان يقدم 500 وات يقدم 400 وات او اقل

عندنا باور زالمان بيحاول يقدملك 500 وات قدر الستطاع

الباور ده عامل زى طبق الصلطه والله اخى : لو نقصت الملح خالص نقول عادب ولو زودت الملح خالص نقول لازع مفيش بين البنين
بس فى ناس تقدر تاكله بدون ملح خالص وفى ناس بتعشق الملح ياكله ولا يهمه
فجميع الباورات السابق زكرها موجهه للاستخدامات البسيطه والمنصات الاعتياديه والاعمال الروتينيه ولذلك اللى رايح يشتريها عارف
انها مش هتخيب ظنه وكافيه جدا لمتطلبات جهازه لكن عارف ان فى افضل منها ولاسباب كثيره

باور XFX = عالم اخر

ترشيح الباور لحضرتك كان بسبب حيرتك الكبيره
فلو كان سؤالك على سبيل المثال ماهو رايكم فى باور هيك 300W مع كارت GT 730 كنت قولتلك كافى جدا
فلو كان سؤالك على سبيل المثال عندى باور تحارى مع كارت GT 730 كنت قولتلك ماشى الحال بس
بس صدقنى بدون ما احلفلك .. الباورات التجاريه دى معلشى فى اللفظ مش عارف اوصفلك قد ايه باورات معفنه معفنه معفنه ونفىس اقول اسوا الالفاظ فيها
دا مش خساره فيها 70 جنيه وبس ده خساره فيها 7 جنيه
اكتر مشاكل الهاردوير بتحصل بسببها
رامه تعطل ومتكملشى سنه
لوحه ام باظت وفجاه وقفت عن الشغل
كارت شاشه اتحرق فجاه

الباور ده لا بيجافظ على نفسه ولا بيحافظ على اللى معاه
بعكس باورات جاما بتحاول تحافظ على نفسها بس مش بتحافظ على اللى معاها وعشان كده بنقول مع باورات جاما
حاول متوصلشى لاقصى جهدها من منسوب الوات عشان مترتفعشى حرارتها وتقصر فى عمرها

لكن لو مشيت من هنا وروحت اى موقع اخر عربى او اجبنى وسالت الغالبيه العظمى هتقولك رد واحد
حط فلوسك فى مكانها الصحيح وفى اللى هيقولك باور هيك كافى
بس الاجابات هتتنوع .. ليه ؟ لانك مش عارف ايه الفرق

طيب تخيل انت فى سؤالك عارف وبتقول انا عاوز احط فلوسى فى مكانها الصحيح
فهل من الصحيح انى ارشحلك تكمل مع باور ب 70 جنيه ؟
اكيد انا بالشكل دا بقولك ارمى فلوسك دى فلوس حرام

ولو قولتلك متقلقش من باور هيك هتقول بس يعنى هو زيه زيه التجارى لا هو سيسونيك ولا ايفجا ولا كورساير
فهحتار فعلا زيك
بس الباور كويس
يمكن مش بيمتلك خصائص حمايه ويمكن مش يقدر يقدم اقصى منسوب من جهده لكن هيقدى الغرض وده شىء مهم
والاهم انه مش هيتحرق كل يوم والتانى ولا هياثر على الهاردوير وتلاقى نفسك بتلعب وفجاه نلاقى الدنيا ضلمت كل يوم والتانى

ولكن انا رشحتلك اللى انا شايف انه مناسب لحالتك بالضبط

[tham1010]

متشكر يا أستاذ dx01

انا البور هجيبة 200 جنية سعره عجبنى ولكن كل القلق من شركة جاما.. مفيش معلومات وافية عن المنتج... يعنى مثلا مش محددين هو كفائتة ايه 70% ولا 80% ولا 85% وخايف يكون كفائته مش قد كدة ويبوظ واكون ادبست. وكمان مش عاوز ادفع في 370 جنية في البور الأعلى الموجود في السوق وهو coolmaster 500W lite

[tham1010]

Phenomenon اجابتك رائعة وانت أروع

حضرتك فاهم كويس جدا... والكلام اللى حضرتك قلته فهمته...

وما فهمته الاتى..

1- power جاما لا بعطى الأداء الأمثل الذى يستحق ان يدخل مع البور الاوريجينال زى الصيت العالمى.

2- حضرتك رشحت لى بور XFX وهو الارخص ويأتي في اول درجات البورات المحترمة التي تراعى احدث المواصفات من حيث الكفائة والأمان

3- لو جبت بور جاما انا بكدة اشتريت حاجة اعلى من البور التجارى صحيح ولكن مش هأخد منتج 100% ولكن ممكن نقول انه هيكون 70% مثلا ولكنه اعلى من البور التجارى اللى ممكن يكون 20% كفائة... وعندنا في مصر مثل بيقول على قد لحافك مد رجليك

أخيرا متشكر جدا جدا جدا...

زى ما قلت لحضرتك البور XFX اللى نصحت به ليس موجود في السوق المصرى. والاعلى سعر من جاما 350 وات هو بور coolmaster 500 w ولكنه 370 جنية يعنى 130 جنية عن سعر البور جاما... المنصة الخاصة بى لا يستحق 370 جنية في بور...

متشكر جدا الكلام معاكم مريح ..


**** سؤال أخير

البور الجاما ممكن يستمر في العمل لمدة قد ايه؟ مدة صلاحيته مع العمل المتوسط أنا كل شغلي كتابة على الكمبيوتر والقراءة وتصفح الانترنت. الألعاب قليلية خالص ولكن الكمبيوتر بيشتغل 8 ساعات اقل حاجة في اليوم...

[Walid DX01]

الحقيقه معنديش اي اضافه بعد كلام استاذ Phenomenon
المشكله اللي عندك دلوقتي ان الباور القديم بتاعك سئ جدا والمروحه بتوقف
يعني لو غيرته لباور تاني المشكله هتختفي
الهاجس اللي عندك اللي عملك حيره في الاختيار وهو ان الباور او اي هاردوير يتحرق لقدر لله
باور HEC قادر علي تشغيل الاجهزه البسيطه من غير مشاكل وده المطلوب
أما لو انت عايز تريح بالك خاااااالص او ناوي قريب تحدث المنصه وعايز تستخدم نفس الباور
ممكن تشوف الباور ده
Corsair VS Series VS450M 450w PSU (https://www.********.com/en/product/corsair-vs-series-vs450m-450w-psu-maximum-hardware) = 425 LE
اعتقد انه متوفر وهتلاقيه بسهوله والباور يصنف ضمن افضل الباورات الممتازه في العالم

[tham1010]

البور الجاما ممكن يقعد كام سنة شغل مع العمل المتوسط أنا كل شغلي كتابة على الكمبيوتر والقراءة وتصفح الانترنت. الألعاب قليلية خالص ولكن الكمبيوتر بيشتغل 8 ساعات اقل حاجة في اليوم... هو البورات في عمومها عمرها الافتراضى كام؟؟

[Walid DX01]

دي حاجه في علم الغيب :)
ولكن كان عندي تجربه مع الباورات التجاريه اللي اقل من جاما وهيك واشتغل اكتر من 4 سنين عادي متقلقش خالص

[tham1010]

طيب البورات العاليا زى xfx و corssir و seasonic مفروض العمر الافتراضى لهم كام مع الاستخدام العادى والظروف الطبيعية. يعنى الاجزاء المهمة للحاسب ممكن تتقعد 10سنين بدون مشاكل

[neztiti]

اخي نصيحة اشتري بور من ماركة معروفة لانه رح يفيدك اذا نويت تغير الجهاز ايضا - يعني مش رح تخسر فلوسه

[محمد البرديسى]

عن تجربة شخصية اكثر من ثلاث سنوات للباور HEC
كان ممتاز وفى باور تانى بس يعتبر افضل نوع فى الباورات التجارية وهو تايجر وبيكون فى ضمان 6 شهور