مروحة الباور سبلاي seasonic

[mohamad_buny]

السلام عليكم ورحمة الله وبركاته
إشتريت باور seasonic
٦٢٠ وات m
المشكلة إن المروحة الخاصة بالباور لم تعمل مطلقا منذ شراء الباور منذ يومين
فهل هناك عطل أم أن هذا من طبيعة باور الseasonic أن لا تعمل إلا تحت ضغط
وكيف علي أن أجعلها تعمل للتجربة ؟؟؟

[tham1010]

هو كام مروحة في البور ؟ البور لازم نكون شغالة على الأقل مروحة واحدة..

ممكن تعرف من bios اذا كانت المروحة شغالة وعدد لفاتها كمان... ولو لعبة جامدة شوية اكيد هتشتغل

[ahmadrashad]

السلام عليكم ورحمة الله وبركاته
إشتريت باور seasonic
٦٢٠ وات m
المشكلة إن المروحة الخاصة بالباور لم تعمل مطلقا منذ شراء الباور منذ يومين
فهل هناك عطل أم أن هذا من طبيعة باور الseasonic أن لا تعمل إلا تحت ضغط
وكيف علي أن أجعلها تعمل للتجربة ؟؟؟

حاول تلف المروحه الخاصه بالبور بابره او حاجه رفيعه لان مرة كان معايا بور ذي كدة وكانت ريشه منه محشوره في سلك من سلوك البور من الداخل لو لقتها محشورة يبقي لازم البور دة يرجع لمكان ما اشتريته وهو يحللك الموضوع عشان متخسرش الضمان وعلي فكرة من غير مروحه البور هيشتغل بس هتلاقي جسم البور بيسخن جدا وده غلط علي الجهاز نفسه البور وخصوصا الاصلي بيستحمل بس لما بيسخن ممكن يعمل مشاكل ومروحه مش بتظهر في المازر بورد من البيوس الا لو في وصله خارجه منه خاصه بالمروحه وبتوصلها بالمازر بورد دة نبقي حاجه تانيه يبقي لازم تتاكد انك موصلها بالمكان الصحيح

[mohamad_buny]

هو كام مروحة في البور ؟ البور لازم نكون شغالة على الأقل مروحة واحدة..

ممكن تعرف من bios اذا كانت المروحة شغالة وعدد لفاتها كمان... ولو لعبة جامدة شوية اكيد هتشتغل

مروحة واحدة ومش شغالة
اشوفها فين فى bios

[tham1010]

أولا خلينا نبدأ بالسهل..

1- علشان تكشف ان المروحة شغالة استخدم كشاف او حتى الكشاف اللى في الموبيل لان فقط الإحساس بخروج الهواء مش كفاية للتاكد من دوران المروحة...وتذكر ان البورات النظيفة زى seasonic شغل المروحة بيكون اتوماتيك عند الحاجة ووصول درجة الحرارة لحد معين.. يعنى لو الاوضة مكيفة او مروحة بالقرب من الكمبيوتر ممكن تاثر.. وممكن تلقيها بتشتغل شوية وتفصل لانك مش مراقب على طول

2- لاحظ حرارة البور من خلال اللمس وشوفه سخن ام لا مع العمل لمده ساعة مثلا..
3- شغل لعبة زى جاتا 5 او اى لعبة ثقيلة وشوف هتشتغل ام لا..

لو مع كل هذا لم تشتغل المروحة. استخدم بنسة شعر بنات وحاول تزق المروحة يدوى والكمبيوتر مش شغال وشوف المروحة الريش بتعتها بتلف في دورة كاملة ام حاجة حجزاها... لو لقتها بتلف عدى شغل الكمبيوتر وحاول تزق المروحة بالنسبة بتاع الشعر وشوف هتلف ولا لا..


أما عن متابعة عدد لفات المروحة من البايوbios فانا اعتقد انه لمروحة البروسيسور في بعض الموديلات... هشوف النقطة دى وارجع لك لو لقيت جديد عن مروحة البور سبلاى

[mohamad_buny]

أولا خلينا نبدأ بالسهل..

1- علشان تكشف ان المروحة شغالة استخدم كشاف او حتى الكشاف اللى في الموبيل لان فقط الإحساس بخروج الهواء مش كفاية للتاكد من دوران المروحة...وتذكر ان البورات النظيفة زى seasonic شغل المروحة بيكون اتوماتيك عند الحاجة ووصول درجة الحرارة لحد معين.. يعنى لو الاوضة مكيفة او مروحة بالقرب من الكمبيوتر ممكن تاثر.. وممكن تلقيها بتشتغل شوية وتفصل لانك مش مراقب على طول

2- لاحظ حرارة البور من خلال اللمس وشوفه سخن ام لا مع العمل لمده ساعة مثلا..
3- شغل لعبة زى جاتا 5 او اى لعبة ثقيلة وشوف هتشتغل ام لا..

لو مع كل هذا لم تشتغل المروحة. استخدم بنسة شعر بنات وحاول تزق المروحة يدوى والكمبيوتر مش شغال وشوف المروحة الريش بتعتها بتلف في دورة كاملة ام حاجة حجزاها... لو لقتها بتلف عدى شغل الكمبيوتر وحاول تزق المروحة بالنسبة بتاع الشعر وشوف هتلف ولا لا..


أما عن متابعة عدد لفات المروحة من البايوbios فانا اعتقد انه لمروحة البروسيسور في بعض الموديلات... هشوف النقطة دى وارجع لك لو لقيت جديد عن مروحة البور سبلاى

- جربت بالموبايل ولقيتها شغالة بس بتلف براحة أووووى لا تذكر
- بالنسبة للسخونة باللمس هو سخن بس تعتبر سخونة خفيفة
- اللى باخد بالى منة إنى ملاحظ رائحة خارجة من البور مش عارف دية ريحة مكوناتة عند التشغيل ولا دية ريحة شياط ودة اللى بيخلينى شاكك فى المروحة حاسس انها المفروض تلف أسرع من كدة

[tham1010]

طالما بتلف يبقى تمام كدة لان التحكم في سرعة دوران المروحة بيكون اتوماتك حسب السخونة...
اما عن الرائحة فهذا طبيعة لانك بتشغل جهاز كهربى لأول مرة وكمان فيه مروحة وماتور للمروحة ومكسفات..

اهم حاجة ان ميكنش في رائحة شديدة تشمها وانت قاعد على الكمبيوتر. لكن لو كانت الريحة لما بتقرب من فتحات التهوية انشاء الله مش هتبقى مشكلة.. انات معاك مركة نظيفة.ز

انصحك شغل لعبة عالية او لاحظ سرعة المروحة لما تدور الجهاز.. يعنى دور الجهاز واجرى بالكشاف على المروحة اعتقد هتلاقيها سرعتها زيادة في الأول وبعدين بتهدأ لما الوندوز يبدأ ولو شعلت لعبة لمدة ربع ساعة هتلاقى المروحة ترجع تعلى سرعتها تانى.. تكنولوجيا

[mohamad_buny]

- ساعات بلاحظ رائحة من بعيد بس بتروح وتيجى واما بقرب منة الريحة بتبقى كبيرة
- اللى مخيلى أشك ان الرائحة دية كنت بشمها لما كانت بتطلع من البور القديم لما المروحة بتاعتة توقفت عن العمل فالريحة دية إتعودت عليها من البور القديم
لما جبت دة لاحظت نفس الرائحة بس بدون سخونة جامدة من البور الجديد مقارنة بالبور القديم كان سخونة جامدة ورائحة
على العموم هختبر لفترة وأرد تانى .....