ما الافضل مابين الماذربورد

[modamore]

ما الافضل من حيث الاستقرار والسرعة
gigabyte z97-d3h

gigabyte h97-d3h

gigabyte b85-hd3

[H_KIMO]

gigabyte z97-d3h

[phenomenon]

فى انتل
مفيش مبدا اسمه تلات شيبات مختلفين ونقارنهم من حيث الاستقرار والسرعه ..
استقرار لايه وسرعه ايه ؟
لما نقارن تلات شيبات مختلفين يبقى هنقارنهم من حيث الخصائص والمواصفات من حيث الاعداد والاعداد فقط
كاعداد كروت الشاشه اومنافذ الساتا اوUSB

[modamore]

شكرا karim

[modamore]

فى انتل
مفيش مبدا اسمه تلات شيبات مختلفين ونقارنهم من حيث الاستقرار والسرعه ..
استقرار لايه وسرعه ايه ؟
لما نقارن تلات شيبات مختلفين يبقى هنقارنهم من حيث الخصائص والمواصفات من حيث الاعداد والاعداد فقط
كاعداد كروت الشاشه اومنافذ الساتا اوUSB



فى انتل
مفيش مبدا اسمه تلات شيبات مختلفين ونقارنهم من حيث الاستقرار والسرعه ..
استقرار لايه وسرعه ايه ؟
لما نقارن تلات شيبات مختلفين يبقى هنقارنهم من حيث الخصائص والمواصفات من حيث الاعداد والاعداد فقط
كاعداد كروت الشاشه اومنافذ الساتا اوUSB



شكرا على الرد الوافى {استقرار لايه وسرعة ايه}
وفى الاخر معرفتش مين الافضل عمتا شكرا

[phenomenon]

الشكر لله اخى الكريم ......
شيبايه Z97 معروف انها الافضل بوجهه عام وايه السبب لانها الاغلى لكن السؤال الاهم ايه الانسب لاستخداماتى واحتياجى بالضبط
انت ممكن تكتشف انها مش تلزمك وتقدر بفرق سعرها تشترى شىء اهم ناقصك او تعلى شىء او تزود فى شىء انت محتاجه عشان تحس فعلا بزياده الاداء

والله اخى الفاضل انا شرحت الامر مرات ومرات وللاسف حتى اعضاء المنتدى نفسهم مصممين على الرؤيه السطحيه

احنا عندنا تلات شيبات امامنا فى المقارنه
التلات شيبات : اى كارت شاشه هيركب فى السوكيت الاول هياخد 16 مسار كاملين من المعالج المركزى لعمليه وصل البيانات
ولابد ان يقدم اى معالج مركزى 16 مسار لكارت الشاشه الاول
اما اذا افترضنا شراء كارتين شاشه يبقى محتاجين شيبايه B85 وبالشكل دا الكارت الاول هياخد 8 مسارات اتصال والكارت التاى هياخد 4 مسارات اتصال
اذن اقصاك مع لوحه B85 كارتين شاشه من AMD
اما اذا افترضنا شراء كارتين شاشه على Z97 ولابد ان تتاكد ان اللوحه الام قادره على عمل SLI NVIDIA حيث ان حتى اختيار Z97-D3H ليست مناسبه
لعمل SLI NVIDIA

اذن من حيث كروت الشاشه : التلات لوحات نفس الخصائص بالضبط بدون ايه اختلافات سواء فى الخصائص او سرعات الاتصال

اعداد ال USB3 هتلاقى على لوحه B85 تقريبا اربعه منافذ USB3 وتقريبا 12 منفذ USB2
هتلاقى على لوحه H97 + Z97 هذه الاعداد اكبر

اعداد SATA III 6GB/s
هتلاقى لوحه B85 اتذكر انها اربعه منافذ SATA III بينما البقيه SATA II 3GB/s
اذن يحق لك شراء اربعه هاردات SATA III والعمل باقصى سرعه اتصال مع الشيب

هتلاقى لوحه H97 + Z97 جميع المنافذ فيها SATA III

تدعيم الرامات
جميع الشيبات اللى انت ذكرتها بتدعم 32GB رامات كحد اقصى واول شيبايتين اقصاهم تردد 1600MHz
اما شيبايه Z97 لديها القدره على تدعيم ذواكر بترددات اعلى من 1600MHz

اذن اذا كنت هتشترى رامات او معاك رامات اعلى من تردد 1600MHz وعاوز تستفيد بالتردد العالى يجب شراء Z97
او اهمال الامر حيث ان التردد غير مجدى بشكل كبير فى الاداء بسبب :
عندما نريد صناعه رامه بترددات سريعه يجب زياده وارتفاع التواقيت لها للحصول على الاستقرار
وحيث ان التواقيت هى سرعه وصل البيانات بين المعالج المركزى والرامات فحينما ترتفع التواقيت تزداد نسبه التاخير
ولذلك ستلاحظ ان رامه بتردد عالى تساوت مع رامه بتردد واطى وملاذا ؟
لان الرامه بتردد عالى تاخرت فيها التواقيت وليكن CL11
بينما الرامه بتردد واطى مازالت اقل فى التاخير وليكن CL9
اذن طير دى قصادى مفيش حد احسن من التاى
ولكن بالتاكيد الترددات العاليه بتنفع فى الاعمال التقيله والى هى من المفترض بيكون اسمها Latency and Intensive CPU Multitasks
او الاعمال اللى بنقول عليها ايضا اعمال الرندر وصناعه الملفات والميديا وتصميم المواقع ومجموعه البرامج الكتابيه وهكذا وخاصه
التى يكون لها تحميل زائد على الذواكر وايضا نظام LINUX يستفاد من التردد العالى

اذا كارنت الذواكر معاك 1600 بالفعل اذن كل كلامنا السابق لا يهم


ماهى ميزه شيبايه Z97 + H97 بالتحديد ؟
تدعيم سوكيت M2 Support لبعضهم وتدعيم سوكيت SATA EXPRESS لبعضهم المناسبين لهاردات الاجيال الحديثه PCI EXPRESS SSD and SATA III
ولم يصل منها الى مصر حتى الان ايه انواع
والغرض من الهاردات الحديثه بالتاكيد زياده وسرعه الاداء خاصه للاعمال المسؤل عنها الهارد بشكل كبير زى الاعمال الكتابيه وتصميم المواقع وخلافه
او ايه اعمال هندسيه : بالنهايه هى اعمال مهنيه ودراسيه ولكن ماذا تفيد المستخدم البسيط او العادى

هتفيدنى مجموعه الهاردات الحديثه فى نزولها بالمستقبل ان نزلت فى تثبيت نظام الويندوز اسرع او نقل الملفات اسرع او تحميلات بسيطه على النظام
او حتى تثبيت الالعاب وفك ضغط ملفات الريباك كبيره الحجم واللى هى مضغوطه بشكل مكثف

اخر شىء هو تدعيم الجيل الخامس للمعالجات واللى نزل بنفس اداء الجيل الرابع خاصه فى اداء المعالجه المركزيه ولكن لسى منزلشى السوق

من مميزات شيبايه Z97 دائما دائره الفولتيه فيها بتكون افضل من شيب H97 او B85 وبالشكل دا هتقدر تكسر سرعه المعالج عليها لو المعالج حرف K
اما لو مش هتكسر السرعه هنلاقى ان دائره الفولتيه العاليه ليس لها داعى ومن الممكن ان نجد دائره فولتيه واحده بجميعهم حسب ترتيب اسعارهم

اذن حتى الان اخى بنتكلم على خصائص او ربما كفائه امور وتدعيمات
ولكن لم نتكلم عن استقرار الاداء او تسريعه

فيجب جميعهم ان يقدموا لك استقرار الاداء والسرعه القياسيه التى حددتها انتل لجميع الشيبات ان تكون قياسيه
واى لوحه فيهم ضمانها تلات سنين واى لوحه فيهم تم تجربتها فى المصانع لاختبار استقرارها ولكن على كل حال معاك تلات سنين ضمان
اذا صداف لا سمح الله اى عطل فنى او عيب تصنيع اتفاجئت بيه فى اللوحه قبل انتهاء فتره الضمان

[modamore]

شكرا لك اخى phenomenon على الشرح الجميل المفصل دا

بالنسبة لى استخدامى للجهاز فى الالعاب
وباقى مكونات الجهاز بروسيسور i5 4690 وراماتين 4g بتردد 1333 وكارت شاشة r7 265 x
وعلى فكرة انا مش هكسر سرعة بروسيسور ولا غيره فما الافضل لى بالنسبة للماذربورد
سؤال اخر .. لو جبت رامات بتردد اعلى من 1600 هتشتغل على ماذربورد h97 او b85 والفارق فى الفلوس مابين كل ماذر 110 ج وشكرا اخى

[phenomenon]

الشكر لله .....

رجاءا منخليش فكره تطور المعالج المركزى ياثر على اختيارنا فما زال المعالج المركزى بروسيسور له اهميه كبيره نعم
ولكن ماذالت وحده المعالجه الجرافيكيه تشكل الاهميه الكبرى فى الالعاب وخاصه مع المستقبل القريب ودايركت اكس 12

على كل حال انا بشجعك على امتلاك معالج I5 عشان ترتاح من عناء تغيره على الاقل تلات سنين قدام ان امر ربنا ويمكن ازيد الله اعلم
لكن مش شرط نجيب اسرع معالج فى التردد لان جميع معالجات I5-SKUs والى هى داخل الجيل الواحد بيكون
الفرق بينها وبين بعضها متقارب او يكاد يكون معدوم
يمكن اطار او اتنين او اجزاء من الاطار الواحد ودا معناه فرق غير ملحوظ بالاداء اطلاقا

هنجيب معالج I5-4460 ,وسعره تقريبا 1450 جنيه ونوفر 300 جنيه تقريبا من ارخص سعر قدامنا لمعالج I5-4690
هنجيب لوحه ASUS H81 Gamer LGA1150 وسعرها 650 جنيه وهنوفر تقريبا 500 جنيه كمان
ولو عاوز حاجه وسطيه يبقى ASUS B85 Gamer عشان لو حبيت توصل فى الرام ل 32 جيجا
وسعرها 875 جنيه وهنوفر تقريبا 300 جنيه فقط

يبقى مع المعالج واللوحه الاولى وفرنا 800 جنيه تقريبا ومع اللوحه التانيه والمعالج وفرنا 600 جنيه تقريبا

ترشيحى للوحه = اللوجه اللى انت شايف انها كافيه لمتطلباتك واحتياجاتك فى الوقت الحالى والمستقبل ان شاء الله
هنفترض انك استقريت على خير الامور الوسط = يبقى لوحه B85- Gamer وفرنا 600 جنيه

هنضيفهم على سعر كارت R7-265 X يبقى معانا تقريبا 1900 جنيه
نقدر نجيب كارت شاشه من كروت الفئه الوسطى تعطيك جوده اعلى مع الالعاب وبنفس الوقت فتره اطول وبالتاكيد سلاسه فى الاداء اعلى

كمثال : GTX 960 2GB او R9-285 او R9-380
اى شىء مناسب ليك فيهم
ولكن تذكر انك فى احتياج باور 500W ماركه جيده معاهم وممكن نكتفى بباور 400W ماركه جيده مع كارت GTX 960

بالشكل ده لما نسال عن الاسرع فى الاداء هنقول B85 + GTX 960 او H81 + R9-285
كده هنقول ايوه فعلا التجميعه دى اسرع فى الاداء من Z97 + R7-265 خاصه باداء الالعاب
تذكر فقط امر الاهتمام بالباور

[Ell0l]

شكرا لك اخى phenomenon على الشرح الجميل المفصل دا

بالنسبة لى استخدامى للجهاز فى الالعاب
وباقى مكونات الجهاز بروسيسور i5 4690 وراماتين 4g بتردد 1333 وكارت شاشة r7 265 x
وعلى فكرة انا مش هكسر سرعة بروسيسور ولا غيره فما الافضل لى بالنسبة للماذربورد
سؤال اخر .. لو جبت رامات بتردد اعلى من 1600 هتشتغل على ماذربورد h97 او b85 والفارق فى الفلوس مابين كل ماذر 110 ج وشكرا اخىبص يا باشا بص لاحتياجاتك في الاول عشان ممكن توفر...انا كنت زيك كده بس مع مساعده ا\ابراهيم فهمت الموضوع ماشي ازاي ...بص يا باشا استاذ ابراهيم شرحلك الفرق بين شبايه والتانيه وجزاه الله كل خير....انا دلوقتي هجيب لوحه gigabyte b85 هسأل نفسي سؤال هل هحتاج رام اب تو 32 جيجا وهل هحتاج اعمل كروس فاير وهل عاوز منافذ usb زياده بواحده تقريبا....نيجي للرام مفيش لعبه لغايه دلوقتي ولي قدام هتحتاج اكتر من 16 جيجا رام كده اول حاجه...انا مش هجيب كرتين amd يبقا كده مش هحتاج الكروس فاير ديه حاجه تانيه...طب طلاما انا مش هستفاد اي حاجه من دول ازود ليه الميزانيه في البورده...طب ما اجيب مثلا gigabyte h81 او asus h81 gamer وتوفر واجيب رام زياده..اجيب كيس احترافيه احسن وهكذا...
ياريت الفكره تبقا وصلتلك ...لو فهمت المبدأ الي عاوز اقولهولك هتعرف تختار الي انت عاوزه :D :D