أرجو مساعدتي في تجميع جهاز [الأرشيف]

Issam Basset

27-08-2015, 22:52

السلام عليكم اريد تجميع جهاز والمعالج الذي اخترته هو Intel Core i7-6700K
واريد ان استفسر عن المذربورد ماهو الفرق بين مذربورد رخيص مثل Gigabyte GA-Z170-HD3 (https://pcpartpicker.com/part/gigabyte-motherboard-gaz170hd3)
وواحد غالي مثل Asus Z170-DELUXE (https://pcpartpicker.com/part/asus-motherboard-z170deluxe) او Gigabyte GA-Z170X-Gaming G1 (https://pcpartpicker.com/part/gigabyte-motherboard-gaz170xgamingg1)
هل يوجد فرق بينهم فى الأداء أو شئ مع العلم اني سأستخدم كرت AMD واحد ومن بعد سأضيف واحد اخر (crossfire)
وماهو الفرق بين رام رخيص مثلا Crucial (https://pcpartpicker.com/part/crucial-memory-ct2k8g4dfd8213) وواحد Corsair Dominator (https://pcpartpicker.com/part/corsair-memory-cmd16gx4m4b2133c10) او G.Skill (https://pcpartpicker.com/part/gskill-memory-f42133c15q16gnt) مع انهم نفس التردد و ونفس الحجم

أرجو ان لاتبخلو علينا بالمساعدة

phenomenon

28-08-2015, 01:14

وعليكم السلام ورحمه الله وبركاته ...........

1- الفرق بين اللوحات الام مش بالاداء بل بالخصائص زى تدعيم عدد اكبر من كروت الشاشه واضافه شيبات اضافيه لتدعيم NVIDIA SLI 4Way/SLI
واضافه شيبات اضافيه لزياده عدد المخارج ربما USB3 ربما SATA III ربما M2 PCIe او حتى مخارج الشاشات
ويمكن الفرق فى كروت الصوت واللان ويمكن الفرق فى داير الباور المسؤله عن تنظيم جهد المعالج بشكل افضل من اللوحه الاخرى ( فقط فى حالات كسر السرعه )
استقرار اسرع مع كسر السرعه او الفرق فى سهوله العمل على البيوس وفهمه بشكل اسرع والراحه فى الشغل عليه

اذن فرق اللوحات الام التى تمتلك نفس الشيب الواحد Z170 Chipset بتكون فى الكماليات والتدعيمات الاكبر وربما كفائه التبريد وكسر السرعه
اما عن الاداء او الخصائص الاساسيه التى تحددها انتل يجب ان تكون مثاليه بالضبط

اذا اشترينا معالج وهارد وباور ورامه وكارت شاشه وركبناها فى Z170X-Gaming GT لازم تعطيلى نفس اداء Z170-Deluxe
لازم هيكون نفس الاداء بالضبط للوحه Z170 - HD3

طيب لما نقول عاوزين نشترى كارتين او تلاته NVIDIA SLI ؟
كده هنقول استى عندك لما نشوف اى لوحه فيهم داعمه للامر

لما نقول عاوزين لوحه كسر سرعه عاليه ؟
هنقول انتظر لما نشوف اللوحه الاعلى بدايره الفولتيه

البقيه عباره عن كماليات وكفائه فى وسائل التبريد وخلافه

2- رامه Dominator غاليه عن اى رامه والسبب = لا يوجد سبب = غاليه وخلاص
نظريا من افضل الجدوات فى صناعه الرام
عمليا زيها زى غيرها + شكلها رائع على الطبيعه + اسهل رامه تتشال وتتركب بسهوله + ضمان طول العمر + اول رامه بتردد 3000+ بعد G-Skill Trandient
وتم اعتبارها بانها افضل انواع الرامات

الحراره + استهلاك الوات + الترددات والسرعه فى الاداء + التواقيت والاستقرار بعد الكسر = زيها زى غيرها
اشترى الرامه اللى تناسب ميزانيتك فقط واهتم بكونها فولتيه اقل من غيرها وتواقيت اقل من غيرها - على الرغم انها بتردد اعلى من غيرها = افضل خامه رامه

رامات Crucial حاليا من افضل الرامات المدعومه ومشهوره بشكل كبير فى منصات DDR4 ومرشحه من قبل عدد كبير من مواقع الهاردوير = زيها زى غيرها :)

اشترى اللوحه الام اللى تناسبك وهتاخد اقصى سرعه بالاداء مع اى لوحه مع اى كارت شاشه او كارتين طالما اللوحه الام داعمه لكارتين
اشترى الرامه اللى تناسبك واهم شىء السعر القريب من ميزانيتك