المساعد الشخصي الرقمي

مشاهدة النسخة كاملة : استفسار حول GA-H81M-S2PT



EL K4L!B3Y
30-08-2015, 20:50
انا النهارده جبت البوردة دي لصاحبي GA-H81M-S2PT عشان ملقتش D3 او S2PH

هل دا هيفرق في حاجه اداء مثلا ؟؟

وجبت رامات 8 جيجا من نوع Team Dark (1 X 8GB) DDR3 1600 CL9 1.5V دي وحشة ولا لأ هل غلطت اما اشتريتها وهل تركب علي المازر دي ولا لأ


سؤال اخير البروسيسور i5 4460 يركب علي المازر دي برضو ولا لأ

محمد فاروق غازي
30-08-2015, 22:04
انا النهارده جبت البوردة دي لصاحبي GA-H81M-S2PT عشان ملقتش D3 او S2PH

هل دا هيفرق في حاجه اداء مثلا ؟؟

لا أخي مش هيفرق في الأداء، الاختلاف بين موديلات الـ H81 سواء S2PT أو S2PH أو S2PV أو HD3 يكاد يكون في منافذ عرض الصورة فقط يعني لو هتشتغل على كارت خارجي مش هيفرقوا عن بعض حاجة
الـ S2PT فيها منفذ تناظري D-Sub فقط اللي هو VGA وده أقصى ريزولوشن بيدعمه 1920x1200 يعني أعلى من ريزولوشن الـ Full HD لكن اللوحات الباقية فيها منافذ تناظرية ورقمية أخرى بتدعم أبعاد أكبر
زي الـ DVI وده تناظري وأقصى أبعاد بيدعمها 1920X1200 زيه زي الـ VGA وفيه HDMI و Display-Port ودي منافذ رقمية بتدعم أبعاد أكبر تصل لـ 4K 4096x2160

وجبت رامات 8 جيجا من نوع Team Dark (1 X 8GB) DDR3 1600 CL9 1.5V دي وحشة ولا لأ هل غلطت اما اشتريتها وهل تركب علي المازر دي ولا لأ

الرامات ممتازة وللعلم أفضل رامة هي الرامة اللي توصل لتردد عالي في توقيت قليل وفولتية قليلة أما عن الماركات فعمليًا أغلب الماركات محصله بعضها خاصة الماركات المشهورة زي الجي سكيل والكورسير والكينج ستون والتيم وغيرهم والرامة مدعومة من اللوحة وهتركب عليها بدون مشاكل بإذن الله وكويس إنك جبت قطعة واحدة 8 عشان لو حبيت تعلي الرمات لـ 16 في المستقبل يبقى عندك مكان للرامة التانية
ممكن بعض الإخوة يقولولك كان الأفضل تجيب قطعتين كيت 2x4 عشان خاصية الدايل شانل لكن الواقع العملي بيقول إنها خاصية لا بتقدم ولا بتأخر ولا ليها لازمة أصلاً والأفضل لأي حد عنده لوحة فيها سلوتين فقط للرامات إنه يجيب قطعة واحدة عشان لو حب مستقبلاً يضاعف الرامات يبقى الموضوع سهل


سؤال اخير البروسيسور i5 4460 يركب علي المازر دي برضو ولا لأ

اللوحة جيل رابع والبروسيسور جيل رابع والأثنين نفس السوكيت 1150 يبقى قطعًا يركب بدون أي مشاكل

EL K4L!B3Y
30-08-2015, 22:11
تسلم اخي علي الرد والافادة

مشكلتي دلوقتي هل شركة تيم تعتبر مشهورة وموثوق فيها ؟
لاني اول مرة الصراحة اشوفها ودورت علي الرامة دي علي النت موجودة اه لكن مش بكثرة زي الكينجستون والكروساير والكلام دا

هل دا يخليني اخاف ولا حاجه لانها مش مشهورة وتخاف منها ومن الاداء ولا رايك ايه
انا ممكن ارجعها بس محتاج اشوف رايك في الحالة دي

محمد فاروق غازي
30-08-2015, 22:49
تسلم اخي علي الرد والافادة

مشكلتي دلوقتي هل شركة تيم تعتبر مشهورة وموثوق فيها ؟
لاني اول مرة الصراحة اشوفها ودورت علي الرامة دي علي النت موجودة اه لكن مش بكثرة زي الكينجستون والكروساير والكلام دا

هل دا يخليني اخاف ولا حاجه لانها مش مشهورة وتخاف منها ومن الاداء ولا رايك ايه
انا ممكن ارجعها بس محتاج اشوف رايك في الحالة دي

الرامة تعمل بكفاءة على جهاز أحد أقاربي وماركة تيم أصبحت منتشرة ومعروفة الفترة اللي فاتت ومفيش منها مشاكل
وزي ما قولتلك الماركات كلها محصله بعضها والفروقات مش كبيرة يعني ممكن تكون في شياكة الرامة والمشتت
لكن في الأداء لو رامتين ماركتين مختلفتين وترددهم وتوقيتهم وفولتيتهم واحدة مش هتحس باختلاف في الأداء
المشاكل بتظهر لو الرامة مش مدعومة من اللوحة الأم أو لو مركب رامتين مختلفتين في التردد أو التوقيت أو الفولتية
أو أتربة دخلت في سلوت الرامة وتراكمت، فأنت ركب الرامة وشوفها ببرنامج CPU-Z مثلاً لو لقيت ترددها وتوقيتها وفولتيتها تمام
يبقى مفيش مشاكل واشتغل على بركة الله والرامة جميلة وبالنسبالي أفضل من الكينج ستون ليس في الأداء وإنما في الشكل
وإن كان الشكل ملوش أهمية أوي في الرامات وللتنبيه لو لقيت الرامة ترددها قارئ 1333 بدل 1600 بيتعملها بروفايل وبتتعدل من البيوس وده مش خاص بماركة معينة
أنا عندي الجي سكيل 1600 ولما ركبتها قرأت 1333 لأن هي أصلاً 1333 وبتوصل لـ 1600 لما تفتحلها التردد من البيوس فالشركة بتمسيها 1600 لأنها بتوصل للتردد ده

EL K4L!B3Y
30-08-2015, 23:06
تمام طمنتي جدا اخي

طب 1600 هيفرق جامد عن الاداء عن 1333 ؟
اصل انا عندي كينجستون 1333 8 جيجا

سؤال اخير بس الرامه مدعومة من المازر المذكورة ؟

محمد فاروق غازي
30-08-2015, 23:28
تمام طمنتي جدا اخي

طب 1600 هيفرق جامد عن الاداء عن 1333 ؟
اصل انا عندي كينجستون 1333 8 جيجا

طبعًا كل ما زاد تردد الرامة كل ما كان أفضل في الأداء لكن الفرق بين تردد 1333 و 1600 ليس بالكبير يعني فرق أداء قليل جدًا

سؤال اخير بس الرامه مدعومة من المازر المذكورة ؟

اللوحة بتدعم نوعين من ماركة تيم أخي يا ريت تكتبلي اسم P/N اللي على علبة الرامة أو على استيكر الرامة نفسها عشان أشوفهالك موجودة في قائمة دعم اللوحة الأم للرامات ولا لا
لكن متقلقش أنا الجي سكيل عندي الـ P/N مش موجود في قائمة الدعم مع إن أنواع كتير من الجي سكيل موجودة وكان في نوع الـ P/N بتاعه مختلف في حرف عن الـ P/N الخاص برامتي
والرامة اشتغلت بكامل كفائتها وبدون أي مشاكل فمتقلقش الموضوع مش صعب والمعول عليه فيه هو تركيب الرامة وتجربتها لو اشتغلت بدون مشاكل يبقى ده المطلوب

EL K4L!B3Y
31-08-2015, 14:07
تمام اخي اتفضل صورة للرامة انا اعتقد ان اسمها مش موجود ايه رأيك

ايه الحل في هذه الحالة ؟ ارجعها ولا اجربها الاول

https://arabhardware.net/forum/attachment.php?attachmentid=29580&stc=1

محمد فاروق غازي
31-08-2015, 14:30
زي ما قولتلك أخي الرامة الخاصة بي الجي سكيل اسمها الكودي مكنش موجود في القائمة ضمن موديلات الجي سكيل الموجودة ورغم كده اشتغلت تمام جدًا بدون أي مشاكل
الرامات بتكون تصنيعها بعد اللوحة وهما مش بيحدثوا قائمة الدعم على الموقع الرسمي للوحة، توكل على الله وجربها وهتشتغل معاك تمام بإذن الله
ولو قلقان وحابب ترجعها وتجيب حاجة تانية مفيش مشكلة

EL K4L!B3Y
31-08-2015, 14:38
تمام اخي انا شوفتها علي مواقع تشتغل علي مازر
GA-H81M-S2PH

انا اللي جايبها S2PT مش S2PH اعتقد الاتنين واحد ؟

محمد فاروق غازي
31-08-2015, 14:47
مش هتفرق إن شاء الله وهتشتغل تمام
توكل على الله وجرب

EL K4L!B3Y
31-08-2015, 14:59
تصدق علي موقع S2PH مش موجود الموديل بس شغاله عليه
يبقي ان شاء الله نفس الكلام معايا

تسلم اخي علي افادتك وتعبك معايا ^^

كنت عاوز ااسال حضرتك سؤال برا الموضوع الصراحة بس تاعبني جدا

اجيب GTX 970 ولا 390 ونفس الكلام مع 960 و380

للعلم ان شاشتي مش هتكبر عن 1080p و مش هعمل sli او overclock في المستقبل
وهجيب الكارت للجيمز بس