نصيحة في توافق القطع

[siktor]

انا اول مرة اجمع كمبيوتر فا اعذروني عشان هسال كتير :rolleyes:
انا كان عندي جهاز فية المواصفات دية بروسيسور core i3 540
و ماذربورد gigabyte H55M-USB3
https://arabhardware.net/forum/attachment.php?attachmentid=29579&stc=1ودية صورة لمواصفات الرامات عندي
المهم انا طبعا مش عارف اشغل اي لعبة جرافيكها عالي او حتي متوسط فقررت اجيب قطع تانية وبعد البحث لقيت القطع دية وعايز اخد رايكم في التوافق ما بينها وهل عادي اركبهم مع بعض بدون مشاكل
البروسيسور fx 6300
كرت شاشة gtx 750 ti <<<انا عايز اسال اية احسن ماركة وهل ماركة اسوس هي الاحسن ولا اية
وماذر بورد Gigabyte GA-970A-D3P Socket AM3 << هل الماذربورد كويسة وتقدر تعيش معاية ولا فيها مشاكل
طيب عايز استفسر كمان عن خاصية ال turbo الموجودة في fx 6300 هل هي هتحتاج مني اني اجيب مشتت ولا ممكن تشتغل عادي
و هل ممكن تسبب مشاكل مع تشغيلها علي الكمبيوتر قصدي يعني لو فضلت مشغلها علي طول لان استخدامي للكمبيوتر ممكن يوصل ل24 ساعة :D
وبالنسبة لموضوع الباور سبلاي اية احسن حاجة تكون متوافقة مع التكوينة اللي فوق انا عايز حاجة كويسة تادي المطلوب وتكون سعرها كويس مش عالي
معلش سؤال اخير القطع دية متوفرة في مصر :confused: انا عارف اني سالت كتير لاني اول مرة فعلا افكر اجمع كمبيوتر وانا حاسس اني هقلب مواصفات الكمبيوتر كلها فخايف من الموضوع دة لو فية اي حاجة غلط في اي قطعة من القطع اللي فوق ياريت تصلحولي
الميزانية المسموحة 3400 جنية
رزليوشن الشاشة 1920x1080
القطع التي سيتم استخدامها من الجهاز القديم: الرامات 4gb و الكيسة و الهارد
ميعاد الشراء : اول لما اطمن انة القطع متوافقة هشترية من بكرة بس عايز اسال اهل الخبرة
مكان الشراء : محل جنبي في شارع الهرم هيوفرلي ان شاء الله القطع لو طلبت منة
محل السكن مصر /الجيزة /الهرم

[l_POSEIDO_l]

سلام عليكم وصباح الخير يا باشا ^^
في في قوانين القسم نموذج معين المفروض حضرتك تمشي عليه عشان يكون شكل الموضوع افضل والناس تقدر تساعدك بسرعة.. طبعا انا عضو زيي زيك مش انا اللي بحط القوانين :D بس بفكرك عشان يجيلك ردود اسرع ان شاء الله والنموذج اهه:


نموذج الموضوع يكون كالتالى:

-
يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

[siktor]

صباح النور شكرا علي التوضيح وتم اضافة المعلومات التي لم تكن موجودة لو في اي حاجة تانية قولي :)

[salahali244]

Gigabyte GA-H81M-S2PH Socket 1150 Motherboard 550 L.E

Intel Core I5-4460 Haswell 3.2GHz LGA 1150 1,450 L.E

Gigabyte Geforce GTX 750 Ti Windforce 2GB GDDR5 1,275 L.E

SeaSonic S12II Bronze 520W 80 PLUS 550 L.E

المجموع ٣٨٢٥ جنية

التجميعة زيادة 425 جنية بس هتكون افضل في الالعاب وهتشغلك الالعاب علي الترا وهاي , ولو الميزانية معاك مش هتسمح ممكن تجيب كارت الشاشة مستعمل بحالة جيدة وهيكون اقل بحوالي 300 جنية او اكتر وتشوف البور صبلاي اللي موجود في التجميعة بيتباع مستعمل ب300 جنية يعني هتوفر حوالي 550 جنية

ولازم في اقرب وقت تزود رامات 4 جيجا كمان لان الالعاب حالياً بتتطلب رامات 8 جيجا

ولو تقدر تزدو الميزانية وتجيب كارت Gigabyte GeForce GTX 950 2GB GDDR5 1,500 L.E يبقي افضل ليك

[siktor]

اها الف شكر علي التجميعة بس عايز استفسر من حضرتك علي حاجة هل الماذربورد ASUS H81M-A هتكون افضل من جيجابايت وبخصوص الباور صبلاي هل مش ممكن XFX TS Series 450W 80 Plus Bronze
يادي المطلوب ولا مش هيكون كويس كفاية واشتري SeaSonic S12II Bronze 520W 80 PLUS عشان الميزانية اخري 3700 جنية

[salahali244]

اها الف شكر علي التجميعة بس عايز استفسر من حضرتك علي حاجة هل الماذربورد ASUS H81M-A هتكون افضل من جيجابايت

انا شخصياً بفضل الجيجا بايت ومفيش اختلاف كبير بينهم

وبخصوص الباور صبلاي هل مش ممكن XFX TS Series 450W 80 Plus Bronze
يادي المطلوب ولا مش هيكون كويس كفاية واشتري SeaSonic S12II Bronze 520W 80 PLUS عشان الميزانية اخري 3700 جنية

هيكون كافي وهيشغلك الجهاز بدون مشاكل بأذن الله , بس انا افضل تشتري SeaSonic S12II Bronze 520W 80 PLUS 550 L.E عشان لو فكرت انك تغير كارت الشاشة في المستقبل وتشتري كارت زي GeForce GTX 970 مثلاً هتحتاج باور 500w فعشان مترجعش تشتري باور تاني

[siktor]

شكرا علي المساعدة و هاخد بنصيحتك ان شاء الله:)