تجميعة جديدة + تحديث لجهازي محتاج مساعدة من الخبراء

[atito2105]

السلام عليكم ورحمة الله وبركاته

شوفو يا جماعة انا اول مره اجمع تجميعة
التجميعه دي لي واحد قريبي
كنت عايز اخد رائيكم فيها

كان في حاجه انا مش عرفها ومحتاج مساعدة منكم فيها
هل كرت الشاشة ده

GT 730 DDR5 2GB

هيحتاج انه يشتريله بور سبلاي خارجي غير الي بيجي مع الكيسه ولا عادي
علشان انا سمعت ان ممكن البور سبلاي يحرق كرت الشاشة او يحرق اي قطعة

GT 730 DDR5 2GB كرت الشاشة

GA-H61M-S2P المازر بورد

Pentium® G3258 بروسيسور

Pentium® G3258 اناا فضلت البروسيسور ده عن Intel® Core™ i3-3220
علشان احسن وارخص

هنا انا مش عارف اجيب له انهي رام

ram kingston 4gb - team ram 4gb

دي التجميعة الي جمعتهاله تمام

وسعرها تقريبا 2500 جنيه ودي الميزنيه
.................................................. ................................................
وكمان يا جماعة انا دي امكانيات الجهاز بتاعي عايز اعمل له تحديث


GA-H61M-S2P المازر بورد

kingston 4gb الرامات

Pentium® G620 البروسيسور

عايز احدثه اخليه Pentium® G3258

كرت الشاشة مدمج Intel HD Graphics

عايز اركب GT 730 DDR5 2GB

وعندي البور سبلاي جاي مع الكيسه اسمه

ac230v

هل البور سبلاي هيستحمل كرت الشاشة ده ولالا

وهل كرت الشاشة ده GT 730 DDR5 2GB حلو اساسا ولالا :D

واسف لو كنت طولت عليكم في الكلام
وشكراا

[محمد البرديسى]

ياريت ذكر الميزنية فى كل موضوع

[atito2105]

حضرتك الميزانيه بتعتهم 2500 جنيه تقريبا بتاعت التجميعه
و بنسبة للتحديث بتاع جهازي انا 1200 جنيه تقريبا

[phenomenon]

وعليكم السلام ورحمه الله وبركاته ...
الكارت بسيط جدا جدا فى احتياج الباور ومع ذلك اى باور سىء ممكن يجرق اى كارت شاشه بسيط خاصه اذا كان الباور تجارى مش ماركه يعتمد عليها
يعنى لو الباور Dell مش هيكون افضل شىء فى السوق بس على الاقل خارج من مصانع باور سبلاى ويعتمد عليه
نفس الكلام لايه اجهزه OEM سواء hp او Lenovo او Acer او غيرهم بيكون معاهم باور يعتمد عليه وبالمقام الاول عشان خاطر المكونات اللى فى الكيس
لكن اول ماتشترى حاجه على حسابك الخاص وتركبها فى الكيس .. فى الوقت دا الباور مش مسؤل عن ايه تعديلات وده بخصوص OEM

اما بخصوص الباورات التجاريه اللى بتيجى مع كيسات مش مشهوره المصدر ليست امنه على المكونات زى اللى معاك
الباورات التجاريه دى مش معموله لجهاز زى اللى معاك وده بوجهه عام حتى ان قدر يمشيك تمام لفتره طويله وكمان بيتعب بدرى وبيحتاج تغير
خاصه مع وضعه تحت الضغط وتشغيل الالعاب عليه وده بخصوص الباورات التجاريه اللى هى سعرها 20 او 50 او 70 جنيه وماشابهه


مبدايا عشان مش تغلط : معالج Pentium G3258 هو معالج الجيل الرابع ولا يعمل الا على لوحات سلسله 8 + 9 فقط
اما لوحتك هتلاحظ ان اسمها H61 يعنى سلسله 6 ودى الطريقه الاولى والابسط للتفرقه
الطريقه الاصح : هتلاحظ ان المعالج مكتوب جمب اسمه LGA1150 وده معناه انه محتاج لوحه ام تمتلك سوكيت Socket 1150
اما ان ذهبت لاسم اللوحه الام اللى معاك هتلاحظ اسمها H61 Socket 1155
اذن لا يمكن شراء الا معالجات Socket 1155

زى جميع معالجات الجيل التانى والتالت
مع اختيارك لمعالج I3-3220 اختيار ممتاز ولكن طالما انت لسى بتجمع من جديد يبقى من الافضل شراء تجميعه حديثه

مفيش مشكله من اى رامه تشتريها او اى نوع المهم تكون رامه Desktop ومن الافضل انك تخليك فى فولتيه 1.5v

اداء كارت GT730 كويس لتشغيل الالعاب وجوده صوره معقوله زى العاب الفيفا والالعاب البسيطه فى الجرافيك لكن اذا كنت مدمن العاب انت محتاج كارت اعلى قليلا
او ممكن تكمل مع الكارت ده مؤقتا وتحدثه باقرب فرصه او ممكن قبل ماتفكر فى شراء كارت شاشه شوف اسعار الكروت المستعمله
احيانا بيكون فى عروض لكارت افضل ويعتمد عليه بشكل افضل ولكنه مستعمل بنفس سعر كارت اقل منه فى الكفائه لكن جديد

على العموم انا مقدرتش افهم للاسف انت عاوز تجيب ايه بالظبط بكل مبلغ فيهم : ياريت تحدد بالضبط كام قطعه انت محتاجها للمزينيه الاولى والتانيه

[atito2105]

شكرا خالص طيب ايه رائ حضرتك في البوردة دي GA-P81-D3 دي ينفع يتركب عليها صح
بنسبة لي كرت الشاشة حضرتك انا بشوف ناس كتير علي اليوت يوب بيلعبو بيه وتش دجز وجاتا iv far cry 4 والعاب من التقيلة دي بس ع جودة متوسطة هل دي اعلانات علشان يبيعو الكرت ولا ايه وفي ناس بتشكر فيه ع المنتديات وكدا الكرت ده
GT 730 DDR5 2GB
تنصحني اشتريه ولا فيه كرت في نفس سعره واحسن منه

وحضرتك الميزانيه 2500 جنيه ممكن تقول لي علي تجميعه تكون حلوة في السعر ده
معلش هتعب حضرتك معايا بس علشان انا اول مره اجمع تجميعه لوحدي ولسه مش فاهم اي حاجه بس بحاول افهم

[phenomenon]

مفيش مشكله .... اللوحه كويسه جدا بس ياريت اخى بالله عليك توضح عدد القطع اللى محتاجها بالميزانيه بالضبط ؟
لوحه ام + معالج + كارت شاشه ؟ هل دول ميزانيتهم 2500 جنيه معاك ولا محتاج هارد او رامه بنفس الميزانيه ؟

[atito2105]

لوحه ام + معالج + كارت شاشه + رامات فقط من غير هارد
معايا 2.5

[phenomenon]

Mobo : Asus H81 Gamer = 650 LE
CPU : Pentium Haswell G3240 3.1GHz = 450 LE
Mem : Kingstone Hyper X Blue 8GB 1x8 DDR3 1.5v Bus 1600MHz = 470 KE
VGA : Gigabyte GTX 750 2GB = 1050 LE

Total : 2600 LE

[atito2105]

تسلم ايدك يا مشرفنا الغاالي

[H_KIMO]

AMD A8-7600 = 735 L.E
MSI A88XM-E35 =440 L.E
Kingston HyperX Savage 8GB (2 X 4GB) DDR3 2133MHz CL11 1.5v =550
SAPPHIRE R7 260X 2GB GDDR5 OC=1050