ممكن مساعده صغيره في اللوحه الام !!

[NewGamer]

السلام عليكم
انا محتار ما بين اتنين ماذر بورد دلوقتي الاولي Asus h81 Gamer والتانيه GigaByte B85 HD3
ولو في حاجه افضل يبقا تمام...بس طبعا انا مش بمشي ورا مبدأ اشتري الغالي
انا معنديش خبره كبيره في الهاردوير عشان احدد...فا كان الحل اني اخد استشاره الناس الافاضل هنا :)
وشكرا مقدما

[Ell0l]

وعليكم السلام اخي...
الموضوع بسيط جدا..انا هعملك مقارنه بسيطه بين اللوحتين
نبدا ب asus h81 gamer بتقبل رام اب تو 16 جيجا وفيها 4 مخارج للرام...تعتمد علي مدخل pci 2 وفيها كرت صوت و lan احترافي ده غير مداخل ال usb 3 و الساتا انا مش متذكرهم اوي الصراحه
وبالنسبه ل gigabyte b85 فا هي بتقبل رام اب تو 32 جيجا رام وفيها برده 4 مخارج رام...تعتمد علي مدخل pci 3 ويمكن وضع كرتين amd (كروس فاير) برده مش متذكر اوي مداخل الساتا وال usb 3 ان شاء الله حد من الاعضاء هيذكرهم
نيجي بقا انك تختار ايه...بص يا باشا انا مثلا محتاج في المستقبل كا اقصي ليا 16 جيجا رام ومش هعمل كروس فاير يبقا كده هجيب asus h81 gamer بالتأكيد
...لكن انا ممكن ازود ل 32 جيجا رام في المستقبل خاصا لو ليك في شغل الجرافيك والريندر وهعمل كروس فاير او مش هعمل مش هتفرق كتير يبقا كده اكيد هجيب gigabyte b85
طبعا هيجي في تفكيرك ايه الفرق بين ال pci 2 و ال pci 3 بعد ما كتبتها في المقارنه البسيطه الي فوق ...
وحاجه بسيط كدا...ان مفيش شك ال pci 3 احدث بس لسه مفيش كرت شاشه قدر يستفيد من مدخل ال pci 2 يمكن هنقول تفرق بس في حاجات بسيطه لو حبيت تعرفها ممكن تتفضل بزياره موضوعي
https://arabhardware.net/forum/showthread.php?t=431611 وشوف رد استاذ ابراهيم ...هتفهم كل حاجه وزود معلوماتك برده :D :D
علي فكره انا كنت زيك في الاول ...بس انصحك بمتابعه المواضيع في المنتدي ومتترددش ابدا انك تسأل في حاجه
وبالتوفيق اخي الكريم :)

[phenomenon]

ASUS H81 gamer مناسبه جدا وفيها نفس خصائص لوحات B85 باستثناء سوكيتين SATA 6GB/s ناقصين فقط لكن معاك سوكيتين اخرين وسوكيت اخر SATA 3GB/s
لوحه ASUS H81 Gamer فيها دايره فولتيه عاليه كويسه لتبريد المعالج زى لوحات B85 وفيها كارت صوت ولان عالى
فقط يجب ان تضحى ب 16GB رامات لكن لو المستقبل بالنسبالك فيه 32GB او اكتر من 16GB فكر فى لوحه ASUS B85 Pro Gamer لكن سعرها اعلى 200 جنيه بسبب كارت اللان والصوت
وتقريبا نفس الاختيار موجود فى لوحه GB P85 Gaming 3 وبنفس السعر

[NewGamer]

انا بشكر حضراتكو علي الافاده
انا مش بهتم بشغل الجرافيك والريندر...انا استخدامي العاب بس
فا اعتقد كده ان لوحه Asus هتبقا انسب كدا
بس سؤال اخير اللوحه ديه هعرف احدث فيها في المستقبل ولا لا

[phenomenon]

هتحدث اى كارت شاشه براحتك زيك زى اللى معاه لوحه تمنها 4000 جنيه حاليا مفيش فرق بينكوا
اذا كان يقدر يشترى Titan X على لوحه ASUS X99 Extreme Rampage فانت كمان تقدر تشترى Titan-X
مفيش متطلبات محدده لكروت الشاشه سوى سوكيت PCI Express X16 من اللوحه الام وبعض التفاصيل لا داعى لذكرها

كمان اهم شىء حجم الكيس وانه يكون مناسب لحجم الكارت وطوله وكمان باور سبلاى مناسب للكارت ده

هتعرف تحدث لجميع معالجات Haswell 4th Gen زى معالج I7-4790K وتستفاد بكامل طاقته ولكن باستثناء كسر السرعه

اقصى عدد هاردات SATA III هيكون 2 هاردين يعنى لازم عند اختيارك الهارد تفضل شراء هارد كبير واحد افضل من هاردين صغيرين عشان المستقبل
لكن كمان معاك منافذ اضافيه SATA II وفرق سرعه النقل النصف تقريبا ولكن لنكون واقعيين لا يوجد فرق على الواقع العملى خاصه لهاردات HDD
اذن امر الهاردات بسيط .. فى مجموعه هاردات نازله بالمستقبل وهى المفروض بقالها قرن من الزمان بالخارج لكن مش بتنزلنا فلا داعلى لذكرها

معاك اربعه سوكيت رام لتركيب اقصى سعه 16GB DDR3 bus 1600

معاك اربعه سوكيت USB 3 اتنين فى الراكه او الباك بانل واتنين هيوصلوا عن طريق فتحات الكيس الاماميه اذا كانت الكيس فيها سوكيت USB 3 امامى
عشان تتاكد ان الكيس بيدعم USB3 لازم تتاكد من مواصفاته او تلاحظ سوكيت او اتنين لونهم ازرق فى الامام : ده معناه ان الكيس معاه كابل / فيشه USB3
هنقدر نوصلها على اللوحه الام عشان نفعل USB 3

المفروض نرشح B85 لانها بطبيعه الحال فيها تدعيمات اكبر يعنى هنقدر نركب عليها حاجات اكتر زى هاردين SATA III او رامات اعلى او كارت شاشه AMD اضافى
لكن يمكن تلاحظ انك لن تستفيد بتلك الامور قبل اربعه سنوات من الان وربما هيكون دا اول الوقت بالنسبالك اللى فعلا بتفكر بشراء منصه جديده تماما وامكانيات 32GB
اذن لم تستفيد من الرام الاعلى ولم تقوم بشراء اربعه هاردات ولم تستفاد من خاصيه AMD CFX باذافه كارت شاشه اضافى

لكن لوحه gamer هتستفيد بكامل الخصائص out of the box

[NewGamer]

شكرا علي الاهتمام...
انا عن نفسي مش بفضل كروت amd بفضل نيفديا ....ومليش في عمل كسر السرعه..
وحاسس اني مش هستفاد من خواص ال b85
فا شايف ان اسوس كدا بقيت انسب اختيار ومقتنع بيها 100 100 بس سؤال اخير انا المعالج الي هجيبه i5 4460 فا كنت بفكر اشتري مشتت لان سمعت ان كل ما درجات حراره المعالج بقيت اقل كل ما كان احسن...
وطبعا كنت بفكر في مشتت cooler master hyper 212 evo

[phenomenon]

طبعا توفير مشتت امر جيد جدا
ولكن ملحوظه هامه : بدا تنشيط امواد توفير الطاقه او thermal Throttling مش بتبدا غير عند درجات الحراره المرتفعه لعمليه الخنق الزاتى من الاداء
ودى مستبعده جدا على مشتت انتل المصنعى مع معالج I5-4460 لكن معالجات I7-4790 ملحوظه
قبل شراء المشتت شوف درجات الحراره فى الخمول والضغط هتلاحظ ان اللوحه معاك كويسه جدا فى توزيع الباور للمعالج وحرارته هاديه لان من شكلها على الاقل 4 power phase

[dash-mohamed]

لية بوردة b85 تركب هاردين ساتا 3 بس ؟ كنت عايز توضيح فى النقطة دى عشان انا مركب 3 هاردات 2 عادى وواحد اس اس دى , هل كدة فيه مشكلة او حاجة ؟

[phenomenon]

المفروض نرشح B85 لانها بطبيعه الحال فيها تدعيمات اكبر يعنى هنقدر نركب عليها حاجات اكتر زى هاردين SATA III او رامات اعلى او كارت شاشه AMD اضافى
لكن يمكن تلاحظ انك لن تستفيد بتلك الامور قبل اربعه سنوات من الان وربما هيكون دا اول الوقت بالنسبالك اللى فعلا بتفكر بشراء منصه جديده تماما وامكانيات 32GB
اذن لم تستفيد من الرام الاعلى ولم تقوم بشراء اربعه هاردات ولم تستفاد من خاصيه AMD CFX باذافه كارت شاشه اضافى

المقصود انها اربعه سوكيت SATA III فيها اتنين سكويت اضافى عن بورده H81