أسعار أحدث الهاردوير في مصر ( متجدد ).

[mohamedmmm]

بسم الله

الاخ العزيز شريف بارك الله فيك وشكرا على مجهوداتك ومبارك تثبيت موضوعك وانا على يقين ان الامر سيزيد من مسؤليتك تجاهنا للبحث واحضار افضل الاسعار و كل ماهو جديد وهو ما يتطلب منك الوقت والجهد اعانك الله
الاخ الكريم zawzwy
شكرا لك على استجابتك لتثبيت الموضوع ونطلب منك وان كنت انت من عرضت مساعدة الاخ شريف في مسالة التنسيق وتعليمه اياها فلقد طلبها مني وانا لا اعرف كيف
اخيرا وليس اخرا اقترح على الاخ شريف اقتراحين
اولا تغير اسم الموضوع مثلا الى اسعار احدث كروت الشاشة و قطع الكمبيوتر بمصر
ثانيا عمل رابطة لهذا الموضوع برئاستك مثلا يا اخ شريف والتنسيق بينكم لتوفير اكبر قدر من المعرفة بالاسعار من خلال الاسواق المتاحة في القاهرة كما انه يضمن بمشيئة الله استمرارية الموضوع لعدم الاعتماد على شخص واحد لاننا كلنا لاحظنا مدى اهتمام واحتياج واستفادة الاعضاء من مصر ولذلك ارى ان نحافظ على استمراره بزيادة اعداد القائمين عليه با قتراح رابطة للموضوع او اي اقتراح يضمن استمراريته باذن الله
وشكرا

والسلام عليكم ورحمة الله وبركاته

[zero_cold00]

الف مبروك على التثبيت لان هذا الموضوع اصبح مرجع اساسى للاعضاء المصريين فى معرفه اسعار قطع الحاسب وانا اولهم. :up:

[ayman2009]

السلام عليكم
أولا: بخصوص الماذربورد (GIGABYTE GA-965P-DQ6 (rev. 3.3 الأصدار الثالث والأخير هل موجود في مصر ؟؟ و بكام ؟؟؟ وأسماء وعنوان وتيفون الشركة المتوافر بها؟ وهل تدعم الرام من نوع spektec لأنه في موقع جيجابايت كاتبين في قائمة المعالجات التي تدعمها هذه اللوحة ومش كاتبين النع بتاع للي عندي spectek

ثانيا: بخصوص الماذربورد GIGABTE GA-P35-DQ6 حتنزل مصر أمتى لأني سألت في التوكيل قالوا مش موجوده !! والسعر المتوقع لها؟؟؟
وبعدين هل تدعم معالج بنتيوم 4 سرعته 2.8 GB كاش 1MB باص 533 نوع LGA ??
وهل تدعم رام SpecTek 512 MB باص 533 و DDR2 ??

ثالثا: بخصوص باور سبلاي ال HEC 300 WATT من اي شركة ممكن أجيبوا لوحده؟وهل يدعم اللوحتين السابقتين و بروسيسور core 2 duo و رام 512 DDR2 ? وكارت شاشة 256MB في حدود ال 300 جنيه أو 350 جنيه؟؟ ولا أشتري باور سبلاي HEC 450 WATT أضمن من ال 300 watt

رابعا: عايز أشتري كارت شاشة 256 MB في حدود 300 جنيه أو 350 جنيه أو 380 جنيه
ويا ريت يدعم خاصية ال Cross Fire المهم اللي بيعرف في كروت الشاشة يكتبلي الموديلان ال 256 اللي في حدود 380 جنيه سواء فيهاخاصية ال cross fire أو سواء لم يكن فيها وياريت يدعم ال DX10

خامسا وأخيرا :- حكون شاكر جدا جدا جدا لكل من يهتم بالرد على أستفساراتي في هذه المشاركة ولكم مني جزيل الشكر.

[عبد الحميد حامد]

الف شكر على المجهود الرائع والله

[osdo]

الف مبروك اخي العزيز شريف علي تثبيت موضوعك هي خطوة متأخرة لاكن في النهايية تستحقة علي مجهودك

[ahmddomar]

والله جزاكم الله خيرا على هذا الجهد الكبير ، قدرت أعرف الأسعار برغم عدم تمكني نزول السوق لتأخري بالعمل يوميا ، ونفسي أعرف أسعار كارت الستالايت SKYSTAR2 الألماني وأين أجدة .
ولكم وافر الاحترام

[arabtoarab]

بالطبع يستاهل التثبيت
ويحتاج لتغيير العنوان ووضع رابط له في قسم الطلبات للحاسب

مع التنسيق يصير مميز الصراحة لأنه الواجهة الأولي لنا كمصريين للأسعار
ويحث باقي الدول ليتشجع أعضائها علي فتح موضوع مثل هذا ممكن يكون واجهة لعرب هاردوير بالمستقبل بإذن الله

[ZaStava]

ألف مبروك لك ولنا على التثبيت
وأعانك الله على الإستمرار...وإفاده الأخوه الاعضاء

[kimoo12]

الف شكر يا شريف

[intelconroe]

مبرووووووووووووووووووووووووووووك

[SHERIF_ATHLON]

أولا قبل كل شيئ ألف شكر للأخ الفاضل zwawy والأدارة علي تثبيت الموضوع و شكر خاص لأخي العزيز mohamedmmm علي أهتمامه بالموضوع و متابعته بارك الله فيكم جميعا و أن شاء الله يعينني علي الأستمرار في هذه المشاركة البسيطة مني لمساعدة أخواني في هذا المنتدي الرائع و أخي العزيز mohamedmmm سوف أقوم بتنفيذ أقتراحك الأول أن شاء الله وبالنسبة للأقتراح الثاني فأي شخص يمكنه المساعدة و وضع أسعار فهذا الموضوع مفتوح لجميع الأخوة لمساعدة بعضنا .
أخي العزيز arabtoarab الهارد مش موجود ألا في شركة واحدة و هي شركة الوطنية معروف و اسعارهم فلكية نظرا لأن الهارد لا يوجد في شركة أخري و أيضا نفس الشئ بالنسبة للرامة لا توجد الا عندهم أستغلال يعني:( بخصوص الشاشة فهي ممتازة و توجد عند شركة وينر تريد و شركة كمبيو ساينس في السخاوي
أخي العزيز osdo أنا أمزح معك :D بالعكس المفروض أي شخص عنده معلومة أو سعر مميز من أي شركة يمكن يفيد به أعضاء المنتدي يجب أن يشارك به بس أنت سبقتني في الخبر وألف شكر لك ودائما :frnd"
أخي العزيز zero_cold00 ألف شكر و أهلا وسهلا بك :D
أخي العزيز ayman2009 بالنسبة للوحة الأم المذكورة فسوف أسأل لك أن شاء الله و لكن الأصدار القديم كان بسعر 1500 جنيه و ممكن تتصل بالشركة التالية للأستفسار منهم أليك أسم الشركة و تليفونها (كمبيو داتا سنتر )تليفون 4513628-4535989 ممكن يوفروها لك موجود عندهم الأن GIGA-BYTE 965P-DS3 VER 3.3 بسعر 850 جنيه بالنسبة اللوحة الثانية ليس لدي علم بموعد نزولها السوق و ممكن تسفسر من الشركة و أكيد تدعم كل الأشياء التي ذكرتها بالنسبة للباور يفضل باور أعلي في الوات كما ذكرت أضمن و بالنسبة لكارت الشاشة السعر اللذي ذكرته ها تكون كروت ضعيفة و لا تدعم DX10 أقل كارت يدعم DX10 في السوق هو CHAINTECH 8500GT و بسعر 750 جنيه و يمكنك الأستفسار من الشركة و الف مبروك مقدما:up:
أخي العزيز عبد الحميد حامد لا شكر علي واجب
أخي العزيز ahmddomar كان هناك أحد الأخوة و ضع موضوع بخصوص هذا الكارت و ذكر فيه أسم الشركة و هذ الرابط الخاص به
https://www.arabhardware.net/forum/showthread.php?t=51635
الشركة في الدور الثاني في مول السخاوي أمام شركة كمبيو داتا و هي شركة صغيرة بس مش فاكر أسمها و أن شاء الله سوف أتأكد لك قريبا .
و ألف شكر لكم جميعا

[3m.Ahmed]

شكرا علي التثبيت
الموضوع اكثر من رائع
و شكرا لمساهمة جميع الاعضاء و بالاخص الاستاذ شريف

[ayman2009]

عايز أعرف أسعار ال External Hard drive العادي والساتا 1 و الساتا 2
وعايز اعرف أسعار ال External DVD RW ???
في مصر
ويا ريت تكتبولي على أنواع كتيرة وأحجام للهارد الخارجي كتير مع الأسعار عشان أعرف أختار
وشكرا

[ayman2009]

يا ريت حد يقولي الهاردات الويسترن ديجيتال الساتا 2 البافر 16 MB و 7200 RPM
و 160 GB و ماليزي
بتتباع فين؟ في أي شركة بالظبط ؟ عشان نزلت مالقيتش الساتا 2

[عاشق الفيفا]

ممكن تقولولى مواصفات جهاز متوافق ب1500 جنيه من غير الشاشه الاستخدام هايكون لعب الفيفا والدخول الى النت ومشاهده الافلام

[hamada63]

الف سكر لك اخ شريف و لكن ما معى خاصيه ال LIGHT SRIBE فى الDVD-RW

[SHERIF_ATHLON]

أخي العزيز noble911 الف شكر لك علي مشاركتك الجميلة و دائما :frnd"
أخي العزيز ayman2009 أنظر في قائمة الأسعار وستجد أنني ذكرت أسعار لعدد من الهاردات الخارجية وبأحجام مختلفة و بالنسبة لل External DVD RW فسوف أسأل عنه أن شاء الله و سعره كان في حدود 450 جنيه و أيضا الهارد ال W.D 160GB SATA2 أستفسر عنه أن شاء الله
أخي العزيز عاشق الفيفا بالنسبة لمكونات الجهاز
AMD ATHLON 3000 AM2 = 360 LE
GIGA-BYTE 6100 V+S = 440 LE
H.D SEAGATE 200 G.B SATA2 = 340 LE
RAM 512MB BUS 667 ELIXIER = 120 LE
CASE HAND JUMBO = 150 LE
CD-RW SAMSUNG = 120 LE
TOTAL = 1530 LE
جهاز جميل و اللوحة الأم تحتوي علي كارت شاشة مدمج NVIDIA6100 بس للأسف لا أتذكر موديل اللوحة الأن و يمكنك زيارة قسم طلبات التجميع للحصول علي خيارات أخري من الأساتذة الأفاضل وألف مبروك مقدما
أخي العزيز hamada63 خاصية LIGHTSCRIBE هي خاصية تسمح بحرق رسومات و أشكال علي السطح الخارجي للأسطوانة و هناك أسطوانات DVD خاصة يتوفر بها هذه الخاصية ويمكنك رؤية عدة أشكال لها من هذا الرابط
https://images.search.yahoo.com/search/images?p=LightScribe&fr=yfp-t-501&toggle=1&cop=mss&ei=UTF-8
حبة أسعار معالجات AMD علي الماشي
AMD Athlon 64 X2 6000+ Socket AM2 = 2000 LE (BB)
AMD Athlon 64 X2 5200+ Socket AM2 = 1250 LE
AMD Athlon 64 X2 5000+ Socket AM2 = 1100 LE
AMD Athlon 64 X2 4600+ Socket AM2 = 900 LE
:up:

[ayman2009]

الهارديسك ال 160 GB و ساتا 2 الويسترن ديجيتال الماليزي أفضل ؟ أم السيجات؟؟
انا سمعتان السيجات بيسخن بسرعة أكثر من الويسترن ديجيتال فهل هذا صحيح؟
كما أنني سمعت أن السيجات لو تعرض للأصطدام فنسبة حدوث ال DATA LOSE فيه أقل من حدوثها ف الهارد الويسترن ديجيتال فهل هذا صحيح؟؟؟
جاوبوني؟؟
واذا كان السيجات أحسن فالمتوافر منه في مصر مصنوع في أي دوله؟؟يعني مثلا الويسترن فيه منه ماليزي وتايلاندي أما السيجات أيه؟؟ وأشتري اللي مصنوع فين؟؟

[zero_cold00]

اخى شريف ياريت لو تجيبلنا اسعار السماعات الكرييتيف عاليه المستوى ك 6060 وما فى مستوها ولو كان فبه حاجه لوجيتك
وشكرا مقدما

[WheeZee]

لو سمحت اريد ان اعرف سعر المذر بورد Gigabyte GA-M59SLI-S5 او Asus M2N32-SLI Deluxe
و كارت الشاشة Geforce 7900GS و Geforce 7900GT و Radeon X1950 Pro
شكرا

[hwash]

السلام عليكم و رحمة الله و بركاته
عباقرة المنتدى اخواني في الله انا طالب النصيحه
اجيب بروسيسور AMD 64 X2 +3800 او Intel C2D E 4300
و ان كان AMD اجيب بورد ايه في حدود 600 جنيه مصري
و جزاكم الله كل خير

[amon160]

السلام عليكم و رحمة الله و بركاته
أولاً تحية حارة جداً مني لكم أخواني المبدعين
بصراحة الموضوع أكثر من رائع
بالمناسبة بقي أنا ليا عدة أستفسارات
وهي
ما هو الفرق بين المازربورد أو اللوحة الأم التاليتين
1- giga byte 965p ds3 و ما هو سعرها حالياً
2- giga byte 945pl s3 يعني ما الفرق من حيث كل حاجة فيها يا ريت شرح شامل جزاكم الله خيراً

ثاني طلب معلش أستحملوني

ممكن أسعار الحجات الي هكتبها دي دلوقتي جزاكم الله خيراً

1- intel 3.4 2 mb bass 800 box
2- xfx 6200 256mb ddr2 agp و ياريت أعرف ما هو الفرق بين agp و pci من حيث الأداء
3- ram kingston 1 gb buss 667
4- w.d 250 gb sata
5- flash kingston 2 gb
6- samsung dvd 18x
7- case p4 wiout hand


و كدة يبقي أفتري بقي سامحوني أخواني لكن أنتوا إلي بتطمعوا الواحد فيكم جزاكم الله جم الخير و فتح عليكم من أبواب فضله و رحمته و فرج لكم من كرب الدنيا و رحمكم بها يوم القيامه
و صلي اللهم وسلم علي سيدنا محمد و أله و صحبه

[ZaStava]

أخى شريف ممكن الموضوع القادم يكون فيه شويه أسعار عن المشتتات للمعالجات المتوفره بالسوق المصرى
وجزاك الله خيرا عنا جميعا

[hisham2007]

بالمناسبة انا عندى كارت شاشة شينتك 7600 جى تى اوفر كلوكد بى سى اى اكسبريس للبيع
مواصفاته اعلى من 7600 العادى
كور كلوك 600
باند ويدث 25000
الرامات جى دى دى ار 3 بسرعة مؤثرة 1600
يقبل اوفر كلوك اضافى من 600 الى 640 باستقرار مع العلم ان 7600 جى تى العادى سرعة 560
و 7600 جى اس سرعته 450 على ما اتذكر

بالمناسبة مبقاش فيه 7600 جى تى فى توكيل شينتك اتصلت بالوكيل قاللى خلص ومش حيستورد تانى
يعنى ماعادش فيه 7600 جى تى جديد ب950 فقط
وارجو التأكد

[zicostation]

الموضوع مشمحتجنى عشان اقول عليه ممتاز وواخد مجهود منك فعلا انك بتفضل متابعه علطول فشكرا جزيلا لأن ليه فايدة كبيرة فعلا بس عندى طلب صغير وهو انك تاخد بالك من شوية حاجات زى كروت الشاشة بتاعة ati وبرضه الموديلات بتعة gigabyte سواءا ati or nvidia لأن فى كتير بيثقو في الشركة ديه اكتر من غيرها ومنهم انا
وعندى طلب لو سمحت انا عايز اشتر شاشة CRT لأنى مبطيقش ال LCD على الأقل دلوقتى لحد ميقدرو يعملو منها شاشات ليه جودة الصورة اللى فى ال crt
وفى تلات موديلات عاجبينى انى قريت عنهم فى النت بس معرفش اذا كانو متحين فى مصر ولا لأ فياريت لو تقدر تساعدنى فى معرفة ذلك بالأضافى الى اسعارهم وهم كالتالى

1-T930BU من LG
https://img144.imageshack.us/img144/12/t930bullgebh0.th.jpg (https://img144.imageshack.us/my.php?image=t930bullgebh0.jpg)
2-G90FB من Viewsonic
https://img143.imageshack.us/img143/7016/g90fbusengfrontlrgcd3.th.jpg (https://img143.imageshack.us/my.php?image=g90fbusengfrontlrgcd3.jpg)
او لو لقيت اى موديلات تانية 19 سودة

[عبد الحميد حامد]

سلام عليكم هل حقا يوجد توكيل ل amd واين هو وما تليفونه؟

[hamada63]

الف شكر يا استاذ شريف على الموضوع الرائع ولكن ممكن اعرف انا دلوقتى عايز اشترى كيس full towre اجيب منين

[ayman2009]

توكيل AMD في مصر ماسكه شركة موون ستون Moon Stone والعنوان والتليفون دور علية في موقع الشركة www.moonstone.com.eg (https://www.moonstone.com.eg)

يا ريت حد يقول لي على الشركة الي ماسكه توكيل أنتل في مصر عشان عايز أشتري بروسيسور كور تو ديو من التوكيل وشكراااااااا

[SHERIF_ATHLON]

أخي العزيز ayman2009 بالنسبة لي شركة سيجيت هي الأفضل من حيث التحمل و الضمان حيث أن الضمان علي الهارد 5 سنوات أنا مجرب ال160GB و 200GB عند أصدقائي ما شاء الله لا يوجد به أي مشاكل الدفعات القديمة من ال160 كلها صيني بس الأن توجد دفعات جديدة 200GB صناعة تايلندي و بسعر جميل 340 جنيه للهارد و بضمان 5 سنوات و يمكنك الأستفسار أكثر في قسم التخزين .
أخي العزيز zero_cold00 أعلي حاجة موجودة في الكرييتيف 5.1 حاليا في المول هي M5300 بسعر 350 جنيه و أن شاء الله أبحث مرة أخري عن موديلات أخري و الموديل الوحيد المتوافر من شركة لوجيتيك هو 2.1 X-230 بقدرة 64 وات و بسعر 250 جنيه.
أخي العزيز WheeZee بالنسبة للوحات المذكورة فهي غير موجودة في السوق حاليا و بالنسبة لكروت الفيجا كان موجود ال 7900GS بسعر 1850 جنيه و الX1950PRO بسعر 2000 جنيه ولا يوجد حاليا ألا 7900GTX بسعر 3150 جنيه :Angry: السعر القديم و أن شاء الله سوف أذهب الي المول و أستفسر لك عنهم مرة أخري.
أخي العزيز HWASH الأفضل طبعا و حسب رأي الخبراء في المنتدي ال C2D بس يفضل أن يكون المعالج E6300 و يمكنك الأستعانة برأي أساتذتنا الأفاضل في قسم المعالج و الذاكرة واللوحة الأم وخصوصا الأستاذ الفاضل GOLDENLIONTECH و أن شاء الله سوف يفيدوك أما اللوحة الأم فهناك اللوحة التالية و مناسبة للذكر الذي طلبته MSI K9N ULTRA NVIDIA nForce 570
أخي العزيز amon160 اللوحة الأم الأولي 965P-S3 بسعر 850 جنيه و اللوحة الثانية بسعر 460 جنيه و طبعا اللوحة الأولي هي الأفضل من حيث أن موديل اللوحة أعلي و دعمها للمعالجات رباعية النواة و المعالجات BUS 1333 و دعم الرامات BUS 800 و كارت صوت أفضل و مكثفات solid capacitor و يمكنك لتفاصيل أكثر مراجعة موقع الشركة بالنسبة لباقي طلباتك يا سيدي
INTEL 3.4 DUAL CORE = 1000 LE
MSI 6200 265MP PCI-E = 250 LE
و طبعا أذا كنت ستشتري أي من اللوحتين في الأعلي فهي تدعم الPCI-E وهو الأفضل حاليا حيث أنه 16X بينما الAGP 8X
RAM KINGSTONE 1GB BUS 667 = 370 LE
H.D W.D 250GB SATA = 425 LE
FLASH KINGSTONE 2 GB = 115 LE
SAMSUNG DVD-RW 18X = 220 LE
CASE P4 GAMA+POWER300W HEC = 270 LE
و ألف مبروك مقدما .
أخي العزيز ZaStava أن شاء الله سوف أذودكم بها قريبا
أخي العزيز zicostation بالنسبة للشاشات ال19 ال CRT فللأسف لا يوجد في السوق حاليا ألا موديلين
CTX 19" CRT = 790 LE
DELL 19" CRT = 600 LE
الموديل السابق من شركة DELL وارد الخارج جديدة بضمان شهر واحد بسعر 600 جنيه و لا توجد ألا في شركة واحدة و هي شركة كمبيو ماجيك و كان يوجد من شركة VIEWSONIC بسعر 1150 جنيه سوف أسأل عنه أن شاء الله و ممكن تشوفلك قطعة أستعمال أرخص و ربنا يوفقك أن شاء الله .
أخي العزيز hamada63 يا ريت توضح الموديل المذكور و أن شاء الله أستفسر عنه
و أسف علي التأخير في الردود .

[amon160]

أخي العزيز amon160 اللوحة الأم الأولي 965P-S3 بسعر 850 جنيه و اللوحة الثانية بسعر 460 جنيه و طبعا اللوحة الأولي هي الأفضل من حيث أن موديل اللوحة أعلي و دعمها للمعالجات رباعية النواة و المعالجات BUS 1333 و دعم الرامات BUS 800 و كارت صوت أفضل و مكثفات solid capacitor و يمكنك لتفاصيل أكثر مراجعة موقع الشركة بالنسبة لباقي طلباتك يا سيدي
INTEL 3.4 DUAL CORE = 1000 LE
MSI 6200 265MP PCI-E = 250 LE
و طبعا أذا كنت ستشتري أي من اللوحتين في الأعلي فهي تدعم الPCI-E وهو الأفضل حاليا حيث أنه 16X بينما الAGP 8X
RAM KINGSTONE 1GB BUS 667 = 370 LE
H.D W.D 250GB SATA = 425 LE
FLASH KINGSTONE 2 GB = 115 LE
SAMSUNG DVD-RW 18X = 220 LE
CASE P4 GAMA+POWER300W HEC = 270 LE
و ألف مبروك مقدما .

و أسف علي التأخير في الردود .

شكراً لك أخي شريف جزاك الله خيراً لكن ما هو الفرق بين البروسيسور الـ dual و clarion أ, ما شابه
و علي بركة الله نجعلها pci في كارت الشاشة لكن كم pci موجود في البرده أخي و من فضلك ممكن سعر البروسيسور العادي 3.4 بردة جزاك الله خيراً فأنا ناوي أكون جهاز بإمكانيات عالية و بسعر معقول عشان الحج يوافق بس فأنا دلوقتي في فترة جمع الأسعار عشان الإمتحانات ربنا يعديها علي خير بإذن الله