كرت شاشة جديد

[elkamel]

السلام عليكم ورحمة الله وبركاته
انا عايز اجيب كرت شاشة جديد ياريت ترشحولي كروت وتقولولي مميزاتها
البروسيسور CORE I5 3470
رامات ETEAM 4GB DDR3 1600
ماذر بورد GIGA BYTE H61
باور سيلاي THERMAL TEK 450 W
الميزانية 1500 اقصي ميزانية
وياريت اعرف قوة كارت الشاشة بتتحدد منين من الGPU
ولا ال RAM

[Dr.MahmoudGaber]

السلام عليكم ورحمة الله وبركاته
انا عايز اجيب كرت شاشة جديد ياريت ترشحولي كروت وتقولولي مميزاتها
البروسيسور CORE I5 3470
رامات ETEAM 4GB DDR3 1600
ماذر بورد GIGA BYTE H61
باور سيلاي THERMAL TEK 450 W
الميزانية 1500 اقصي ميزانية
وياريت اعرف قوة كارت الشاشة بتتحدد منين من الGPU
ولا ال RAM


وعليكم السلام ورحمة اللة وبركاتة
اهلا بحضرتك معانا ,, شرفتنا
بخصوص السؤال الاول انشاء اللة الاخوة يفيدوك فية اكتر منى
بالنسبة للسؤال التانى :


وياريت اعرف قوة كارت الشاشة بتتحدد منين من الGPU
ولا ال RAM

فى مدرستين :
المدرسة الاولى بتحدد قوة الكارت عن طريق شوية عمليات حسابية نظرية فقط ,, يعنى يجيبوا مواصفات الكارت زى الكور للمعالج الرسومى والترنزسترات والشادرز والميم باس ويدث والفريكوانسى وغيرة وبعد شوية عمليات حسابية يقولك ثلات نتائج ممكن تقارن بيهم بين كارتين وتختار اللقيم الافضل اللى هما ال memory bandwidth ودة اهم وحدة فى التلاتة وهية دى قوة الكارت ,وال texture filltrate ودى بتحددلك مدى دقة وجودة ووضوح ادق التفاصيل وكل ما تكتر كل ما تشوف تفاصيل ابعد من المكان اللى انت واقف فية داخل اللعبة (عن طريق اعطائك امكانية زيادة ال anisotropic من الاعدادات داخل اللعبة , وال pexil filtrate ودة بيحددلك اقصى الروزوليوشن تقدر تلعب بية بسلاسة وبكامل قوة الكارت (ال bandwidth ) ومدى امكانية زيادة ال anti-aliasing من الاعدادات.
يعنى ممكن كارت1 جيجا رام يكون اقوى من كارت 2 جيجا رام او كارت ال bus width لية 265 يكون افضل من كارت اخر ال bus width لية 384 لان القيم دى بتتضرب او تتجمع اوتتقسم او تطرح من قيم اخرى لمكونات اخرى داخل الكارت وبتطلعلك فالنهاية التلاث حاجات اللى بيحددوا قوة الكارت .
المدرسة التانية بتحدد قوة الكارت عن طريق البنش مارك للعبة جديدة نزلة حديثا ويطلعلك جرافات تبينلك قوة الكروت موضع المقارنة بصورة واقعية وعملية .
لو حضرتك عايز تقارن باستخدام المدرسة الاولى ادخل على جوجل واكتب اسم الكارت , مسافة ,gpu z ومن النتائج اختار الصور فقط .
لو حضرتك عايز تقارن باستخدام المدرسة التانية ادخل على جوجل واكتب اسم الكارت , مسافة ,اسم اللعبة اللى نفسك تلعبها اول ماتجيب الكارت ومن النتائج اختار الصور فقط .

[Walid DX01]

وعليكم السلام ورحمه الله وبركاته
افضل الكروت في هذه الفئه السعريه هو
GTX 950 Gigabyte 2GB WF x2 = 1650 LE
OR
SAPPHIRE Dual-X R7 370 2GB = 1550 LE


GTX 950 افضل من R7 370 بنسبه 10% حسب المراجعات
GTX 950 استهلاك طاقه بسيط جدا بالنسبه لأداءه .. يحتاج باور 350w
للسيستم كله بالزياده وانت عندك الباور 450w ..
يعني مناسب جدا وفي امكانيه لكسر سرعته بشكل كبير لو احتجت
الكارت بيتباع في متجر عرب هاردوير ب1500 .. ارخص من المحلات
انصحك تلحقه لانه يستحق سعره

[elkamel]

ياجماعة انا عايز كارت يشغل الالعاب الجديدة
ومش عارف موضوع الرام ده هياثر ولا ايه
لان في كروت 4جيجا والالعاب الجديدة 4 جيجا
والكارت ده GTX 950 Gigabyte 2GB WF x2
عايز اعرف الشادر بتاعه ادايه وايه مميزاته
والكارت التاني برده SAPPHIRE Dual-X R7 370 2GB
عايز اعرف مميزاته
ولو في كروت تانية بردو ياريت تقترحوها عليا تكون في نفس السعر اللي وضعه في الموضوع
وشكرا لردود حضراتكو

[Walid DX01]

ياريت تقول حجم الشاشه عندك ؟
وابعاد الشاشه بتكون قد ايه في الالعاب ؟

[elkamel]

انا عندي شاشة سامسونج عادية 17 بوصة
وبتكون في الالعاب 600*800
بس ممكن اغيرها واجيب شاشة تانية
وعايز كارت شاشة عشان الالعاب في المستقبل

[Walid DX01]

تمام
حسب الميزانيه اللي انت حاططها
افضل كارت شاشه حاليا في المنطقه دي
Gigabyte GTX 950 2GB WINDFORCE 2X
بيسحب طاقه قليله ويمشي مع الباور بتاعك واداءه رائع مع الالعاب ..
عايز تجيب كارت اقوي زود 500 جنيه
وهات GTX 960 WINDFORCE 4GB ب 2000 ..

لم ارشح لك كارت R9-380 4GB لانه يطلب مزود طاقه 500w
واداءه افضل بنسبه بسيطه جدا جدا عن GTX 960 ...

[phenomenon]

بسهوله اخى عشان تطمئن

متقلقشى من حجم الفيديو رام لان 2 جيجا مثاليه لمعالج GTX 950
ومش هقولك ليك تحديدا لانك مع ريزيولشن 800x600 يمكن مش محتاج اكتر من 1GB VRAM

احنا لو حطينا لكارت GTX 950 فيديو رام حجمه 4 جيجا مش هيفيدك كتير او هتلاحظ فرق ملحوظ بالاداء
لان الموضوع مرتبط بقوه المعالج بالبدايه ونسبه البيانات اللى بيخزنها فى الرام ويرجع يطلبها لما ينتهى من معالجته لباقى المشهد

لكن فرضا : لو جيت بالمستقبل تشترى كارت زى GTX 970 وافترضنا ان الشركه بتديله بس 2GB فيديو رام كده انت بتخنقه
لان المعالج قادر على اداء افضل وقادر على معالجه بيانات اكبر وهيحتاج يخزن كم اكبر من البيانات فى الرام ولما نعطيله بس 2GB
كده احنا بنخنقه او بنسبب فى عنق زجاجه ليه وعشان كده الكارت بينزل 4GB
وصلت كده ؟

احيانا بنلاقى نفس الكارت نازل منه نسخه 4GB
لكن فى الوقت دا مش بيكون النظر مرتبط بالاداء بس لكن عشان خاطر الشاشات الضخمه وتدعيم عدد اكبر من الشاشات

اما تحديدا معاك ياريت لو تقدر تعلى بالشاشه حتى 1280X768 او 1440X960
لانك مع ريزلوشن 800X600 بردو خانق الكارت او بمعنى اخر الكارت مش هيبقى شايف انه محتاج يشتغل باقصى جهده
واحنا عايزين نطحن المعالج فى الجهد مش عاوزينه ينام احنا عاوزينه يهنج من الشغل وبعدها نبدا نقلل فى الجرافيك
النقطه دى ضمن عنق الزجاجه ايضا عشان كده احيانا الريزلوشن الواطى مميز لكن احيانا تكتشف ان فى فرصه افضل لريزلوشن اعلى
يعنى افترضنا ان الكارت بيعطى اداء على 1440x960 وليكن 80 اطار ولما علينا لريزلوشن 1600x900 اكيد الاطار قل وبقى 70 اطار
وده شىء طبيعى لكن لما علينا كمان مره لريزلوشن 1920x1080 لقيناه بيعطينا 68 اطار
بالرغم اننا متوقعين انه يعطينا كام ؟ وليكن 60 اطار بالضبط
لكن المعالج فى الحاله دى شايف ان فى سبب انه يشتغل باقصى قوته
لكن عموما بوجهه عام الكارت هيعطيك اداء خيالى على ريزلوشن 800x600 حاول حتى تلعب على 1024x768
ولا 1280x720
فى كل الحالات هتاخد اداء ممتاز لكن عشان جوده الصوره هتحس بفرق بس مش تزيد عن شاشه 19 او 20 جديده
ابعاد 1600x900 او 1920x1080