مطلوب تجميعة للالعاب ب 1600 جنية في مصر

[GTX950]

- أقصى ميزانية محددة: 1600 جنية
- استخدامك للجهاز: للفيس بوك و الالعاب ااونلاين و الالعاب الخفيفة
- حجم الشاشة و الدقة (Resolution) التي تستخدمها: شاشة سامسونج 18.5 بوصة ريزولشن 1360x768
- القطع التي تنوي شراءها: بروسيسور و رمات و كارت شاشة و مزر بورد و كيسة و باور سبلاي و هارد
- القطع التي ستعيد استخدامها من الجهاز القديم: لا يوجد
- ميعاد شراء الجهاز: خلاال ايام
- مكان الشراء:سوق العصر
- محل سكنك: ( مصر )

[Walid DX01]

Gigabyte GA-H81M-S2PH = 530 LE
Intel Pentium G3240 Haswell Dual-Core 3.1GHz = 450 LE
Kingston HyperX FURY Blue 4GB = 250 LE
Western Digital Caviar BLUE 1TB = 400 LE
Case + PSU = 150 LE
Total : 1780 LE

معالج بانتيم اداءه رائع وتقدر في المستقبل تضيف كارت شاشه محترم
واضافه رامه اخري 4 جيجا
الكيسه بالباور هتشتريها من النوع التجاري العادي
ولو عندك كيسه قديمه استخدمها .. و زود فلوسها في الرامات
للاسف مفيش امكانيه لاضافه كارت شاشه خارجي بسبب الميزانيه
هتشتغل بالجرافيك المدمج بالمعالج
هيديك الاداء اللي انت عايزه في الالعاب
لان دقه الشاشه بتاعتك صغيره ..
والقطع دي هتلاقيها متوفره بسهوله ان شاء الله

[GTX950]

هو كارت الشاشة المدمج دة ... بيبقي في البروسيسور ولا في المزر بورد ؟
و معلش الكارت المدمج دة حجمو اد اية ؟؟ و يشغل العاب زي اية ؟

و معلش هو اية ال cores و therads الي بيبقو في البروسيسور دول ؟

[ahmad2006771]

كارت الشاشة المدمج موجود في البروسيسور ودة بالنسبه لبوردة سوكت 1150 او 1155 وليس 775
حجمه واحد جيجا على الاقل وقد يزيد عن ذلك وبيشغل العاب زي بيس وفيفا والعب الكورة على الهاي او الميديام والعاب اخرى حديثة وتقيلة على low ولكن ذلك يتوقف ايضا على قوة البروسيسور وحجم الرامات
core هو عدد الانويه - ثنائي النواة 2 كور- رباعي النواة 4 كور
core i5 يكون رباعي النواة
core i7 يكون اربعة core و تمانية threads

[GTX950]

تمام انا كدة فهمت ان الكارت الداخلي بيبقي مدمج مع البروسيسور مش مع المزر بورد
بس مفمتش حضرتك قصدك اية بي ببوردة سوكت 1150 او 1155 انا بتكلم علي تجميعة الاستاذ dx01
بص حضرتك كدة علي التجميعة و قولي تشغل العاب اية

[ahmad2006771]

للأسف التجميعة دي ضعيفة بس ده بسبب ان المبلغ اللي محدده قليل وهو كاتبلك حاجات كلها جديدة
انت بنفس المبلغ واقل تقدر تشتري كيسة workstation زي dell t3500 -بروسيسور كور i7 - رامات 8 جيجا - باور 525 وات فعلي يشغلك كروت شاشة عالية - وممكن تشتري كارت شاشة مستعمل متوسط سعره 300 جنيه او كارت شاشة قوي مثل gtx 750 سعره مستعمل 650 جنيه
وممكن تشتري جهاز تجميع جديد بسعرالمستعمل ولسه كمان في الضمان
إزاي:
في واحد مثلا يبقى شاري جهاز core i5 ورامات 8 جيجا وباور قوي وكارت شاشة قوي وهارد 1 تيرا مثلا وبعدين بعد سنه او 9 شهور يعرض الجهاز للبيع علشان يشتري جهاز احدث و أقوى أو علشان محتاج فلوس أو علشان مسافر -والجهاز بيقى لسه في الضمان ومعاه الفواتير اللي هو شاريه بيها
عندك الاستاذ محمد وده رقمه
01143490777
هو تاجر وكل الاجهزة اللي بيشتريها ويبيعها لسه في الضمان ومعاها الكراتين بتاعتها والفواتير كأنها لسه جديده وده الموقع اللي هو بيعرض فيه الاجهزة

https://www.facebook.com/HardwareMarket10
وبصراحة اتعاملت معاة اكثر من مرة وحاجته كلها ممتازة وبسعر ممتاز-بإختصار بيبيع الحاجه الجديدة بسعر المستعمل حاجه استعمال بضعو شهور ويوفر عليك تلت تمنها على الاقل وانت اولى بالفارق ده بدل ماتجيب جهاز جديد بس ضعيف الامكانيات

[GTX950]

تمام انا شوفت الصفحة بس معظمها حاجات اتباعت و بصراحة انا مفضلش المستعمل حتي لو حالة الجديد
انا بس كونت عايز اعرف الكارت المدمج الي في المعالج pentium g3240 يشغل العاب اية .. و كمان ال shader moddle الي فية كام
و كونت عايز اعرف هل لو جبت SAPPHIRE R7 250 1GB GDDR5 WITH BOOST (https://www.********.com/en/product/sapphire-r7-250-1gb-gddr5-with-boost-ram-technology) بي 700جنية مع التجميعة بتاعت الاستاذ dx01 هيبقي مناسب ؟ ولا هيعمل عنق زجاجة ؟ و بردو الكارت دة هيشغل العاب اية

[Ahmed5000]

كنصيحة اخوية انا كنت زييك كده وقعدت اسال شهور :))
الاجهزة الاورجينال افضل حل ليك وهات عليها كارت شاشة حلو عالي حتشغل اي لعبة
بالمبلغ ده انما الجديد حتحس معاه بعد كام شهر انك رميت فلوسك علي الارض ومش واخد اداء حلو
الجديد حلو في التجميعات العالية بس

[Ahmed5000]

هاتلك حاجة استيراد مع كارت شاشة عالي مش حتحس ان انت عايز تجدد قبل فترة طويــلة

[ahmad2006771]

كنصيحة اخوية انا كنت زييك كده وقعدت اسال شهور :))
الاجهزة الاورجينال افضل حل ليك وهات عليها كارت شاشة حلو عالي حتشغل اي لعبة
بالمبلغ ده انما الجديد حتحس معاه بعد كام شهر انك رميت فلوسك علي الارض ومش واخد اداء حلو
الجديد حلو في التجميعات العالية بس
أنا قلتله كده برضه وهو مصمم يشتري جديد بالمبلغ القليل ده:

انت بنفس المبلغ واقل تقدر تشتري كيسة workstation (https://www.quill.com/sku/sku?SKU=50547183&PageType=1&frm=S&MMC=AFF_PRODUCT_FEED)
زي dell t3500 -بروسيسور كور i7 - رامات 8 جيجا - باور 525 وات فعلي يشغلك كروت شاشة عالية - وممكن تشتري كارت شاشة مستعمل متوسط سعره 300 جنيه او كارت شاشة قوي مثل gtx 750 سعره مستعمل 650 جنيه

[GTX950]

اول حاجة انا مش فاهم يعني اية اجهزة اورجنال ... تاني حاجة منين اجيب الاجهزة المستعملة الي بتقولو عليها دية ؟ دة تالت انت كاتب الجهاز الي انت كاتبو الي هو dellt3500 دة بور و رمات و بروسيسور ... فين الهارد و المزر و الكيسة ؟ و الحاجات دية بيبقي عليهاا ضمان ولا لا

[ahmad2006771]

هاتلك حاجة استيراد مع كارت شاشة عالي مش حتحس ان انت عايز تجدد قبل فترة طويــلة

طبعا - بصراحة اجهزة الوركستيشن هي الحل الامثل وحل المعدلة الصعبة - شراء جهاز قوي -يستحمل الشغل المستمر - بروسيسور قوي - رامات عالية - باور صبلاي عالي- تركيب اكثر من كارت شاشة ومنافذ pci وusb كثيرة وتوافق بين قطع الجهاز- كل ذلك بسعر رخيص وبنصف سعر نفس هذة الامكانيات لو اشتريت جهاز تجميع سواء جديد او مستعمل

[Walid DX01]

تمام انا شوفت الصفحة بس معظمها حاجات اتباعت و بصراحة انا مفضلش المستعمل حتي لو حالة الجديد
انا بس كونت عايز اعرف الكارت المدمج الي في المعالج pentium g3240 يشغل العاب اية .. و كمان ال shader moddle الي فية كام
و كونت عايز اعرف هل لو جبت SAPPHIRE R7 250 1GB GDDR5 WITH BOOST (https://www.********.com/en/product/sapphire-r7-250-1gb-gddr5-with-boost-ram-technology) بي 700جنية مع التجميعة بتاعت الاستاذ dx01 هيبقي مناسب ؟ ولا هيعمل عنق زجاجة ؟ و بردو الكارت دة هيشغل العاب اية

شوف اللي يريحك .. وقارن بين كل الاجهزه اللي قدامك و متستعجلش
معالج g3240 لو ظبطت معاه كارت استعمال زي GTX 750
هيشغلك معظم الالعاب علي جوده متوسطه وخصوصا مع ريزلوشن الشاشه بتاعتك
وبص علي اجهزه
الوركستيشن اللي الاخوه عرضوها عليك
وشوف السعر والامكانيات والحاله ..

[GTX950]

شوف اللي يريحك .. وقارن بين كل الاجهزه اللي قدامك و متستعجلش
معالج g3240 لو ظبطت معاه كارت استعمال زي GTX 750
هيشغلك معظم الالعاب علي جوده متوسطه وخصوصا مع ريزلوشن الشاشه بتاعتك
وبص علي اجهزه
الوركستيشن اللي الاخوه عرضوها عليك
وشوف السعر والامكانيات والحاله ..

معلش في
مصطلحين انا مش فاهمهم اول حاجة يعني اية كيسة اوريجنال تاني حاجة يعني اية اجهزة وركستيشن
و لية سؤالين كمان معلش
1- هل كروت نفيدا انسب مزر بورد ليها هي جيجابايت ؟ و انسب بروسيسور ليها هو انتل ؟
2- ممكن حضرتك تقولي علي كارت 1 جيجا يكون جديد و مناسب مع التجميعة الي حضرتك عملتهالي ؟

[Walid DX01]

معلش في
مصطلحين انا مش فاهمهم اول حاجة يعني اية كيسة اوريجنال تاني حاجة يعني اية اجهزة وركستيشن
و لية سؤالين كمان معلش
1- هل كروت نفيدا انسب مزر بورد ليها هي جيجابايت ؟ و انسب بروسيسور ليها هو انتل ؟
2- ممكن حضرتك تقولي علي كارت 1 جيجا يكون جديد و مناسب مع التجميعة الي حضرتك عملتهالي ؟
الكيسه الاوريجنال دي بتيجي من برا استعمال خارج
وبتبقي جايه متقفله من شركات زي Dell او LENOVO

1- اي كروت شاشه nvidia او AMD بتركب علي اي motherboard
واي معالج يركب معاه اي كارت شاشه ..
2- حسب الميزانيه بتاعتك ولكن انسب كارت للألعاب
هيكون GTX 750 2 GB = 1000 LE

اذا انت مش ناوي تجيب كارت شاشه خارجي ابدا
فممكن اعملك تجميعه ِAMD APU هتبقي كويسه
عموما انصحك تستني شويه وتكون زودت الميزانيه
وتمشي مع تجميعه الانتل وتجيب كارت شاشه
خارجي كويس جديد او استعمال ..

[Ahmed5000]

ميزة الوركستيشن انه بيشتغل مدد طويلة مش بيسخن وبيستحمل وفي الرينج بتاعك ده ممكن تجيب حاجة محترمة DELL او hp او lenovo مش حتفرق وحيبقي اعلي بكتير جدا من اي جهاز حتجمعه ومكوناته الداخلية بتستحمل شغل اكتر وبيبقي كله علي بعضه ماذر وبروسيسور ورامات وكله متجمعين جاهزين دور هنا في المنتدي ودوبيزل

[GTX950]

انا فهمت انو اوجنال دية اجهزة كاملة اسعمال خارج ... بس بردو لسة مش فاهم يعني اية وركستيشن
اجهزة مستعملة بردو ولا استعمال خارج و اية بلظبط ؟ و يا ريت تجبلي لينك الاجهزة دية في المتدي هنا و شكرا

[thekira]

هى اجهزه ورك ساستيشن بينفع يتركب ليها كارت خارجى..وهل هى مختلفه عن ورك ستيشن الابات

[Ahmed5000]

الوركستيشن تركب عليه اي كارت خارجي لانهم كلهم بباورات اورجينال فعلية وكل واحد علي قد بوره
الوركستيشن ده جهاز كيسة عادية بس مصمم للشغل الشاق والمواد بتاته بتسحمل الحر وتبريده حلو
وبيبقوا كلهم تبع شركات ديل او hp او لينوفو

[Ahmed5000]

هى اجهزه ورك ساستيشن بينفع يتركب ليها كارت خارجى..وهل هى مختلفه عن ورك ستيشن الابات
https://techjourney.net/media/2006/10/hp-xw8400-workstation.jpg
ديه صورة كمثال

[GTX950]

يعني اجهزة مستعملة ولا لا ؟ و ليها ضمان ولا لا ؟

[Ahmed5000]

استعمال الخارج والضمان علي الحسب البائع
بس متخفش منهم الاجهزة ديه بتاعت شغل وقليلة الاعطال
وعندي 2 شغالين ليل نهار مبيسخنوش ولا الهوا الحمدلله

[GTX950]

طيب بعد ازنك ابعتلي لينك كدة لي القسم بتاع اجهزة الوركستيشن

[Ahmed5000]

ملهومش قسم خاص بيهم هما كيسات تابعة لماركات بس عشان خاماتها وتبريدها اسمها كده

[GTX950]

طيب معلش انا عايز افهم هيا الوركستشن تختلف اية عن الاجهزة الي بنجمعها ؟ قصدي يعني هل في شركات مخصوصة بتصنع اجهزة للشغل الكتير و الشقي ؟؟ ولا اية بلظبط

[Ahmed5000]

الاجهزة الاورجينال او الوركستيشن اجهزة متجمعة جاهزة مش شركات كبيرة جاهزة بس سعرهم عااااالي جدااا
فبنستوردهم استعمال الخارج مش جديد لان هما جداد معديين
وسعرهم في المستعمل رخيص ولكن بيتبقي ان خامات الكيس والمكونات الداخلية تستحمل اكتر
وامكانياتهم بتبقي اعلي بكتير من الاجهزة اللي بنجمعها في نفس رينج السعر
يعني لو جبت جهاز اورجينال ب1600 حيبقي امكانياته اعلي من التجميع بكتير
دا انت ممكن تجيب حاجة ببروسيسور موزي للI7 وبعضهم بيشيل 2 بروسيسور مش بروسيسور واحد زي الاجهزة اللي بنجمعها وبيبقوا من نوع انتل زيون وفي الغالب الكاشات بتبقي عاليه والتردد كمان
كاش8 12 20 وساعات 40ميجا كاش
وبيشيلوا رامات كتير 16جيجا او 32 او 64 وفي ممكن تحطله لحد 192 جيجا رامات :)
بس هيا ديه كل القصة علشان كده كنا بتقولك بمزانيتك ديه ممكن تجيب جهاز اورجينال محترم
انما تجميع جديد مش حتحس بحاجة والعاب كتير من الجديدة حتقف قدامك

[GTX950]

طيب بعد ازنك هو انهو الاحسن في ال 2 دول .... كور 2 ديو ولا كور 2 كواد

[Ahmed5000]

كور2كواد طبعا
بس انت هات حاجة زيون احسن

[GTX950]

طيب دة موضوع للاستاذ محمد خليفة بيبيع فية اجهزة اورجنال https://arabhardware.net/forum/showthread.php?t=428486
بس انا مش فاهم ولا امكنيات ولا اسعار فا ممكن حضرتك تخش الموضوع و تشوف كدة في جهاز حلو مناسب لية ولا لا

[Ahmed5000]

بس دول اقل بكتير من ميزانيك
كيسات ديسكتوب (نايمة) مش تاور