سؤال بخصوص الـ Ping

[AhmedAbed]

يا جدعان انا كل شوية الاقي الـ Ping بيعلى عندي و ببقة مش عارف ليه بس انا اللي عارفه ان المشكلة من عندي مش من شركة Link.
ممكن حد يقولي ايه الحاجات اللي المفروض احسنها عندي من حيث وصلات او اسلاك عشان احل المشكلة دي؟
شكرا.

[sa3ka88]

مين الي قالك انها من عندك مش من الشركة بما انها لينك ؟؟

[ahmed601]

مين الي قالك انها من عندك مش من الشركة بما انها لينك ؟؟


بيضحكم علية في خدمة العملاء ذي ما بيضحكم على اى حد تشتكى يقلك المشكلة من عندك يا فندم مش من الشركة

[kahled15486]

يا جدعان انا كل شوية الاقي الـ Ping بيعلى عندي و ببقة مش عارف ليه بس انا اللي عارفه ان المشكلة من عندي مش من شركة Link.
ممكن حد يقولي ايه الحاجات اللي المفروض احسنها عندي من حيث وصلات او اسلاك عشان احل المشكلة دي؟
شكرا.

بص لو انت فى شبكة افصل كل الاجهزة وشغل جهاز واحد فقط بسلك مش وير ليس واقفل خاصية الويرليس من الروتر

التجربة الاولى : افتح التاسك مانجر وشوف استهلاك كارت الشبكة اد اية لو لقيتة قريب من سرعة الانترنت بتاعتك اعرف ان فى حاجة بتعمل دونلود او فيرس بيسبب اى نوع من انواع استهلاك البيانات على النت

التجربة التانية : افتح الوندوز Safe mode With networking - ولو فية انتى فيرس اقفلة نهائى - ادخل على Start>Run>cmd - جرب اعمل بينج على موقع اللعبة اللى انت بتلعبها - شوف النتيجة وكرر الموضوع مع مواقع مختلفة زى جوجل مثلا - لو لاقيت البنج قليل يبقى المشكلة عندك فى حاجة بتعمل دونلود

التجربة الثالثة : من نفس الوضع Safemode ادخل على موقع https://www.pingtest.net/ يستحسن من فير فوكس - وشوف النتيجة - لو مظبوطة يبقى انت اللى عندك المشكلة لو العيب فى حاجة تانية غير جهازك

التجربة الرابعة : جرب تعمل ريست للروتر وتعمل كونفج من اول وجديد - ولو نفس المشكلة موجودة وعندك خبرة شوية جرب تعممل ابديت للفيرم وير بتاع الروتر

التجربة الخامسة : افتح صفحة الروتر - واقفل الفيروال من الروتر

التجربة السادسة : اتأكد من انك بتستخدم اسبلتر ولو شاكك فية ممكن تجيب واحد جديد هو رخيص فى حدود 10 او 15 جنية بالكتير - لو معندكش اسبلتر اصلا اتأكد ان سلك التليفون واصل بالروتر مباشرة ومفيش اى تليفونات واصلة بية

العيوب اللى ممكن تسببلك ارتفاع البنج :
ان كابل التليفون يكون متلحم كتير ومش معزول كويس (نفس الكلام يسرى على كابل الشبكة الواصل بالجهاز)
ان يكون الكابل بيمر من جنب اى حاجات بتطلع ترددات كهربية قوية زى المواتير او التكيفات او كابلات الكهرباء الكبيرة (نفس الكلام يسرى على كابل الشبكة الواصل بالجهاز)
ممكن يكون السرفير اللى بتتعامل معاة بعيد جداً (المسافة بين بلدك وبين المكان اللى موجود فية السرفير)

جرب الحاجات دى وانشاء الله يكون فيها الحل