معالجات سكاي ليك في مصر

[Amjadselem]

متي ستكون متاحه بإذن الله في سوق العصر و البستان ؟

[kareka20]

متاح الان فى شركه البدر فى مول البستان

https://www.********.com/en/product/intel-core-i5-6600k-6m-skylake-3-5-ghz-processor-el-badr-group

[Amjadselem]

يبدو انه نزل بشكل رسمي اليوم في كثير من المحلات , فقط ICORE5

[peter magdy mon]

سعر الجيل السادس قريب جدا من الجيل الخامس - ماشى اسعار مقبولة
المشكلة انى شوفت اقل ماذر بورد تتخطى 1500 جنية - و دة سعر فلكى و خصوصا ان المتوافر حاليا ليس فئة k
و طبعا اسعار ddr4 اسعار غريبة - لكن شوفت رامة 8 جيجا بسعر 700 جنية و شايفها مقبولة
و اعتقد ان فرق الاداء بين الجيل الرابع و السادس لا يستحق فرق السعر الكبير دة - يعنى اعتقد بالفرق ممكن اشترى كارت شاشة متوسط او ازود علية شوية و اشترى كارت هاى ايند
بمعنى
i5 4590 = 1600
asus h81 gamer =650
ram 8gb = 500
----
2750
---------------------
i5 660 = 1850 نفس تردد 4590
Gigabyte GA-Z170X-Gaming =1650 و دى اقل موديل
ram 8 gb = 700
----
4200
يعنى فرق 1450 جنية - ممكن ازود عليهم 500 جنية و اشترى كارت gtx 960 مثلا - ولو اشتريت i5 4460 او 4440 ممكن تجيب الكارت بدون فرق زيادة
دا رأى الشخصى
طبعا الرأى الاخير لخبراء المنتدى

[H_KIMO]

غالى بدون داعى

[phenomenon]

انتوا بتتكلموا على الجيل الخامس ولا السادس ؟
العالم اجمع بيقول الجيل السادس بنفس سعر الجيل الرابع وانتوا بتقولوا غالى ؟
وبعدين ينفع نقارن منصه بشيبايه Z170 واقول اغلى من H81
يا اخ بيتر شريحه Z170 كشريحه Z97+Z87 كشريحه Z77 + Z68 لابد ان تقدم نفسها اولا للسوق
اذا اردت ان تقارن فقان شريحه H81 مع شريحه H110 حين قدومها

مش هنتكلم عن مميزات معالج الجيل السادس اللى وصتلوا لامكانيه اداره 64GB DDR4 +4000MHz وكفائه استهلاك الطاقه الاحدث
لان انتوا اساسا شايفين الموضوع من البدايه من منظور واحد

اذا كنت تنظر لمعالج الجيل السادس انه لم يقدم جديد بالاداء فهذا بسبب هبوط المنافس بالمقام الاول
انتل توفر الاداء لاصحاب الميزانيات العاليه
حينما ترى المنافس يقدم معالج بكفائه معالجات انتل وقتها توقع ان تقدم انتل اداء افضل بنفس السعر

[peter magdy mon]

انا فاهم قصد حضرتك ان h81 متتقارنش ب z97 .z87
بس انا كان قصدى بالمتوافر حاليا - لو حد مستعجل على الشراء
انا شايف ان فرق الاداء بسيط بين الجيل السادس و الرابع
يعنى كنت استنى الجيل السادس - ولا الرابع يفى بالغرض
شكرا

[phenomenon]

بالتاكيد الجيل الرابع فى هذه الحاله يفى بالغرض
وممكن بالمستقبل القريب نذهب مع الجيل الرابع لاسباب كثيره
بارك الله فيك على الرد الطيب

[SemsemBanhawy]

في انتظار الاسعار تنزل شوية وبفكر أشتري Skylake بس مستني تتوفر مزيد من القطع وخصوصا المازر بورد
الاسعار غالية بس دة ممكن سبب ليها هو الدولار في مصر عندنا مزعل الجنية المصري 8.25

[kareka20]

ان شاء الله الاسعار تنزل شويه بخصوص البورد الجيل السادس

[كريم شلبى]

يا ترى هيبقى فى تنوع بخصوص البورد جيل 6 ولا لا

[phenomenon]

فى تنوع ان شاء الله زى اى جيل سابق عشان جميع الميزانيات تقدر تشترى المنصه الجديده وقريبا جدا هنلاقى لوحات B150 وربما معاها لوحات H110 وهتكون بنفس سعر B85+H81

[dash-mohamed]

الناس بتتكلم عن الاسعار
الاسعار اصلا غالية

عندك مثلا مفيش حاجة اسمها مازر بورد ب 280 او 320 جنية خلاص اقل فئة دنيا بشريحة H بتعمل 500 جنية مقفولة لو مكنش 530 - 550

كدة كدة الاسعار غالية

نيجي للسكاى ليك

من وجهة نظري

السكاى لاك اهم خصائصة هو دعم التكنولوجيا الحديثة زى ساتا 3.1 ساتا اكسبرييس و منفذ m2 ( بسرعاته العالية ) عشان سرعاته محدودة على شرايح ال z9X

لكن لو نبص للموضوع براحة اولا

التكنولوجيا دى لسة منزلتش الى عشانها هتجيب منصة السكاى ليك

ثانيا لما تنزل وتتوفر وبتنوع وحط خط تحت تنوع دى مش موديلين تلاتة بس وطبعا اسعارها تتهز شوية وتنزل

ساعتها السكاى لايك صفقة رابحة

وبتطور اجيال انتل بالسرعة دى يمكن ساعتها يكون نزل جيل احدث من سكاى لايك ذاته

وبخصوص تفصيلة السعر منصة مرتفعه الثمن مقابل اداء عالى مش دى الفكرة انت بتشترى ( منصة ) والمنصة مش بروسيسور ومازر وانتهينا لأ دة هتشغل اية ع المنصة دى ومحتاجه ولا لأ ومتوفر اصلا ولا لأ وسعره مناسب ليك ولا لأ

ناخد مثال على كدة

احنا جايبين الساتا 3 120 ssd بالعافية مبالك سعر ال ساتا اكسبريس هيبقى بكام ! وسعره لما ينزل هيبقى كام وهياخد وقت اد اية وهو اصلا هينزل امتى ويتوفر بكثرة الخ ,,

طبعا انا مجبتش سيرة الدى دى ار 4 بتواقيتها الغريبة ولا اسعارها الأغرب مع تفصيلة ان سكاى لاك بيشغل على شرائح مازر معينة رامات دى دى ار 3 لكن فيه مشكلة قائمة بردو !

وهى انه سكاى لايك بيدعم رامات 1.2 فولت يعنى احتمالية 1.5 فولت انها تشتغل باستقرار مش مضمونة يعنى ممكن تغير فيها طقم رامات كمان ..

من وجهة نظرى سكاى لاك هو نزل ايوة لكن مش دة وقت شراءه .

[phenomenon]

احنا هم يبكى وهم يضحك
هاردات PCIe SSD موجوده يمكن منذ عام 2012/2013 ومصر لم تعلم عنها شىء
هاردات M2 متواجده منذ عام 2013/2014 وتم صناعه شريحه Z97+H97 خصيصا من اجل سوكيت M2

حلول الاقراص التخزينيه الحديثه بقى مهم جدا لمنصات الاعمال
لكن انت عاوز الصراحه ليه هنعلق على حاجه زى تحديدا
احنا معندناش اساسا اى شىء موجهه ليهم بشكل خاص ولا معالج مركزى ولا معالج جرافيكى ولا حتى رامات
ولولا بعض التجار الله يصلح حالهم اللى شغالين فى الاستيراد ماكنتشى مصر شافت Xeon ولا عرفنا عنه حاجه

بخصوص سكاى ليك ورامات DDR4/DDR3L
فى لوحات هيتم تقديمها على انها قادره على تدعيم فولتيات اعلى وتم اعلان اكتر من لوحه
بصراحه حاجه تهبل العقل
لما انتل تقول اقصى فولتيه للمتحكم 1.35v وفى مراجعه موقع AT للمعالج حاولوا يجربوا على رامات فولتيه 1.5v حصل مشاكل
واتضطروا على هبوط التردد ليها والعمل على فولتيه 1.46v

بصراحه الجيل السادس جاى عشان خاطر DDR4 بالمقام الاول وترددات مرتفعه جدا

الجميع : المقبلين على شراء اجهزه حديثه سيجدوا بالايام القادمه ان الجيل السادس هو الاختيار الوحيد
لكن انا رايى شخصيا اعمل حسابك على رامات DDR4 وابتعد عن اللوحات الداعمه لكلاهما

[dash-mohamed]

احنا هم يبكى وهم يضحك
هاردات PCIe SSD موجوده يمكن منذ عام 2012/2013 ومصر لم تعلم عنها شىء
هاردات M2 متواجده منذ عام 2013/2014 وتم صناعه شريحه Z97+H97 خصيصا من اجل سوكيت M2

تحية طيبة استاذ ابراهيم اولا
بخصوص هاردات ssd طبعا موجودة لكن بتكلم على هاردات ssd الى هتعمل على منفذ ساتا اكسبريس بسرعات تصل ل 16 جـ / ث
غير الساتا 3 الى حاليا سرعتها 6 جـ / ث

وذي محضرتك ذكرت هية موجودة من 2012 لكن نزلتلنا متأخر , اما الساتا اكسبريس الله اعلم هينزل امتى واهم حاجة سعره هيبقى كام .

وبخصوص كدة كنت بقول احنا جيبين الساتا 3 بالعافية وبطلوع الروح مابالك بسعر هاردات ssd العاملة على المنفذ الجديد هتبقى سعرها كام وحضرتك حتى شوفت الموديلات الجديدة مثلاً زى samsun evo / pro على سبيل المثال اسعارها عاملة ازاى ؟!!

ومنفذ m2 هو موجود لكن مظهرش كمنفذ مدعوم فى لوحة الا فى لوحات ال z9X زى محضرتك ذكرت بردو ، لكن بسرعة محدودة حوالى 10 جـ / ث فقط اما فى المازرات الى فيها شرائح الدعم لسكاى لاك هتدعمها بسرعات تصل ل 32 جـ / ث


حلول الاقراص التخزينيه الحديثه بقى مهم جدا لمنصات الاعمال
لكن انت عاوز الصراحه ليه هنعلق على حاجه زى تحديدا
احنا معندناش اساسا اى شىء موجهه ليهم بشكل خاص ولا معالج مركزى ولا معالج جرافيكى ولا حتى رامات
ولولا بعض التجار الله يصلح حالهم اللى شغالين فى الاستيراد ماكنتشى مصر شافت Xeon ولا عرفنا عنه حاجه

بالظبط انا معاك الاستعمال الخارج متنفس لناس كتير وبيجي اجهزة محترمة باسعار معقولة .

وبخصوص الدعم انا مقصدش ان معالج سكاى لاك شخصيا الى بيدعم منافذ m2 وساتا اكسبريس لكن اقصد المازرات الى هتشيل السكاى لاك فقط الشريحة الى فيها بتدعمهم وبسرعات اكبر.


بخصوص سكاى ليك ورامات DDR4/DDR3L
فى لوحات هيتم تقديمها على انها قادره على تدعيم فولتيات اعلى وتم اعلان اكتر من لوحه
بصراحه حاجه تهبل العقل
لما انتل تقول اقصى فولتيه للمتحكم 1.35v وفى مراجعه موقع AT للمعالج حاولوا يجربوا على رامات فولتيه 1.5v حصل مشاكل
واتضطروا على هبوط التردد ليها والعمل على فولتيه 1.46v

آةةة ,, فكرتنى باللذي مضى :(
، انا شخصيا كان عندى تجربة سيئة للغاية فى موضوع الفولتية دة انا المازر عندى بتدعم 1.5 فولت وجبت رامات 1.65 فولت شوفت الأمرين وميعديش اليوم من غير متجيلى شاشتين تلاتة زرق .. وفي مناسبات مختلفة وباكتر من كود وعند تغيير الرامات باخرى 1.5 فولت انتهت المشكلة

فا حتة ان ممكن مازرات شريحة 150 / 170 تشيل 1.5 فولت مش مضمونة يستحسن يجي الرامات بالفولتية المدعومة والمصرح بدعمها فى المازر بورد


بصراحه الجيل السادس جاى عشان خاطر DDR4 بالمقام الاول وترددات مرتفعه جدا

الجميع : المقبلين على شراء اجهزه حديثه سيجدوا بالايام القادمه ان الجيل السادس هو الاختيار الوحيد
لكن انا رايى شخصيا اعمل حسابك على رامات DDR4 وابتعد عن اللوحات الداعمه لكلاهما

والله رامات ddr4 دى نكتة يا استاذ ابراهيم
تواقيتها غريبة فعلا ..

انا لو خصوصا عندي منصة كسر سرعة وعندى رامات مثلا 2600 دى دى ار 3 بتواقيت 12مثلا افضل من منصة تعمل برامات دى دى ار 4 بنفس السرعة دة لكن بتواقيت 16 من وجهة نظري

وبخصوص الناس المقبلين ع الشراء الجيل الرابع متوفر وموجود حالياً دة غير الاستعمال

خصوصا ان السكاى لاك وموديلات مازراته منزلتش بشكل كامل فممكن الللى يلحق دلوقتى يجيب الجيل الرابع ودة هيكون افضله كتير

انا بس فيه شئ مدايقني جدا من موضوع الاجيال والتحديث بالشكل دة وهو ان الموضوع بقى اسرع مما يجب ! مش ممكن كل سنة ونص تقريبا جيل جديد وبمنصة مختلفة تماما !

وانتل منزلة الجيل السادس قبل الخامس ! والحاجات الى نازل عشانها مش موجودة اصلا الا طبعا رامات دى دى ار 4 ومتعتبرش تحديث جيد او نقلة افضل بصراحة !

والجيل الخامس فى اعتقادي منزلينه رخامة على المنافس مش اكتر ولا اقل لكن الناس الى عايزة تواكب التحديثات قد ما تقدر من اى فئة حتى الى بيجيبوا منصات الاكستريم بيدفعوا تمن كبير اوى ..

[ayoub_bob]

وهل هارد M2
متواجد فى مصر واين ??

[dash-mohamed]

هو نزل دلوقتي شوفتله موديلات لكن سرعته 6 جـ / ث خلى بالك
نازل منهم موديل سامسونج سعره فى حدود 850 بسعة 256
شوفت في متجر اسمه Top team
راجع موقع Eg prices

[ayoub_bob]

هو نزل دلوقتي شوفتله موديلات لكن سرعته 6 جـ / ث خلى بالك
نازل منهم موديل سامسونج سعره فى حدود 850 بسعة 256
شوفت في متجر اسمه Top team
راجع موقع Eg prices
ماهو نفس سعر الخارج ال 256
بالضبط
بس المهم الموديل هل هو 941 ولا 950
للأسف بعد الدخول هى قطعة يتيمة متواجدة موديل

Samsung MZ7LN256HCHP (PM871) M.2 256GB Serial ATA 6.0 Gbps Internal (SSD)

https://www.m5zn.com/newuploads/2015/10/05/jpg//m5zn_3b52c281fc5a66c.jpg (https://www.m5zn.com/out.php?code=16016014)

مودبل قديم
تحياتى لك اخى
على سرعة الرد