هل كدة الرامات مظبوطة ولا محتاجة تظبيط

[peter magdy mon]

مساء الفل على احلى شباب فى المنتدى
انا كنت شارى جهاز جديد
و كنت ناوى اشترى رامتين 4 جيجا بس لقيت نفسى عمال اشترى واحدة فى واحدة لغاية ما بقا معايا 4 رامات 4 جيجا
نوع او ماركة
TEAM DARK 1600 V1.5 CL9 4X4GB
الماذر بورد ASUS H81 GAMER و اقصى حاجة 16 جيجا للرمات و مافيش مشكلة لما يبقو على رامتين اكن لما استهلك 4 رامات بيقرو بباص اقل
ببرنامج CPU Z اعتقد انها كويسة لكن ببرنامج AL SUITE اللى نازل مع البوردة مش عارف افهملة
دى صور للبرنامجين
هل كدة الرامات شغالة بكامل قوتها
شكرا
https://store1.up-00.com/2015-09/1443568250771.png (https://www.up-00.com/)

[H_KIMO]

قم بتفعيل خيار XMP Module من ال BIOS

[peter magdy mon]

شكرا لرد حضرتك
انا فعلت فعلا xmp
لكن بيشغل الرامات على تردد 1333 لما بيكون 4 رامات موجودين
لما لما اشيل رامتين و افعل الدول شانل بيقرو 1600 عادى - كل دة بالنسبة لخيار xmp على الماذر بورد بيتكتب بجانبة المعلومات دى
انا عارف ان اكتر من رامتين مش بيشتغلو بسرعة 1600
لكن اللى مستغربلة ان مع رامتين او مع الاربعة نفس الارقام على برنامج cpu z
هل اصدق البرنامج ولا الماذر بورد
شكرا

[dash-mohamed]

ما عشان هما اربعة , رامتين بس هتلاقيهم بسرعة 1600 ميجا هرتز عادى ودة شئ انت عارفه مسبقاً

وغير السرعة , أساسا كدة كدة كتر قطع الرامات شئ غير مستحب , افضل شئ قطعتين يشتغلوا بطريقة dual channel

الافضل تبيع راماتك وتجيب اتنين كل واحدة 8 وتشتغل 16 جيجا او هات رامة واحدة بس 8 وزود عليها رامة بنفس المواصفات بعد كدة ..

طيب رامتين بس بيقروا 1333 مع تفعيل اكس ام بي , طبعا شئ غير طبيعي طب تصدق مين , تصدق المازر بورد طبعا , جرب تشغل نسخة تانية من الببرنامج وتكون النسخة الاحدث او برنامج تانى.

بالمناسبة اختيار موفق للرامات كنوع ومواصفات لكن مش كسعة او حجم

[phenomenon]

CPUz قاريها 1600MHz لكن فى مجموعه برامج مراجعات زى Passmark Performance Test او Sisoftware SANDRA بيعملوا مراجعات
على المعالج والرام وبيطلعلك سرعه الرام الحقيقيه
بس مش متذكر بصراحه فين تحديدا بتكون واضحه وفى مجموعه برامج اخرى وجرب PSMARK8 Pro ايضا

[peter magdy mon]

ما عشان هما اربعة , رامتين بس هتلاقيهم بسرعة 1600 ميجا هرتز عادى ودة شئ انت عارفه مسبقاً

وغير السرعة , أساسا كدة كدة كتر قطع الرامات شئ غير مستحب , افضل شئ قطعتين يشتغلوا بطريقة dual channel

الافضل تبيع راماتك وتجيب اتنين كل واحدة 8 وتشتغل 16 جيجا او هات رامة واحدة بس 8 وزود عليها رامة بنفس المواصفات بعد كدة ..

طيب رامتين بس بيقروا 1333 مع تفعيل اكس ام بي , طبعا شئ غير طبيعي طب تصدق مين , تصدق المازر بورد طبعا , جرب تشغل نسخة تانية من الببرنامج وتكون النسخة الاحدث او برنامج تانى.

بالمناسبة اختيار موفق للرامات كنوع ومواصفات لكن مش كسعة او حجم

انا كان معايا رامتين كل واحدة 2 جيجا
و بعد كدة غيرتهم و جبت رامتين 4 جيجا على منصة amd و مكنتش ناوى اغير الجهاز
لما حدثت الجهاز بالكامل ف اشتريت واحد ثالثة للمستقبل و خصوصا للالعاب - و لكن لما لقيت لعبة gta v وصلت فى اللعب ل 9 جيجا استهلاك للرامن من اصل 12 فقلت اشترى الرابعة قبل ما تنتهى من السوق و لمستقبلا
صعب اببيعهم و اغيرهم لانى لسة محدث الجهاز بالكامل - و خلص على كامل الميزانية
فعلا انا جربت رامة تيم اول ما طلعت فى جهاز دول كور و شغالة لحد دلوقتى زى الفل - و مكنش فى غيرها هيا و كينج ستون - وفضلت التيم عن التانية
شكرا

CPUz قاريها 1600MHz لكن فى مجموعه برامج مراجعات زى Passmark Performance Test او Sisoftware SANDRA بيعملوا مراجعات
على المعالج والرام وبيطلعلك سرعه الرام الحقيقيه
بس مش متذكر بصراحه فين تحديدا بتكون واضحه وفى مجموعه برامج اخرى وجرب PSMARK8 Pro ايضا


طبعا انا متشكر جدا لرد حضرتك يا استاذ ابراهيم
انا جربت برنامج Passmark Performance Test زى ما حضرتك قلت
و لقيت الرامات شغالة بتوقيت 1333
بس بعد رأى حضرتك - اعتقد ان رامات 16 جيجا بسرعة 1333
احسن من 8 جيجا بسرعة 1600 و خصوصا فى الالعاب و لمستقبلا
و هل هيبقى فى فرق كبير فى الاداء بين الاتنين - هيبقى لصالح مين
شرفت الموضوع يا استاذ ابراهيم

[phenomenon]

شوف اخى الكريم : هشبهلك تشبيه بسيط جدا من وجهه راى الشخصيه للفرق بين 8GB 2133MHz ورامات 16GB 1333MHz
مجرد تشبيهات فقط

سنفترض ان لدينا حموله وزنها 1000 كيلو ( فلنفترض ان الطن ده حموله اى شىء )
واعتبر انك معاك سياره بوجاتى ولنفترض ان سرعتها 350 كيلو متر فى الساعه
وقررنا نقلها من مصر الى الاسكندريه ولنفترض ان الوقت المستقطع سيكون 1 ساعه واحده للسياره البوجاتى
ولكن لما جينا نشوف مكان فى شنطه السياره ملقناش غير مكان لـ 500 كيلو فقط
وكان الحل الوحيد ان السياره تروح وترجع وتروح وترجع تانى العمليه ستحتاج اربعه ساعات لانهاء المهمه ( ده غير ان السياره سرعتها بتقل مع الوزن الاتقل )

سنفترض اننا معايا سياره وليكن لاند روفر وفرضا كانت سرعتها 200 كيلو فى الساعه
وحسبنا المسافه لقيناها محتاجه من مصر للاسكندريه 1.30 ساعه و 30 دقيقه
لكن لما جينا نشوف شنطتها لقيناها تقدر تاخد الطن مرتاحه جدا وهتروح وترجع فى ثلاثه ساعات فقط
اذن انت محتاج مع السياره البطيئه ثلاثه ساعات فقط لانهاء المهمه على الرغم ان السياره الاسرع احتاجت اربعه ساعات

ممكن نعتبر السياره البوجاتى هى رامات 8GB 2133MHz ايوه سريعه لكن عزمنها مش بقوه لاند روفر اكيد ولا بكفائه تحمل الاوزان

المشكله الاكبر طبعا لما نبص للرامات على انها رامات لتخزين البيانات
ايه اللى هيصحل لو محتاج تخزن 10GB من المعلومات وانت مش معاك غير رامات 8GB حتى وان كانت 2400MHz
صحيح التردد الاعلى فرصته كويسه جدا فى ارسال المعلومات اسرع وتفضيه لذواكر خاصه لما يكون التردد عالى بالشكل ده
لكن فرضا انت محتاج تخزن نسبه كبيره جدا فى الرامات وانت بتلعب ولنفترض ان فى نسبه كبيره من المعلومات Cashe Latency متسخبيه فى التاسك بار وشغاله
ومنتظره امر جديد منك بالرغم انك داخل اللعبه
اذن تقطيع وتقل ملحوظ بالاداء وربما ظهور اخطاء او حدوث كراش لاى تطبيقات مفتوحه
المشكله الاكبر عندما تكون النسبه كلها مطلوبه للعبه بسبب اختيارك اعلى اعدادات من الجرافيك او كانت اللعبه نفسها مرتكزه بشكل كبير على اداء المعالج والرام
هتواجهه نفس المشكله تقل ملحوظ جدا بالاداء وهتبقى مرغوم على هبوط اعدادات الجرافيك الى ان تشعر باداء يرضيك او تشترى رامات سعه اكبر
دى هتكون حاله السنتين التلاته القادمين مع الالعاب والجرافيك العالى

عشان مطولشى عليك ده سبب اختيار منصات Workstations + Servers رامات ECC Regesterd عكس الرامات اللى عندك حاليا Non-ECC UnBuffered
رامات ECC او Error Correction Code بتعالج الاخطاء المتوقع حدوثها طول الوقت بالتاكيد فى نظام عمل الرامات تحديدا عند تشغيل الحاسب فترات طويله
من ساعات العمل وبالشكل ده بتحاول تحمى مشاريعك اللى شغاله قبل مايحصلها كراش او تفقدها

اما بالعوده الى مشكلتك احنا كنا بنقارن سياره بوجاتى لاننا بنقول رامه بتردد 2133MHz او 2400MHz
فمابالك لو كانت رامه تفرق عنك فقط بنسبه 333MHz ( كتشبيه فقط لا يوجد فرق على الاطلاق ) خاصه بالالعاب

[peter magdy mon]

الف شكر لحضرتك
و على شرحك المفصل و البسيط