بروسيسور i5 4440 استعمال سنتين ؟!

[salahali244]

السلام عليكم

في معالج i5 4440 ناوي اشتريه مستعمل سنتين ومنتهي ضمانه وصاحب المعالج بيقول حالته ممتازة
هل مدة استخدام المعالج كبيرة من رأيكم وتقلل من عمره الافتراضي ؟!
وفي ضمان اسبوع من صاحبه لما اشتريه فأيه الفحوصات اللي اعملها عليه عشان اتأكد انه خالي تماما من المشاكل ؟!

اتمني تفيدوني برأيكم في اسرع وقت لاني يومين بالكتير وهشتريه ان شاء الله

وشكرا لكم اخواني الكرام

[phenomenon]

وعليكم السلام ورحمه الله وبركاته
اشترى المعالج واتاكد من شكله الخارجى كويس جدا وبنسبه كبيره هيكون كل شى تمام
اهتبر درجات حرارته فى الضغط والخمول
اذا اشتغل وكل شىء تمام وكان سليم معاك انهارده وبكره لا سمح الله حصل فيه عطل اذن صاحب المعالج مالوش اى دخل
المعالج يا اما شغال يا اما مش شغال مفيش وسطيه
والاعمار بيد الله يا اخ صالح وكلما كانت درجه حرارته جيده كانت فرصته افضل فى العمر وان شاء الله 2026 هيكون لسى شغال معاك او مع اخواتك

[Ahmed5000]

بص اانا متعود بجرب المعالج من زمان بطريقة بدائية بس بتجيب نتيجة حلوة علي ويندوز 7
اول حاجة بشغل cpu meter gadget علي الديسكتوب الي بتقيس ال cpu usage وبعدين بعمل الراتينج بتاع ويندوز 7 للجهاز
وهو الويندوز بيعمل راتينج حتلاقي المعالج وصل usage 50% تيجي علي الديسكتوب تضغط f5
refreshيعني وتفضل ضاغط عليه والويندوز بيعمل راينج حتلاقي الusage عدي 90%
تفضل دايس كده بقي دقيقة او اكتر لو المعالج تعبان حتظهر شاشة زرقا ويرستر او يفصل لوحده اما لو سليم عادي مش حياثر فيه
ومشاكل البروسيسور والرام بتظهر في تسطيب الويندوز تلاقي الجهاز بيعمل شاشة زرقا او بيفصل لوحده
وكون ان البروسيسور اشتغل سنتين او تلاتة ده مش عيب مثلا او حاجة
وللعلم في بروسيسورات بتبقي فيها عطل بس الجهاز بيشتغل عادي ومش بيزمر ولا حاجة بس بتبان في تسطيب الويندوز او لما تعمل ضغط عليه زي الطريقة اللي فوق ديه

[salahali244]

وعليكم السلام ورحمه الله وبركاته
اشترى المعالج واتاكد من شكله الخارجى كويس جدا وبنسبه كبيره هيكون كل شى تمام
اختبر درجات حرارته فى الضغط والخمول
اذا اشتغل وكل شىء تمام وكان سليم معاك انهارده وبكره لا سمح الله حصل فيه عطل اذن صاحب المعالج مالوش اى دخل
المعالج يا اما شغال يا اما مش شغال مفيش وسطيه
والاعمار بيد الله يا اخ صلاح وكلما كانت درجه حرارته جيده كانت فرصته افضل فى العمر وان شاء الله 2026 هيكون لسه شغال معاك او مع اخواتك
طيب يا غالي عايز اسم برنامج لقياس درجة الحرارة واسم برنامج للضغط علي المعالج عشان بأذن الله لما اجيب المعالج هرفع صور درجات الحرارة هنا في الموضوع عشان تقولي اذا كانت درجات الحرارة كويسة ولا لا

وشكرا لردك اخي الكريم

[salahali244]

بص اانا متعود بجرب المعالج من زمان بطريقة بدائية بس بتجيب نتيجة حلوة علي ويندوز 7
اول حاجة بشغل cpu meter gadget علي الديسكتوب الي بتقيس ال cpu usage وبعدين بعمل الراتينج بتاع ويندوز 7 للجهاز
وهو الويندوز بيعمل راتينج حتلاقي المعالج وصل usage 50% تيجي علي الديسكتوب تضغط f5
refreshيعني وتفضل ضاغط عليه والويندوز بيعمل راينج حتلاقي الusage عدي 90%
تفضل دايس كده بقي دقيقة او اكتر لو المعالج تعبان حتظهر شاشة زرقا ويرستر او يفصل لوحده اما لو سليم عادي مش حياثر فيه
ومشاكل البروسيسور والرام بتظهر في تسطيب الويندوز تلاقي الجهاز بيعمل شاشة زرقا او بيفصل لوحده
وكون ان البروسيسور اشتغل سنتين او تلاتة ده مش عيب مثلا او حاجة
وللعلم في بروسيسورات بتبقي فيها عطل بس الجهاز بيشتغل عادي ومش بيزمر ولا حاجة بس بتبان في تسطيب الويندوز او لما تعمل ضغط عليه زي الطريقة اللي فوق ديه

تمام يا غالي فهمت قصدك افضل اضغط علي المعالج عشان يجيب آخره هجرب الطريقة دي بردو، وانا هنزل ويندوز اول لما اجيبه، وصاحب المعالج راجل محترم يعني ان شاء الله مش هيبقي فيه مشكلة

وشكرا لردك اخي الكريم

[phenomenon]

بص اانا متعود بجرب المعالج من زمان بطريقة بدائية بس بتجيب نتيجة حلوة علي ويندوز 7
اول حاجة بشغل cpu meter gadget علي الديسكتوب الي بتقيس ال cpu usage وبعدين بعمل الراتينج بتاع ويندوز 7 للجهاز
وهو الويندوز بيعمل راتينج حتلاقي المعالج وصل usage 50% تيجي علي الديسكتوب تضغط f5
refreshيعني وتفضل ضاغط عليه والويندوز بيعمل راينج حتلاقي الusage عدي 90%
تفضل دايس كده بقي دقيقة او اكتر لو المعالج تعبان حتظهر شاشة زرقا ويرستر او يفصل لوحده اما لو سليم عادي مش حياثر فيه
ومشاكل البروسيسور والرام بتظهر في تسطيب الويندوز تلاقي الجهاز بيعمل شاشة زرقا او بيفصل لوحده
وكون ان البروسيسور اشتغل سنتين او تلاتة ده مش عيب مثلا او حاجة
وللعلم في بروسيسورات بتبقي فيها عطل بس الجهاز بيشتغل عادي ومش بيزمر ولا حاجة بس بتبان في تسطيب الويندوز او لما تعمل ضغط عليه زي الطريقة اللي فوق ديه


اخى الفضل خلينا نمشى بمدا اصل المستمع عاقل
يعنى ايه الجمله دى " وللعلم في بروسيسورات بتبقي فيها عطل بس الجهاز بيشتغل عادي"

انت مدرك معنى الجمله جيدا ؟
اذن ماهو العطل المقصود تحديدا ؟ وياترى العطل سببه سوفت وير ولا هاردوير وهل سببه مصنعى ام سوء استخدام وايه علاجه ؟
اخى الفاضل ما هى الدلائل التى توضح مشاكل فى عمل المعالج بالضبط ويعنى ايه بتبان فى تثبيت الويندوز
قبل ماتحكى لى عن اى شىء هات دليل علمى من مقال موثق عن الكلام اللى هتقلواو لان الامر مهم جدا

وبعدين اللى عاوز اقولوا ليك كمان
انت ازاى عاوز تحكم على بروسيسور ب 3rd Party Software مش من تطوير الشركه المصنعه للهاردوير ومتوقع جدا ظهور مشاكل عليه
بدليل بسيط جدا - امتناع شركه مايكروسوفت عن تطوير اى ادوات Gadget منذ اصدار ويندوز W8 بسبب المشاكل الكثيره اللى حصلت بسببها
هل يوجد لديك لينك لاى اداه Gadget من متجر مايكروسوفت ام عباره عن ادوات برمجه 3RD Party لمبرمجين منعرفشى عنهم اى شىء ؟

بالاضافه يا سيدى الفاضل ما تحكى عنه فى عمليه Rating لمكونات الجهاز
هل حضرتك بتوافق على الرساله اللى بتخرجلك قبل بدا عمليه التقييم ؟ بالطبع بتوافق
ايه هو مفهوم الرساله اللى بيطلعلك ؟ واللى بتظهرلك فى اى برنامج مراجعه وتقييم لاداء الهاردوير

مفوم الرساله دائما ابدا بيطلب منك الامتناع تماما عن استخدام الحاسب باى شكل من الاشكال طوال فتره عمليه الاختبار
لتمكين الهاردوير من اتمامها بنجاح للنهايه ولعدم التسبب فى مشكله Inturrept وليعطيك نتائج صحيحه اقرب للواقعيه

فى حاله وصول المعالج الى 90% من الاستخدام ده معناه ان جميع مصادر المعالج اصبحت موجهه فى تحليل اكواد ضخمه
حتى وان كانت اكواد وهميه ولكن لاختبار كفائه المعالجه وتحليل نتائجه فى حساب قدره كفائته فى العمليات التقيله المعتمده على تعدد موارد المعالج

الان انت بتقول اضغط F5 باستمرار - ليه تضغط F5 ليه تقطع على المعالج العمليه التقيله اللى بيقوم بيها ومصمم
وكانك بتقول حاول تخلى عمليه المراجعه تفشل باى شكل بالاشكال .
اذا كنت مصمم على اظهار الخطا وحدوث تداخلات على عمليه التقييم حتى لا يكتمل من انهائها
بسيطه افتح اى برنامج تقيل او لعبه اخرى وربما تتفاجا بشاشه زرقاء او حدوث كراش للتطبيق

سؤال اخر ماهو الدليل فى هذه الحاله انها ليست عمليه توافق تعريفات او انها ليست مشكله بسبب سعه الذواكر القليله
او انها ليست مشكله يتسبب فيها القرص التخزينى او اى شىء اخر ؟ لماذا المعالج ؟ ليه مش مشكله فى الباور سبلاى ؟
ليه مش مشكله فى اللوحه الام ؟

سيدى الفاضل هذه ليست طريقه علميه او صحيحه ( هذه طريقه خاطئه كليا جزءا وموضوعا وفكرا )
هل ينفع تفتح لعبه وتخرج تشغل اغانى ؟
ايوه ينفع بس لو قابلك شاشه زرقاء مش تشتكى او تقول اصل المعالج فيه عطل
هل ينفع بتعمل عمليه رندر تقيله جدا وواخده من المعالج المركزى كل جهده والرامات ممتلئه الى اقصاها وتخرج تفتح فيلم او تعمل عمليه مونتاج تقيله اخرى
ايوه ينفع بس لو حصل كراش لاى برنامج فيهم مش تشتكى

فى حاجه ضروريه اخى اسمها سوء الاستخدام
انا اتحرق منى كارت شاشه قبل كده بسبب امور مشابهه ( الضغط على الكومبيوتر بامور متعدده اثناء الالعاب )

انا مش بحب اغلط حد فى وجهه نظره لكن هذه المره انت بتقول على شىء متوقع جدا حدوثه ان تثبت به على انه فشل
مفيش حاجه اسمها معالج عطلان بس واضح
هذه ليست طريقه عمل المعالجات اخى ( ايه معالجات )
ومع ابسط واسهل عطل لها ستظهر لك مشاكل لا تعد ولا تحصى مع ابسط الاستخدامات

فى برامج اخرى للاختبار وتحليل النتائج وتقييم المعالج وتضغط على المعالجات اكبر واتقل من نظام مراجعه ويندوز 7
لا يوجد سر او لغز فى F5 اثناء عمليه التقييم
كل مافى الامر انت تحاول ان تقطع على الهاردوير عمليه المراجعه الثقيله جدا بطريقه خاطئه تماما وهذا تفسيرى للامر

الامر احيانا يحتاج برامج كبرامج Prime95 + Intel Burn Test + AIDA64
ولكن هذه البرامج قبل الانتقال عليها بنحاول نطمئن نسبيا ان حراره المعالج جيده وهتتحمل شغلهم التقيل
واذا ظهر شاشه زرقاء او رسائل اخطاء او التسبب فى الريستارت بيكون السبب بنسبه كبيره فى احتياج الهاردوير للفولتيه الاعلى او كسر سرعه خاطىء او مكوانات غير صحيحه

It`s Hard to get a malfunction CPU
It`s Working
It`s Not Working
and that`s it

[Ahmed5000]

حضرتك مفهمتش قصدي كويس انا اتعرض عليا بروسيسورات فيهم مشاكل وموجود معايا واحد منهم بيشتغل عادي خالص لو سبت الجهاز 4 ايام من غير ما اشغل حاجة بيفضل شغال اول ما اشغل لعبة او cpu usage يعدي ال80% اكتر من 15 ثانية الجهاز بيقفل يرستر
طب ده كده بروسيسور شغال وبيقرا في البيوس معايا عادي لأ وكمان بيفتح ويندوز بس اول لما بعمل لودينج عليه بيقفل
ده كده بروسيسور في مشااكل هو ده اللي كان قصدي عليه

طريقة كانت يعني ابسط طريقة لو معهوش برامج او اي حاجة يجرب بيها البروسيسور
المقصد كله اني في بروسيسور بيبقي معدوم يعني بيعالج عادي بس بنسبة منه لو زادت بيفصل

لما بيجي يسطب ويندوز في جزأ منه لو البروسيسور مش قد كدا
لازم يرستر علي طول ولا يمكن تعرف نزل نسخة والموضوع ده جربته كتير
اما موضوع الراتينج انا مش قصدي بيه اشوف الراتينج بتاع البروسيسور
انا قصدي اعمل بيه لود علي البروسيسور انما نتيجة الراتينج ماتفرقش معايا
وبالنسبة للgadget انا قصدي كده في ديه
https://arabhardware.net/forum/attachment.php?attachmentid=30001&stc=1

واكيد مش اول ما الجهاز يعمل شاشة زرقا يبقي البروسيسور بايظ :))
لا بس لما تركب هو هو البروسيسور نفس الموديل مكانه وكذا بروسيسور نفس الموديل وموديلات اخري مكانه ويشتغلوا كويس
يبقي كده العيب من البروسيسور
وبتبان حتي بالتجربة باي برنامج اول لما يبتدي يشتغل او اي لعبة تشتغل يفصل

[phenomenon]

طيب شوف اخى الكريم
بالمقام الاول شكرا ليك على محاولتك للمساعده وعرض تجربتك وتوضيح الامور ومشكور على مجهودك كمان بالفتره السابقه فى مساعده الاعضاء

قى الحاله دى اخى الكريم بنسبه كبيره جدا هى احد الاسباب الاتيه
عدم توافق المعالج وربما يحتاج الامر لابديت بيوس ( تدعيم تعليمات هامه للمعالج او التوفيق فى تنظيم باور المعالج ده تحديدا وما شابهه على هذه اللوحه )
حراره معالج او لوحه ام او شيب مرتفعه جدا تحت الضغط وتحتاج لعلاجها باى وسائل تبريد افضل
سعه صغيره جدا من الرامات اقل من السعه المطلوبه فى مواصفات تشغيل الويندوز
مشكله هاردوير فى اللوحه الام VRM فى دائره الفولتيه الخاصه بعمل المعالج Voltage Regulation Modulation
مشكله فى الباور سبلاى لعدم استطاعته على تغزيه المعالج بالفولت الصحيح وتقدم الامبير المطلوب

اما اذا كانت المشكله بالمعالج تحديدا : اتاكد من وضع المعجون واختباره وتابع درجات حراره جيدا تصل الى كام درجه تحت الضغط
خد المعالج لشركه كومبيوتر وابدا اختباره مع مكونات هاردوير اخرى
واذا اتضح انه يفشل فى اتمام عمليه المراجعه هذه بالتاكيد سيفشل فى اتمام اى عمليه مراجعه تقيله اخرى بمجرد وصول نسبتته الى &80 Usage
وفى الوقت دا هقولك بحياتى لم تواجهنى مشكله مشابهه او اقرا عنها
المعالج تقريبا بحجم " عقله الاصبع " بمجرد احتراق اى جزء لا سمح الله من مكوناته الداخليه او تعطيلها او حدوث خلل بالتعليمات المدمجه عليه
انتهى فتره حياته تماما وتوقف عن العمل ولن يبدا فى العمل اطلاقا مجددا

انا عاوز اطمنك فى الحاله دى وانصحك بتجربه المعالج على كومبيوتر اخر والتاكد من كفائه تبريد هذا الكومبيوتر وامتلاكه باور سبلاى قوى
ووضع معجون جيد على المعالج وعلى كل حال شكرا لك مره اخرى - استمر

[Ahmed5000]

العفو وده واجبي اني اساعد غيري في حاجات دوغت علي ما عرفت حلولها
بس فعلا الحكاية ديه حصلت معايا قبل كده والجهاز بالكامل شغال بنفس موديل البروسيسور القديم عندي والبروسيسور ده بيعمل
كده حتي في جهاز تاني ومكانش بيسخن علي فكرة
وتم حل المشكلة بتغيير البروسيسور وللعلم اللي عرفته ان الكلام ده بيحصل في البروسيسورات القديمة

[salahali244]

طيب ايه افضل برنامج لقياس الحرارة وبرنامج للضغط علي المعالج عشان اعمل بيهم الاختبار؟

[محمد البرديسى]

دة لقياس الحرارة HWMonitor
دة للضغط على المعالج Prime95

[salahali244]

دة لقياس الحرارة HWMonitor
دة للضغط على المعالج Prime95
طيب واضغط وقت قد ايه ببرنامج prime95؟
وايه درجات الحرارة الطبيعية اللي المعالج المفروض يوصلها في الخمول والضغط؟

[Ahmed5000]

3 او 4 دقايق
وطالما تحملهم يبقي ان شاء لله كويس
وتابع درجة الحرارة مع الضغط مش بعد اضغط تفتح تشوف درجة الحرارة

[abdo229]

نسبة ان بروسيسور يبوظ من سوء الاستخدام عالميا حسب الاحصاشيات هيا تقريبا 1%
وبيبقي fried من جوا اصلا لو باظ يعني مش هيستغل اساسا
البروسيسور اصعب وأخر حاجه ممكن تبوظ في الجهاز
والعمر الافتراضي بيتعدي ال 15 سنه لبروسيسورات ال i3 i5 i7
دا مع العلم ان البروسيسورات الي انتاج سنة 90 لسه شغاله لحد دلوقتي :D