سؤال سررررررررررررريع

[Ahmad Sindbad]

السلام عليكم

عاوز اعرف اجيب باور كام للكارت ده ...

https://gpuboss.com/graphics-card/GIGABYTE-Radeon-R9-280X

و كنت عاوز الباور و الكيسه ميعدوش ال 500 جنية بالكتير

شكرا

[محمد البرديسى]

صعب اخى حاول ترفع الميزنية

[Ahmad Sindbad]

طيب ينفع باور 500 للكارت ده و بروسيسور core i5 4590

[phenomenon]

نقطتين
1- اتاكد ان الكارت خالى من مشاكل Artifacts المشهوره بنسخ R9-280X سيئه التبريد
2- اقل باور يمكن الاعتماد عليه 600W ماركه محترمه جدا
اى معالج I5 بدايه من الجيل التانى وخاصه الجيل التالت الى الان ممتاز فى الاختيار

[Ahmad Sindbad]

اولا .. اتأكد ازاي ان مفيهوش مشاكل artifacts او مشاكل تبريد .. و اكيد حضرتك عارف ان فيه 3 مراوح ... و مع العلم ان الكيسة فيها 6 مراوح
ثانيا .. الكارت مكتوب انه 250 Watt و البروسيسور 89 يبقي 500 يكفي ولا ايه ... اصل انا معرفش بصراحة في المواضيع دي .. و ياريت التوضيح
ثالثا .. هو معالج i5 الجيل الثالث احسن من الرابع و لا الرابع احسن ... عشان حضرتك بتقول خاصة ..
و اخر حاجه معلش ... ازاي اعرف ان الكارت معموله كسر سرعة ولا لا ... ؟؟
شكرا

[DeMody]

أولا : الكارت هيحتاج علي الأقل باور 550 +80 لأنه بيستهلك طاقه كبيره
ثانياً : هتتأكد أنه خالي من مشاكل Artifacts عن طريق الضغط عليه ببرامج مثل 3D Mark - Unigine Heaven
ثالثاً : قياس إحتياجات كل قطعه من قطع الجهاز للطاقه مبتقاسش كدا خالص هتشوف مثلاً ان الكارت في حاله الضغط عليه بيستهلك كميه طاقه أكبر من المزكوره دي
رابعاً : كسر سرعه البطاقه طالما مش متعدل Bios بتاعها يبقي بتكون مؤقته فمتقلقش من الموضوع دا :) لكن مع بطاقه مثل R9 280x في ناس نزلت بالبطاقه عن الكسر المصنعي لها تجنب مشاكل Artifacts للأسف

[phenomenon]

بنسبه كبيره جميع النسخ تعانى من Artifacts من وقت للاخر باستثناء نسخ محدده يقال انها Vapor-X او ASUS Direct CU
انا من رايى تجربها زى ما الاخ الكريم وضحهالك وجربها داخل الالعاب فتره زمنيه ازيد من نصف ساعه لعب

[Ahmad Sindbad]

طيب انا عاوز اقل سعر ممكن لباور 600 وات ... ؟؟

هو المعروض عليا نسخة gigabyte ... فهجرب و اشوف ان شاء الله ... بس بيبقي في نسخ سليمة و لا كله بايظ ...
و هو المشكلة دي ليها حل لو طلع الكارت في حاجه لا قدر الله ..؟؟

بنسبه كبيره جميع النسخ تعانى من Artifacts من وقت للاخر باستثناء نسخ محدده يقال انها Vapor-X او ASUS Direct CU
انا من رايى تجربها زى ما الاخ الكريم وضحهالك وجربها داخل الالعاب فتره زمنيه ازيد من نصف ساعه لعب

شكرا لرد حضرتك اولا ... بس انا مش فاهم رابعا دي خالص .. ياريت التوضيح ..
و معلش هو الباور 600 هيكفي الكارت حتي في حالة الضغط عليه ... ؟؟
أولا : الكارت هيحتاج علي الأقل باور 550 +80 لأنه بيستهلك طاقه كبيره
ثانياً : هتتأكد أنه خالي من مشاكل Artifacts عن طريق الضغط عليه ببرامج مثل 3D Mark - Unigine Heaven
ثالثاً : قياس إحتياجات كل قطعه من قطع الجهاز للطاقه مبتقاسش كدا خالص هتشوف مثلاً ان الكارت في حاله الضغط عليه بيستهلك كميه طاقه أكبر من المزكوره دي
رابعاً : كسر سرعه البطاقه طالما مش متعدل Bios بتاعها يبقي بتكون مؤقته فمتقلقش من الموضوع دا :) لكن مع بطاقه مثل R9 280x في ناس نزلت بالبطاقه عن الكسر المصنعي لها تجنب مشاكل Artifacts للأسف

ارجو سرعة الرد ........

[Walid DX01]

الكارت فيه مشاكل زي ما الاخوه وضحوا
ويمكن النسخه المضمونه من الكارت بدون مشاكل هي Asus
المشكله انك هتحتاج تجيب باور 650w بي 650 جنيه
ده غير تمن الكارت اصلا .. والكارت مش مستاهل الميزانيه الكبيره اوي دي
الحراره العاليه واستهلاك الطاقه مع الكارت وحش جدا بصراحه في الكارت ده
الافضل توضح الميزانيه بتاعتك والكارت معروض عليك بكام ؟؟
والباور القديم اللي عندك قد ايه ؟

ممكن تبحث عن كروت تانيه زي R9-285 , R9-290 استعمال
او GTX 960 جديد

[Ahmad Sindbad]

الكارت ده معروض عليا مستعمل ب 1500 و لسه في ضمانه سنتين ... و هو يعتبر كارت قوي جدا و سعره كويس اوي كده
و انا عاوز بقي اجيبه عشان انا هجيب كمبيوتر جديد بميزانية متتعداش 4500 بس الجهاز ده عاوزه يقعد معايا بتاع 6 او 7 سنين .. فعايز اجيب حاجه محترمه ..

[Walid DX01]

مفيش كارت هيقعد معاك 7 سنين اخي الكريم
حط في اعتبارك انك لازم تجيب باور منفصل 650w
مسألتش ليه صاحبه عايز يبيعه ؟

[Disha 2020]

نصيحه من اخوك و عن تجربه الكرت سئ في التبريد + مشكله الارتفكت ديه للتوضيح تبقي اعد تلعب ف امان الله و تلاقي الشاشه بقت تجيب خطوط و بعدين تسود و الجهاز يقف و ميشتغلش تاني غير انك ترستر فابعد عنه خصوصا gigabyte

[linux64]

نصيحة ابتعد عن هذا الكرت تماما حرام تدفع مبلغ كبير فى كرت غالبا بنسبة كبيرة هيكون فيه مشاكل زى ما الأخوة وضحوا زائد استهلاك الطاقة الكبير والحرارة

[Ahmad Sindbad]

حضرتك انا عاوزه يفضل شغال 7 سنين مش شرط يشغل كل الالعاب اللي هتنزل ...
و بالنسبة لسبب البيع .. انه في ثانوية عامة و هو بيقولي الكارت شغال كويس بقاله معاه سنة و لسه في ضمانه سنتين و علي فكره كان جايبة من ستور عرب هاردوير .. :D:D

مفيش كارت هيقعد معاك 7 سنين اخي الكريم
حط في اعتبارك انك لازم تجيب باور منفصل 650w
مسألتش ليه صاحبه عايز يبيعه ؟

[Ahmad Sindbad]

طيب بالنسبة للجهاز ده
Case Cooler Master 500 Watts actual
Intel I7 4th generation 4770K 3.5 Ghz
8 GB RAM Boxed (RIPJAW) DDR3
GiGaByte Board Z97-D3H ultra durable
Nvidia (Zotac) GTX 760 2 GB DDR5
WD HDD 2 TB blue
هو مستعمل 7 اشهر .. ولسه في الضمان 3 شهور ... و بسعر تقريبا كويس ... 4500

تقترحوا عليا ايه .. واسف طبعا علي الخروج عن موضوعات القسم

[Ahmad Sindbad]

و موجود كارت
SAPPHIRE VAPOR-X R9 280X (https://www.kmart.com/xfx-radeon-r9-280x-graphics-card/p-020V005490582000P) 3GB ب 1500 جنية
دا برده يبقي فيه نفس المشاكل اللي حضراتكوا قولتوا عليها... حد من حضراتكوا قال ان vapor-x و asus مفيهمش مشاكل ...
و انا اصلا ميزانيتي 4000 او 4500 بالكتير اوي ...
و محدد لكارت الشاشة 1500 جنية ... ف انا شايف اني عمري ما هجيب كارت زي ده ب 1500 جنية .. حتي احسن كارت ب 1500 جنية .. ده احسن منه بكتير ... و ده اللي خليني عاوز اجيب الكارت ده شوية ... لو طبعا النسخة vapor مفيهاش مشاكل ..

عاوز رأي حضراتكوا برده

[mawedahmed]

السلام عليكم ورحمه الله وبركاته ارجو من الله ان يكون جميع الاعضاء بكامل الصحه والعافيه وارجو من الله التوفيق لكل الاعضاء

اخي الكريم انا شايفك متعلق بالكرت جدا والكرت بصراحه ما يستاهلش كل التعلق ده لانه كرت فاشل جدا ومن اسوا ما انتجت AMD

الكرت ده انا والله جبته وكان Sapphire R9 280X Toxic والكرت كان من افضل نسخ 280X واغلاهم ولكن برضه مليان مشاكل

وبالذات مشاكل Artifacts اللي بتظهر بصوره كبيره جدا في الالعاب بعد فتره معينه ومش طويله ده غير مشاكل الحراره والطاقه

اخي الكريم انصحك تبعد دماغك من الاصل عن التفكير في هذا الكرت الفاشل جدا جدا وحتي لو كان بمبلغ بسيط اوعي تشتريه ابدا

انا انصحك بصراحه انك تدور علي 960 GTX او GTX 950 او GTX 760 او HD 7950 او HD 7970 او R9 285 مستعمل نضيف

وعلي فكره اي كرت من دول ممتاز مع دقه 1080p وابعد تفكيرك عن R9 280X لانه كرت من افشل الكروت في تاريخ AMD كلها

[Ahmad Sindbad]

اتعرض عليا و الله كروت 7970 و 7950 بس المشكلة انه قديم ...
و بالنسبة للكارت 280x خلاص .. ان شاء الله مش هفكر فيه تاني بعد كل اللي قولتوه ده

[mawedahmed]

7970 كرت قديم فعلا بس ممتاز وقوي وبالذات النسخه GHZ منه ممتازه وتساوي 280X وتتخطاها في بعض الالعاب والكرت مع صديق ليا والكرت ممتاز جدا

[Ahmad Sindbad]

طيب بالنسبة للجهاز ده

Case (https://www.ebay.com/sch/i.html?_odkw=case&_from=R40%7CR40%7CR40%7CR40%7CR40%7CR40%7CR40%7CR4 0%7CR40&_osacat=9394&_from=R40&_trksid=m570.l1313&_nkw=case&_sacat=9394) Cooler Master 500 Watts actual
Intel I7 4th generation 4770K 3.5 Ghz
8 GB RAM Boxed (RIPJAW) DDR3
GiGaByte Board Z97-D3H ultra durable
Nvidia (Zotac) GTX 760 2 GB DDR5
WD HDD 2 TB blue

هو مستعمل 7 اشهر .. ولسه في الضمان 3 شهور ... و بسعر تقريبا كويس ... 4500

تقترحوا عليا ايه .. واسف طبعا علي الخروج عن موضوعات القسم

[mawedahmed]

جهاز ممتاز طبعا وسعره جيد برضه واعتقد انها فرصه رابحه وممكن تغير الكرت قدام مع ان الكرت حتي الان اداءه ممتاز مع الالعاب

[Ahmad Sindbad]

شكرا و في انتظار رد بقية الاعضاء

[mawedahmed]

اخي الكريم نصيحه بسيطه لو الكرت اللي موجود في الجهاز المعروض للبيع Zotac GTX 760 AMP يبقي اشتري باذن الله وانت مطمن والجهاز ممتاز بصراحه والقرار يرجع ليك

الكارت ده كان معايا وبسم الله ما شاء الله روعه ويساوي كرت 7950 وبيتفوق عليه احيانا في بعض الالعاب وساعات برضه 7950 بيكسبه بس طبعا الفرق بيختلف مع التعريفات ودقه العرض وبرضه حسب اللعبه نفسها

[Ahmad Sindbad]

شكرا علي الرد ... و في انتظار رد بقية الاعضاء

[phenomenon]

والله الاخ mawedahmed (https://arabhardware.net/forum/member.php?u=11280002) كفى ووفى كل شىء خاصه انه كان ليه تجربه مسبقه فى الامر
وكويس انك اقتنعت بالاراء لانها فى صالحك
كارت HD7970 W/o GHz كروت محترمه جدا وتستحق ثبات سعرها حتى الان فى سوق المستعمل
اولا من حظها انها كانت اول معالجات معماريه GCN وهى نفس معماريه R9-2xx + R9-3xx مع بعض التحسينات البسيطه للمعماريه ( Graphic Core Next 1.2 )
داعمه لخصائص DirectX 12.0 ويقال ان معالج AMD سيكون حظه جيد جدا مع هذا الدايركت خاصه المعالجات التى اتت بهاردوير DirectX 11.x
بصراحه انا بحترم فئه HD 7000 جدا بدون تجربتها ولكن السمعه والشهره واراء الناس هى اللى بتعطى انطباع عندك وعندى عن افضليه الكارت

ولكن اذا كان من نصيبك كارت زى R9-290 او اعلى نسخه محترمه ولديها تبريد احترافى عالى فهو اختيار افضل بالتاكيد فهو اقرب فى العمر
لكن اذا لاحظت ان سعر 7970 مميز شيله وانت مطمئن المهم حاله الكارت

اما كارت GTX 760 اختيار ممتاز ايضا فهو تقريبا برنج سعر GTX 960 ورنج الاداء واحد ومع كسر سرعته او بدون يعطى اداء جيد فى مراجعاته

بخصوص الكيس اللى معروض عليك ده ببلاش مش بفلوس
لانى لو ببيع الكيس ده مش هبيعه اقل من 6000 جنيه حتى لو كان خلص ضمانه لانى عارف حاله الحاجه طالعه شكلها ايه ودى نقطه مهمه فى اختيار المستعمل

انا رايى تشترى الجهاز ده من الصبح وموضوع الكارت ابقى جدده وادفع فارق بسيط مع اى حد ويكون تجديد عالى زى GTX 970 او R9-390 وماشابهه

[Ahmad Sindbad]

شكرا لرد حضرتك ...
بس معلش ازاي اتأكد ان كل قطعه في الجهاز سليمة ... و انه مفيهوش عيوب

[phenomenon]

لو الجهاز شغال وبوت بشكل سليم اذن كل قطعه فى الجهاز سليمه
وطالما معاه لسى ضمان يبقى اكيد سبب البيع التحديث او الاحتياج للمال مفيش داعى للقلق
جرب تشتغل على الجهاز والعب عليه شويه واطمئن من درجات الحراره وان شاء الله كل شىء هيكون سليم

[Ahmad Sindbad]

تمام ... طيب بعد اذنك معلش ازاي اعرف درجات الحرارة بتاعت كل قطعه ... ؟؟
و هل الكيسة اللي فيه تبريدها كويس ... و فيها كام مروحة

[phenomenon]

فى برامج كتيره لاظهار درجات الحراره دائما جرب اكتر من برنامج لتتاكد ان النتائج واحده
اولا البيوس PC Health بيظهر درجات الحراره وفولتيات الباور
فولتيات الباور التلاته المعتمد عليهم الان الهاردوير الحديث هم 12V+ وايضا 5V+ وايضا 3.3V+ للاطمئنان جيب ان تكون نسبه الزياده والنقصان فيهم لا تتعدى 5%

برنامج HWMonitor والافضل HWiNFO و AIDA64 Extreme 3500 و Real Temp و Open hardware Monitor
افضل تانى وتالت برنامج شخصيا لانهم شاملين لكل سيسنورز الهاردوير وغالبا صادقين وداعمين لانواع السيسنورز باستمرار

حراره المعالج فى الخمول حاليا لو مروحه انتل شغاله ممكن فى رنج 30C الى 40C وفى الالعاب بتختلف
بتختلف حسب كفائه كارت الشاشه احيانا ونوع اللعبه والاعدادات ونسبه الجهد المطلوبه منه
المهم يجب الا تزيد عن رنج 75C تحت الضغط التقيل ولكن اذا وصلت 80C الى 90C يبقى محتاج فورا مشتت مصنعى
ربما تكون افضل من كل النتائج دى وتلاقيها اقل من 65C حتى على المشتت المصنعى متفاوته

طالما الكيس كولار ماستر يبقى اكيد خامه كويسه وده اهم شىء وموضوع زياده عده المراوح فيها يرجعلك
ممكن مروحتين فى الكيس يكونوا كافيين وكل زياده فى عدد المراوح مفيهاش اى ضرر بل امرها افضل

[mawedahmed]

السلام عليكم ورحمه الله وبركاته

انا بشكرك جدا يا استاذ Phenomenon علي الرد الجميل .. انا والله العظيم بتعلم منك وربنا يكرمك ويوفقك اخي الكريم

حاول يا احمد سندباد تستفاد من استاذ Phenomenon لانه بسم الله ما شاء الله خبره كبيره في المجال وربنا يحميه :ah7: