مشاهدة النسخة كاملة : سؤال لذو الخبرة عن اختبارات كروت الشاشة
دلوقتى انا الحمد لله اشتريت كارت شاشة جديد
Gigabyte GeForce GTX 970 G1 Gaming 4GB GDDR5 Windforce
بس انا لاحظت كدا و انا بتصفح الفيس مثلا اوقات بشوف وشوشة خفيفة كدا بتظهر على الشاشة لو ركزت فيها على اللون الابيض بتبقى واضحة و بتظهر بوضوح لما اشغل لعبة زى ذا ويتشر 3 و اوقف اللعب مثلا ارد على واحد على الفيس فى اللحظة دى الوشوشة بتبقى ظاهرة بحيث يعنى ان الكارت بيبقى عليه ضغط يعنى فالوشوشة بتظهر اكتر
و انا بصراحة بدات اقلق و خايف يكون كارت الشاشة ليها علاقة بالموضوع دا
اولا ظاهرة الوشوشة دى طبيعية ولا لا و ايه حلها
ثانيا و دا الغرض من البوست
ما هى طرق اختبار الكارت و التاكد من عدم وجود عيوب مصنعية فيها لانى سمعت لو لقيت عيب بعد 14 يوم من الشراء حعانى فى ترجيعها و يجب التاكد من عدم وجود عيوب مصنعية خلال 14 يوم
و اظن الكلام دا ينطبق مع متجر عرب هاردوير بردو اللى انا اشتريت الكارت منها
phenomenon
06-10-2015, 16:46
تقصد بايه وشوشه اخى الفاضل ؟ ممكن صوره
عموما اعمل اختبارات ببرنامج UNIGINE Vally و 3DMARK PRO وشوف هل هتظهر اثناء الاختبارات ام لا
وكام اقصى درجه خراره
حضرتك انا صورت فيديو و رفعته و ارجو ان تكون المشكلة واضحة فى الفيديو
https://www.youtube.com/watch?v=mn9dlgkcvhA
حتلاقى فيه وشوشة و خطوط كدا خاصة فى النصف العلوى من الشاشة
phenomenon
08-10-2015, 18:15
اخدت بالى من الخطوط ايوه
من خلال تجاربى الشخصيه وعانيت منها قبل كده بسبب تشغيل الشاشه 24/7 اعتقد انه عيب فى الشاشه ومع الاستمراريه هتزيد بوضوح
وبتزيد مع ارتفاع درجه حرارتها الى ان تثبت بالنهايه على الشاشه طول الوقت ( خطوط الموت )
لكن لو الحال كان مختلف قبل شراء الكارت الجديد عاوزين نتاكد اكتر
عشان نتاكد يكون افضل لو اخدت الكارت لاى شركه هاردوير قريبه منك او لواحد صاحبك بس الافضل شركه هاردوير وشوف هيقولك ايه
ولو عندك اى شاشه قديمه ممكن تجربه عليها بردو او جرب تشتغل على الكارت المدمج فتره من الوقت
انت محتاج تفصل المشكله دلوقتى بين الاتنين وانا شخصيا اعتقد انها مشكله بالشاشه واى تجارب كتجارب برامج الضغط والتعذيب لاختبار كفائه الكارت
ليست منطقيه لانه اذا كانت هذه مشكله ارتفاع درجه حراره الشاشه بالتاكيد هتظهر فى اغلب البرامج واذا كانت مشكله الكارت اعتقد انها هتزيد بوضوح مع الضغط عليه
عشان تتاكد مؤقتا جرب تشتغل برنامج Furmark
سيب البرنامج على اوبشن خيارات الوضع الافتراضى لكن اختار Fullscreen Mode وابدا الاختبار لمده خمسه دقائق فقط وتابع جيدا درجات الحراره
شوف ايه الاخبار
بردو ممكن تجرب Unigine Valley وشوف ايه الاخبار
عشان ميكونشى الكلام بناءا على التخمين اتمنى انك تجربه على شاشه تانيه او تجرب كارت تانى على نفس الشاشه
تمام 1- طب حضرتك انا عندى شاشة تانية بتاعة اخوية بس اصغر 16 ولا 18 بوصة ايا كان المهم يعنى الريزليوشن او الدقة حتبقى اقل عادى ولا لازم 23 بوصة و كدا
2- لو ينفع و طلع الشاشة مفيهاش الخطوط دى و طلع العيب من الشاشة هل ليها حل ولا اوديها الضمان ولا ايه
3- و لو طلع فيها بردو الخطوط دى مع العلم الخطوط بتبقى هذا الوضوح خاصة عند الضغط مثلا لما العاب THE WITCHER 3 و طبعا بلعب على الالترا كدا يبقى العيب من الكارت و اعمل ايه ساعتها بردو
3- اخيرا مش ممكن يكون العيب من التوصيلات بحيث انا انا مستخدم وصلة كابل DVI ؟؟؟ و هل كابل DVI كويسة ولا استخدم كابل HDMI افضل ؟؟؟
و شكرا مقدما
phenomenon
08-10-2015, 21:00
لو المشكله فى كارت الشاشه هتظهر فورا بعد تركيب الشاشه الاخرى على نفس الجهاز
لو طلع العيب من الشاشه اكيد الحل الوحيد والسليم الضمان بتاعها
اما لو طلع العيب من الكارت اتواصل مع المتجر مره تانيه وشوف هترسلهم الكارت امتى
ياريت تكون سريع وياريت لو تروح شركه هاردوير موثوق فيها وعندهم خبره تعامل مع المكونات الحديثه ويجربولك الكارت على شاشه سليمه بعد تثبيت التعريف بتاعه
دائما اخى مشاكل الخطوط البيضاء فى الجزء الاعلى والجزء الاسفل من الشاشه بتكون مشاكل بالشاشه
اما مشاكل بالكارت بتكون واضحه جدا
ولانى عانيت منها مسبقا وكان حلها صيانه الشاشه
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir