لمن لديهم خبرة فى كسر سرعة الـ GTX 970 عندى حاجة مش قادر افهمها فى النسخة دى MSI GA..

[lil_viper]

سلام الله عليكم ورحمته وبركاته

الموضوع باختصار يا سادة انى قررت اكسر الكارت اللى عندى وهو (MSI GTX 970 Gaming)
وقدرت اوصل بسهولة وثبات للترددات دى

https://arabhardware.net/forum/attachment.php?attachmentid=30169&stc=1https://arabhardware.net/forum/attachment.php?attachmentid=30170&stc=1

وحسب كلام الموقع اللى قام بتجربة كسر سرعة النسخة دى قالوا ان اقصى حد للكسر للـ GPU
Base: 1264MHz / Boost: 1403MHz / Actual: 1542MHz

وحسب كلام الموقع ايضاً انهم كانوا يقدروا يوصلوا لتردد اعلى لولا ان الـ Max TDP/Power limit لم يكن ليتجاوز اكتر من 112%
ودى صورة من النسخة اللى جربوا عليها
https://arabhardware.net/forum/attachment.php?attachmentid=30171&stc=1
المصدر هنا لمن يريد قراءة المقال بالكامل (https://www.hardocp.com/article/2014/09/29/msi_geforce_gtx_970_gaming_4g_video_card_review/8#.VhxuSfmqpHx)

سؤالى هنا : ازاى الكارت بتاعى وصل باستخدام الطاقة الى 120.5% بدون اختناق على الرغم من انه مغلق على 110% .. الحقيقة انا مش عارف ان كانت دى ميزة ولا عيب فى نسختى
وان كانت ميزة هل يمكن الاستفادة منها للوصول لتردد اعلى :confused:
وهنا صورة من الاعدادات الخاصة بالنسخة بتاعتى باستخدام MSI Afterburner

https://arabhardware.net/forum/attachment.php?attachmentid=30172&stc=1
مهتم جداً أعرف رأى اهل الخبرة
:Dوشاكر لكم النصيحة

[phenomenon]

وعليكم السلام ورحمه الله وبركاته .....
Max TDP او Max Thermal Design Power/Point بتوضح نسبه الطاقه المستنفذه للمعالج من خلال برنامج GPUz
غالبيتنا معتمد على قرائتها بهذه الشكل خصوصا مع توقف NVIDIA عن كتابه TDP واستادلها بكلمه Power Consumption فى صفخه
مواصفات الكروت بسبب التشويش عند غالبيتنا من كلمه TDP نفس الموقف اللى انت فيه حاليا ...

على الرغم من عدم وجود ( مواصفات او قرائات افتراضيه ) لذكر اقصى نسبه TDP فى الموقع الخاص بالكارت فهذا يعنى شيئان اساسيان
1- الاول هو ان هذه النسبه متغيره من كارت شاشه لاخر ومتغيره حسب حالات الاستخدامات واوقات الضغط
2- ان تقنيه TDP تعنى ( بالاساس ) انها نسبه الحراره الناتجه عن - منسوب الطاقه المستنفذ - المطلوب من خصائص التبريد تشتيتها
للاسف على الرغم من تعقيد معانيه الا انه هو المعنى الحقيقى لتقنيه TDP معناها باللغه العربيه " 'طاقه التصميم الحراريه " او " نقطه التصميم الحرارى "

بخصوص سؤالك هل انت افضل ام الموقع هو الافضل ؟
خد الامر كمثال على باور سبلاى Bronze وباور سبلاى GOLD كلاهما 500W

سنفترض انك معاك باور سبلاى برونز 500W ومحتاج جهده كامل 500W اذن الباور ده هيسحب من سوكيت الكهرباء 617W
لان باور برونز كفائته تقدر بنسبه %81 اثناء احتياج نسبه طاقته كامله ( على شبكات كهرباء زى مصر 220V )

سنفترض انى معايا باور سبلاى جولد 500W ومحتاج جهده كامل 500W اذن الباور ده هيسحب من سوكيت الكهرباء 543W
لان باور جولد كفائته تقدر بنسبه 92% اثناء احتياج طاقته كامله على خطوط 220V ايضا

طيب ده معناه ايه ( باستثناء نسبه الطاقه اللى انت بتتحاسب عليها لشبكات الكهرباء ومش بتستنفع بيها )
لكن ده معناه مكثفات الطاقه فى باور جولد تعمل تحت درجه حراره اقل اى انت تحتاج مروحه تعمل تحت سرعه كافيه لتشتيت فى برونز 625W وفى جولد 543W فقط
اذن درجه حراره جولد افضل ومروحته صوتها هتكون اهدى لانها مش شغاله بكامل طاقتها ولا صوتها عالى وفى نفس الوقت توفير فى الكهرباء

الامر يتساوى تماما بكارت الشاشه فهناك المكثفات مربوطه على لوحه الباور سبلاى وليها نظام عمل وهناك وحده توزيع الفولتيه المربوطه على بورده كروت الشاشه

وده كله عشان نوصل للمعنى الحقيقى من TDP
اذن فى حالتك الكارت مسؤل عن تشتيت حراره ناتجه عن %125 من نسبه الطاقه الاصليه اللى هى 100%100
اى مسؤل عن تبريد ربع كارت اضافى ( تحليل غير دقيق ولكن احاول فقط تبسيط الامر )

اما مع المراجعه المذكوره فواضح ان مراوح الكارت ونظام تبريده مسؤل عن تبريد نسبه اقل بكتير عنك نتيجه انخفاض درجه حراره النواه ربما
او ربما انخفاض درجه حراره وحده توزيع الفولتيات المربوطه على بورده الكارت VRM مكونه من مكثفات وترانزستورز

دوائر الطاقه VRM لديها القدره على تحمل درجات حراره عاليه وبالتاكيد افضل النوعيات اليابانيه موجوده بكارتك مش تقلق
وتتحمل درجات حراره 105C وساعات عمل متواصل بدون قلق
اتاكد من درجاتها ببرنامج زى HWiNFO

سؤالك الاحير عن VDDC هى فولتيه نواه المعالج ويقال انه يمكنك ضرب هذه الفولتيه فى عدد الامبير ( احيانا لا ترى عدد الامبير فى واجهه Sensors )
يجب رؤيتها من خلال الضغط على مربع Log to Fille ثم اختيار ملف الدوكيمنيت ان يكون وليكن على سطح المكتب )
ستلاحظ نسبه الامبير التى تحتاجها النواه
يقال انه يمكنك ضرب فولتيه النواه فى عدد الامبير الواضح اما من واجهه البرنامج لبعض الكروت او الموجوده فى ملف الدوكيمنت
وستعلم منها ايضا نسبه الطاقه المستنفذه
فلنفترض انك وجدتها 30A امبير اذن 1.2500Vx30A = تقريبا 37.5W
اذن هذه ليست الحقيقه
لان هناك اكثر من فولتيه لنواه المعالج وهناك فولتيه الفيديو رام وفولتيه دوائر الطاقه ولذلك للتاكد من معرفه نسبه الطاقه الحقيقيه
يجب ان تستخدم ادوات القياس الصحيحه ولكنها للاسف غير موجوده داخل مصر

ربما يكون الامر اقرب للواقع اذا قمنا بضرب الامبير فى مسار فولتيه الباور المعروفه 12V+ فربما تحصل على نتائج حقيقيه
ولكن من الواضح ان هناك نتائج تظهر احيانا بنسبه 80A وهذا يعنى ان الاوبشن ده احيانا بيوضح كفائه الباور نفسه فى نسبه الامبير القادر على تمريرها من خط 12V+

فى النهايه اتمنى انك تتوقف عن كسر السرعه لسببان الاول هو كفائه الكارت الجيده فى الالعاب وتردده المرتفع اثناء استخدام بروفايل OC من سوفت وير الكارت الملحق بيه
بالاضافه ان المعالج يمتلك خاصيه Turbo Boost 2.0 اى احيانا تصعد نسبه التردد اعلى من كل الترددات المكتوبه مصنعيا لانها ليست محدده ومتوقفه على درجه الحراره
والامر الاخر ان الكسر لن يجدى نفعا اذا كان موجهه لشاشه برزيولشن اعلى من 1440p ولكن بالتاكيد الامر يرجعلك كليا

هل الدنيا وضحت ولا الرد ده زاد من الامر تعقيد ؟

[lil_viper]

متشكر جدا على وقتك وشرحك الوافى
فى الحقيقة ان قدرة الكارت عندى افضل من النسخة بتاعت الموقع من حيث الكسر
وانا فاهم طبعا ان الـ Power consumption بيختلف من كارت الى اخر انما النسخ دى من maxwell gpus locked على 110% مما لا يتيح لها الا اكثر من ذلك بحد اقصى 2% استنادا لما قرأته على كل المواقع
ولذلك بدأوا من يملكون الكارت ده البحث عن تحديث/تغيير الـ Bios عشان يفتح الـ Max TDP اـ 125% زى الجيل السابق والاسبق من nvidia kepler ليصلوا لمعدلات اعلى فى الكسر بدون اختناق من الطاقة المستنفذة
العجيب عندى ان نسختى وصلت لـ 120.5% وده شئ لم اشاهده على اى موقع اجنبى او عربى
الهدف من سؤالى فى المقام الاول انى بحاول الاقى واحد من الاعضاء يكون يمتلك نفس الفئة بصرف النظر عن الشركة المصنعة وعنده خبرة فى كسر السرعة ويقدر ينقلى تجربته وقدرة الكارت بتاعه عشان اقدر احدد ان كان ده شيء طبيعى ولا فوق المعتاد
وكنت عايز اعرف هل ده معناه انى اقدر اوصل لتردد اعلى ام لا بدون مجازفة
بشكر حضرتك مرة تانية وربنا يزيدك من علمه
كتر الف خيرك

[phenomenon]

الشكر لله ... الامر سهل جدا والله اخى ولكن يحتاج نسبه فهم بسيطه معقده وبمجرد فهمك ليها تتضح الامور تماما
هسهلك الامر اكتر قى ثلاثه نقاط والجواب المختصر باللون الاخضر
انت قلقان لان الكارت بتاعك قدر يسحب 125% بالرغم انه فى المراجعه 112% وبالرغم انه فى MSI AB مختلف تماما وهى محدوده على %110

1- من عده سنوات كان فى معاناه بسبب حدود برنامج MSI AB لنسبه TDP
واللى هى كانت بتوضح نسبه الطاقه اللى احنا عاوزين نسمح بيها لكارت الشاشه انه ياخدها وعشان كده كان فى معاناه بسبب حدود التطبيق نفسه
وفى ناس توصلت لحلول وقدرت تعمل فكره وشهرتها ممكن نقول زى تهكيره للبرنامج وبكده قدروا يزيدوا من النسبه المحدده فى التطبيق ده او فى غيره
وهنا ينتهى امر برنامج MSI AB كوسيله سماح للمعالجات باستنفاذ نسبه اكتر من الطاقه طالما الباور بتاعى يسمح بيها واوصل بيها الى %120 او اعلى

2- الواضح من برنامج GPUz امر اخير مختلف عن ما يقدمه برنامج MSI AB
برنامج GPUz يوضح ( ليست نسبه الطاقه المستنفذه لانك اذا فهمتها بهذه الطريقه ستظل فى حاله تشويش )
وانما يوضح درجه الحراره الناتجه عن استنفاذ نسبه الطاقه المطلوب من مراوح الكارت تشتيتها

وهنيجى لاهم سؤال فى الموضوع وكانك بتسالنى وبتقول
" بما ان نسبه TDP توضح درجه الحراره الناتجه عن الاستهلاك المراد تشتيتها فلماذا هى عندى اعلى من كل المراجعات " ؟
الجواب المختصر ( شكل الاستخدامات ) مع شكل درجات الحراره المتغيره حسب اختلاف الاستخدامات

3- تعالى ناخد مثال
انت بتقول ان اغلب المراجعات بتوضح ان نسبه TDP من برنامج GPUz لا تزيد عن %112 وفعلا الامر واضح بالصوره
لان دى مش نسبه الطاقه المقدمه من برنامج MSI AB بقدر ماهى نسبه الحراره الناتجه عن الطاقه المستنفذه ( سواء اعلى او اقل ) المراد تشتيتها

يعنى هل معقوله يكون الكارت فى المراجعه واخد طاقه اعلى منى ودرجه حرارته اقل منى ؟
نعم احيانا

تعالى نشوف درجه حراره المعالج اللى فى نفس الصوره هتلاقيها 63C فقط ولكن تعالى نشوف نسبه سرعه المراوح فيها هتلاقيها %90
لكن فى صوره كارتك مع ارتفاع نسبه TDP الى %125 وبالفعل ترتفع معها نسبه حراره المعالج الى 68C
الا ان سرعه دوران المروحه اقل ومتوقفه عند %87 - الا انه لم يبدا حتى الان فى اختناق نفسه او يرى سبب واضح لزياده سرعه المراوح
لان المعالج شايف ان نسبه استخدامك حتى الان من مصادر المعالج لا تفرض حتى وان كانت ثقيله ولكنها لا تفرض عليه الزياده فى سرعه المراوحه
نعم هو يرى درجه حراره 68C ولكنه يراها طبيعيه ولا تحتاج مجهود اكبر من سرعه المروحه

اذن من الواضح جدا ان نسبه TDP ليست نسبه الطاقه المسؤل عن تقديمها برنامج MSI AB وانما درجه الحراره الناتجه عن نسبه الطاقه المراد تشتيتها

ليه الكارت بتاعك وصل الى %125 ؟ ربما بسبب التحميل الزائد على السعه المستخدمه من الفيديو رام الى 3.7GB
طيب ليه مش بدا يشتت فى الحراره عشان يبقى زى المراجعه 63C وتقل نسبه TDP المراد تشتيتها ؟
لانه مش شايف سبب واقعى انه يعمل كده وكانه بيقولك
انا مرتاح كده

طيب ليه درجه الحراره فى المراجعه قلت ومعها تقل نسبه TDP ؟
لانه ماكنشى مرتاح كده وكان فى حاله اتضطراريه لزياده سرعه المراوح الى %90 عشان يبرد نفسه
طيب ايه السبب بالرغم ان الاستهلاك معاك فى سعه الذواكر كان اعلى منه
سببان رئيسيان : سترى متحكم الذواكر لديه ايضا جهد عملياته مرتفع عنك بنسبه %28
السبب التانى ربما استهلاك المعالج 99% ايضا متساوى معك لكنه يعنى كثيرا من الاختلافات فى اشكال التحميل
ولذلك اتضطر الكارت بالمراجعه فى اجهاد نفسه اكتر بعمليه التبريد لاى سبب من الاسباب نتيجه اشكال التحميل
الى ان تهبط معه درجه الحراره وتقل معاها نسبه TDP
فى النهايه قدر يقول انا مرتاح كده
اذن نتيجه ممتازه فبالرغم من جهده الاكبر قدر يشتت حرارته اكتر
بس مش تنسى انه اجهد مراوحه اكتر عشان يوصل للحاله الايجابيه دى

اذن مين احسن انت ولا هو ؟
انتوا الاتنين واحد وانما نظام عمل الطاقه بالمعماريه نفسها الموجوده بمعالج GTX 970 OEM يختلف حسب اشكال التحميل نفسها بجميع الكروت