باور سبلاى فى حدود 400 الى 500 جنيه

[MY HEART ALONE]

لو سمحتوا يا جماعه كان عندى بور سبلاى فى الكيسه ضرب بسبب زرار فى الباور من ورا ولد صغير غير الفولت بتاعه من 320 ل 115 فبمجرد ما حطيت الفيشه الباور ضرب ومش عارف دا ممكن يكون عمل حاجه فى مكونات الكيسه ولا لا انا كنت عاوز باور يكون 550 او 500 وات وايه رئيكم فى الباور دا Cooler Master Elite V2 500W PSU اقصى ميزانيه محدده : 500 جنيه استخدام الجهاز : استعمال عادى محل السكن : المنيا مكان الشراء : القاهرة موعد الشراء : خلال اسبوع

[phenomenon]

Seasonic S12II 520W
الباور اللى بيكون فيه مانوال سويتش ( الزرار الاحمر ) بتكون باورات نضيفه بس للاسف الغلطه دى بتقضى على عمرها فى لحظه
باور Seasonic S12II 520W من ضمن الباورات الحديثه فيها السويتش اوتوماتيك وبيترجم لواحده شبكه الكهرباء بتاعتك من 115V ~ 230V

[MY HEART ALONE]

طيب ممكن حضرتك تنصحنى بباور كويس ولا اللى انا اختارته دا احسن

[phenomenon]

منا رشحتلك Seasonic S12II 520W Bronze افضل من Elite v2 فى كل شىء يخص طريقه عملهم ودرجه الحراره وتوفير الطاقه وفتره عمرهم
كمان سعره قريب جدا 550 جنيه تقريبا
نفس شركه التصنيع بالضبط هتلاقيها موجوده بقلب باور XFX TS Series 430W سعره 400 جنيه بس محتاج البحث عنه
ممكن CM Ellite بردو مفيش مشاكل طالما فيرجن 2 لكن بصراحه اخى

كولار ماستر مش بتصنع باورات بس لما بتحب تقدم باور عالى بتقدمه
زى G series + GM series وطبعا افضلها V series لان سلسله V تصنيع Seasonic ومن افضل الخامات بس غاليه وموجهه للاستخدامات القصوى
وسلسله M ايضا من تصنيع شركه اخرى عملاقه ولكن ايضا موجهه للاستخدامات العاليه 800W وما اعلى

الامر بالنسبالك طبيعى وسهل لان استخداماتك بسيطه
باور 70 جنيه يقضى الغرض لكن طالما انت بتقدر وجود الباور الكويس وحطيتله ميزانيه 500 جنيه يبقى الافضل البحث عن افضل باور فى رنج السعر
اى باور فى مصر فى رنج 500 او 600 وات باستثناء Seasonic + XFX - الصين علمت فيها علامه
لذلك دائما نفضا الماركتين دول فى رنج الوات المتوسط بسبب احتوائهم على مكثفات يابانيه فقط او خليط من اليابانى والتايوانى ومقدر بها فتره عمر اطول
بالاضافه ان كماليتهم جوده عاليه وحاجه نضيفه زى الاسلاك ومخارج سوكيت التشغيل والامور الجانبيه البسيطه

هذا ليس كل شىء بالتاكيد عشان كده ارشحلك الموديلين دول اولا

وياتى بعدهم Corsair CM + VS + V ياتى بعدهم ايضا EVGA 500B + W E
وايضا Cooler Master GM + G + GX واخرين ولكن اخر سطرين الصين سايبه علامه جواهم وهو امر عادى احيانا لكن لا افضله فى باورات الميزانيات المتوسطه

[MY HEART ALONE]

بارك الله فيك ان شاء الله هجيب الباور دا Seasonic S12II 520W Bronze ممكن سؤال تانى لو سمحت الباور دا ممكن يشغل كروت شاشه كويس ؟

[phenomenon]

الشكر لله .... يشغل اى كارت شاشه قوى بيطلب فى مواصفاته 500W
غالبا كروت الشاشه مش بتوصل لاستخدام 500W حتى وان كتبت فى مواصفاتها تحتاج 500W
لكن بيهتموا بالنقطه دى لانهم عارفين ان فى انواع باورات مش بتقدم اقصى طاقتها مع ارتفاع حرارتها وبتبدا تهرب نسبه كبيه من الفولتيات بتاعتها
هذا لا ينطبق على باورات زى Seasonic لان الترانزستورز بتاعه قادر على تحمل درجات حراره عاليه نوعياته او نظام عمله RDS-on
لو فى كارت شاشه او مجموعه كروت فى بالك قولنا عليهم هنقولك اقصى احتياجها الحقيقى فى وقت الضغط التقيل مع باقى السيستم بتسحب كام

[MY HEART ALONE]

انا كنت شايل 1500 لكارت الشاشه بس لما الباور ضرب اخدت الفلوس اللى هشترى بيها الكارت علشان اجيب الباور اللى حضرتك رشحتهولى
بس هتبقا فى مشكله فى ترتيب الاسلاك لان الكيسه اللى عندى ثيرمالتك ومفيش فيها فى الباب الخلفى مكان لمرور الاسلاك

[phenomenon]

انا كنت برتب سلوك باورات عاليه فى كيسات تجاريه عادى :)
طبعا ترتيب الاسلاك مريح جدا وبيساعد على هدوء درجات الحراره داخل الكيس ومن مميزات باور S12II اتذكر ان كل كابلاته Sleeve وشكلها حلو فى الكيس
اهم حاجه بقدر الامكان متخليش الاسلاك فى طريق ااى هواء داخل او خارج من الفانات بتاعت الكيسه
ممكن تحت الهارد بس خدبالك لان احيانا فى مروحه اماميه بتكون واطيه عن العاده - لو عاليه خلى السلوك كلها ملفوفه لفه كويسه تحت الهارد وارطبهم
وممكن فوق ال DVD بردو تركن مجموعه اسلاك يعنى اكيد انت هتتصرف ان شاء الله
خساره ان ميزانيه الكارت قلت بس يمكن خير عشان متتعرشى لنفس المشكله بعد شراء الكارت او لا سمح الله كان ياثر عليه

[MY HEART ALONE]

ابن عمى اشترالى الباور انهارده ولكن لقيت سعره 600 جنيه مش 550 وهيجيبو البلد خلال 5 ايام فياريت يا استاذ
Phenomenon لو تقولى ارتب الاسلاك ازاى فى الكيسه بتاعتى هيا اسمها thermaltake Commander MS-II وهل هقدر اعدى الاسلاك من بابها الخلفى ولا لا

[phenomenon]

الف مبروك - عشان اكون صريح معاك : اكتر سؤال اتسال على منتدى Seasonic : ليه باور S12II سلوكه قصيره ؟
الاجابه من الدعم كانت كلاتى
" يجب ان نهتم بتوفير مزود طاقه من افضل الخامات والجوده العاليه وبنفس الوقت بسعر مناسب للميزانيات البسيطه ولذلك كان لابد التضحيه بطول الاسلاك "

وده شىء طبيعى اخى الكريم لان فعلا الباور من الداخل يعتبر افضل باور سبلاى فى رنج الميزانيه بالتاكيد وسعره كان 500 بعدين 525
وبعد هبوط الجنيه اكيد فى زياده - مين اللى هيروح لباور من اى شاركه تانيه وهو قدامه الباور ده
اما بخصوص ترتيب الاسلاك هيكون افضل لو شوفت فيديو
اليوتيوب صديقك فى الموضوع ده هتشوف طرق كثيره جدا وممكن تقابلك اسم كيستك وانت بتدور او اكتب اسمها وجمبها cable management

[MY HEART ALONE]

الباور ان شاء الله هيوصلى بلدى يوم الاربعاء القادم علشان كدا مش هعرف حكايه الاسلاك دى الا لما اشوف الباور واظن ان الباور بالطريقه دى سعره مش للميزانيات البسيطه فى موضوع تانى عاوز ماده انضف بيها جسد الكيسه علشان متربه جامد هيا والبورده ياريت لو حضرتك تنصحنى بحاجه ترتيب الاسلاك انا عملته اول مره لما جبت الكيسه وركبتها بس بصراحه كان موضوع ملل جدا وقعدت فتره طويله لغايه ما زهقت وقفلتها وخلاص لان الكيسه مكانتش مساعدانى ولولا انها مجرد جسد للمكونات كنت غيرتها وانا كنت شاريلها مراوح لتبريدها بس مش عارف اعمل ايه فى ترتيب الاسلاك تانى