مشكلة ياريت حد يساعدنى

[eslamssss]

اشتريت كارت r9 280x وحبيت أشغله على كيسه وورك إستيشن قالوا البور اللى فيها 1000وات لكن للأسف بعد مشغل اى لعبة لما ابتدى اللعب الجهاز يراستر والمشكلة اتكررت مع كيسة تانية وورك إستيشن بردو الأولى كانت hpz600 والتانية كانت dell t7400 ياريت حد يقولى المشكلة الباور ولا البوردة ولا ايه انا تعبت والله

[Walid DX01]

ايه نسخه الكارت اللي عندك ؟
مشكله الريستارت عاده بتكون من الباور
جرب الكارت علي باور 80+ برونز زي سيسونك او اي براند تاني غير بتاع الورك استيشن
وشوف النتيجه

[eslamssss]

الف شكر على الرد الكارت جيجا بايت المشكلة أن الباور 750وات عامل 800 جنيه وانا مش معايا المبلغ دلوقتى طب ياريت تقولى ايه رأيك فى المازر إنتل q75 مع بروسيسور i5 جيل ثالث مع الكارت ده

[mawedahmed]

السلام عليكم ورحمه الله وبركاته اهلا بك اخي الكريم في منتدي عرب هاردوير واتمني لك دوام الصحه والعافيه

مازر بورد Intel Q75 مع بروسيسور I5 3RD Generation والكرت R9 280X تعتبر تجميعه جيده جدا مع الالعاب

واعتقد انك لا تحتاج تغيير شيئ حاليا من المكونات الاساسيه الا مزود الطاقه او الباور سبلاي الخاص بالجهاز

وانا انصحك اخي الكريم بتغيير الباور فورا لانه هناك خطر كبير علي جهازك عموما وليس الكرت فقط ايضا

لان تشغيل الكرت مع مزود طاقه غير كافي سيسبب لك مشاكل كثيره نحن في غني عنها الان والحمد لله حاليا

ولماذا اخي الكريم باور 750 وات ..؟؟ الكرت يحتاج باور 550 وات او 600 وات للامان وليس اكثر من ذلك

وحاول ان تشتري الباور من شركات XFX_Corsair_Seasonic_Evga لانهم بمثابه المستوي الاول في جوده مزودات الطاقه

وحاول شراء الباور بمعيار 80+ لانه كفائته افضل بكثير من الباور العادي وعمره الافتراضي اطول مع الضغط

اخي الكريم معلومه ليك انا ليا صديق عزيز عنده HD 7970 GHZ Edition وتقريبا نفس استهلاك كرتك الحالي

وصديقي هذا يعمل بمزود 500 وات فقط من Thermaltake وليس بمعيار 80+ ايضا وتم شراء الباور من 3 سنين تقريبا

وحتي الان لم يواجه اي مشكله مع اي لعبه حتي الان ولله الحمد طبعا ولو لست معك ميزانيه حاول علي الاقل حتي

تشتري باور من Thermaltake او Hec مستعمل بقوه 500 وات بحاله ممتازه وسيفي بالغرض ان شاء الله

[eslamssss]

والله ياأخى ربنا يعلم انت طمئنت قلبي اد ايه لك جزيل الشكر انا الحمدلله اشتريت مع التجميعة ده باور 700وات هانوجر ياترى الماركة ده حلوه ولا لا مع العلم أنى اشتريته جديد ب790 جنيه وكان الكولار ماستر 700 وات عامل 780 جنيه

[mawedahmed]

الشكر لله اخي الكريم والحمد لله ان قلبك اطمئن بالفعل والحمد لله طبعا علي كل شيئ وفي كل وقت ومكان

انت قصدك يا اسلام الباور نوعه HEC Cougar ..؟؟ لو كان هو الباور يبقي اختيار جيد جدا وكافي جدا للكارت

[eslamssss]

فعلا هو اسمه كوجر معلش انا غلط فى الاسم الف الف شكر ليك ولكل أعضاء هذا المنتدى الرائع النافع

[phenomenon]

اذن هل تم حل المشكله ام مشكله الريستارت المفاجىء لا تزال مستمره معاك ؟

[eslamssss]

والله انهارده هتكون التجميعة كلها أن شاء الله كاملة وهجرب ويارب يكون خير

[Erron_BLack]

معظم الباورات اللي بتكون جايه مع الكيسه بتكون تجاريه..يعني ممكن تلاقي مكتوب علي الباور 1000 وات و هو في الحقيقه الاوتبوت بتاعه مايتعداش 250 احسنلك تجيب باور نضيف من ماركه معروفه و ده هيكلفك حوالي 500..في حل ارخص هو انك تشغل الكرت علي باور رخيص منفرد و ده معقد شويه

[eslamssss]

الف شكر اخى الكريم على الإفادة انا فعلا اشتريت باور كوجر 700وات