مشكلة فى توصيل كبلات ماذربورد

[ezzat95]

الحمد لله انا اشتريت كيسة كولر ماستر haf 912 بس لما جيت انقل مكونات جهازى من الكيسة القديمة (التايجر)
قابلتنى مشكلة فى توصيل مداخل اليو اس بى الامامية فدلوقتى اليو اس بى الامامى مش شغال انا وصلت كل الكبلات الا كابل اليو اس بى 3 مش لاقى مكان ليه فى البوردة ومش لاقى سلك اليو اس بى 2 اللى فى الكيس
فياريت اى حد يشرحلى اماكن توصيل اسلاك الكيس فى الماذربورد انا نوع الماذر اللى عندى asos h81m

[phenomenon]

الف مبروك على الكيس الجديد

اولا لابد ان تتاكد ان الكيس فيها كابلات USB2 + USB3 الاماميه واكيد اكتر الكيسات فيها كابل 4pin USB2 ومكتوب عليه USB
اذن كابل USB2 الامامى بيكون 4 فتحات ضيقه 4pin شكل فتحات كابل مروحه المعالج
وبيركب فى اللوحه الام فى منفذ Front USB وغالبا بيكون فى اسفل اللوحه الام
واحيانا بيرمز ليه حرف F-USB مرسومه فوق الاربع دبابيس بالضبط كدليل على التعريف بيها

يبقى هناخد الكابل اللى طالع من الكيسه نفسها ومكتوب عليه USB او مكتوب USB2 او F USB اللى هو اربعه فتحات صغيرين
ونركبه فى منفذ USB اللى بيكون تحت خالص فى اللوحه الام جمب الهيدر بانل الخاصه بكابلات التشغيل والريستارت ونور الباور وخلافه
وبكده بقى عندك USB2 امامى


ثانيا لو الكيس فيها فيشه عريضه لونها ازرق او رصاصى شكل فيشه الكهرباء دى عشان خاطر USB3 الامامى
ولكن لوحه H81 مش بتدعم الفيشه دى فى اغلب الاحوال باستثناء ASUS H81 Gamer حتى الان ( حسب علمى )
اذن USB3 بالنسبالك غالبا هيكون فى ضهر الكيسه فقط اللى لونهم بالازرق وهتستغنى عن الفيشه حاليا

هل الدنيا وضحت ولا محتاج صور

[ezzat95]

الف مبروك على الكيس الجديد

اولا لابد ان تتاكد ان الكيس فيها كابلات USB2 + USB3 الاماميه واكيد اكتر الكيسات فيها كابل 4pin USB2 ومكتوب عليه USB
اذن كابل USB2 الامامى بيكون 4 فتحات ضيقه 4pin شكل فتحات كابل مروحه المعالج
وبيركب فى اللوحه الام فى منفذ Front USB وغالبا بيكون فى اسفل اللوحه الام
واحيانا بيرمز ليه حرف F-USB مرسومه فوق الاربع دبابيس بالضبط كدليل على التعريف بيها

يبقى هناخد الكابل اللى طالع من الكيسه نفسها ومكتوب عليه USB او مكتوب USB2 او F USB اللى هو اربعه فتحات صغيرين
ونركبه فى منفذ USB اللى بيكون تحت خالص فى اللوحه الام جمب الهيدر بانل الخاصه بكابلات التشغيل والريستارت ونور الباور وخلافه
وبكده بقى عندك USB2 امامى


ثانيا لو الكيس فيها فيشه عريضه لونها ازرق او رصاصى شكل فيشه الكهرباء دى عشان خاطر USB3 الامامى
ولكن لوحه H81 مش بتدعم الفيشه دى فى اغلب الاحوال باستثناء ASUS H81 Gamer حتى الان ( حسب علمى )
اذن USB3 بالنسبالك غالبا هيكون فى ضهر الكيسه فقط اللى لونهم بالازرق وهتستغنى عن الفيشه حاليا

هل الدنيا وضحت ولا محتاج صور



الحمد لله نفذت كلامك ونفع ووصلت ال usb 2 فاضل بس ال usb 3 بس خلاص مش مهم مادام اللوحة لا تدعمه ابقى استخدم المخارج اللى ظهر الكيسة وخلاص

[phenomenon]

تمام ... للاسف الحدود فى اعداد ال USB بترجع لشيبايه انتل نفسها على اللوحه الام
هتلاقى شيبايه Intel H81 Express Chipset بتدعم 8xUSB2 اربعه امامى واربعه خلفى ولكن لوجود اربعه منافذ امامين اكيد موجوده فى كيسات عاليه شويه فىالسعر
وهتلاقى الشيبايه بتدعم 2 فقط USB3 وبيكونوا موجودين فى الباك بانل عند الراكه الخلفيه فقط

اما عند اختيارك لوحه ام فيها شيبات اعلى زى B85 او H97
هتلاقى انتل بتدعم فيهم 4 منافذ USB3 وبتبا اللوحات الام توزعهم اتنين خلفى واتنين امامى

لو سالنا ليه H81 شركات اللوحات الام معملتشى USB3 فيها امامى وفضلت انه يكون خلفى
لان اكيد فى كيسات مفيهاش USB3 امامى وبكده ممكن الشركه تضيع عليك فرصه الانتفاع بيها ولذلك بسبب قله عددهم فى الشيبايه نفسها المطوره من قبل انتل فضلت
انهم يكونوا حسب توصيلات الراكه الخلفيه واى كيسه مهما كانت هتقدر تشغلهم من الخلف فيها

لوحه H81 Gamer من اسيوس عملوا معاها زى مابيعملوا فى لوحات Z87 + Z97

ضافوا شريحه اضافيه عليها ( شيبايه صغيره بمتحكمات تشغيل USB3 ) اسمها ASMedia1042 عشان يضيفولك اتنين USB3 امامى
بدون مايكون ليهم دعوه بشيبايه انتل اللى هى بتدعم اتنين فقط USB3

فعموما انا عاوز اقولك ان الحدود فى اعداد منافذ I/O بيرجع لمتحكمات شيبايه انتل نفسها ومش تقصير من شركه اللوحات الام نفسها ولا اى شىء

دى الفيشه اللى بيتم اضافتها عشان USB3 الامامى
https://arabhardware.com/forum/attachment.php?attachmentid=30314&stc=1

وده شكل الفيشه بتاعت الكيس ولكن مش هنقدر نركبها الا ان كانت اللوحه تبدا مع شيبايه انتل B85 لان جميع شركات اللوحات وزعت المنافذ اتنين امامى واتنين خلفى معاها

https://archive.benchmarkreviews.com/images/reviews/cases/solo-II/USB3_cable.jpg

[ezzat95]

طب اخر حاجة انا لما جيت اوصل اسلاك مداخل الصوت الامامية لقيت سلك مكتوب عليه ac 97 وسلك hd audio انا وصلت سلك hd audio بس عايز اعرف الفرق بينهم بس

[phenomenon]

مش هتحتاج الكابل ده تقريبا لانه عشان المايك بتاع الهيدفون الامامى واغلب اللوحات الحديثه مش محتاجاه