المساعد الشخصي الرقمي

مشاهدة النسخة كاملة : ساعدونى فى الاختيار بين lumia 640 xl و infinix zero 2 pro



mohnab2
23-10-2015, 23:25
ساعدونى فى الاختيار بين lumia 640 xl و infinix zero 2 pro والمميزات والعيوب لكل تليفون و لو حد عنده اختيار تاني لموبايل اخر فى حدود ال 1600 جنيه يكون افضل من الموبايلين دول

mmfis
23-10-2015, 23:53
لوميا طبعا اخي بدون تفكير

arrow92
24-10-2015, 00:38
انا معايا لوميا 640xl والحقيقه تحفه
انا كنت زيك محتار بين الاتنين من كام شهر
بس لوميا حلو جدا
هتتعب حوالى يومين ل3 ايام لحد ما تتعود

بعد كده هتلاقى نفسك بقيت متعود عليه
وكمان انا جربت نسخه ويندوز 10 التجريبيه ..الحقيقه تحفه يعنى لمه تنزل رسمى هيكون اختلاف كبير جدا ما بين 8.1 و10
انا مش بتكلم كتقنيات انا بتكلم كشكل عام ......الشكل احسن
بس كسرعه وخلافه مش لاحظت اختلاف كبير
لان النظام اساسا سريع


فتوكل على الله وهات 640 لوميا
بس نصيحه مش تاخد راى حد
انا اه قبل ما اسال سمعت راى الناس
بس حبيت اشوف الموبايل الاول واشوف الخواص بيتاعته واقارنها ....بالمتطلبات الى انا محتاجها فى الموبايل
فانت الافضل ابحث عن مراجعات للاتنين موبايل وشوف فيديوهات ليها
وقارن بين الاتنين والمتطلبات بيتاعتك

وموفق ان شاء الله

mohnab2
24-10-2015, 12:29
الف شكر على الرد وانت ساعدتني جداً فى تثبيت رأي على اللوميا بس فى حاجة كنت عايز اعرفها بالنسبة لل antutu benchmark test لل اللوميا كان مسجل 23.891 و ال infinix سجل 34.335 كنت عايز اعرف الفرق ده من ايه ؟

DoRo
26-10-2015, 02:25
نصيحه مني سيبك من كلام برنامج antutu
لاني سمعت ان فيه شركات كتير بتخلي الموبيل يعمل بكل طاقته ف الاختبار بتاع البرنامج عشان يسجل سكور عالي

وفرق الاسكور بينهم .. انه بيقارن العتاد اللي جوه الموبيل
مثلا اللوميا رامات 1 جيجا والانفنكس 2 جيجا
الذاكره الداخليه 8 لللوميا مقابل 16 او 32 للانفنكس
وهكذا

ف كل الحاجات دي لازم تعمل فرق ف الاسكور الاجمالي

بس طبعا انت ليك ف الآخر الاستخدام اللي انت محتاجه
رام 1 جيجا مناسب جدا للويندون فون
والذاكره الداخليه مالهاش قيمه في النظام لانك بتجيب كارت ميموري محترم وبتسطب كل البرامج والالعاب عليه
يعني مش هتحتاج الذاكره الداخليه الا بسيط جدا

Warif
19-05-2016, 17:16
دة نظام ودة نظام .. لوميا هتستغني عن برامج كتير بس مقابل ان مفيش تهنيج وكواليتي عالي .. الاندرويد ايا كان بعد فترة بيهنج بس مقابل كدة متجر تطبيقات محترم وكل شويه في جديد وتقدر تغير شكل تليفونك كل يوم بلانشر جديد .. تفريغ البطاريه في اللوميا احسن مقارنه بالزيرو 2 برو لان بطاريته ضعيفه