مشكلة في الكارت الداخلي لمازر h61

[hass64]

عندي مازر h61 لماذا عندما دخلت على موقع can you run it لم يقرا لذاكرة كارت الفيجا الداخلي سوى ٦٤ ميجا فقطو كيف اعرف حجم الذاكرة الحقيقي و شكرا

[Erron_BLack]

مساحه كرت الشاشه الداخلي بتعتمد علي مساحه الرامات..يعني مثلا لو عندك رامات 2 جيجا يبقي مساحه كرت الشاشه الداخلي 256 ميجابايت ..لو عندك 4 جيجا رام هتبقي مساحه الكرت 384 ميجا..و هكذا بحد اقصي واحد جيجا..انتا ممكن تحدد مساحه كرت البلت ان من البايوس بس مش هيتمل اي تأثير في تشغيل الالعاب فقط هيقلل مساحه الرام..عموما عشان تعرف مساحه الكرت دوس كليك يمين علي الديسكتوب اختار screen resolution و اختار advanced setting هنظهرلك امكانيات الكرت

[hass64]

طب ليه المةقع قرا مساحة الكارت ٦٤ ميجا رغم ان راماتي ٤ جيجا

[Erron_BLack]

طب ليه المةقع قرا مساحة الكارت ٦٤ ميجا رغم ان راماتي ٤ جيجا
هو قرا المساحه الافتراضيه للكرت dedicated memory محسبش ال shared memory اللي هي المساحه المشتركه مع الرام..انا شخصيا مش بحب الموقع ده..game debate افضل بكتير

[heshamfarid]

ايوه بيكون 64
مازر بوردة دى بتكون بشكل التالى
https://picsee.net/upload/2015-10-26/d16771017135.jpg

[hass64]

يعني لما شغلوا في العا حيكون جيجا ونص ولا ٦٤ ميجا

[phenomenon]

سواء جيجا ونص او 64 العمليه متوقفه اكتر على جهد وكفائه معالج الجرافيك نفسه
ولكن موضوع هيعطى قد ايه للعبه ممكن تشوفها بنفسك عن طريق تشغيل برامج لرؤيه خصائص الجهاز وانت بتلعب وشوف
هل فى نسبه قرائه لرامات الكارت المدمج بتعدى 64mb بعد ماخرجت من اللعبه ام لا
هتلاقيها اسفل قائمه برنامج HWiNFO

افتح البرنامج قبل الدخول على اللعبه واختار Sensors وسيبه شغال ولما تخرج من اللعبه شوف ازيد نسبه maximum لاختيار D3D Memory Allocated وصل كام
وممكن تشوفها من برنامج GPUz ايضا

[hass64]

البرنامج قاريها جيجا ونص
عندي سؤال تاني هل يمكن تركيب رامتين بواحدة باص ١٦٠٠ مع واحدة باص ١٣٣٣

[Erron_BLack]

ينفع بس الراما الاسرع هتشتغل بنفس سرعه الراما البطيئه

[hass64]

طب وايه الأحسن أشغل رامة 4 جيجا 1600 مع رامة 2 جيجا 1333 ولا أكتفي بال4جيجا باص 1600 بس ؟؟
وجزاكم الله خيرا

[Erron_BLack]

الاحسن تبيع الراما البطيئه (1333) و تجيب راما بنفس سرعه و مساحه و ماركه الراما الاسرع ..او تبيع الرامتين و تجيب kit 2x4 يعني رامتين متطابقين بيتباعو مع بعض

[hass64]

طب لو مفيش امكانية البيع والشراء حاليا ؟؟
آسف على الإزعاج

[phenomenon]

وليه تخسر تردد الرامه العاليه طالما هى موجوده عندك بالفعل ؟
ولكن فى سؤال مهم هل انت متاكد ان الرامه شغاله بتردد 1600MHz لان اغلب لوحات شيبايه H61 بتدعم اقصى تردد 1333MHz
فحاول تتاكد من الموضوع ده ولو اتاكدت ان الرامه الاسرع شغال بتردد 800MHz من برنامج CPUz DRAM Frequency
يبقى كده الرامه تعمل بتردد 1600 والافضل شراء رامه بنفس التردد حينما تسمح لك الميزانيه
الالعاب معاك اكيد شغاله على جرافيك بسيط ومع الجرافيك البسيط احتياج الرامات بتكون بسيطه بردو
وانت تقدر بردو تشوف نسبه استهلاك الرامات داخل الالعاب بنفس البرنامج ولكن اعلى النافذه Physical Memory Used :)

[iceman2050]

الافتراضى بيكون 64 ميجا ويمكنك تزويدها عن طريق البيوس اول ما تفتح الجهاز لحد 1 جيجا على حساب رامات الجهاز طبعا