نصيحه في تحديث جهازي mobo+cpu+ram

[SheNo0o]

بسم الله الرحمن الرحيم


في البدايه انا محتاج النصيحه من خبراء المنتدي الكرام

انا مواصفات جهازي دلوقتي


Processor : AMD Phenom II X4 965 BE
Mobo : Gigabyte GA-890GPA-UD3H
Ram : Dual Channel KingStone 4GB DDR3
Graphic : AMD Radeon HD 6850 1024MB
System HD : OCZ Vertex 4 120GB كله ل نظام التشغيل كامل
HD : WesternDigital 1TB WD10EADS
الشاشه Samsung 21 lcd مش هتتغير
الكيسه Cooler Master cm619 تقريبا كيسه حلوه وبرده مش هتتغير
الباور Cooler Master برده 650w وبيتهيقلي باور حلو ويستحمل حتي بعد التحديث وبرده مش هيتغير ان شاء الله



انا بستخدم الجهاز في برامج التعديل والجرافيك Photoshop & Lightroom وبرامج الفيديو وكمان هيبقي مخصص للالعاب التقيله
انا من الناس ال مبتحبش الجهاز يبقي بيهنج وعارف ان البروسيسور ممكن يكون كويس بس انا بسالكم لان اكيد انتوا ادري ومتابعين اكتر وعارفين
انا دلوقتي محتاج النصيحه في التحديث اغير البورده والبروسيسور والرام لاحدث حاجه ال skylake ورامات ddr4 1x8gb

ولا احدث بس كارت الشاشه وازود رامات بس ؟
واستني شويه علي ما تبقي متاحه البوردات الارخص واستني سعر البروسيسور يظبط شويه ولا ايه

وياريت اعرف سعر القطع المقترحه

[Walid DX01]

هتغير ماذر وبروسيسور ورامات وكارت شاشه
بالنسبه للجيل السادس ممكن تستني شويه لحد ما ينزل بوردات B150
و لازم تحدد اقصي ميزانيه ممكن توصلها ؟

[SheNo0o]

سلام عليكم
الف شكر ليك يا خبير القسم المحترم ال مبيسيبش حد الا لما بيرد عليه ويفيده بعلمه

انا اقصي ميزانيه حاليا 3000 جنيه للحاجات دي وممكن استني علي نفس كارت الشاشه شويه ومجيبش كارت شاشه دلوقتي لغايه ما اقدر اوفر تمنه

المشكله الاكبر حاليا بالنسبه لي ان البندلات ال موجوده عند الشركات راماتها كتير 16 و32 جيجا معليه السعر زاءد ان مفيش غير البوردات ال z170 وغاليه حاليا علي الميزانيه ال انا محددها ف ياريت اعرف راي حضرتك

[Walid DX01]

مدام مش ناوي علي كسر للسرعه يبقي مفيش داعي خالص لـ Z170
شوف معالج I5-6500 كويس جدا مع بورده B150 DRR4
اتوقع هتوصل مصر قبل نهايه العام يعني مش هتستني كتير اوي
وسعر البورده هيكون مابين 700-850 ان شاء الله

[SheNo0o]

جزاك الله كل خير مع احترامي لكل مجهودك ف القسم تابعت كل ردودك علي الموضوعات عنها واحب اهنيك بجد انت موسوعه وخبره ربنا يجازيك خير عننا يارب

[SheNo0o]

طيب انا ان شاء الله هجيب بس طبعا الكلام ده قدام شويه Liquid cooler لانه من القطع الاساسيه ال مبتتغيرش كتير ف ايه رايك كده وقتها ممكن افكر ف كسر السرعه صح هي ليه البوردات ال b150 ملهاش ف كسر السرعه مش عارف ليه ممكن اعرف من حضرتك واتقل عليك تقولي الفرق ف كسر السرعه ايه بين البورده ال z170 وال b150

[Walid DX01]

شكرا علي كلامك الجميل
اللوحات الاحترافيه الموجهه لكسر السرعه فئه Z170
تقدر تكسر بيها اي معالج حرف K من الجيل السادس
جميع لوحات B150 غير موجهه لكسر سرعه المعالج
فئه Z170 تقبل تعدد كروت الشاشه SLI و Crossfire
B150 تقبل تعدد كروت الشاشه من AMD يعني Crossfire فقط

مفيش داعي لمبرد مائي ومعالج لكسر السرعه
لان كسر سرعه المعالج مش هيديك اي اداء اضافي بالالعاب
غير 3 فريمات او اقل ومش هتحس بيهم خالص
معالج I5-6500 قوي جدا وخلاص انت معاه هربت من عنق الزجاجه
ومش محتاج معالج تاني مكانه حرف K وZ170 علشان تكسر سرعه
حط باقي الميزانيه في كارت الشاشه الاهم حاليا
شوف كارت GTX 960 او R9-380 هيبقي ممتاز مع دقه شاشتك