مشكلة في مكان تركيب كارت الشاشة باللوحة

[MrSoLtO]

السلام عليكم
من فضلكم عندي بورده جيجا بايت وكارت شاشة AMD Radeon R9 200 Series
من فترة أثناء تشغيل فيفا 16 ظهرت شاشة بيضاء مع خطوط سوداء طولية وتوقف الجهاز عن العمل
ظلت المشكلة لكام يوم لحد ما وديت كارت الشاشة الضمان وأكدولي إن الكارت سليم
شغلت الكارت على المكان التاني في البورده اشتغل كويس بدون اي مشاكل
فتأكدت إن المشكلة في المكان الأساسي اللي بركب فيه الكارت
السؤال البورده حاليا عدت فترة الضمان فياريت لو في اي حل اقدر اعمله أو ترشيح اي مكان صيانة محترم
وهل الأفضل اعمل صيانة للبورده وللا أشتري واحدة جديدة ولو هشتري إيه أنسب إختيار عشان في أسعار كتير ومش عارف اخد قرار بشراء ايه فيهم
شكراً لكم ...

[ahmad2006771]

رقم البوردة اية والموديل والفيرجن بتاعها بالضبط ايه

[phenomenon]

وعليكم السلام ورحمه الله وبركاته .. مواصفات الجهاز اخى
بالاضافه انه لا داعلى لشراء لوحه جديده طالما المدخل التانى يعمل بشكل سليم

[MrSoLtO]

السلام عليكم
متشكر لردكم وإهتمامكم أخي Phenomenon (https://arabhardware.com/forum/member.php?u=11301600) وأخي ahmad2006771 (https://arabhardware.com/forum/member.php?u=11273238)
مواصفات الجهاز:
Intel(R) Core(TM) i5-4440 CPU @ 3.10GHz
Memory 8GBytes DDR3
Gigabyte GA-B85-HD3
Crosair VS 550
Display Adapter AMD Radeon (https://www.walmart.com/ip/AMD-Radeon-R5-230-1GB-Graphics-Card/36627874) R9 200 Series


بالنسبة للتشغيل على المكان الأخر في اللوحة هل هيكون بنفس الكفاءة لأن المكان الأساسي اللي فيه المشكلة مكتوب أمامه PCIEX16 والمكان الأخر PCIEX4 وبعض الزملاء قالولي إنه هيشتغل بربع الكفاءة
وأخيراً شكراً لكم على المساعدة والإهتمام

[phenomenon]

الربع :) لا طبعا ولا حتى التلات ارباع - الكارت شغال بكامل كفائته
لو انا بمكانك فلن يستدعى الامر منى تغيير اللوحه الام لانى اعلم ان كروت AMD لا تتطلب اكثر من 4Lanes من PCIe
اما اذا كان الكارت NVIDIA فكنت هقولك مش هينفع لان اقل عدد توصيلات مطلوبه للسوكيت لابد ان يكون 8Lanes

عشان اكون واضح معاك فى النقطه دى جدا وبنفس الوقت مصعبهاش عليك
الفرق تقريبا هيكون %5 واحيانا اقل من %1 ببعض الحالات
ولكن اخى الكريم بغض النظر ان كارتك يعمل الان بكامل كفائته ام لا : لماذا لا تستفيد من ضمان اللوحه الام ؟

على كل حال قول لزمايلك معلوماتكوا غير صحيحه تماما ولو تحب تثبت الامر بسهوله
خد الكارت بتاعك وروح العب عندهم وشوف عدد الاطارات
وارجع على بوردتك والعب عليها واحسب عدد الاطارات وشوف الفرق

دى مراجعه لاكتر من 10 العاب تم اختبارهم فى الحالتين

https://arabhardware.com/forum/attachment.php?attachmentid=30561&stc=1

https://arabhardware.com/forum/attachment.php?attachmentid=30562&stc=1

يعنى باختصار الحد الاقصى فى حالتك ممكن الكارت يجيب 100 اطار فى السوكيت الاول ولكن دلوقتى بيجيب 95 اطار وده فى حاله انه فعلا وصل ل 100 اطار
لكن لو بيجيب 50 اطار فى السوكيت الاول على لعبه تانيه فالحد الادنى للسوكيت التانى عمره ماهيقل عن 47.5
ودى ادنى نسبه الموقع وصلها
فى النهايه بنقول مفيش فرق بين السوكيت الاول والتانى خصوصا مع كروت AMD
فى ناس اساسا بتتنازل عن السوكيت الاول لاسباب لا تعد ولا تحصى واولهم المشتت الهوائى الضخم للمعالج اللى بيمنع امكانيه الاستفاده من السوكيت الاول لانه قريب

[H_KIMO]

أخى العزيز
اللوحة مازالت بضمان الوكيل بص على كرتونتها هتلاقى ملصق إما ضمان مترا أو جاما
هتوديلهم لوحة وخلاص
ولو محتاج مساعدة كلمنى

[MrSoLtO]

أخي Phenomenon كل كلمات الشكر لا تكفي للتعبير عن سعادتي بإهتمامك ومجهودك في الرد
لكن للأسف تأكدت اليوم إن المشكلة من كارت الشاشة لأنه فصل خالص ورجعت الخطوط السوداء سواء في المكان الأول في اللوحة أوالثاني
وجربته عند صديق ليا جهازه نفس مواصفات جهازي وعمل نفس الموضوع فكدة مفيش غير إني أروح الضمان تاني وأشرحلهم اللي حصل

وياريت حد من الإخوة يقول رأيه من حيث المعاملة في ضمان جاما لأني أول مرة وديت فيها الكارت قالولي إن الكارت شغال ومفيش اي مشاكل وكدة مش هعرف أثبت إن المشكلة من الكارت إلا اني أخد الكيسه معايا وده صعب لبعد المسافة عن سكني وصعوبة حملها في المواصلات بس لو لقيت إن مفيش حل غير كدة لازم هتصرف وهاخدها.

أكرر شكري للأخ Phenomenon ولكل الإخوة اللي شرفوني بالرد في الموضوع.

[phenomenon]

بارك الله فيك اخى الكريم ... الواضح انك معاك R9-280X المغضوب عليه والله اعلم ويظهر العيب بيبدا مع ارتفاع حرارته
انا بمجرد ماقرات مشاركتك الاولى كنت رايح اقولك الكارت محتاج يرجع للضمان ولكن لقيتك قولت اشتغل فى السوكيت التانى كويس
وبسبب مشاكل R9-280X r قولت فى نفسى ممكن يكون سبب مشكله للسوكيت الاول
على كل حال الناس فى الضمان محترمين جدا واهم حاجه مش تشد معاهم وبهدوء هتاخد حقك
قولهم الكارت بيشتغل كويس فتره من الوقت وبعد كده المشكله بتظهر وجربته على جهاز اخر امكانيته عاليه ظهرت نفس المشكله معاه
اهم شىء لو هو R9-280X خليك معاهم هادى وبالاحترام تاخد كل اللى انت عاوزه باذن الله وربنا يوفقك
دى النسخه رقم 5 تقريبا تبوظ فى شهر 11 بس من سلسله R9-200 فى منتدى عرب هاردوير فقط واغلبهم كان R9-280X