طلب تجميعه جهاز ب 11000 جم للشغل و الالعاب

[Mina Nagib]

- أقصى ميزانية محددة: 11,000 جنيه
- استخدامك للجهاز: تصميمات هندسيه + ريندر + العاب
- حجم الشاشة و الدقة (Resolution) التي تستخدمها: 21 بوصه للشغل + 42 بوصه للالعاب و الشاشتين full hd
- القطع التي تنوي شراءها: كيسه كامله فيما عدا هاردات الساتا
- القطع التي ستعيد استخدامها من الجهاز القديم: هاردات ساتا للتخزين "هاردين بلو + هاردين جرين"
- ميعاد شراء الجهاز: فى خلال 15 يوم
- مكان الشراء: القاهره و بعض القطع من الخارج
- محل سكنك: القاهره

يفضل اقتراح تجمعتين للكيسه "واحده ب 11,000 لكيسه كامله و واحده ب 5500 لكيسه من غير كارت شاشه و فى الحاله ديه سيتم استخدام كارت شاشه gtx 980 ti وارد الخارج"

و فى التجمعتين يفضل وجود هارد ssd لا يقل عن 250 gb و مشتت حرارى جيد للشغل ل 3 - 4 ايام متواصله

شكرا و فى انتظار اقتراحات الاعضاء

[phenomenon]

يعنى ممكن تقول معاك كارت GTX 980TI وشاشه ومحتاج كيسه معاهم للريندر وللالعاب بتكلفه 5500 جنيه
بالشكل ده هتعدى شويه ومش هتكون موزونه الا لو حاولت تشترى من خارج مصر وقدرت توفر فرق بس مظنش

ASUS H97 Pro Gamer= 1050 LE
I7-4790 8MB 3.6GHz = 2550 LE
CM Hyper 212 = 400 LE
Corsair 8GB DDR3 bus 1600 CL9 = 630 LE
Samsung EVO 256GB SATA 6GBps = 1150 LE
Seasonic S12II 620W = 650 LE

Total = 6430 LE

من الافضل مش تقل عن شريحه h97 لانها بتدعم 6 سوكيت SATA 6GB/s
فى حاله شراء لوحه B85 Pro Gamer هيكون معاك اربعه فقط واتنين اخرين SATA 3GB/s

كمان من الافضل مش تقل عن 16GB رامات طالما شغلك عالى بالرندر بس ممكن تزودهم بالمستقبل عادى

[Mina Nagib]

شكرا على سرعه الرد بس هل الافضل انى اقلل الكارت ل980 بدلا من 980 ti و بالفرق ده ارفع الprocessor ل5820k مثلا ؟؟

و يا ريت اقتراح تجميعه تانيه بسعر "11,000" و فيها كارت شاشه سواء كان 980 ti او غيره

شكرا

[phenomenon]

الشكر لله .. اللى انا فهمته انك محتاج تركز القوه على شىء معين
طيب المشكله لو جينا نحسبها I7-5820K وهنفترض اننا جيبنا حتى GTX 970 بردو الميزانيه مش هتكفى حسب اسعار مصر
لوحه ومعالج ومشتت وكارت ورامه وادى 2400 + 3250 + 400 + 3250 + 1450 = وكده 10.750 ودى افضل اسعار تقريبا
لسى انت محتاج هارد SSD 250GB ولسى محتاج باور سبلاى وكيس وقول مصاريف كماليات وشحن 250 جنيه
فمشهتقدر للاسف توصل بردو بالشكل ده لمعالج 5820K واحسب كمان مره ممكن اكون غلطان

انا رايى ان افضل تجميعه هتبقى بالشكل ده بسبب غلاء اسعار مصر
ASUS H97 Pro Gamer = 1050 LE
I7-4790K 8MB cash 4.0GHz = 2900 LE
CM Hyper Evo 212 = 400 LE
Corsair DDR3 13GB DDR3 1600MHz = 1250 LE
Samsung EVI 256GB = 1150 LE
G1 GTX 970 4GB = 3250 LE
Seasonic S12II 620W = 650 LE
NZXT S340 = 700 LE

Total = 11.350

حتى بدون لوحه Z97 او رامات تردد عالى لان اقصى H97 تردد 1600MHz بردو الميزانيه هتعدى معاك
ممكن تنزل لمعالج I7-4790 وتوفر تقريبا 450 جنيه ومفيش فرق غير 400mhz فى الضغط
بس بصراحه منصه للرندر حاليا بدون 16G على الاقل هتتعبك جدا من البدايه
والحل التانى تشوف حد بيبيع منصه I7-5820K + X99 +16GB واعتقد ان سعرهم مستعمل هيبدا يقرب عليك اللى انت عاوز تحققه

[Mina Nagib]

شكرا جزيلا يا فندم و هحاول اقلل الكارت ل 980 بدلا من ال 980 ti مقابل معالج و رام افضل فى الوقت الحالى زى التجميعه التانيه بما ان الرام هتبقى لها الاولويه فى الريندر

[Mina Nagib]

طيب بما ان الميزانيه كده مش هتكفى و لازم اتنازل عن ال980 ti او ال5820k فعاوز اعرف هل الفرق اللى هيدفع فى الmother board و ال processor و الram فى حاله ال 5820k يستاهل و هيدى اداء كويس فى الشغل ؟؟

ولا لان ال processor ده له اقل مسارات فى فئه الhexa core processors فميستاهلش الفرق ده ؟؟

و الحاجه التانيه انا شايف انى كان فى ناس مش عاجبها البوردات ال x99 لحد ما نزل تحديث للBIOS و ده للبوردات الجيجابيت فهل حد هنا جرب البوردات ديه لفتره و اللى جربها ممكن نعرف منه ايه اخبارها بعد التحديث ؟؟

شكرا و فى انتظار اراء الاعضاء

[phenomenon]

والله اخى موضوع التفضيل بين المعالج والكارت راجع لشغلك جدا بس لازم اقولك ان المعالج المركزى عليه عبىء كبير جدا فى عمليات الرندر
الفرق مش هيكون لصالح I7-5820K عشان خاطر سداسيه الانويه فقط مقارنه بــ I7-4790K عدد مساراته اكبر وضعف حجم الكاش ميجا وامكانيه تدعيم 64GB Mem
الفروق دى هصنع فارق فى الشغل فى الوقت الحاضر ومع المستقبل واذا اتضح ان فى بعض المراجعات اللى بتثبت افضليه I7-5820K وليكن 5 دقائق فى رندر 30 دقيقه
ده معناه انه هيصنع فارق ما يقارب 30 دقيقه فى رندر بيحتاج 3 ساعات عمل او اربعه ساعات ولو شغلك تقيل بالرندر و 12 ساعه فى اليوم
فطبعا بدون شك انت محتاج معالج Extreme عشان تكون بتحقق المعادله بشكل افضل يمكن تقبله وانا واثق انك هتكون راضى عن اداء اى منهم وخصوصا I7-5820K لانه موجود عشانك تحديدا
بما انه معالج العاب اولا ولكن مميز فى الرندر بسبب موارد المعالجه المتعدده او المصادر الكثيره

كمان ياريت رامات اخى الكريم : انت لو قولت انا هقفل ال 64GB مش هقولك لا او احبطك فيها لانها ضروريه جدا جدا جدا فى اعمال الرندر التقيله
وهنا الميزه انك مجبر على شراء DDR4 واللى هى هتكون بطبيعه الحال افضل كثيرا فى سرعه الترددات لانك مش هتوقف نفسك عند 1600mhz مع h97

طبعا انت هتشترى SSD واهم حاجه جيبه جديد حتى لو هتكتفى مؤقتا ب 120 جيجا عشان تحقق معادلتك فكل المطلوب منه الشغل ثم الشغل
سيبك خالص من الالعاب - مش هتلاحظ فرق ايجابى بالالعاب من هارد لهارد تانى ان شاء الله

اما بخصوص البيوس : مشاكل البيوس وارد حدوثها وهتلاقيها مغرقه جوجل لجميع الانواع مش عارف ايه الموديل تحديدا اللى انت بتسال عنه
بس ان شاء الله مش هيقابلك مشاكل ولا حاجه وعمليه تحديث البيوس بسيطه

النقطه الاخيره بالموضوع اذا استقريت على هذا او ذاك وتحديدا اكستريم فاكيد هيكون معاك مشتت وكل المطلوب منك وصل المعالج ب لتردد 4.0GHz او 4.2GHz
وبكده هتصنع فارق كبير يعنى حتى لو رندر هيعد ساعتين عليه فمع فرق تقريبا %20 فى التردد هتوفر مش اقل من 15 دقيقه فى عمل الرندر ده

اما عن الالعاب فاى كارت زى 980 او 970 كفيل انه يوصلك لدرجه الاستمتاع بالجرافيك وسرعه الاداء طالما كانت شاشه واحده و مش اعلى من 1080p

[Mina Nagib]

شكرا جزيلا على سرعه الرد

و ممكن اطلب ترشيح بورده جيده لمعالجات انتل الhexa core ؟؟

لانى محتار بين الشركات المصنعه و الموديلات فارجو ترشيح بورده جيده من حيث الكفاءه و السعر مقابل الاداء