نصيحة في شراء هارد جديد

[Ra2od]

السلام عليكم ورحممة الله وبركاته
لو سمحت ياشباب كنت نازل النهاردة أشتري هارد ويسترن بلاك
المفروض ان الجهاز مستخدم للألعاب أكتر من اى حاجة وطبعا البلاك أغلى حاجة وبينصحوا الجيمرز انهم يشتغلوا بيه
السؤال دلوقتى هو فعلاً في فرق كبير في الاستخدم في الهارد البلاك عن الريد عن الجرين والبلو وكله عامة... ولا الفرق مش واضح وممكن استخدم اى هارد عادي مع العلم ان مفيش مشكلة في الفلوس.... يعني انا دلوقتى شغال على هارد ماكستور قديم عادي ومشغل عليه جيمز عالى وحاسس ان عادي... بس طبعا لازم أطور علشان الهارد ده 500 جيجا بس وانا ناوى اجيب 3 تيرا... فعايز اعرف فعلا الفرق هيكون واضح ولا أشترى اى حاجة عادي؟!!!
وياريت لو حد عنده نصايح تانية يقول عليها وشكرا ليكم جميعاً

[phenomenon]

نصيحه اخى الكريم ..
وفر اى فرق هتدفعه فى الهارد البلاك وحط المبلغ فى هارد بلو او ارجوانى مساحه اكبر او حتى رامه زياده المهم استفيد بالمبلغ
الهاردات السريعه مطلوبه ولكن للاعمال التقيله زى برمجيات التصاميم والاوفيس والبرمجه والمونتاج وخلافه
وليها ميزه فى تسريع عمليات التثبيت نفسها للالعاب او فك ضغطها ونقل الملفات
ولكن زى ما انت بتقول طالما احتياجاتك روتينيه خليك فى البلو

[Ra2od]

نصيحه اخى الكريم ..
وفر اى فرق هتدفعه فى الهارد البلاك وحط المبلغ فى هارد بلو او ارجوانى مساحه اكبر او حتى رامه زياده المهم استفيد بالمبلغ
الهاردات السريعه مطلوبه ولكن للاعمال التقيله زى برمجيات التصاميم والاوفيس والبرمجه والمونتاج وخلافه
وليها ميزه فى تسريع عمليات التثبيت نفسها للالعاب او فك ضغطها ونقل الملفات
ولكن زى ما انت بتقول طالما احتياجاتك روتينيه خليك فى البلو

شكراً لردك
يعني حضرتك شايف بما ان الاستخدام للجيمز بس اشتري البلو عادي.... الفكرة انى عايز اشتري هارد انساه ومفكرش في تجديده الفترة الجاية خالص
انا عارف ان البلو هو اللي قبل البلاك علطول وفي نفس الوقت الجهاز استخدامه روتيني فعلا... افلام وجيمز عالي... يبقى البلو كدة يقوم بنفس المهمة ومش هيفرق كتير عن البلاك... صح كدة ولا لأ؟!!!

[Ra2od]

سؤال تانى لو سمحت.... هو موضوع الأداء ده بيفرق في كل الهارد وكل الدرايف ولا الC بس اللي هو درايف السيستم وبس

[phenomenon]

بالظبط مفيش فرق هتلاحظه بين هارد والتانى فى الالعاب لان غالبا تحميل الهارد داخل اللعبه %0 = Usage
فقط ممكن تلاحظ بدا تحميله اوقات نادره جدا زى عمليه save game الاوتوماتيك او
تحميل Level جديد او مشهد Cutscene بيبدا ينشط بنسبه تحميل بسيطه جدا على اى هارد انه ينفزها بسرعه
ثم يعود مره ثانيه للخمول طول %0.0 وقت game play

ولذلك غالبا او دائما لما بينزل هارد جديد وبتبدا مواقع الهاردوير تعمل عليه مراجعات
هتلاحظ عدم اعتمادهم بالمراجعه على اختبار ادائها بالالعاب
لانها نظريا تعتبر تظريه غير صحيحه فى اختبار كفائه الهارد لانه لا يصل الى سعات عاليه داخل الالعاب فى التحميل

اما بخصوص تثبيت اللعبه على اى بارتيشن مفيهاش اى مشكله ونفس الاداء
اهم شىء حاول مش توصل لقفل البارتيشنات على اقصاها من السعه المستخدمه وخاصه باريتشن السيستم
انا حاولت اقولك كل شىء عشان تكون عارف سبب رايى فى كل الموضوع فقط
there`s no such thing we can call as a gaming Drive :)

[H_KIMO]

هات السيجايت أفضل هارد موجود

[thewarriar]

طيب سؤال لحضرتك ليه السيجيت احسن من الوستيرن مع انه ارخص

[H_KIMO]

مش أرخص ولا حاجة نفس السعر بس ممكن يكون التاجر بيعزز الويسترن شوية عليك
والسيجايت أسرع وضمانه بردو سنتين مع الهندسية
وحمار شغل بردو الويسترن الأزرق ممتاز ولكنى أفضل السيجايت للأسباب السابقة