المساعد الشخصي الرقمي

مشاهدة النسخة كاملة : اية رأيكو فى cooler master v6 gt



peter magdy mon
22-11-2015, 10:52
مساء الفل يا شباب
اية رأيكم فى المشتت المذكور ده مع بروسور i5 الجيل الرابع
انا هشترية مستعمل
ف اية رأيكم فية هل هيبقى احسن منCRYORIG h7
و الهايبر 212
ارجو الرد ضرورى

phenomenon
22-11-2015, 14:27
صباح/مساء الفل يا عم الشباب :)
المشتت كويس وافضل من المنافسين المذكورين اكيد.. يمكن صوته عالى شويه فى الضغط التقيل

peter magdy mon
23-11-2015, 09:10
متشكر جدا جدا يا استاذ ابراهيم على اهتمامك
جعلة الله فى ميزان حسناتك

peter magdy mon
26-11-2015, 20:54
انا اشتريت المشتت
كان عضو هنا عارضة للبيع - لكن رجع فى كلامة
فدورت علية و لقيتة جديد عند واحد فى سوق العصر
------------------
كانت الحرارة على مروحة انتل بأقصى سرعة طوال الوقت كانت بتوصل فى الالعاب الى 61 درجة و مش فاكر الخمول كام
دلوقتى بعد المشتت اصبحت اقصى حاجة 40 او 42 درجة - و غلق تحديد الاطار بتوصل 46 او 47 درجة بحد اقصى
و الخمول 33-35 درجة
و المروحة 1200 - 1300 لفة و صوتها مش مسموع
لكن على اقصى سرعة الصوت عالى و الحرارة بتقل 2او 4 بحد اقصى
فهل كدة درجة الحرارة كويسة ولا عالية شوية
---------------------
فى حاجة كمان
بعد تركيب القاعدة فى البوردة - فى حديدة بمسمارين بيثبتو المشتت فى مكانة
واحد من الاتنين دول مش بيربط كويس - يعنى بيجى عند حتة التقريط و بيفوت
من جانب الكيسة بيبان ان فى 2 ميلى المشتت عالى من الناحية دى
و حرارة البروسور زى ما ذكرت
ف اية اخبار الحرارة كدة
شكرا

phenomenon
27-11-2015, 01:20
مفيش افضل من كده .. وبخصوص الربط : اهم شىء تكون متاكد ان المشتت مربوط بس عشان لو حبيت تحرك الكيسه بايديك تبقى متاكد
والموضوع اللى انت بتقولو دا غالبا بيحصل عادى ممكن تشوف مسمار تانى او تنقل اماكنهم تلاقيه ظبط معاك والمهم بس تتاكد ان المشتت ربط
مش شرط المسمار يزنق للنهايه

peter magdy mon
27-11-2015, 01:51
انا متشكر لاهتمامك يا استاذ ابراهيم
هو بيربط للنهاية لكن فى الاخر بيفوت و لما عكست اماكن المسامير بردو نفس المسمار فى العين التانية بيفوت - لكن مربوط كويس
و كدة كدة باب الكيسة زانق على المشتت لانة كبير
لكن الاهم
هل كدة الحرارة كويسة ولا كدة عالية
اصل كان معايا amd x6 1090
و بمشتت اقل من دة و كان لية درجات حرارة اقل من دة بكتير جدا
يعنى فى عز الحر و اللعاب تقيلة مستحيل كان يعدى 40 درجة - و الخمول فى الشتاء بدون مبالغة مان بيوصل ل 9-11 درجة
فهل اللى معايا دلوقتى حرارتة كويسة كدة ولا ممكن تقل عن كدة برضو
اصل شوفت فى مراجعات المشتت مع اجيال اقدم يعنى حرارة اعلى - و درجات حرارة اقل
شكرا

phenomenon
27-11-2015, 02:16
ماهو بصراحه بترجع لنقطتين مهمين جدا جدا والله اعلى واعلم
الاولى ان المعالج وفولتيته المصنعيه فى الضغط شكلها ايه وطبعا مفروض مينفعشى نقارنها باى معماريه مختلفه
السبب التانى كارت الشاشه الجديد شكله ايه والعابك دلوقتى بقت بتتلعب على اعدادات ايه وتحميل المعالج شكله قد ايه

يعنى Core I7-3770 ممكن تلاقى درجه حرارته 55C~45C فى الضغط فقط ويكون معاك كارت R7-265 مثلا وبتلعب Medium
فتروح الصبح تشترى R9-290X فتلاقى نفسك بتلعب Ultra High بس فى المقابل هتلاقى درجه حراره البروسيسور وصلت 75C~65C
وده لان جهده زاد ولقى السبب المقنع انه يزيد من التحميل بتاعه داخل اللعبه

لكن ارجع اضبط اللعبه بتاعتك على الاعدادات اللى كان كارت R7-265 بيشغلها فقط وليكن Medium هتلاقى جهد المعالج قل تانى
ونزلت حرارته تانى الى 55C~45C

بخصوص درجه حراره 9C انا مش مكدبك طبعا لانها ممكن تحصل فى الخمول مع الشتا خصوصا ان الشتا اللى فات درجات حراره الجو
كانت وصلت سالب تحت الصفر
لكن درجه الحراره بتاعتك حاليا مش ممتازه .. بل افضل من ممتازه للعمل 24/7 بدون اى قلق ان شاء الله
حتى وان كانت 50C ~ 70C ~ 80C بردو تقدر تشتغل 24/7 without fear from any strikes :)

بخصوص الربط خلاص تمام طالما المشتت مربوط كويس والمسامار مسيطر عليه كويس

peter magdy mon
28-11-2015, 00:43
الف شكر لحضرتك
معايا كارت 970 و بلعب على الالترا
حاسس ان اداء المشتت احسن من كدة
بس انا مبسوط بية لانة نزل الحرارة ما بين 15-18 درجة و المراوح على ىسرعة 1300 تقريبا - يعنى بدون صوت
و شايفة احسن من مشتت Thermaltake NiC L31 لانة قلل الحرارة ما بين 5-6 درجات بس فى الضغط و الخمول و رجعتة على طول
ف بالنسبة دة اعجاز ههههههههههههههه
طب لو اشتريت معجون يقلل الحراة اكتر بفارق كبير ولا الموضوع مش مستاهل
الف الف شكر لاهتمامك

phenomenon
28-11-2015, 18:08
ولا يهمك ... انا رايى انك قلقان بدون داعى بس القلق الزياده فى التبريد مش عيب او سلبيه بالعكس
الاقتراح القادم فى حاله ان المعجون اللى معاك دلوقتى انت واثق ان كفائته ضعيفه فى التبريد مش ماركه محترمه

لكن على كل حال لو مش هيكون فيها غرامه عليك ممكن تجرب Noctua NT Hi hybrid Thermal paste
هيعمل فرق معاك بس اذا لقيته لحقته يعنى

peter magdy mon
29-11-2015, 01:31
الف شكر لحضرتك يا استاذ ابراهيم