التميز بين منفذين pcie- atx

[شلشاوي]

انا لم اراهما من قبل ...
كيف نميز بين 8 pin Pcie التي تستخدم لاعطاء منافذ ال pcie واط زيادة عن الواط الذي تاخذه من الماذر بورد
و 8 pin atx التي تستخدم لتغطية الفولت في الماذر او لتغذية اامعااج

[phenomenon]

كل كابل فيلهم مكتوب عليه مسار التغزيه بتاعه
هتلاقى كابل 8pin الموجهه للكارت سواء كان 8pin او 2+6 مكتوب عليه PCIe
وهتلاقى كابل 8pin الموجهه للمعالج مكتوب عليه 12V EPS ATX او 12V فقط

مش هتغلط فيهم بنسبه كبيره جدا لسببين
الكابلات دى لو دققت فى شكلها هتلاقى بعض منافذ الدبابيس مرسومه او منحوته باشكال دائريه مختلفه عن بعضها لكى تتناسب مع المدخل الموجهه له بالضبط
يعنى 12V EPS مرسوم او منحوت بطريقه عشان يركب بس فى سوكيت 12V EPS
اما 8Pin PCIe مرسوم او منحوت بطريقه مختلفه للمنافذ الثامنيه بتوعه عشان مش يركب غير فى سوكيت كارت الشاشه فقط
السبب التانى لو فضلت تضغط وتستقوى على الكابل وبطريقه ما قدرت تركبه بردو فى منفذ مختلف اعتقد انك ممكن متقدرشى تشغل لان ترتيب الفولتيه والارضى فيهم مختلف

لو دققت فى الصوره القادمه هتلاحظ الاختلاف ان تدرج المنافذ مختلف عن بعضه فى التصميم بتاعه
مره هتلاقى السن لى شكل مربع ومره تلاقيه دائرى بالرغم انه مش بنفس ترتيب الرسم للكابل الاخر
وبيبقى مكتوب عليهم مش تقلق


https://www.playtool.com/pages/psuconnectors/eps.jpg



https://www.playtool.com/pages/psuconnectors/pcie8.jpg

[phenomenon]

بخصوص السؤال عن نسبه الوات المطلوبه ...
هو الموضوع موضوع امبير بالمقام الاول والباورات النضيفه قادره على تمرير نسبه اعلى من الامبير المكتوب على ملصقها
واذا زاد قدره الباور ب 1A عن احتياج اقصى امبير للكارت فانت فى امان تااااااااااااااااااااام
يعنى لو الكارت محتاج 50A وباورك قادر على 51A انت فى امان تام
والباورات النضيفه بتقدر تمرر اكتر من المكتوب على الملصق مش اقل من 5A واحيانا اعلى قليلا او اقل قليلا ثم تفصل عندها ازا زادت نسبه الامبير المطلوب تمريريها داخل فولتيه 12V



للاجابه على السؤال : لو افترضنا ان الكارت جاى بمنفذ 6pin يبقى ده كارت 75W اقصاه - اما لو جاى 8pin يبقى 150W اقصاه
عمرك ماتقدر تقدمله اكتر من النسبه دى حتى مهما ترفع فولتيته ..
اذا رفعت فولتيته اثناء كسر السرعه وهو امر خطير جدا على كروت الشاشه ولكنها ممكنه فى حالات الكسر التنافسى لبعض المنافسين لاكتساب اول
مراكز Hall Of Fame بيشتروا مشتتات خارجيه او بلوكات مائيه وبيكون الجهاز تقريبا كله Water Loop
لكن اكيد كلامنا مش هيكون على كارت 75W معاهم بل كلامنا هيكون على كروت اعلى ولكن المدبا واحد

ايه اللى هيحصل لو فكرت تعطى لكارت شاشه اكتر من حقه ( اكتر من اللى ممكن كابل الكارت يقدمه ؟ )
ببساطه الكابل هيسيح فورا وممكن يودى بعمر الكارت نفسه

ايه اللى هيحصل لو الباور نفسه غير قادر على الامر ؟
ببساطه الباور نفسه لو مقدرشى يشد من سوكيت الحائط نسبه المجهود للمطلوبه حتى وان كان كارت الشاشه فى احتياج وقادر على استيعاب الفولتيه
الباور هيفصل نفسه تلقائيا واحتمال يتحرق فورا
لكن فى اغلب الحالات او السيناريو المعروف اللى هيحصل انه هيفصل نفسه طالما فيه دائره OPP او Over Power Protection

ايه اللى هيحصل لو الباور كفؤ والكارت قادر على استقبال التغزيه لكن الباور نفسه اقل من منسوب الوات المطلوب تصحيحه فى التغزيه بالرغم -
بالرغم انه قادر ياخد من سوكيت الحائط ؟
بردو هيفصل نفسه تلقائيا طالما عليه بورده OCP او Over Current Protection يعنى مقدرشى يقدملك المنسوب الاعلى اللى انت محتاجه

فى كل الحالات انت بتعرض نفسك لمخاطر والغرض من وجود دائره OCP هى انها تحميك لو احتياجاتك زادت من الباور وانت مش واخد بالك
لو الباور 500W وافترضنا انه قادر يغزى فولتيه 12V+ بنسبه 450W وانت احتياجاتك زادت ووصلت الى 470W
هيتحرق فورا الا لو عليه دائره حمايه OCP

طيب ايه يحصل لو هو كبدايه كده مقدرشى ياخد من سوكيت الحائط المنسوب اللى جاى من سوكيت الحائط قبل ما دائره OPP تتكلم ؟
هيفصل نفسه تلقائيا لو بورده AC Switch المربوطه فى ظهر الباور عليها مكثف Y ومكثف X وملف Coil
ودى بتعتبر الجزء الاول فى الحمايه من ارتفاع منسوب الوات القادم عبر سوكيت الحائط بخلاف باقى الدائره المربوطه على بورده الباور نفسه
نفس عدد المتطلبات السابقه من المكثفات ولو كانت ازيد افضل بشرط لا يقل عن ملفين Coil وبالتاكيد MOV بجانبهم او Metal Oxide Varistor
يبقى الباور 500W بس قدر يستوعب الكهرباء الزايده المفاجاه او الاحتياج الرهيب المفاجىء وليكن 1000W ومررهم وتبدا دائره OPP تتكلم
لانك اما مش محتاج المنسوب ده او لان ترانستورز تصحيح فولتيه 12V+ مطلبشى او مش هيقدر ينقل المسنوب ده

على كل حال عشان الموضوع مش يبعد : كارت الشاشه اذا احتاج نسبه اعلى من المجهود وكان قادر على استقبالها فينبغى ان تكون نسبه الزياده
داخل حدود منفذ الباور بتاعه والا هيعرض نفسه لمخاطر اكبر وبدل مايفصل نفسه ممكن يحرق نفسه

4Pin EPS بيقدم 144W وكابل 8pin EPS بيقدم الضعف 288W
جميع اللوحات الام الان اصبحت تطلب 8pin بالرغم ان اكبر معالج موجهه لهذه اللوحات ربما احتياجه 88W
ويقال ان اللوحات الام اصبحت تطلب من هذا السوكيت مجهود اضافى لتمريره لبعض المكونات الاخرى اذا كانت فى احتياج
والغرض الاضافى والاكثر اهميه هو لتبريد اللوحه الام وجعل سوكيت المعالج يكر بافضل درجات حراره ممكنه

هذا والله اعلم

[شلشاوي]

مشكور يا ملك علاجابة
بس لتذهب الغباشات ازا كانوعندي منفذ 8 بن الذي يعطي 150 واط
بلاضافه الى 75 واط الذي تعطيها الماذر بورد للكارت يصبح اامجموع 225 واط
وكانت الباور سبلاي من نوع ممتاز
ولكن الكارت كان يستخدم واط اكبر من 225 ليكن مثلا 300 واط كيف سيغطي النقص ويعمل
ام انه لن يعمل اي كارت يستخدم اكبر من 225 واط
وكيف سيعمل كارتين شاشه كروس او sli اذا كان اكبر تدعيم لحد الان مجموعه 225 واط

[phenomenon]

على ايه يا طيب - الملك هو الله فقط لا غير والباقى عبيد :)
شوف يا اخ شلشاوى مفيش بورده بتعطى 75W للكارت
حاول تفرق بين البورده اللى بتقدر تغزى كارت الشاشه والباور اللى بيغزى كارت الشاشه

فى بوردات قديمه 6pin Auxiliary ATX وفى بوردات 14Pin ATX
البوردات دى مستعده لتغزيه كروت الشاشه اللى هتركب عليها بدون كابلات اضافيه
البوردات دى بتستهلك ما يصل الى 150W او 250W وفى الغالب تصميمها قديم وبيكون لبعض شركات الاوريجنال
مالناش دعوه بالبوردات دى لانها قديمه وليها حدود لازم اسمع واصتنت جيدا جدا للتنبيهات

انت معاك باور ومعاك كارت شاشه
الكارت فيه منفذين وليكن منفذ 8pin ومنفذ 6pin يعنى الكارت ده 225W اقصى نسبه ممكن يطلبها على الاطلاق
لان المعالج ودوائر الطاقه او الفولتيه بتاعته مختاره بناءا على هذا الامر : اى عدم استيعابها لنسبه اعلى من هذا

فلا يمكن لكارت الشاشه ان يستوعب نسبه اكبر من اقصى حد استيعابه للطاقه فكيف تقدم له ما لا يمكن استيعابه
ازا دى حصلت فبتكون راجعه لاختيار فولتيات شارده جدا او اخطاء فى تيار الكهرباء القادم واللى بياثر تاثير سلبى على عمر الكارت
لكن الباورات النضيفه زى ماقولتلك فيها نظم حمايه كثيره جدا OPP + OCP + OVP + UVP وخلافه

ولكن انا هبسيطلك الامر جدا

افترض انك معاك كارت فيه مخرجين 6+8
نظريا ده معناه ان الكارت ده عنده المقدره انه يسحب 150W+75W = اى 225W
اكتر من كده ميقدرشى ياخد اطلاقا وممكن يحرق نفسه او سوكيت الكارت يسيح او سوكيت الكابل نفسه يسيح
الا فى حاله واحده بس - لو الكارت ده كان فى سوكيت زياده


الواقع بيقول الاتى : الكارت مش بيسحب اقسى نسبه مسموحه للسوكيت
يعنى لو الكارت فيه سوكيتين 300W مش شرط ان سحبه يوصل الى 300W ولكن ممكن 250W لكنه يسمح لك بالزياده عشان خاطر كسر السرعه
افترض انك قدرت تمرر للسوكيت ده 320W ودى اقصى من نسبه الكابل واقصى من نسبه ما يريده المعالج ولكن فرضا فقط عشان اجاوب على سؤالك
الاجابه بردو انك هتعرض الكارت للخطر وممكن يحصله Overheat وممكن السوكيت يحصله نفس الامر

فى جميع الاحوال مش هتقدر

اما كارتين الشاشه فده طبيعى لان كل كارت واخد كابلات الباور بتاعته منفرده طالما الباور سبلاى فيه عدد الكابلات المناسب لعمل SLI بحريه

كمان فى لوحات بتيجى باتنين سوكيت 8pin EPSعشان خاطر اتنين بروسيسور زى لوحات الاعمال والسيرفرات ولذلك انت متطر للبحث عن
باور سبلاى فيه اكتر من كابل واحد 8pin EPS زى باورات 850W وانت طالع
بس كده

[شلشاوي]

مشكور استازي الله يديمك