مساعدة عاجلة: البوردة مش بتبوت

[nerazzurri]

السلام عليكم

المشكلة باختصار ان الكيسة عندي بعد ما نضفتها بالبلاور جيت اشغلها كانت بتشتغل ولكن البوردة مش بتعمل صفارة البوت وبعدين دلوقتي مش بتشتغل خالص هي واصلها باور لان فيها لمبة بتنور ثانية وتقوم فاصلة خالص

انا دورت على النت لقيت في مثلا حاجة اسمها clearing the CMOS memory بس مش عارف اعمل ايه

نوع البوردة msi 770-c45

ياريت مساعدة الخبراء

[gaser_m]

وعليكم السلام ورحمة الله وبركاته

تأكد من تثبيت القطع بشكل صحيح من كابلات وكارت شاشه وخلافه و اذا استمرت المشكله

حضرتك هاتفصل الكهرباء عن الجهاز تماما وبعد كده تفصل الهارد وال dvd واى توصيلات فى الجهاز وركز فى البورده هتلاقى Jumper بجوار البطاريه وتأكد انه مكتوب جنبه CMOS حضرتك هتلاقيه مثلا متركب 1و2 انت هتخليه 2و3 ودى صوره للتوضيحhttps://arabhardware.com/forum/attachment.php?attachmentid=30914&stc=1

وتشغل الجهاز وكل حاجه مفصوله زى ماهى طبعا البورده مش هاتشتغل هاتفصل الكهربا تانى وترجعه زى ماكان وتجرب تشغل الجهاز ويكون لوحة المفاتيح فقط هى اللى راكبه وان شاء الله تتحل المشكله ودى صوره لتوضيح مكان الجامبر المقصود
https://arabhardware.com/forum/attachment.php?attachmentid=30915&stc=1

[nerazzurri]

طيب يا باشا انا جربت افصل كل حاجه زي ما قلت ولقيت البوردة اشتغلت وقامت باور لكن صوت الصفارة اللي بتسمعه لما بتشغل الجهاز مطلعش (بالنسبة للجامبر مش مكتوب جمبه cmos لكن الجامبر لقيته محطوط في مكان معين 3 بينات جربت زي ما قلتلي)

وبعدين وصلت كل حاجه لقيت نفس المشكلة بتقوم باور لكن مفيش صفارة ومش بتقرا اي حاجه

وفيه وصله معينة لما بوصلها البوردة مش بتقوم خالص ولما اشيلها بتشتغل باور لكن بدون ما تدي صوت الصفارة (وكمان المفروض في 4 لمض بتنور لكن 1 فقط اللي منورة دلوقتي)

ودي صورة المكان عليه السهم اللي لما اوصل وصلة الباور عليه البوردة مش بتقوم وهتلاحظ برضه ان لمبة واحده منورة والطبيعي ان ال4 بينوروا

https://arabhardware.com/forum/attachment.php?attachmentid=30920&stc=1

[شلشاوي]

هذه وصلة تغذية المعالج عندما تفصلها تدور المرواح ولكن لا يظهر شئ هذه المشكلة في البورد لازم توديها لمتخصص لاصلاحها لكن لا تقلق عطلها بسيط ويتصلح

[phenomenon]

بنسبه %99 انت بتركب الوصله معكوسه اللى هى 4pin EPS 12V
اتاكد ان المشبك بتاع الكابل بيلاقى فى حافه الكليبس اللى فى ضهر السوكيت