استفسار صغير

[محمد السنهوري]

السلام عليكم ورحمه الله وبركاته أخوتي الكرام
انا عندي كام أستفسار
اولا كنت من فنره سمعت ان الهاردات الواحد تيرا فيها مشاكل والافضل اقل او اكثر من واحدتيرا يعني اتنين او 750 فهل هذا صحيح واو أشتريها وانا مطمن وهل السيجات البراكودا افضل او الويستن البلاك
ثانيا معايا كيسه k380فيها البور بتعها يعني جاي معاه 500wate فهل يصلح للاستعمل في تجميعه متوسطه في حدود 4000 او 4500 او الافضل ابيعه واجيب باور اعلي منه
ثالثا هل فيه نوع امعين اجيبه في هاردات SSD ولا زي بعض وهل اركز مع شئ معين عند شرائها
وشكراا

[محمد السنهوري]

محدش هيفدني خالص

[yoyokimo]

على حسب معلوماتى مفبش الكلام ده خالص
انا معايا هارد 1 تيرا ويسترن بلاك و بقالو اربع سنين شغال تمام الحمدلله
بالنسبه للباور بيعتمد اكتر على كارت الشاشه
لو هتجيب كارت متوسط هيشتغل عادى لكن لو كارت عالى زى gtx 960 او اعلى يبقى لازم تغير الباور
SeaSonic S12II Bronze 620W 80 PLUS Certified PSU 650 L.E
SeaSonic S12II Bronze 520W 80 PLUS Certified PSU 550 L.E
بالنسبه للهارد ال ssd احسن الانواع سامسونج بس غالى شويه
و استنى برده رأى المشرفين و الاعضاء الاكثر خبره

[محمد فاروق غازي]

السلام عليكم ورحمه الله وبركاته أخوتي الكرام

عليكم السلام ورحمة الله وبركاته أخي الكريم

انا عندي كام أستفسار
اولا كنت من فنره سمعت ان الهاردات الواحد تيرا فيها مشاكل والافضل اقل او اكثر من واحدتيرا يعني اتنين او 750 فهل هذا صحيح واو أشتريها وانا مطمن

ده كلام هُراء وغير صحيح على الإطلاق، إشتري فئة الواحد تيرا وأنت مطمن ولو لا قدر الله لقيت مشكلة في الهارد بعد الشراء يبقى عيب صناعة وده ممكن يحصل في أي فئة
سواء الواحد تيرا أو 2 أو 4 أو أي فئة تانية.

وهل السيجات البراكودا افضل او الويستن البلاك

السيجيت الباراكودا جيد جدًا لكن الويسترن البلاك أفضل بفرق ملحوظ من حيث السرعة والهاردوير لكن يعيبه صوته العالي أثناء الضغط.

ثانيا معايا كيسه k380فيها البور بتعها يعني جاي معاه 500wate فهل يصلح للاستعمل في تجميعه متوسطه في حدود 4000 او 4500 او الافضل ابيعه واجيب باور اعلي منه

الباور سبلاي من أهم قطع الهاردوير في الجهاز إن لم يكن الأهم، فينصح بشدة بيع الباور اللي جاي مع الكيسة وشراء باور جديد ماركة محترمة
زي سيسونك أو XFX أو كورسير وغيرهم من الماركات المحترمة عشان تكون مطمن من حاجتين
الأولى: إن قطع الهاردير عندك تشتغل بأريحية وبأفضل كفائة ليها
والثانية: عشان تكون مطمن على القطع من الأعطال أو التلف خاصة في ظل سوء التردد الكهربائي في مصر.

ثالثا هل فيه نوع امعين اجيبه في هاردات SSD ولا زي بعض وهل اركز مع شئ معين عند شرائها

في الأول لازم تعرف إن هاردات الـ SSD تقنية أعلى بكتير من الـ HDD يعني لو جبت أي نوع SSD هتحس بفرق كبير مقارنًا بأي هارد HDD
وبالنسبة للسؤال طبعًا كالعادة كل شيء فيه منه درجات فلو حابب أفضل حاجة في الـ SDD من خلال تجارب المستخدمين والمراجعات العالمية يبقى
Samsung 850 Pro Series أو Samsung 850 EVO Series
وطبعًا المساحة على حسب الميزانية.

وشكراا

العفو أخي

[محمد السنهوري]

على حسب معلوماتى مفبش الكلام ده خالص
انا معايا هارد 1 تيرا ويسترن بلاك و بقالو اربع سنين شغال تمام الحمدلله
بالنسبه للباور بيعتمد اكتر على كارت الشاشه
لو هتجيب كارت متوسط هيشتغل عادى لكن لو كارت عالى زى gtx 960 او اعلى يبقى لازم تغير الباور
SeaSonic S12II Bronze 620W 80 PLUS Certified PSU 650 L.E
SeaSonic S12II Bronze 520W 80 PLUS Certified PSU 550 L.E
بالنسبه للهارد ال ssd احسن الانواع سامسونج بس غالى شويه
و استنى برده رأى المشرفين و الاعضاء الاكثر خبره

جزاك اله خيرا علي افادتي وانا أنوي علي كارت 950 gtx ايه رايك

[محمد السنهوري]

ردك وزوقك الرفيع أبهرني يا أخ محمد والله ربنا يجزيك خير عني لاكن أسف هستفيد بخبراتك أكثر
اولا الهارد أنشاء الله بقضل الله وبفضلك هجيب ويسترن بلاك
ثانيا الكيسه جديده تمام مفتحتهاش غير لالقاء نظره فقط لاني لسه بجمع الجهاز بس ربنا يرزقني انشاء الله بس ينفع ابيع الباور بتعها واجيب اعلي ولا اشتغل بيها موقتا واجيب واحد جديد لاني بصراحه مش هعرف ابيعه وما رايك في باور كولر مستر ولا سيسونك افضل
وربنا ييسر واجيب سامسونج 120 جيجا ايفو لاني مش هحتاجه غير للبرامج والويندوز فقط وشكرا لطريقه ردك الاكثر من رائعه

[محمد فاروق غازي]

ردك وزوقك الرفيع أبهرني يا أخ محمد والله ربنا يجزيك خير عني لاكن أسف هستفيد بخبراتك أكثر

أنت أهل الذوق أخي، وأحنا كلنا هنا عشان نساعد بعض ونستفيد من خبرات بعض وده شخصيًا شيء بيسعدني جدًا.

اولا الهارد أنشاء الله بقضل الله وبفضلك هجيب ويسترن بلاك

الويسترن بلاك اختيار ممتاز جدًا وإن شاء الله هيشتغل معاك بكفاءة عالية وللتذكير متقلقش من صوته اللي يعتبر عالي نسبيًا أثناء الضغط ده طبيعي في الويسترن البلاك.

ثانيا الكيسه جديده تمام مفتحتهاش غير لالقاء نظره فقط لاني لسه بجمع الجهاز بس ربنا يرزقني انشاء الله بس ينفع ابيع الباور بتعها واجيب اعلي ولا اشتغل بيها موقتا واجيب واحد جديد لاني بصراحه مش هعرف ابيعه وما رايك في باور كولر مستر ولا سيسونك افضل

مبارك على الكيس الجديد والجهاز كله أخي وربنا يباركلك في كل القطع، هو طبعًا ينفع تبيع الباور وتجيب حاجة أعلى مفيش إشكال لكن لو هيكون فيه صعوبة في موضوع الترقية لباور أفضل في الوقت الحالي ممكن تشتغل بالباور اللي جاي مع الكيس بشكل مؤقت ومستقبلًا تحدثه بباور أفضل ماركة محترمة، وبالنسبة للأفضلية بين باور كولر ماستر وسيسونك فأكيد السيسونك أفضل بدون شك ويشترك معاه في الأفضلية على الكولر ماستر الإكس أف إكس والكورسير أيضًا، ويبقى باور الكولر ماستر من الباورات المحترمة، ولو أنت من هواة التطلع ومعرفة التفاصيل يرجى الاطلاع على الموضوع الإعجازي لأخي العزيز ظاهرة المنتدى Phenomenon، الموضوع بعنوان اهم الاسئله الشائعه عن الباور سبلاى والتاكد من كفائته ؟ وهو عبارة عن موضوع يحتوي على 8 أسئلة وبالضغط على كل سؤال تنتقل مباشرةً لموضوع مستقل للإجابة على هذا السؤال بكل احترافية، والحقيقة المعلومات اللي بتحتويها سلسلة الأسئلة دي صعب تلاقيها مجتمعة في أي مكان آخر، وللتنبيه هو موضوع موسوعي جدًا فتقدر تاخد منه بقدر الحاجة وباقي المعلومات تكون كمرجع ليك في أي وقت فيما يخص مزودات الطاقة، الموضوع من هــنــا (https://arabhardware.com/forum/showthread.php?t=427172).

وربنا ييسر واجيب سامسونج 120 جيجا ايفو لاني مش هحتاجه غير للبرامج والويندوز فقط وشكرا لطريقه ردك الاكثر من رائعه

السامسونج الإيفو اختيار ممتاز بالنسبة لهاردات SSD وإن شاء الله فئة الـ 120 جيجا تكون كافية معاك للسيستم والسوفت وير، وأنا اللي بشكرك على ذوقك الراقي ومعذرة على التأخير في الرد.

[محمد السنهوري]

جزاك الله خير ولا داعي للاسف في التأخير كل الشكر لأجابتك الجميله دي وانا أنشاء الله هقراء الموضوع واحاول احدث الباور واجيب سيسونك انشاء الله وتسلم كثير اخي