ازاي اربط راوترين بشبكة واحدة

[Dolla-EGY]

انا عندي حوالي 20 جهاز
لكل 10 اجهزة راوتر
عايز اربط شبكتين الراوترين ببعض بدل ماهما متفرقين
بحيث اللي يدخل من شبكة الراوتر الاول يشوف شبكة الراوتر التاني
يعني كل الاجهزة تشوف بعض بشبكة واحدة

وبصراحة بحثت كتير وملقيتش حل مفصل
انا عايز اعمل شبكة واحدة براوترين مش ادمج سرعة الراوترين

ياريت مساعدة من خبراء عرب هاردوير

[agrama]

لازم تدمج الرواترين بإستخدام راوتر بورد ويبقى كل الأجهزة تاخد من الراوتر بورد مايكروتك أو ممكن تعمل سيرفر يعمل خاصية Load Balancing ويبقى السيرفر ده هوة بوابة الخروج الرئيسية للشبكتين معا

[Dolla-EGY]

لازم تدمج الرواترين بإستخدام راوتر بورد ويبقى كل الأجهزة تاخد من الراوتر بورد مايكروتك أو ممكن تعمل سيرفر يعمل خاصية Load Balancing ويبقى السيرفر ده هوة بوابة الخروج الرئيسية للشبكتين معا


الحقيقة مش عارف طريقة السيرفر دي تتعمل ازاي
طب لو اشتريت راوتر بورد ايه طريقة تركيبه
بحيث اني اعمل شبكة واحدة لمشاركة الملفات وليس لدمج السرعة او توزيعها

[Baligh.Bedewi]

بص يا سيدي

لو انا فهمت كلامك صح... انتا عندك 2 راوتر كل واحد فيهم شابك علىه اجهزه ومحتاج مثلا جهاز 1 اللي في راوتر 1 يكلم جهاز 2 في راوتر 2

بص عندك طريقتين شوف اللي يريحك والافر

1- لو الراوترين ليهم نفس ال Segment بمعني... كل راوتر واخد 192.168.1.1xx في الحالة دي هاتلك Switch صغير وطلع كابلين منه كل واحد اشبكه في راوتر مع مراعاه انك تتاكد ان مفيش جهاز واخد نفس ال IP علشان متعملش conflict

2- لو كل راوتر بالاجهزه بتاعته في Segment مختلفه... بمعني راوتر 1 واخد 192.168.1.1 وراوتر 2 واخد 192.168.2.1 في الحاله دي هتحتاج اما Switch L3 او Router ال 2 زي بعض لان فيهم خاصيه اسمها Routing بمعنى هتيجي على راوتر 1 وتقوله في شبكه اسمها راوتر 2 هتلاقيها لو كلمت الرواتر اللي في النص وتروح على راوتر 2 وتقوله في شبكه اسمها راوتر 1 هتلاقيها لو كلمت الراوتر اللي في النص... بالظبط كدا كان ال Switch L3 او الراوتر اللي هتجيبه ده هيكون ليه دراعين كل دراع واصل لكل راوتر من ال 2 اللي عندك وبياخد من هنا ويوصل النحيع التانيه.. لو محتاج توضيح اكتر اكتبلي وانا ارد عليك ان شائ الله

[aborawashalam]

شوف يا غالي هتعمل راوتر رئيسي وراوتر فرعي
الرئيسي 192.168.1.1 فاتح dhcp
الفرعي 192.168.1.2 مغلق dhcp
هتاخد واصلة من الراوتر الرئيسي للفرعي .وواصلة من الراوتر الرئيسي للسوتش باقي الشغل علي الاجهزة والايبهات
شوف يا سيدي الاجهزة الي عيزها تاخد من الرواتر الرئيسي هتاخد جتواي الراوتر الرئيسي والي عيزها تاخد من الفرعي هتاخد جت واي الفرعي اي خدمة ويا ريت لو عايز تفاصيل كلمني وانا تحت أمرك 01112949699 ابورواش علام .كمان حاجة ممكن اظبتلك الدنيا وانا في مكاني ببرنامج teamwier أتمني أكون لحقتك...