مشكلة فى جهازى desktop

[buybuy]

ام عليكم ورحمة الله وبركاته

عندى مشكله ياجماعه قرفانى اخر قرف هي ان الجهاز بيعمل ريستارت كل شويه والشاشه مش مستجيبه خالص مع الجهاز مع ان الشاشه شغاله لانى جربتها والجهاز بيفصل برده لوحده ويشتغل لوحده ومفيش اى بيانات بتظهر على الشاشه مع انى فكيت الجهاز واتأكدت من البروسيسور والعجينه طريه والراماات كمان وعلى فكره انا فصلت كل حاجه لدرجة انى فصلت الهارد والرامات والسيدى روم والغريبه مفيش استجابه بردو قولت يمكن يكون البور سبلاى جبت من واحد صحبى الكيسه وقولت اشغل جهاز الكمبيوتر بتاعه اشتغل على الشاشه عادى قولت اخلع البور سبلاى واجربه عندى بردوا مقش اى استجابه رجعت البور سبلاى لجهازه وشغلت جهازه بردوا حصلت نفس المشكله



فأرجوا الرد والافاده وشكرا

[phenomenon]

من الافضل اضافه مواصفات الجهاز اخى الفاضل ..
طالما الجهاز بيفصل قدام عنيك يبقى مالناش دخل بالشاشه خالص تمام كده
انت بتقول ان الجهاز بيشتغل وبيعمل ريستارت اذن هى مشكله ريستارت عشوائى متكرر اثناء التشغيل

شوف اخى الكريم المشكله دى ممكن توصل لاعقد الامور فى اللوحه الام وممكن توصل لسوء تغزيه من مصدر الطاقه نفسه او سوكيت الكهرباء
لكن مش تستبعدها على اى شىء فى الجهاز لان ممكن يكون العيب فيها فعلا
لو ماكنتش قلت موضوع صديقك كنت ممكن اقولك احتمال كبير بنسبه 100%100 من الرامه او الباور سبلاى

لكن بعد موضوع صديقك انك تاخد الباور بتاعه وتركبه عندك ميشتغلشى ولما ترجعه تانى للكومبيوتر بتاعه ميشتغلشى
فاكيد مالهاش غير معنى واحد ومعنى واحد بس
يا اما انتوا ركبتوا الباور بطريقه خاطئه وعشان كده الجهاز مقدرشى يقوم معاكوا
يا اما سوكيت الكهرباء اللى هو الكيس بتاع الحائط اتسبب فى احتراق الباور ولكن استبعدها
لان السوكيت لو فيه مشكله والباور ماركه ضعيفه بمجرد التشغيل يتحرق ومالوش فرصه تانيه ( اطلاقا )
هل صديقك روح بيتهم لقى الباور اتحرق ولا اشتغل معاه عادى ؟

على كل حال هى احتمال تكون مشكله باور سبلاى او رامات او ارتفاع درجه حراره اجزاء معينه باللوحه او كابل باور تالف ويحتاج تغيير
ومع وصف حاله صديقك ممكن نقول سوكيت كهرباء سايح وبيسخن بسرعه جدا وبيلمس ولكن غالبا بيكون واضح على السوكيت وبتشوف وبتسمع الماس بداخله

ابدا بمتابعه درجات الحراره من برنامج HWMONITOR
ابحث عن كابل باور اخر
شيل قطع الرامات وجرب قطعه قطعه ربما تكتشف المشكله فى احداها ولو كانت قطعه واحده شيلها وامسحها كويس وجربها فى اكتر من سوكيت
اذا استمرت بالحدوث المشكله اذن اما الرامه باظت او الباور سبلاى محتاج تغيير
اذا استكرت ربما فى مشكله فى اللوحه الام ومحتاجه صيانه
والله اعلى واعلم

[buybuy]

مواصات جهازى gigabyte G41 رامات 4 جيجا ddr2 كارت شاشه ati هارد 1 تيرا مع العلم ان انا شلت كارت الشاشه ووصلت الbuilt in وسألت صاحبى على الجهاز وقالى الجهاز نفس المشكله الى عندك

[phenomenon]

بصراحه مشكله غريبه ..

الجهاز بتاعك بيعمل ريستارت من نفسه بعد فتره شغل وفرضا انها مش مشكله او عيب بالرامات او ارتفاع درجات الحراره اذن الباور سبلاى فيه مكثف محروق
او حصلت فيه اى مشكله

فروحت جيبت كيسه جديده ( بتاعت صديقك ) شغلتها على الشاشه اشتغلت

ففروحت اخدت منه الباور تركبه عندك مش تغلشى

فرجعتهوله تانى فى جهازه مش تغلشى تانى

التفسير الوحيد اللى عندى حاجتين

يا اما طريقه التركيب فيها خطا
يا اما اثناء فككوا وتركيبوا حصل اى تلف
يا اما كهرباء الغرفه بتاعتك فيها مشكله
من رايى اطلع على شركه صيانه قريبه منك هتخلص من المشكله فى يوم وليله

[bisotiger]

ام عليكم ورحمة الله وبركاته

عندى مشكله ياجماعه قرفانى اخر قرف هي ان الجهاز بيعمل ريستارت كل شويه والشاشه مش مستجيبه خالص مع الجهاز مع ان الشاشه شغاله لانى جربتها والجهاز بيفصل برده لوحده ويشتغل لوحده ومفيش اى بيانات بتظهر على الشاشه مع انى فكيت الجهاز واتأكدت من البروسيسور والعجينه طريه والراماات كمان وعلى فكره انا فصلت كل حاجه لدرجة انى فصلت الهارد والرامات والسيدى روم والغريبه مفيش استجابه بردو قولت يمكن يكون البور سبلاى جبت من واحد صحبى الكيسه وقولت اشغل جهاز الكمبيوتر بتاعه اشتغل على الشاشه عادى قولت اخلع البور سبلاى واجربه عندى بردوا مقش اى استجابه رجعت البور سبلاى لجهازه وشغلت جهازه بردوا حصلت نفس المشكله


فأرجوا الرد والافاده وشكرا


زى ماقالك اخى ابراهيم توجه لأقرب محل صيانه

عشان يشوفلك مشكلتك با tester

وياريت تبص ع المازربورد تشوف اى مكثف منفوخ او طافح بص كده وقولى

تحياتى لك

[buybuy]

شكرا لك اخى الفاضل على الافاده بس احب اقول حاجه بسيطة لايمكن يكون طريقة تركيبى للبور سبلاى خطا لان لو كده فعلا عمر ما الجهاز هيشتغل معايا بور اصلا ومدخل البور بتاع البور سبلاى ملهوش الا اتجاه واحد للتركيب فى البورده وان شاء لله هروح لاقرب مركز صيانة ولو حد عنده رأى اخر يريت يقولوا او حد مر بالمشكله ده ولقى حل يريت يقولوا

[bisotiger]

شكرا لك اخى الفاضل على الافاده بس احب اقول حاجه بسيطة لايمكن يكون طريقة تركيبى للبور سبلاى خطا لان لو كده فعلا عمر ما الجهاز هيشتغل معايا بور اصلا ومدخل البور بتاع البور سبلاى ملهوش الا اتجاه واحد للتركيب فى البورده وان شاء لله هروح لاقرب مركز صيانة ولو حد عنده رأى اخر يريت يقولوا او حد مر بالمشكله ده ولقى حل يريت يقولوا

انصحك بالتوجه لاقرب محل صيانه لأن المشكلة من الواضح هاردوير

عشان متلعبش فى حاجه وتيجى تكحلها تعميها :D

[buybuy]

انا اكتشفت حاجه جديدة مكنتش واخد بالى منها ان الjumper الى راكب فى البورده cmos مش موجود اصلا هل كده حصلت مشكله فى البورده ولا اقدر اجيب jumper والبورده تشتغل معايا عادى

[phenomenon]

فى بوردات بدون جامبر عادى لكن الجامبر خلاف بطاريه CMOS

[buybuy]

مهو مش موجود بجانب البطارية والبورده بتاعتى gigabyte G41

[phenomenon]

تمام بس هو مالوش دخل بالمشكله اللى انت بتعانى منها ..