ممكن مساعده في شراء جهاز

[Ahmed.Cpt]

السلام عليكم ورحمه الله وبركاته
ديه اول مشاركه ليا في المنتدي بعد ما تابعت كذا موضوع هنا وشوفت ناس بتساعد كتير..
المهم دلوقتي انا معايا ميزانيه 3 الاف جنيه وخبرتي متوسطه في التجميعات فلما حاولت اجمع بالمبلغ ده لقيت ان الجهاز هيبقا من غير كرت شاشه وكمان المكونات مش هتبقي قويه...فقولت اشوف الاجهزه الجاهزه وروحت لمحل ودردشت مع واحد هناك وقولتله انا كنت جي وعاوز جهاز فيه i5 2500k كده..راح رد عليا وقالي تاخد حاجه xeon فقولتله انا هستخدم الجهاز في الالعاب قالي معاك حق ال xeon في الريندر افضل بس انا بكلمك في 2 برسيسور.xeon 5620. 2.8gh او 2.4 (انا مش فاكر التردد) المهم قولتله طب قولي الجهاز امكنياته ايه الباقيه قالي 4 رام ddr3 و وهارد 250ج والتبريد بتاع الجهاز عجبني جدا قالي ده ب 2500ج وانا لاحظته انه عنده gtx 560ti او العادي برده مش فاكر اوي قولتله طب لو هحط معاه الكرت ده قالي يبقا الجهاز كله هيقفل ال 3 الاف (وانا شاكك انه ممكن ينزل شويه)
فا ايه رأيكم في الجهاز ده ولو في تجميعه افضل ماشي
طبعا الاستخدام الاساسي للجهاز هيبقا العاب والشاشه هتبقا بدقه 720p...وشكرا مقدما

[ahmad2006771]

بص ياباشا هو الجهاز اللي انت وصفه كويس والسعر معقول وكارت الشاشة برضه كويس اعتقد انك ممكن تخفض السعر 50 او 75 جنيه - حسب قدرتك على الفصال
بس إتأكد منه ان السوكت بتاع البروسيسور 1366 مش 771 علشان 771 ده سوكت قديم البوردة بتاعته قديمه - انا بحثت على النت على رقم البروسيسور اللي انت كتبته لقيته 1366 بس انت مش متأكد من رقم البروسيسور وخبرتك قليلة فعلشان كده بقولك اسأله وأكد عليه ان السوكي يكون 1366
وكمان زود الرامات بحيث انها تكون 8 جيجا وبكده يكون جهازك ممتاز سواء للريندر او الالعاب

[eslam502]

بص حبيبي التجميعة دي intel pentium G3220 3.0Ghz socket 1150=420 // msi h81m-e33 socket 1150 =470 //team dark 4gb 1600 =275 // hard 320g =200 //hec gama 350w 2=200 // case cooler master k282 = 300 // gigabyte gtx 750 ti =1150 المجموع =3000 هتشتريهم من سوق العصر الاسعار دي من هناك التجميعة دي تشغل الالعاب علي الدقة دي و لغاية 1080p الاسعار كلها للقطع بسعر النهاردة

[Ahmed.Cpt]

تمام يا احمد هروح واعرف منه وان شاء الله خير..
تمام يا اسلام التجميعه كويسه....بس انا بدقق شويه لما اجمع يعني مثلا الكيس بكون عاوز الكيس تهويتها كويسه وكيس كولر ماستر زي ال k282 انا مش مقتنع انها هتوفر تهويه كويس والباور برده نفس النظام احب اجيب حاجه زي seasonic فا بص هتلاقيني معقد جدا في التجميع عشان كدا فكرت في الاجهزه الاستيراد زي ما قولت فوق..
وعلي فكره برده انا كاتب اي تجميعه تانيه في نفس السعر كويس عشان اتناقش مع اي واحد يحط تجميعه وطبعا انا بشكرك انت واحمد علي اهتمامكو ومستني برده اراء تانيه 😅😅