المساعد الشخصي الرقمي

مشاهدة النسخة كاملة : استفسار هام عن باور power supply dell ارجو الرد سريعاااا


litooo_xx
11-12-2015, 13:29
انا عايز اجيب باور اصلي وعايز اعرف هل الباور الاوريجنال زي ال dell بيدي 100% من الوات المكتوب عليه ؟؟
يعني مثلا باور ديل مكتوب عليه بيدي 450 وات هل دا فعلا قيمة الوات الاجمالي ولا بيبقي الفعلي اقل من كدا ؟؟
صوره لمثال للباور

https://data.stuartconnections.com/object/image?p=7577&i=3
علما باني محتاج باور عشان جبت كارت شاشه يحتاج باور اصلي
eslam502
11-12-2015, 13:39
​الباور دة جاي مع الكيسة ولا شرية من برة
litooo_xx
11-12-2015, 13:48
هو تقريبا كان متركب في جهاز استعمال خارج واتفك منه
ودي صوره لشكل الباور وهو كان متركب في جهاز Dell T3500
https://g02.a.alicdn.com/kf/HTB1buLcJVXXXXayXFXXq6xXFXXXG/Original-original-font-b-workstation-b-font-power-D525AF-00-525w-For-font-b-T3500-b.jpg
litooo_xx
11-12-2015, 13:55
وده اسم الموديل model D525AF-00
litooo_xx
11-12-2015, 14:02
هل الباور دا كافي لكارت شاشه يستهلك وحده 160 وات ؟؟
eslam502
11-12-2015, 14:10
بحثتلك في الباور دة الباور دة 525 وات بيتباع في امازون بسريالات نامبر يعني ديل منزلا كل باور بسريال مخصص لية وفي ناس بتشكر فية الباور كافي جدا متقلقش من حاجة 525 وات كفاية جدا علي الكارت دة :)
litooo_xx
11-12-2015, 14:15
الف شكر ليك علي الاهتمام :)
بس معلش عندي سؤال تاني لو قدامي باور HEC Raptor R450 بيدي 450 وات
اجيب مين فيهم ؟
eslam502
11-12-2015, 14:27
خليك في الباور الي معاك 525 وات فعلي الباور كويس ووفر الفلوس ;)
litooo_xx
11-12-2015, 14:34
تمام بس علي فكره الاتنين معروضين تقريبا بنفس السعر :rolleyes:
eslam502
11-12-2015, 14:41
خليك ف525 وات علي فكرة بردة 450 كويس جدا وانتا واختيارك
litooo_xx
11-12-2015, 14:58
تمام والف شكر علي تعبك معايا
phenomenon
12-12-2015, 04:18
باورات ديل واتش بى باورات محترمه جدا وباورات ديل تحديدا بتكون محترمه جدا لما تصنيعها يكون شركه Delta Electronics شركه طاقه عالميه
للاسف الباور معاك صينى ولكن مش مشكله بردو ولكن المشكله بالنسبه للباورات دى الاتى
( صحيح بتعطيلك باور حقيقى واحتمال كبير زى المكتوب عليها بالضبط ) - ( بالرغم ان الهاردوير الحديث كله معتمد على مسار فولتيه 12v+ )
وللاسف باورات الاوريجنال مازالت تعمل بمناهج قديمه وتهدر نسبه كبيره على بقيه دوائر الفولتيات التى اصبحت بلا قيمه وبلا عمل تماما
لذلك لازم تشوف على الملصق وانت بتشترى اى باور دلوقتى فولتيه 12V+ قصادها كام امبير بالضبط وليكن فى حال الباور بتاعك
فيه تلات شعب من مسارات 12V+ باسم A + B + C كل واحد فيهم 18 امبير اجمع التلاته واضربهم فى 12 هتلاقى النتيجه 648W تقريبا
اذن نظريا الباور ده 648W بالرغم انه كاتبلك على الملصق اقصى قدرته 500W وهنا التشويش فى الامر
لان مينفعشى تحط قدام كل rail لمسار 12V+ نسبه 18 امبير وتكتب فى نفس الوقت 500W متجيش

لكن تيجى لو انا اكتشفت الامر بنفسى ( فهو وفر عليك الاختبار وممكن نقول اختبره بدالك )
وبيقولك ان لما التلات شعب من مسار 12V+ هيكونوا نشطين اقصى قدره ليهم هتكون 500W وده بسبب درجه الحراره وده معناه ان كل شعبه اقصاها 13 امبير فقط

ولكن هل دى هى الحقيقه ؟ مستحيل نعرف اخى الكريم لانها لم تختبر باى مراجعات وبنسبه كبيره بتكون خارجه لاصحاب اجهزه OEM فقط
اجهزه الــ OEM ليها نظام مختلف من الاحتياج واحيانا لا يتم النظر فيها لاستخدام كروت شاشه صاحبه طاقه ضخمه

السؤال المهم فى الموضوع ايه الكارت اللى انت ناوى تشتريه وباقى المنصه بتاعتك
يعنى لو كارت زى GTX 750 هنقول كويس جدا توكل على الله فيه مش هيخيب ظنك

لكن ايه يحصل لو رايح لباور كابلين 6pin زى GTX 970 او غيره R9-390
مشكله كبيره حتى وان كان احتياجهم قليل من الوات الا انهم بيطلبوا عدد امبير لابد النظر ليه والاهتمام به من فولتيه 12V
mohamed2005
12-12-2015, 16:36
الباورين كويسين