المساعد الشخصي الرقمي

مشاهدة النسخة كاملة : استفسار بسيط


bido22
13-12-2015, 10:14
السلام عليكم ورحمة الله وبركاته
هل آداء كارت مثل gtx 980 او r9 390x

يتغير مع معالج i5 من i7? خصوصا فى الالعاب؟

وما افضل كارت فى حدود 3 الاف جنيه مصرى.
والسلام عليكم ورحمة الله وبركاته
H_KIMO
13-12-2015, 10:37
لا تغيير الإثنان نفس الأداء
وأفضل كرت فى حدود 3000 جنيه
Gigabyte AMD Radeon R9 390 G1 Gaming 8G GDDR5
بسعر 3125 جنيه
roby2010
13-12-2015, 10:49
الاداء بيختلف حسب اللعبة نفسها
يعني في العاب بتستخدم المعالج اكثر زي مثلاً Battlefield 4
فأدائها بيختلف حسب قوة المعالج المستخدم
فمثلاً ممكن كارت زي GTX980 او R9 390x
مع معالج i5 يديك اداء معين مع لعبة معينة
ونفس الكارت مع i7 يديك اداء اعلى شوية
حسب نوع اللعبة زي ما قلتلك
وافضل الكروت في حدود الـ3 الاف جنيه
GTX970 و R9 390
الاتنين تقريباً نفس الاداء
bido22
13-12-2015, 23:21
شكرا لردكم
ممكن مقارنة بين الكارتين وهل الr9 يكسب لمجرد انه 8.gb?

الباور الحالى 600w hec gamma كافى لاى من الكارتين؟

وهل يوجد شاشات اعلى من 60hz حاليا وسعرها يكون كام
H_KIMO
14-12-2015, 05:19
390X منافس قوى جدا ل ال980 وتوفر حوالى ألف جنيه ودى مراجعة للكرت
https://www.techpowerup.com/reviews/MSI/R9_390X_Gaming/30.html
ولو أردت كرت أفضل ونفس سعر ال 980 فعليك Sapphire Radeon R9 Fury Tri-X OC
بسعر 4750 جنيه وهو أفضل كرت أنتجته AMD فى النسبة بين الأداء مقابل إستهلاك الطاقة ودى مراجعة
https://www.techpowerup.com/reviews/Sapphire/R9_Fury_Tri-X_OC/30.html
bido22
14-12-2015, 14:36
شكرا اخى وﻻكن الميزانية 3000 جنيه
ارجوا الرد على هذه الاستفسارات
ممكن مقارنة بين الكارتين وهل الr9 يكسب لمجرد انه 8.gb?

الباور الحالى 600w hec gamma كافى لاى من الكارتين؟

وهل يوجد شاشات اعلى من 60hz حاليا وسعرها يكون كام
Walid DX01
14-12-2015, 16:09
مبدئيا مقدرش انصحك انك تشتري GTX 970 او R9-390 مع الباور الحالي
اساسا هو مش بيقدم 600w زي ما مكتوب علي العلبه
ممكن تبدله مع باور XFX او Seasonic وتدفع فرق السعر

الافضيله بين الكروت عمرها ما كانت ولا هتكون بحجم الذاكره
تقدر تشوف بنفسك مراجعه للكارتين من النسخ الاحترافيه وتشوف مين صاحب
الاداء الافضل علي 1080p او دقه اعلي هتستخدمها ؟
وتشوف مين بيستهلك طاقه اقل ومين درجه حراره اقل
وخواص الجرافيك هنا وهنا وحجم الكارت كمان قبل ما تشتري
تأكد من ان الكيس عندك هياخد مساحه الكارت بدون مشكله

الشاشات الاعلي سعرها هيكون بدايه من 2500 جنيه
whiteknights
14-12-2015, 19:58
بخلاف ان HEC مش من افضل الماركات فا 600 واط مع ال R9 390 يدوبك هيكفى و دايما يفضل يكون فيه مساحة زيادة للباور على الكارت يعنى هتحتاج على الأقل 620 واط باور محترم عشان تكون فى المضمون... لكن مع GTX 970 فا 600 واط هيكون كافى عشان 970 مش بيحتاج اكتر من 450 الى 500 واط
bido22
14-12-2015, 21:05
مبدئيا مقدرش انصحك انك تشتري GTX 970 او R9-390 مع الباور الحالي
اساسا هو مش بيقدم 600w زي ما مكتوب علي العلبه
ممكن تبدله مع باور XFX او Seasonic وتدفع فرق السعر

الافضيله بين الكروت عمرها ما كانت ولا هتكون بحجم الذاكره
تقدر تشوف بنفسك مراجعه للكارتين من النسخ الاحترافيه وتشوف مين صاحب
الاداء الافضل علي 1080p او دقه اعلي هتستخدمها ؟
وتشوف مين بيستهلك طاقه اقل ومين درجه حراره اقل
وخواص الجرافيك هنا وهنا وحجم الكارت كمان قبل ما تشتري
تأكد من ان الكيس عندك هياخد مساحه الكارت بدون مشكله

الشاشات الاعلي سعرها هيكون بدايه من 2500 جنيه

شكرا اخى طب ممكن تقارن لى بين للكارتين لعدم درايتى الكافية انشاء الله الدقة حتكون 1080p
bido22
16-12-2015, 20:16
Up up up
phenomenon
16-12-2015, 20:45
انت سؤالك عن GTX 980 بالرغم انه بعيد عن الميزانيه سواء هو او R9-390X
فالاقرب ليك GTX 970 vs R9-390
وممكن احدهم يتفوق على الاخر فى لعبه والعكس صحيح مع لعبه اخرى
عشان توصل مقارنه عادله لازم تعرف نسخه الكارتين بالضبط وتقارنهم ببعض ولازم نلاقيلهم مراجعه من مصدر واحد بنفس باقى الامكانيات
يعنى لو لقيت مراجعه لكارت G1 GTX 970 على موقع TPU مينفعشى تروح تجيب مراجعه من R9-390 لموقع Tom`s HW
واذا لقيت مراجعه بتوضح نتائج كارت GTX 970 G1 ومعاها كارت R9-390 واحدهم متقدم متنفعشى بردو
لان مينفعشى نقارن كارت مكسور سرعه مع كارت مراجعه مصنعى عباره عن معالج بدون دائره طاقه عاليه وتبريد احترافى
مينفعشى نروح لان الكارتين قريبين جدا من بعض وممكن تلاقى مراجعه استخدمت I7-4790K ومراجعه تانيه استخدمت I7-5960X

المراجعه الوحيده اللى قدرت اوصلها من موقع واحد بنفس بقيه الخصائص ونفس المنصه والاعدادات كانت لموقع TT
وراجع فى يوم كارت Zotac GTX 970 Omega Core وراجع فى يوم تانى Power color PCS R9-390 على نفس الالعاب بنفس الاعدادات
وكارت Zotav GTX 970 تفوق فى جميع الالعاب على دقه 1080p + 1440p
اذا كنت محتاج المراجعه ممكن ادورلك عليها تانى لكن تذكر اسم الكارتين اللى انا حطتهم لان السعر والموديل عامل اساسى فى المقارنات

فى جميع الاحوال ياريت تجيب الارخص وتشترى باور نضيف يحميلك الدنيا كلها
باور HEC 600W باور محترم لكن بقاله اكتر من تلات اربع سنين تقريبا منزلشى منه جديد واحتمال مع الضغط يقل عمره تدريجيا بطبيعه الحال
الا اذا كنت شارىه من فتره قريبه لكن انا رايى تغيره لان الامان افضل