اية الافضل SeaSonic S12II Bronze 520W 80 PLUS او Corsair VS Series VS550M 550w PSU

[omar9084]

اية الافضل SeaSonic S12II Bronze 520W 80 PLUS او Corsair VS Series VS550M 550w PSU

لكارت gtx970

[phenomenon]

الاتنين كافيين جدا للكارت ولكن خلال المقارنه الافضليه لـ Seasonic لعده اسباب اهمها انه متوافق اكتر مع معالجات انتل الجيل الرابع ( Haswell Ready )
هو يمكن مش يكون مكتوب عليه Haswell Ready لكن محدش لاحظ مشاكل معاه فى حين ان باور VS 550W بعض الناس اشتكت من عدم توافقه مع منصات الجيل الرابع

[omar9084]

طيب بما ان الاثنين تقريبا بنفس السعر اجيب باور اعلى شوية ؟

Corsair VS Series VS650M 650w PSU ب 650ج

او

SeaSonic S12II Bronze 620W 80 PLUS Certified PSU ب 650 ايضا !

[omar9084]

ولا فاتورة الكهرباء هتكون عالية ؟ :D

[phenomenon]

فاتوره الكهرباء عاليه فى جميع الاحوال :)
انت مش محتاج باور عالى فى الوات عن 520W وخليك فى Seasonic لو بتفضل ماركه Corsair هات موديل CX بلاش موديل VS لانه قديم

[omar9084]

فاتوره الكهرباء عاليه فى جميع الاحوال :)
انت مش محتاج باور عالى فى الوات عن 520W وخليك فى Seasonic لو بتفضل ماركه Corsair هات موديل CX بلاش موديل VS لانه قديم


تمام هجيب باور

SeaSonic S12II Bronze 520W 80 PLUS علية ضمان كام سنة ؟
انا كان عندى باور جاما 400 وات وفاتورة الكهرباء كانت معقولة يعنى مش غالية
اعتقد ال 512 وات مش هيلعوا الفاتورة ان شاء الله :D

[phenomenon]

المفروض انه موفر اكتر فى الطاقه لانه BRONZE انما باور GAMA مظنش انه يتعدى 80plus
بس حسب المنصه الجديده لان الاحتياج الجديد ممكن يزيد فتلاقى نفسك بتدفع اخر السنه فاتوره اعلى وده بسبب جهازك الجديد الاقوى
لو بتدور على حاجه موفره اكتر والجهاز بيشتغل 24/7 طول السنه يبقى لازمك باور GOLD لانه هيوفرلك اكتر

لو بتسحب من باور GAMA 500W 80plus وليكن 250W فهو نظريا كفائته 80% فى المرحله دى يعنى هيسحب 312W من سوكيت الحائط _ كوبس الكهرباء )
لو بتسحب من باور Seasonic 520W Bronze وليكن 250W فهو نظريا كفائته 85% فى المرحله دى يعنى بيسحب 294W من سوكيت الحائط
لو بتسحب من باور 500W GOLD وليكن 250W نظريا كفائته 92% فى مرحله الـ 50% منه ايضا يعنى بيسحب 271W من سوكت الكهرباء
لو بتسحب من باور 500W Platinum وليكن 250W نظريا كفائته 94% ايضا عند احتياج نصف منسوبه يبقى هتتحاسب على 265W فقط
لو بتسحب من باور 500W Titanium .. لم يتم التاكيد بعد على كفائته مع شبكات كهرباء 230V زى شبكات مصر ولكن نظريا كفائته 97% لكن نظريا هتتحاسب على 257W فقط

خد بالك لان النسب متغيره وقت احتياجك - احنا اتكلمنا على كفائه مزودات طاقه 500W وقت احتياج نصف مجهودها
باور Seasonic 520W ثبت له فى بعض المراجعات انه بيوصل لكفائه 92% من بعض حالات الضغط المختلفه
لذلك هو افضل باور 500W فى مصر ان لم يكن فى العالم فى فئه باورات BRONZE فقط

العمليه مهمه جدا عشان الخوادم Servers والاجهزه العملاقه Super Computers ونوادى الانترنت ومحطات الاعمال WS الخ لانها شغاله 24 ساعه طوال السنه

الفاتوره مش قضيه ان شاء الله مش تقلق لانه كومبيوتر واحد شخصى واكيد مش هتضغط على الجهاز طول الوقت واوقات كتير الجهاز بيدخل مراحل الخمول
المهم تسعيره الكيلو وات مش تزيد بس :)

[omar9084]

المفروض انه موفر اكتر فى الطاقه لانه BRONZE انما باور GAMA مظنش انه يتعدى 80plus
بس حسب المنصه الجديده لان الاحتياج الجديد ممكن يزيد فتلاقى نفسك بتدفع اخر السنه فاتوره اعلى وده بسبب جهازك الجديد الاقوى
لو بتدور على حاجه موفره اكتر والجهاز بيشتغل 24/7 طول السنه يبقى لازمك باور GOLD لانه هيوفرلك اكتر

لو بتسحب من باور GAMA 500W 80plus وليكن 250W فهو نظريا كفائته 80% فى المرحله دى يعنى هيسحب 312W من سوكيت الحائط _ كوبس الكهرباء )
لو بتسحب من باور Seasonic 520W Bronze وليكن 250W فهو نظريا كفائته 85% فى المرحله دى يعنى بيسحب 294W من سوكيت الحائط
لو بتسحب من باور 500W GOLD وليكن 250W نظريا كفائته 92% فى مرحله الـ 50% منه ايضا يعنى بيسحب 271W من سوكت الكهرباء
لو بتسحب من باور 500W Platinum وليكن 250W نظريا كفائته 94% ايضا عند احتياج نصف منسوبه يبقى هتتحاسب على 265W فقط
لو بتسحب من باور 500W Titanium .. لم يتم التاكيد بعد على كفائته مع شبكات كهرباء 230V زى شبكات مصر ولكن نظريا كفائته 97% لكن نظريا هتتحاسب على 257W فقط

خد بالك لان النسب متغيره وقت احتياجك - احنا اتكلمنا على كفائه مزودات طاقه 500W وقت احتياج نصف مجهودها
باور Seasonic 520W ثبت له فى بعض المراجعات انه بيوصل لكفائه 92% من بعض حالات الضغط المختلفه
لذلك هو افضل باور 500W فى مصر ان لم يكن فى العالم فى فئه باورات BRONZE فقط

العمليه مهمه جدا عشان الخوادم Servers والاجهزه العملاقه Super Computers ونوادى الانترنت ومحطات الاعمال WS الخ لانها شغاله 24 ساعه طوال السنه

الفاتوره مش قضيه ان شاء الله مش تقلق لانه كومبيوتر واحد شخصى واكيد مش هتضغط على الجهاز طول الوقت واوقات كتير الجهاز بيدخل مراحل الخمول
المهم تسعيره الكيلو وات مش تزيد بس :)


شكرا جزيلا https://arabhardware.com/forum/images/smilies/smile.gif

[zekara]

طب ايه رأيكوا ياجماعه في الباور دا

Corssair rm 750 watt

[phenomenon]

ممتاز بس ممكن تكتفى ب Seasonic M12 750W

[mega_612]

هو البارو البرونز معدل استهلاكه للكهربا كبيرة و لا مقارنة بباور عادى 500 مثلا بتكون متساوية

[phenomenon]

مقياس التقييمات فى كفائه الباور سبلاى بيتم احتسابه غالبا فى اختبار المزود اثناء احتياج نصف منسوب الطاقه منه 50% منه

يعنى قبل ما تنزل السوق بباور 500W Bronze لازم تتاكد ان كفائته هى 85% وقت احتياج 250W منه = يعنى بيسحب من AC نسبه 294W
يعنى قبل ما تنزل السوق بباور 500W GOLD لازم تتاكد ان كفائته هى 90% وقت احتياج 250W منه = يعنى بيسحب من AC نسبه 277W

قيس نفس المقياس على اى مزود طاقه باى منسوب طاقه ولنفترض باور سبلاى 800W
اذا كان الباور 800W Bronze لازم الشركه تتاكد ان كفائته تساوى 85% وقت احتياجنا منه 400W يعنى هيسحب من سوكيت الحائط 470W فقط
اذا كان الباور 800W GOLD لازم الشركه تتاكد ان كفائته تساوى 90% وقت احتياجنا منه 400W يعنى هيسحب من سوكيت الحائط 444W فقط

انت احتياجكك 400W لكن فاتوره الكهرباء بتحاسبك على منسوب AC وليس منسوب DC
كل ما كان مزود الطاقه كفائته اعلى كل ماقدر يحافظ على منسوب الطاقه بشكل افضل زى Platinum ثم Titanium

مراجعين الهاردوير بيتعمدوا يختبروا كفائه الطاقه Efficiency فى اكتر من حاله واحده

شركات الطاقه بتتبع اختبار المزود فى ظل درجه حراره Ambient 25C او يمكن اعتبارها درجه حراره الغرفه

لكن مراجعين الهاردوير بيختبروا كفائه الطاقه فى ظروف تصل درجه حراره 50C لان متوقع فى فصل الصيف ارتفاع درجه حراره الغرف

بالاضافه انهما مش بيختبروا كفائته وقت احتياج نصف منسوبه فقط - بل ربع او نصف او كامل طاقته وكل موقع له طريقه فى الاختبار
لكن فى النهايه بتلاقى قدامك مجموعه اختبارات شامله بتاكدلك كفائه الباور وجودته زى اساليب الحمايه فيه وثبات استقراره مع التيار الكهربائى الخاطىء
او نسبه الضجيج المرتفع وخلافه

لكن تحديدا موضوع الكفائه بيكون معروف لدى الشركه حتى وبدون ايه اختبارات لانها بترجع لاختيارهم اجزاء الباور تحديدا المكثفات والترانزستورز
ترانستورز Shotky قديم جدا ومعروف انه بيهرب منسوب عالى من الفولتيات ومع ارتفاع درجه حرارته بيهرب تقريبا 80% من كل واحد فولت
الترانستورز الاحدث ( RDS ( on ومعروف ان كفائته هى الافضل فى المحافظه على الفولتيات واستقرار التيار
لو الشركه فكرت تقدم باور جولد او بلاتينام لازم او بنسبه كبيره بتستبدل الترانتسورز ب diodes فى الجزء الاول والتانى من الباور وعده امور اخرى

[SemsemBanhawy]

انت لية حاسبها بمعدل استهلاك كهرباء او غير ؟
انت دافع فلوس وجايب حاجة كويسة يبقا هاتلها باور كويس حتي لو 1000 وات
الـ 20/30 جنية الي هتدفعهم زيادة في الكهرباء لو حصل حاجة في الكارت او اي قطعة اخري في الجهاز هتدفع يجي 100 جنية مواصلات رايح جاي للتوكيل
ياريت نحسبها صح