نصيحة لتحديث الجهاز

[mahmoudnagah]

انا معايا 2500 جنيه وعايز احدث الجهاز اجيب مستعمل ولا جديد محتاج كارت شاشه وبروسيسور وبوردا وباور سبلاى والامكانيات تشغل فيفا 16 وكل الالعاب الحديثة

[phenomenon]

اكتبلنا الخصائص اللى هتستفيد منها من جهازك القديم
الميزانيه كويسه بس الافضل لو تشترى مستعمل عشان تحصل كارت شاشه كويس

[Yasser]

فى الميزانيه دى هات كيسه وارد الخارج تكونi5 , ومساله كارت الشاشه هتكون فى ايدك شوف فاضل معاك كام وجيب كارت معقول او كارت عالى وباور سبلاى عالى
واعمل موضوع للاستشاره فى كارت الشاشه وعندك الجديد او المستعمل هنا فى المنتدى

[mahmoudnagah]

عندى هارد 500 و رام 4 و 2 هتبقى 6

[phenomenon]

فكره الكيسه الاستيراد كويسه جدا وفى جديد وفى مستعمل شبهه الجديد تماما وهتلاقيه معاه معالجات الجيل التانى I5-2500 كمثال
سعره فى حدود 1600 تقريبا وشيبايته بتكون H67 يعنى بتقبل معالجات الجيل التالت لو حبيت تشترى I7-3770 بعد فتره
بيكون معاه رامات 4 جيجا وهارد 160 او 250 تقريبا
الكيس بيكون واسع وممكن يكون فى مشتت على المعالج
يعنى من الاخر انت هتحصل مميزات كتيره مع فكره الكيسه الاوريجنال
وممكن تبيع راماتك القديمه الجديده والقديمه وتجيب قطعه واحده 8 او يبقوا 8 + 2
الباورات الاوريجنال هى القضيه كلها
فى باورات بتكون قويه ولكن بعضها بيكون ضعيف وبعض الكيسات مش هتعرف تغير باورها بسهوله
الباورات القويه بتكون من تصنيع Delta Electronics يعنى الوات اللى عليها حقيقى فعلا يعنى لو بتقدم فى فولتيه 12V+ ك 500W يبقى فعلا فى 500W
الباورات الضعيفه بتكون تصنيع صينى وقوتها غير حقيقيه ولازم تكون دقيق فى اختيار كارت الشاشه معاها عشان تضمن حمايته
الكيسات الاستيراد احيانا بتيجى بباورات مهيئه فقط للعمل مع هذا النوع واللوحه الام تكون واخده طاقتها بطرق نظاميه مختلفه عن الكيسات التجميع
وممكن تلاقى كل الحكايه الباور 250W او 325W فقط وعشان تغيره محتاج ادابتر لانها هتلاقيها بتغزى اللوحه الام عن طريق كابل 6pin AUX او 14pin
بالرغم ان الباورات الجديده كابلاتها المغزيه للوحه 20pin او 20+4
هذا تقريبا اهم اللى لازم تنظر ليه وانت رايح للاوريجنال لكن فكرتها كويسه وفى موديلات كثيره بس بصراحه مش متذكر اسمها
لو هتجمع

Gigabyte GA-H81-S2PH = 520 LE
Intel Pentium G 3240 = 500 LE
GTX 750 2GB = 1000 LE
Case + PSU = 500 LE

يعنى حتى لو حبيت تجمع مفيش مشكله ومعالج بانتيم 2 نواه ونواته قويه جدا فى المعالجه الفرديه مع اغلب الالعاب لكن فى بعض الالعاب المعتمده على تعدد الانويه
هيكون فرصه معالج I3 افضل لانه متعدد فى خطوط المعالجه وفيه امكانيه هايبر Hyper Threading بتساعد بعض الالعاب اذا كانت بتعتمد عليها وبتخلى نواتيه كاربعه على الويندوز
اما لو كيسه اوريجنال وفيها معالج I5 او I3 مفيش مشكله بردو بس خد بالك من موضوع الباور

[mahmoudnagah]

طيب وبالنسبة للباورسبلاى اعرف منين انه تجارى ولا اصلى ؟؟؟

[phenomenon]

الباورات الموجوده فى الكيسات الاوريجنال زى DELL + HP + ACER او غيرهم دى غالبيتها باورات اصليه لكنها للاسف مش بكفائه الباورات الاحترافيه
الباورات الاحترافيه بتحاول تحافظ على تقديم اقصى طاقتها حتى مع ارتفاع درجات حرارتها اوقات الضغط التقيل اما الباورات الاويجنال مش بتكون بنفس الكفائه لان كل مكثفاتها بتكون صينى ومع الضغط التقيل عليها بتقل فى منسوب الوات اللى ممكن تقدر تقدمهولك ولو كان احتياجك اعلى من المنسوب ده هتفصل تلقائيا وتفضل تواجهه مشكله ريستارت متكرر

الباورات اللى بتيجى مع الكيسات الملحقه بيها من ثيرمالتيك او كولار ماستر او زالمان افضل واحدث واحيانا المكثفات الداخليه بتكون خليط كويس افضل واامن واذكى من الباورات الاوريجنال

لكن انا عاوز اقولك مينفعشى نطبق المبداىء على كل الشركات
افترض انك لقيت باور اوريجنال فى الكيسه مكتوب عليه تصنيع Delta Electronics بجانب باتش اسم DELL او HP
الباور ده افضل واقوى واكثر صدقا من الباورات الملحقه بالكيس

فى نفس الوقت باورات زالمان الاخيره محترمه جدا ونفس الموديل اللى بيتباع منفرد بيتباع بالكيس بسعر توفيرى اكبر

عشان اسهل عليك الامر خالص
لازم كارت الشاشه يكون بدون احتياجه الى كابلات pcie power connector او بالكتير خالص يكون محتاج كابل 6pin
والافضل يكون الباور مش اقل من 500W سواء اوريجنال او ملحق بالكيس لانه حتى لو هرب طاقه فى الضغط التقيل فهيقدر ان شاء الله يوفر 75W لكارت ب 6pin

لكن الباورات التجاريه اللى هى ب 50 جنيه و 60 جنيه متدفعشى فيها 5 جنيه لانها قنابل موقوته فى اجهزتنا ومفيهاش اى طرق للحمايه وشغاله وسايبنها لله وسنه وغيرها وبتاثر على عمر الهاردوير جدا زى الهاردات والاقراص الضوئيه

[neztiti]

رائع اخي ابراهيم (
Phenomenon)

[H_KIMO]

AMD A8-7600 = 790
MSI A88XM-E35 = 480
Gigabyte Geforce GTX 750 Windforce 2GB GDDR5 = 1000
Cooler Master CMP-350 Mid Tower Desktop Case + 400W = 440