أريد إستفسار من خبراء عرب هارد وير

[The King2]

السلام عليكم ورحمة الله وبركاته


أنا إن شاء الله قريب هاجيب أجهزه لمحل
هايكون سايبر بإذن الله

وأرجو من الساده خبراء هارد وير
يقدموا نصيحه لى
فى نوع البورده و البروسيسور
اللى أشتريهم للاجهزه

وتكون البورده شغلها ممتاز
وأهم حاجه تكون بتعيش مده طويله
وماعملشى لكل شهر ميتم لجهاز لقدر الله

يكون السعر كويس

أرجو الافاده والتعليق على الموضوع
ولكم جزيل الشكر على ماتقدموه من نصائع لكل أعضاء الموقع
وأحيكم على كل الانجازات العظيمه
والمواضيع المتميزه فى هذا الموقع الاكثر رائع

[dxbboy77]

وعليكم السلام ورحمه الله وبركاته اخوي The King2

اخوي ما اخبرتنا شو استخدامات الاجهزة ؟؟ " العاب , تصاميم ..... الخ .. !!

وكم الميزانية لكل جهاز ؟؟

[The King2]

يعنى الاجهزه تكون بتشغل عليها العاب كويس بدون تهنيج

و هايكون فيه خط نت


ويكون الجهاز فى حدود 1.500 جنيه مصرى


وشكرا على الرد
أ -دى إكس بوى

[zero_cold00]

بسم الله الرحمن الرحيم
بالسعر اللى انت حاطه مستحيل هتجيب جهاز كويس بالنسبه للا سعار الموجوده حاليا عشان تجيب جهاز كويس بالامكانات اللى انت عايزها الجهاز هيتكلف حوالى 2100 جنيه مع شاشه مستعمله لانى امتلك سايبر ومجمع الاجهزه فى شهر 9 اللى فات وكان عامل نفس السعر اللى قولتهولك ومواصفاته هى proc celeron d 2.6 256 - hard wd 80 g-mother gigabyte 945g-zm -ram 512 ddr
وهو جهاز جبار بالنسبه للسايبر وهيشغللك جميع الالعاب بكفاءه معقوله الا الالعب الحديثه مثل need for speed carbon لانها لاتعمل على كارت شاشه بلت ان.
اما لو عايز جهاز بالسعر اللى انت ذكرته فهتكون mother غالبا ecs بشريحه sis ولن تستطيع ان تفتح اى لعبه عليها وستوجه بطء شديد او msi بشريحه 848 مع 256 رام وهارد 80 وشاشه استعمال الخارج .
ولكن نصيحه من اخ اذا قدرت تزود الميزانيه شويه وتجيب الجهاز اللى قلتلك عليه او تعمل فيه تغيير وتجيب mother ب 350 جنيه وكارت شاشه ati x300 مع رام 512 ddr2 هيبقى عندك جهاز جبار وبعد كام سنه انشاء الله تقدر تحدثه باقل مبلغ اما الجهاز ابو 1500 هيكون من المستحيل تحديثه.
نصيحه اخرى فى كل الظروف لا تشترى جهاز باقل من 512 رام لانك هتواجه من يفتح لعبه ويتركها مفتوحه فى الخلفيه ويفتح غيرها ويقولك الجهاز بطىء .
واى استفسار اخر انا موجود .

[dxbboy77]

اخوي الميزانية ضعييييييييفة ولا تصلح لاخذ جهاز يدوم عندك فترة طويلة ويشغلك كل شي ..

انظر في ميزانيتك واخبرنا ..

--------------------

اخوي zero_cold00 .. المواصفات ماشي الحال ولاكن كرت الشاشة .. لانه لو يبغيه حق النتوورك

يحتاج كرت قوي علشان ما يصادف اي مشكلة .. والرامات اقل شي 1 gp لان الالعاب تحتاج اقل شي 512mp

[Max Heater]

بخصوص أجهزة مركز إنترنت وألعاب وفق ما طلبت، فإن أفضل ما يمكن شراؤه هو لوحات بأطقم شرائح nForce430 ، وهي رخيصة جداً بالإضافة إلى احتوائها على مسرع رسوميات مدمج من طراز Geforce 6150 ، والحقيقة لا يمكن مقارنة حلول إنفيديا المدمجة مع قرائنها من إنتل وخصوصاً الشرائح المدمجة في لوحة إنتل G945 ، فبرغم تحسنها إلاّ أنها مازالت ضعيفة جداً وبالغة السوء بالنسبة للألعاب. هذا بالمقارنة مع الـ 6150 والـ X200M من ATI ، هذا علماً أن الـ 6150 تتفوق كثيراً حتى على رسوميات إنتل G965 المدمجة!

فلم ترهق جيبك وألعابك وزبائنك بالـ G945 والحلول الأخرى أقوى بكثير؟؟

أما الأمر الآخر فهو الـسيليرون دي ، برغم زيادة الكاش الملحوظة التي حظي بها مؤخراً إلاّ أنه مازال اختياراً سيئاً أمام السمبرون 64 سواء في السعر أو الآداء، ولاتنس أنك تستطيع الحصول على معالج سمبرون جديد بأقل من 70 دولاراً!! وبآداء مقبول للألعاب بمستوى ابتدائي.... لكن سيليرون دي للألعاب؟! مستحيل!

بأخذك هذين الأمرين في الاعتبار يمكن الإقتراب من ميزانية الـ 1500 جنيه التي حددتها.

في الأيام القادمة سأفرد موضوعاً إن شاء الله عن الـ 6150 .

[zero_cold00]

بسم الله الرحمن الرحيم
شكرا لاستاذتنا فى المنتدى على المداخله وانا اعى تماما افضليه حلول انفيديا المدمجه على انتل ولكنى تكلمت من واقع السوق المصرى لانه صعب جدا ان تجد nforce430 اما بالنسبه لسعر اللوحه التى ذكرتها 945zm فهى حاليا بحوالى 400 جنيه مصرى وهو سعر مناسب جدا .
اما بالنسبه لكارت الشاشه فان ال x300se يعتبر من الاجهزه خارقه الاداء لانه بمجرد ان يذكره انه برام 256 فان الناس هناك تعتبره high end مع انه فى الحقيقه لا يمتلك هذا الحجم من الرام لانه turbo cASH . انه لجهل الناس بالحاسب فان افضل جهاز يجمع حاليا فى مصر هو بنفس المواصفات التى ذكرتها لان هناك من يعتقد ان 945g افضل كالرت جرافيك فى العالم .واكثر معالج مبيعا فى مصر هو celeron 2.6 c256 .
وبالنسبه ل 945g فهو مناسب فى حاله السايبر فى مصر لانى لن يسثخدم فى لعب doom او oblivion ولكن اللعبتين المنتشرتين هما medal of ohoner:mohaa للعب الجماعى وfifa وبعض need for speed most wanted .
هى معظم الناس لا تستطيع التفرقه فى جوده الجرافيك بين كارت واخر ولقد اجريت بحث بنفسى على هذا فشغلت لعبه nfs most wanted على 954g على كفاءه 600*460 وشغلتها على الجهاز الخاص بى msi 7600gs -proc 945 على كفاءه 1280*1024 وجميع الخيارات على high ولم اجد من استطاع ان يفرق بين جوده الجرافيك حتى اننى عندما كنت امشى بالسياره على سرعه 150 وظهر تاثير السرعه على الطريق قال لى احد الاشخاص ان الصوره سيئه جدا :Unhappy: :Unhappy: :Unhappy:
وهناك مثل اخر نراه دائما فى المنتدى وهو احد الاخوه يسال عن كارت شاشه جيدا فتدلوه على ال 7600 gt لمده سته اشهر الى ان تستقر اسعار الكروت الخاصه ب dx10 مع ان هذا الحل صحيح 100% وانا اتفق معه الى انه من المستحيل مثلا تطبيقه فى مصر لانه ببساطه سعر هذا الكارت يوازى راتب مدير مدرسه لمده شهرين متتالين اما بالنسبه للاخوه فى السعوديه مثلا فهو يوازى المكأفاه الشهريه الخاصه فى الجامعه واعتقد انها 900 ريال .
لذلك لا نستطيع ان نعمم المواصفات على جميع الا سواق ولكن كل سوق حسب السائد به. ارجو ان تتقبلوا ارائى بصدر رحب خصوصا وانكم اساتذتنا وكنا ومازالنا نتعلم منكم .وشكرا

[The King2]

أنا بحييك على ردودك أستاذ زيرو كولد
وعلى كلامك عن السوق والمعامله التجاريه المصريه
فعلا فيه عندنا فى مصر إحتكارات جامده
وبحيك كمان على ردك ونصيحتك ليا


وبطلب منك طلب صغير تانى
هو إنك تحط ليا
مكونات الاجهزه اللى إنت جايبها للسيبر
وأسعارها

ويا ريت تقولى إنت من مصر ولا من السعوديه

وانا بظن إن بروسيسور 2.4 أحسن من 2.6


والف شكر ليك أستاذ ماكس على ردك القيم
بس فيه شويه مفاهيم مش فاهمه من كلامك

وعلى العموم شكرا


ودى مواصفات جهاز
أرجو التعليق عليها


البورده : - أرجو إنكو تنصحونى بنوع كويس ونوع المعالج اللى هاشتريه ليها
أحسن أنا بصراحه متردد فى نوع البورده هل أجيبها Asus أو Giga bite أو Msi
وليه فيه بورده أحسن أرجو إنكو ماتبخلوش وتنصحونى بيها


Ram 512 وعلى ماأظن إن الرامه دى ماعدتشى موجوده فى مصر كله 256 أرجو التعليق عليها أيضا

بروسيسور 2.4 Cash 256

أرجو التعليق والرد على طلبى

شكرا جدا جدا جدا على النصائح الجباره دى
وانا بحمد ربى إنى عرفت موقع جميل جدا إسمه عرب هاردوير قبل ما أشترى الاجهزه

ولكم خالص حبى
وإحترامى وتقديرى

[الـ()ـرستان]

انا بظن إن بروسيسور 2.4 أحسن من 2.6

عزيزي متظنش كتير (z)

قصدك ان الاداء متقارب :)


لا علم لدي عن السوق المصري انا أرى ان رد Max Heater مناسب جدا

[The King2]

الـ()ـرستان

مشكور عزيزى الرستان على ردك

وفى إنتظام نصائح أخرى

ولكم جزيل الشكر

[The King2]

أستاذ ماكس هيتر
انا لفيت فى السوق المصرى لحد ما جالى شلل أطفال من كتر الف والدواران

ومالقيت بورده nForce430


أرجو التعليق على الموضوع من جديد أو حتى كتابه
مكونات جهاز يكون فيه الطلبات اللى أنا محتاجها
ويكون السعر معقول فى نفس الوقت


أرجوووو الرد

[Max Heater]

هى معظم الناس لا تستطيع التفرقه فى جوده الجرافيك بين كارت واخر ولقد اجريت بحث بنفسى على هذا فشغلت لعبه nfs most wanted على 954g على كفاءه 600*460 وشغلتها على الجهاز الخاص بى msi 7600gs -proc 945 على كفاءه 1280*1024 وجميع الخيارات على high ولم اجد من استطاع ان يفرق بين جوده الجرافيك حتى اننى عندما كنت امشى بالسياره على سرعه 150 وظهر تاثير السرعه على الطريق قال لى احد الاشخاص ان الصوره سيئه جدا

هذا هو المضحك المبكي عزيزي zero_cold00 ، إنه واقع، ومعظم الناس خصوصاً المنطقة العربية يفكرون بهذه الطريقة، لذا ترى أن مجمل مبيعات الشركات هي السيليرون وحلول إنتل المدمجة من الرسوميات، مع سوءها الشديد... صدقني لو أن معظم المستهلكين في المنطقة يعرفون عن السمبرون والإنفيديا والATI أو على الأقل الـ HTPC أو غيره، لكان السوق تغيرت إلى الأفضل وانتشرت هذه المنتجات ولربما أصبحت أخفض تكلفة من الحلول الأخرى الحالية، الضعيفة - المكلفة.

وشكراً للأخ الـ()ـرستان أيضاً.


ومالقيت بورده nForce430

غريب فعلاً أخي The King2 ، يفترض أنه لـ MSI وكيل في مصر، هل بحثت في المحلات الكبرى مثلاً؟ ربما يجب أن تسأل عن لوحات Socket AM2 رخيصة، أظن لم يفهموا الـ ،nForce430 سأشير عليك ببعض موديلات اللوحات وربما كان البحث أسهل:

FM058 - nVIDIA GF6100+nFORCE410 AM2 من فوكسكون ، حوالي 80$.
FM056 - VIA K8M890+8237R+ AM2 أيضاً فوكسكون ، 70$.
M2N-MX AM2 nVIDIA nForce430/GF6100 أسوس ، 90$.
M2V-TVM AM2 VIA K8M890 أسوس ، 75$.
NFORCE4M-A(3.0) RS485+nForce, AM2 لوحة قوية ورخيصة من ECS ، يجب أن تجدها بسهولة ، 75$
RS485M-M(1.0) RS485+nForce, AM2 نفس السابقة تقريباً ECS ، 74$.

ابحث عن أي من هذه اللوحات واخبرنا بما تجد... :)

[alfars]

أنا أيضاً أرى أن استخدام AMD أفضل بكثيييييير
الحلول التي وضعها Max Heater ممتازة

[The King2]

الف مليون شكر ليك أستاذ Max

يعنى حضرتك كان قصدك على nForce430
هى بورده M.S.I ؟؟؟؟؟؟؟؟
وانا كتير بسمع إن البورده دى مميزه جدا عن باقى اللواحات الام

وهى موجوده فى السوق المصرى
بس للاسف عندك حق فى كلامك
لان دلوقتى عادوا بيشغلو تجار
يعنى أساتذة كلام وما يعرفوا كتير عن الاجهزه وأسماء القطع
ووالله يا أستاذ Max
الناس عندنا دلوقتى ماعادت بتعرف أنواع اللوحات
يعنى أنا إمبارح واحد دخل على عامل فى الشركه
قاله أنا عاوز بورد جيجا بيت من أم 350 جنيه

ربنا يتولانا جميعا

أنا أسف طولت عليك فى كلامى


انا إن شاء الله هانزل المول
بعد ماترد عليا وتقولى رأيك فى المكونات دى
وهى


nForce430 اللى طلعت M.S.I


والبروسيسور 2.6 Cash 256
يا ريت تقولى على نوع البروسيسور الافضل سواء إن كان Intel أو نوع تانى

DD Ram512

ولا أجيب إتنين رام 256 يكون أفضل

وأرجو تفيدنى بنوع الباور سبلاى

وأفضل هارد موجود أجيبه نوعه إيه
ومصدر بلده


وانا أسف جدا جدا على رزالتى معاك

ومشكور بشده على ردودك القيمه ليا

وجزاك الله كل خير عن ما فعلته معى ومع غيرى
وجعله الله سبحانه وتعالى فى ميزان حسناتك

[zero_cold00]

بسم الله الرحمن الرحيم
انا اتفق معكم ان nForce430 افضل من اى حل مدمج من انتل ولكنى كنت اتكلم من واقع السوق لانه صعب جدا ان يجدها فى السوق .ولكن ساضع لكم روابط فيها الاسعار فى السوق المصرى واترك لكم تقييم الامر وللامانه هى منقوله من منتدى اخر لشخص يضع الاسعار اسبوعيا
https://img95.imageshack.us/img95/2426/de06001xg8.jpg
https://img152.imageshack.us/img152/4177/de06002zu1.jpg
https://img81.imageshack.us/img81/7229/de06003au1.jpg

ويوجد فى السعار ال mother board لوحه ecs يوجد بها كارت ati x300 ب 345 جنيه ولكنى لا اعرف ماهى جوده لوحات ecs لانى لم اجربه مطلقا.
مع ملاحظه ان الجنيه المصرى يساوى
1ريال سعودى=1.53 جنيه
1دولار=5.73 جنيه

[alfars]

nForce430شريحة لمعاجات AMD

فإختيار المعالج سيكون محصوراً في AMD
الرام DDR قطعتين أفضل للديول شانل

[الـ()ـرستان]

أخواني أرى ان شريحه واحده أفضل وخاصه ان أجهزة السايبر دائما في تطور
فلماذا 2

لانه اذا أراد التحديث الى 1 جيجا فماذا سيفعل ؟

أرى ان يستغني عن الدايل شانيل .. .

=========

بالنسبة لمعاجات AMD

أرجو أن تعلمنا كم أسعار الرامـ واللوحة الام لاختيار المعالج وبالطبع AMD

[zero_cold00]

[QUOTE=الـ()ـرستان;277969][CENTER][COLOR="Blue"]أخواني أرى ان شريحه واحده أفضل وخاصه ان أجهزة السايبر دائما في تطور
فلماذا 2

لانه اذا أراد التحديث الى 1 جيجا فماذا سيفعل ؟

أرى ان يستغني عن الدايل شانيل ..

وجهه نظر صحيحه 100% وهذا الذى فعلته عندما اشتريت اجهزه السايبر الخاصه بى فقد اشتريت اللوحه التى ذكرتها فى الاعلى ولا يوجد بها سوى مكانين للرام فخططت ففضلت حينها ان اشترى قطعه واحده 512 و motherboard جيده بشريحه 945 حتى استطيع ان احدثها بعد مضى عام او عامين حسب الحاجه بان اضع رام اخرى 512 وكارت شاشه pcie لانه حينها بكام سيكون سعر 7600gt مثلا . ولقد فضلت هذا الحل على ان اشترى mother ecs مجهوله المصدر بنصف سعر ال 945 واشترى معx300 مع ان سعر ال ecs وx300 كان وقتها يساوى سعر ال mother التى اشتريتها.
وفى النهايه نرجو من صاحب الموضوع وضع اقصى سعر يريده للجهاز ونحن نحاول ان نضع له الجهاز المناسب له .
وشكرا

[الـ()ـرستان]

zero_cold00
تخطيط سليم تماما . .

الى الان ننتظر

بالنسبة لمعاجات AMD

أرجو أن تعلمنا كم أسعار الرامـ واللوحة الام لاختيار المعالج وبالطبع AMD
بالأمس

[Max Heater]

كما ينصح الزملاء الكرام الـ()ـرستان و zero_cold00 فشرائح الرام تكفيك واحدة بحجم 256 ميغابايت وفي المشتقبل إن شاء الله تزيد الحجم وتركب شرائح أخرى :up:
لاحظ أننا نتحدث عن Socket AM2 يعني رام DDR2 ، وأتمنى أن تكون الشرائح التي ستختارهامن نوعية جيدة-متوسطة وذلك حتى لا تضطر لاستبدالها كل سنة لا سمح الله.

أما المعالج مثلما قال الأخ alfars فيجب أن يكون AMD واسمه Sempron ويكفي أن تختار الـ Sempron 3000+ 256KB وتأكد أنه 256 كيلوبايت كاش وليس 128، وهذا المعالج سعره مناسب جداً جداً لا يزيد عن 300-350 جنيه كما هو مدون في ورقة الأسعار التي أرفقها zero_cold00 جزاه الله خيراً.

أخبرنا بما يحصل معك، وبالتوفيق!

[The King2]

شكرا على الردود الجميله جدا منكوا أستاذ Max & الـ()ـرستان & zero_cold00
مشكور جدا جدا جدا
وإن شاء الله هانزل أجيبه ويارب ألاقى الانواع دى فى السوق

Nforce430
semperon 2.6 Cash 256
DDR 256

بس الاهم الباور سبلاى أجيبه نوعه إيه


وشكرا جدا على النصايح اللى قدمتوهالى

[zero_cold00]

احسن باور هتلاقيه فى مصر موجوده بالكيسه والكيسه اسمها جاما باور 350 وات بحوالى 270 جنيه غير كده هتلاقى الكيسات ام130 الى 200 وكلها فى الباى باى . عندى مثلا اول يوم جبت الاجهزه وصلت اول جهاز فى الكهرباء بعد 10 دقائق الباور اتحرق وتانى يوم اللى بعده واللى بعده. واللى شغال حاليا مطلع صوت ماشاء الله لا يستطيع احد احتماله. فنصيحه حاول تجيب باور كويس.

[The King2]

والله يا زيرو إنت شكلك فاتح السيبر دا تصرف عليه من جيبك
ربنا يعينك

بس مافيش نوع باور بيجى لوحده
يكون كويس

وشكرا

[hala_get]

اخى king انا امتلك سيبر من سنتين 15 جهاز وقد قمت وقتها بشراء لوحات ام جيجا بايت 865 وبروسيسور 2.4 وكارت شاشه128 gf 5200 و512 رام قطعتين وذلك لا ستفيد من dual chaneel وهارد ديسك ويسترن 80 جيجا ومازالت هذه الاجهزه تعمل بكفاءه الى الان والحمد لله ولذلك فنصيحتى لك هى
مازربورد 945 جيجابيتg وبروسيسور 2.6 كاش 256 ورام 512 وكارت فيجا pci 6200 gf
والكيس انصحك بشراء جاما فهى الافضل ان شاء الله
وبالنسبه للشاشه فقد قمت موخرا بشراء شاشات فيليبس فلاترون 17 بوصه وسعرها جديد هو560 وبالنسبه للاسعار فانا تحت امرك اذا اردتها واماكن الشراء من الممكن ان ادلك عليها وباحسن اسعار ان شاء الله

[zwawy]

بسم الله الرحمن الرحيم
انا اتفق معكم ان nForce430 افضل من اى حل مدمج من انتل ولكنى كنت اتكلم من واقع السوق لانه صعب جدا ان يجدها فى السوق .


أعتقد إنها موجودة أنا رأيت أعلى منها فى COMPUTER MARKET فى شارع جامعة الدول العربية .
بالتحديد فى الدور الثانى .
رأيت هذه اللوحة MSI K9N Neo-F Socket AM2 NVIDIA nForce 550

https://images10.newegg.com/NeweggImage/productimage/13-130-050-04.JPG

سعرها = 550 جنيه مصرى مع أن سعرها على النت 400 جنيه . rule:
بالنسبة للمعالج وجدت SEMPRON و ATHLON .
سعر AMD Athlon 64 3500
= 525 جنيه مصرى.

[zero_cold00]

اعتقد ان باور الجاما بيجى لوحده بحوالى 170 جنيه وعشان تشترى كيسه هتلاقى التكلفه متساويه فالاحسن لك تحاول تدور على كيسه نضيفه تكون بحوالى 200 جنيه.
وبالنسبه لتغيير الباورات المحترقه مكنتش بدفع عليها حاجه من جيبى لان الشركه اللى انا شارى منها كانت بتغيرهالى على الضمان وده اهم شيىء انك تتعامل مع شركه محترمه عشان يغيرولك اى حاجه فمثلا الباور كان عشان يروح للشركه المستورده او الوكيل عشان يتغير كان هياخد من اسبوى الى اسبوعين ولكن كان مدير الشركه بيعطينى باور من عنده علشان امشى المصلحه واللى ييجى هو بياخده مع انه مره اعطانى باور تايوانى مكان الصينى المحترق ولم ادفع اى فرق.

[The King2]

أوك
مشكور جدا إخوانى على الردود المفيده

واللوحه الام اللى فى الصوره Nforcr 550
إحنا بنتلكم على nforce430
دى سعرها كام دلوقتى وهل فيه أفضل منها


وأنا بفضل إن حضراتكوا
تكتبوا ليا مواصفات جهاز كامل
مع أداء رائع
مع سعر مناسب
ورجاء ذكر السعر
وانا مقيم فى مصر - المنصوره بالتحديد

وشكرا جدا على المساعده