استفسار بخصوص اجهزه workstation مع الالعاب الحديثه ..

[ALGS]

السلام عليكم ورحمه الله وبركاته

لو سمحتم انا معروض عليا جهاز hp z800 workstation

فهل الجهاز دا لو عدلت عليه وزودت كارت شاشه هيشغل الالعاب اللى موجوده دلوقتى والالعاب اللى هتنزل فى السنين الجايه ؟؟

ولو ينفع فإيه أفضل كارت شاشه ممكن يركب مع الجهاز دا ..

وشكراً جداً ..

[ALGS]

مفيش حد عنده اجابه خالص ؟

للرفع ..

[phenomenon]

ان شاء الله يشغل .. انت رفعت الموضوع وانا بقلب فى الملف بتاعه https://www8.hp.com/h20195/v2/GetPDF.aspx/c04110962.pdf
المشكله كلها انك مش بتقدر تحدد لان الموديل نفسه بيبقى اوبشنال او اختيارى فى تحديد الخصائص
فى Z800 بخصائص وسعره واحد جنيه وفى Z800 بخصائص وسعره 10 جنيه
فياريت لو تعرف ايه هى الامكانيات اللى فيه حاليا عشان نقدر نساعدك بشكل افضل

[ahmad2006771]

اجهزة الوركتيشن ممتازة في الالعاب - بس لازم نعرف باقي امكانيات الكيسة زي البروسيسور والرامات والباور صبلاي علشان الباور هو اللي هيحدد الكروت اللي تنفع تشتغل على الكيسة وقول ميزانيتك كام لشراء كارت الشاشة
انا عندي كيسة وركشتيشن dell t3500 وكارت nvidia gtx 750 والحمد لله الجهاز ممتاز جدا ومفيش لعبة مش بتشتغل عندي ومعظم الالعاب الحديثة على الهاي

[ALGS]

متشكر ليكم جداً .. دى امكانيات واحد صاحبى قالى عليها موجوده عنده :
cpu intel exion 2.5 cach 12m
ram 12
هارد تيرا
--
بخصوص كارت الشاشه فانا معرفش فيهم والله .. يا ريت حضرتك تقولى على نوع كويس فى حدود 500 : 600 جنيه .. وهل هيشغل الالعاب الموجوده دلوقتى والالعاب اللى هتنزل بعد كدا ؟؟
ولو مش هيشغل فياريت ترشحلى نوع كارت كويس وسعره كام ..

[ahmad2006771]

متشكر ليكم جداً .. دى امكانيات واحد صاحبى قالى عليها موجوده عنده :
cpu intel exion 2.5 cach 12m
ram 12
هارد تيرا
--
بخصوص كارت الشاشه فانا معرفش فيهم والله .. يا ريت حضرتك تقولى على نوع كويس فى حدود 500 : 600 جنيه .. وهل هيشغل الالعاب الموجوده دلوقتى والالعاب اللى هتنزل بعد كدا ؟؟
ولو مش هيشغل فياريت ترشحلى نوع كارت كويس وسعره كام ..
الميزانية اللي انت مخصصها لكارت الشاشة ضعيفة جدا ومفيش قدامك غير انك تشتري كارت مستعمل زي nvidia Gtx 750 او nvidia Gtx 650
في حين انك ممكن تجيب كيسة وركستيشن زي بتاعتي ب 1300 جنيه فقط وتشتري هارد تيرا جديد ب 400 جنيه وتوفر فلوس تزود بيها ميزانية كارت الشاشة وتشتري كارت قوي
فلو سمحت قول هتشتري الكيسة دي بكام علشان نقولك سعرها مناسب ولا لأ ومش ينضحك عليك

[ALGS]

بيقولى هتكون فى حدود 3000 او اقل حاجه بسيطه ..
انت شايف ان السعر كدا غالى ولا ايه ؟؟
--
وكارت الشاشه ممكن ازود لـ 1000 بس المهم يكون حاجه كويسه وهتعيش معايا ..

[ahmad2006771]

غالي جدا
بس الفكرة انك مش هتستفيد من امكانيات الجهاز الجبارة زي الاثنين بروسيسور لأن الالعاب مش بتتعامل الا مع بروسيسور واحد فقط - يعني انت هتدفع فلوس كتيرة في امكانيات مش هتستفاد منها
انا شايف اتك توفر فلوسك وتشتري الحاجات اللي هتستفاد منها فقط - انصحك ان تشتري كيسة زي دي بس من غير الهارد وكارت الشاشة ويزودلك الرامات بحيث تبقى 10 جيجا مثلا يبقى سعر الكيسه 1500 جنيه مثلا - وتشتري هارد ا تيرا جديد ب 400 جنيه او 2 تيرا تمنه 600 جنيه جديد تقريبا وتشتري كارت زي gtx 950 جديد تمنه 1500 جنيه تقريبا ووكن تشتري بالمبلغ ده كارت اقوى من كده بكتير بس مستعمل زي gtx 780 او gtx 770 وفي كروت تانية amd قوية جدا بنفس السعر هقولك عليها بعدين لما تستقرالاول على الكيسة اللي هتشتريها
رابط الكيسة اللي بنصحك بيها اهو
https://arabhardware.com/forum/showthread.php?t=435208
نصيحة اخيرة لو اتسلت بالتاجر شوف يقدر يغيرلك الباور بتاع الكيسة بباور اقوى يكون مثلا 550 وات او 650 وات وتدفع الفرق
اتصل بالتاجر وشوف سعرها برامات 10 جيجا ومن غير هارد ولا كارت شاشة ولو الكيسة دي خلصت شوف حاجه في نفس الامكانيات ونفس الرينج

[ALGS]

ربنا يكرمك على المساعده الكبيره اللى قدمتها ..
وبإذن الله هشوف امكانيات زى اللى انت قولت عليها بس فى مكان قريب منى شويه لأن القاهره بعيده جداً عنى ..
ولو احتجت استفسار أو حاجه فإسمحلى إنى ابقى ابعتلك وأسألك ..
---
الشكر موصول للإستاذ
Phenomenon (https://arabhardware.com/forum/member.php?u=11301600) على المساعده الكبيره .. ويا ريت لو فى نصائح تانيه حضرتك تحب تقولها ..

[phenomenon]

غالي جدا
بس الفكرة انك مش هتستفيد من امكانيات الجهاز الجبارة زي الاثنين بروسيسور لأن الالعاب مش بتتعامل الا مع بروسيسور واحد فقط - يعني انت هتدفع فلوس كتيرة في امكانيات مش هتستفاد منها
انا شايف اتك توفر فلوسك وتشتري الحاجات اللي هتستفاد منها فقط - انصحك ان تشتري كيسة زي دي بس من غير الهارد وكارت الشاشة ويزودلك الرامات بحيث تبقى 10 جيجا مثلا يبقى سعر الكيسه 1500 جنيه مثلا - وتشتري هارد ا تيرا جديد ب 400 جنيه او 2 تيرا تمنه 600 جنيه جديد تقريبا وتشتري كارت زي gtx 950 جديد تمنه 1500 جنيه تقريبا ووكن تشتري بالمبلغ ده كارت اقوى من كده بكتير بس مستعمل زي gtx 780 او gtx 770 وفي كروت تانية amd قوية جدا بنفس السعر هقولك عليها بعدين لما تستقرالاول على الكيسة اللي هتشتريها
رابط الكيسة اللي بنصحك بيها اهو
https://arabhardware.com/forum/showthread.php?t=435208
نصيحة اخيرة لو اتسلت بالتاجر شوف يقدر يغيرلك الباور بتاع الكيسة بباور اقوى يكون مثلا 550 وات او 650 وات وتدفع الفرق
اتصل بالتاجر وشوف سعرها برامات 10 جيجا ومن غير هارد ولا كارت شاشة ولو الكيسة دي خلصت شوف حاجه في نفس الامكانيات ونفس الرينج

بصراحه الواحد بيستمتع والله مع الردود دى : رد شافى سؤال وجواب وتوقع السؤال وجوابه مسبق واضافه معلومات واقتراحات وافكار وتنبيهات
صحيح ارهاق ولكنها اللغه الوحيده على Tom`s Hardware والحقيقه هى لغه المتمرسيين باى منتدى هاردوير
( تستحق كل شكر وتقدير يا اخ احمد )


ربنا يكرمك على المساعده الكبيره اللى قدمتها ..
وبإذن الله هشوف امكانيات زى اللى انت قولت عليها بس فى مكان قريب منى شويه لأن القاهره بعيده جداً عنى ..
ولو احتجت استفسار أو حاجه فإسمحلى إنى ابقى ابعتلك وأسألك ..
---
الشكر موصول للإستاذ
Phenomenon (https://arabhardware.com/forum/member.php?u=11301600) على المساعده الكبيره .. ويا ريت لو فى نصائح تانيه حضرتك تحب تقولها ..


الشكر لله اخى الكريم ومتابعين معاك باذن الله والاخ احمد قال كل شىء الميزانيه محدوده لكنها جيده جدا اذا حطيتها فى مكانها الصحيح
مفيش داعى للاتنين بروسيسور والكيسات ال 32 جيجا رام اللى عشان الرندر اصلا والسيرفر والكلام ده
اهتم فقط بامر الباور سبلاى عشان الكارت الجديد وبالمعالج اللى هيتناسب للكارت

[elameerahmed]

تحياتى لحضرتك ا. احمد ااى من االكرتين الشاشه االى حضرتك ذكرتهم مناسب لشغل المونتاج والجرافيك واالرندرة وكاام سعرهم مستعمل تقريباا وفين الاقيهم بالضبط

[ahmad2006771]

nvidia gtx 750 ti سعره جديد 1100 جنيه
nvidia gtx 950 سعره جديد 1500 جنيه
موجود في اي مول كمبيوتر زي مول البستان والنخيلي بجوار ميدان التحرير ومول سوق العصر في شارع خليفة المأمون
انما gtx 780 او gtx 770 دول مستعملين فقط واحيانا بنلاقي حد عارض كارت من دول حسب الظروف ولو تابعت قسم عروض البيع في المنتدى هتلاقي كارت منهم معروض
ولو شغلك الاساسي جرافيك وريندر ومونتاج بجانب الالعاب يبقى تجيب كارت نيفيديا كوادرو زي quadro 4000 او كارت ati firepro زي مثلا ati fire pro v7900

[elameerahmed]

تمام ربنا يكرمك أشكرك ع المعلومات وسرعة الرد كام سعر الكارتين مستعملين تقريباً

4000quadro @
irepro (https://www.macmall.com/p/8683734?dpno=13071108&source=zwb12166),
, ati fire pro v7900
علما بان الجهاز dell t3500

[ahmad2006771]

كارت quadro 4000 سعره مستعمل مابين 800 الى 1000 جنيه مصري تقريبا وسهل جدا تلاقيه في مول البستان لان انا شفته هناك في اكتر من محل المهم تاخد ضمان على الكارت اسبوعين على الاقل علشان تتأكد منه ببرامج الضغط على الكروت والكارت التاني اعتقد انه في نفس السعر تقريبا
وفي واحد هنا في المنتدى كان عارض الكروت دي للبيع وهو حاجته ممتازة بس لازم تفاصل معاه في السعر وتنزل شويه وده رابط الموضوع وهتلاقي في اخره الكروت دي معروضه بس مش حاطط سعر ليها وممكن تتصل بيه وتسأله عن السعر
https://arabhardware.com/forum/showthread.php?t=430617

[ahmad2006771]

https://arabhardware.com/forum/showthread.php?t=441419