المساعد الشخصي الرقمي

مشاهدة النسخة كاملة : هل كارت جيجابايت gtx 750 oc مكسورة مصنعيا وكيف يمكن كسره بطريقه امنه



ahmad2006771
12-01-2016, 20:27
لو سمحتوا انا عندي كيسة dell t3500 ورامات 6 جيجا وانوي زيادة الرامات الى 9جيجا بعد اسبوع تقريبا وبروسيسور xeon w3550 وباور dell 525 wat
ومركب كارت جيجابايت نيفيديا gtx 750 oc 1giga
هل هذا الكارت مكسور السرعة مصنعيا من الشركة
واريد طريقة تفصيلية سهلة و أمنه لكسر سرعته حيث انني لم اكسر سرعة اي كارت او معالج من قبل وهل كسر سرعة هذا الكارت هيفرق مع الالعاب ام تنصحوني بصرف النظر عن كسر سرعة الكارت لأنني بصراحه اخاف من كسر السرعة الفعليه لكارت او معالج مع وضع في الاعتبار ان تبريد الكيسة تبريد عادي مرحة للبروسيسور ومروحة للكارت ومروحة للرامات الفانات الاوريجينال اللي جايه في الكيسة ومروحة الكارت العادية وهذة روابط الكارت من موقع الشركة
https://www.gigabyte.com/products/product-page.aspx?pid=4947#ov
https://arabhardware.com/forum/attachment.php?attachmentid=31375&stc=1

phenomenon
13-01-2016, 13:14
سرعه تردد نواه المعالج المصنعيه حسب خصائص NVIDIA هى 1020MHz+ ويوصل مع Turbo Boost 2.0 الى 1089MHz+
حسب خصائص GIGABYTE مكسور السرعه كما بالصوره هى 1059MHz+ ويوصل مع Turbo Boost 2.0 الى 1137MHz+
اذن نواه المعالج مكسوره السرعه تقريبا بنسبه 4% ومع التربو تقريبا وصلت الى 4.5%

سرعه ناقل الذاكره الاساسيه حسب خصائص NVIDIA هى 12500MHz وايضا حسب GIGABYTE بنفس سرعه تردد الناقل Memory Bus Clock
اذن اما ذاكره المعالج لا يمكن كسر سرعتها مصنعيا حسب خصائص NVIDIA

نسخه GIGABYTE حسب المراجعات تستخدم ذاكره 4 شيبات Elpida
كل شيبايه لديها القدره على تخزين 2GB من البيانات ومعروف بقدريتها على امتلاك ناقل بسرعه 1500MHz اذن نحصل على تردد 6GHz لاربعه شيبات
مع وضع الاعتبار لذاكره فيديو رام 1024MB وتردد جيجابايت لها نحصل على باص النقل 1250MHz
اذن تردد ناقل الذاكره الحقيقى هو Quad 1250MHz x4 لمجموعه اربعه شيبات = تعطينا جيجابايت تردد فعال 5GHz فقط
لكن مفترض ان فى فرصه مسموحه لكسر سرعه هذه الذاكره ( هتكتشف دا من برنامج MSI AfterBurner ) اذا كانت مفتوحه او مقفوله

قبل الكسر والبدا فيه ثبت برنامج UNIGINE VALLY واعمل اختبار على الاوضاع الافتراضيه ليه مع التاكد ان وضع DX11.0 فعال من قائمه اعداداته
واعمل اختبار وراقب اعلى ترددات ظهرت فى النتيجه وعدد الاطارات التى حصلت عليها واعلى درجه حراره للمعالج

اعمل اختبار على برنامج 3DMARK Firestrike ومفيش داعى لاختباره على وضع Extreme or ULTRA خليك فى اللى قبلهم
او ممكن تختار Custom وضع شخصى وتبدا تضبط خيارات الاختبار على الاوضاع اللى انت بتفضل تلعب فيها
تذكر ان البرنامج ده اعلى من ايه خصائص لعبه فاذا كنت بتلعب على Texture = High اضبطها على Medium واذا كنت بتفعل تنعيم X4 اكتفى X2
وقولنا النتائج اللى وصلتلها

افتح برنامج MSI Afterburner وقولنا هل شريط التحريك مسموح بالزياده والنقصان للـــ memory Clock ام غير نشيط ومغلق
وياريت لو ترفعلنا صوره
فقط حرك الشرائط يمين او يسار مع عدم الضغط على apply واذا نسيت اضغط علامه الدائره reset او هتلاقى الكلمه قدامك واضحه reset حسب الاصدار اللى معاك وواجهه البرنامج

ahmad2006771
13-01-2016, 15:02
انا بدأت تحميل برنامج
UNIGINE VALLY من النت ولسه بحمل فيه
وفتحت برنامج MSI Afterburner وحركت شريط التحريك في memory Clock و core clock ومتنشطين وبتحركوا عادي بس مش عملت apply وعملت reset
ودي صورة للبرنامج بعد ما حركت شرائط التحريك -والصورة الاسفل منها اخرى للاعدادات الافتراضية
هل تنصحني اعمل حاجه تانيه خلال تحميل البرنامج الاخر من النت

https://arabhardware.com/forum/attachment.php?attachmentid=31385&stc=1https://arabhardware.com/forum/attachment.php?attachmentid=31386&stc=1

phenomenon
13-01-2016, 16:12
لا كده تمام جدا واتاكدنا ان فى سماح لكسر سرعه الميمورى كلوك
منتظرين نشوف اقصى درجات الحراره عشان منسبقشى الاحداث
عاوزين نعرف اقصى درجه حراره بيوصلها المعالج على الكارت ده
وممكن تتابع درجه حراره دائره فولتيه الكارت من برنامج HWiNFO هتلاقى مكتوب GPU VRM Temperature
شوف اقصى حراره للمعالج اهم شىء وصلت لكام فى البرنامج بعد ماتخرج ومتوسط درجه الحراره او ارف صوره بس ياريت عشان مش تغلب نفسك
اذا اتضح انها اقل من 70C وبتلعب فى رنج 60C اذن اخبار جميله والموضوع اصبح متوقف على الكسر اللى هتقدر توصله
اذا اتضح انها اعلى من 70C ووصلت لرنج 75C يبقى هناخد احتياطاتنا من كل شىء

ahmad2006771
13-01-2016, 17:58
انا عملت اختبار ببرنامج Valley Benchmark 1.0
وفي الاول كانت درجة الحرارة 55 تقريبا وال fbs كان بيوصل اللى 102
وبعدين وصل واستمر كمافي الصوره دي
وفي اسفل يمين الشاشة يظهر درجة حرارة الكارت ببرنامج HWiNFO64
https://arabhardware.com/forum/attachment.php?attachmentid=31388&stc=1

ahmad2006771
13-01-2016, 18:14
وبعد كده شغلت برنامج Valley Benchmark 1.0 مرة اخرى واخترت ultra بدلا من high
وضغطت على benchmark ولاحظت ان درجة الحرارة ارتفعت حتى 85
ودي صورة النتيجة
https://arabhardware.com/forum/attachment.php?attachmentid=31389&stc=1

ahmad2006771
13-01-2016, 18:18
صورة اخرى اثناء الاختبار

phenomenon
13-01-2016, 18:54
لا مفيش داعى من ULTRA لان درجه الحراره دى انا عاوزك تتجنبها وعشان كده مطلبتش منك تختبر على برنامج زى FurMARK :
زى ماقولتلك البرامج دى وهميه لكن عندها كفائه فى احباط اى عمليه كسر سرعه لانها بتقرا اقصى تردد ممكن يوصل المعالج عليه وبيرفع من اقصى فولتيه مسموحه

كمل مع High فقط ولا تقم بالاختبار الا بعد 10 دقائق من زمن اتمام اخر اختبار عشان المعالج يكون نزل لدرجه طبيعيه وتقدر تحدد درجه حرارته التقريبيه

ابدا فى رفع تردد نواه المعالج 10MHz فقط واعمل اختبار على اعدادات High وشوف هل البرنامج هيكمل اختباره ولا هتلاحظ خطوط او نقط بيضاء او تجمييد
لو حصل تجمييد فى الجهاز اى شاشه سودا مش تقلق علطول ولا تعمل ريستارت علطول : انتظر لحظات لحين عمل الدرايفر اعاده تهيئه لنفسه او اخرج على سطح المكتب
اذا نجح الاختبار فى المرور للنهايه ابدا زود كمان 10 لغايت ما تلاقى الاختبار فشل فى الاتمام للنهايه وارجع 5MHz وشوف هيعديها ولا محتاج تنزل كمان 5MHz
وقولنا اقصى تردد وصلتله النواه كان كام

ahmad2006771
13-01-2016, 21:23
عندي استفسار لو سمحت
في المرة الاولي كان الاختبار على الهاي وليس الالترا ووصلت درجة الحرارة الى 78 وحضرتك في المشاركة الاولي قولت:

اذا اتضح انها اقل من 70C وبتلعب فى رنج 60C اذن اخبار جميله والموضوع اصبح متوقف على الكسر اللى هتقدر توصله
اذا اتضح انها اعلى من 70C ووصلت لرنج 75C يبقى هناخد احتياطاتنا من كل شىء

فهل درجة 78 ليست مقلقة
وهل يجب ان اجعل سرعة دوران المروحة مانيوال وازيد من سرعتها لكي تخفف درجة الحرارة - واذا زودت سرعة المروحة اجعلها على كام في الميه
ولقد لاحظت في موضوع زميل اخر كان يسألك عن طريقة امنه لكسر سرعة الكارت بتاعه في الموضوع الاتي

https://arabhardware.com/forum/showthread.php?t=440257
اقول انني لاحظت انه فقط قد رفع و زود core clock من 860 الى 1000
وزود ورفع memory clock من 1200 الى 1370
فهل هذا الكسر البسيط بما يؤدي اليه من ارتفاع درجة حرارة الكارت يستحق المجازفة
ولو انني كسرت سرعة كارت gtx 750 بنفس النسبة البسيطة التي فعلها العضو الزميل هل سيكون لها مردود ايجابي في تشغيل الالعاب
كما انني اواجه مشكلة بخصوص مساحة ذاكرة الكارت اللي هي 1 جيجا حيث ان معظم الالعاب الجديدة تتطلب ان تكون ذاكرة الكارت 2 جيجا على الاقل فهل هذا الكسر البسيط بنفس النسبة كما فعل العضو الزميل سيساعد في حل هذة المشكلة
وعذرا على كثرة الاسئلة لان هدفي التعلم اولا وليس مجرد كسر سرعة الكارت

phenomenon
13-01-2016, 22:39
1
ليست مقلقه ولكن ليست مثاليه .. اقصى درجه حراره مسموحه للمعالج من الشركه 95C وربما بعدها يحصل كراش للعبه ويعيد الدرايفر تهيئه نفسه للحفاظ على نفسه
لكن عند ارتفاع درجه حراره المعالج الى 95C فهل تتخيل ماهى درجه حراره دائره الفولتيه فى هذا الوقت - بالتاكيد لن تكون اقل من 110C وبالرغم انها تتحمل لكن مره
تانيه ليست مثاليه تماما اذا كنت تبحث عن العمر الطويل للكارت - كلما قلت درجات حراره المكثفات ودوائر الطاقه عن اقصى حرارتها اعطاها فتره عمر اطول ( نظريا )

مش تقلق من درجه الحراره دى لما الكارت يوصلها على برامج اختبار الاستقرار
لان درجه الحراره دى مستحيل توصلها فى الالعاب لانك اذا وصلتلها ده معناه ان احتمال كبير جدا فى تحميل كثيف جدا على المعالج Ultra Graphics
وده مش هتقدر تحصل عليه فى الالعاب وتحصل على اداء سريع فى نفس الوقت
فهتضطر تهبط من الاعدادات الى High او تتركها Stantard حسب ما الكارت شايف وبالتالى هتلاقى درجه الحراره ملائمه جدا وايجابيه لشكل الاداء فى نفس الوقت
مجموعه البرامج دى بتعتبر ان جميع المعالجات معالج واحد
درجه حراره 80C على المعالجات الـ High-End طبيعيه جدا لان جهدها اعلى وبتقدر توصل لاعدادات اكثر كثافه
يعنى اذا لاقيت GTX 770 بدرجه حراره 78C ده طبيعى جدا لانه بيحمل بيانات لعبه شغاله على الترا بسلاسه
دائما بعد 80C لاغلب الكروت حتى وافضل شركات التصنيع هتبدا تسمع صوت مراوح لا يمكن تقبله ابدا لذلك لازم الحراره تكون اقل
لكن الناس اللى شغاله فى الرندر استثناء اخر

لا تقلق من 78C والشركه تسمح حتى 95C لكن لا نريد مرور المعالج الى 80C ومش معنى انه وصل الى 85C عشر دقائق
اذن هيتساوى مع كارت شغال بقاله سنتين ونص على درجه 85C - مش تقلق

2
اطلاقا - الشىء ده حسب راحتك - الكارت فى الغالب بيظبط دوران مروحته مع سيسنور درجه الحراره فاذا كانت 40C اذن سرعه المروحه 40%
لكن اكيد فى استثناءات وحسب بعض الموديلات واختلاف شركات التصنيع فالامر يرجعلك انت
لكن درجه حراره اختبار البرامج دى ليست مقياس وبناءا عليه مفيش مانع من ضبطها ايضا
هتضبط ان سرعه دوران المروحه وليكن 80% عند ارتفاع درجه الحراره الى 75C لكن لازم تعرف الاول البروفايل المصنعى مضبوط على ايه

3
لا يمكن لكسر السرعه ان يرفع من درجات الحراره بدرجه كبيره لاننا فى البدايه الى النهايه لم نقم بتغير او زياده الفولتيات اطلاقا
الفولتيات الاعلى هى التى تتسبب فى ارتفاع الحراره بشكل واضح ( خصوصا مع برامج الضغط )
لكن طالما لم ناتى تجاه الفولتيات اذن كل مافى الامر ان الكارت بيسحب نسبه بسيطه اكبر فى الطاقه وبالتالى ارتفاع طفيف جدا فى الحراره

4
ربما لا وربما بالتاكيد - اذا كنت تحصد من معدل متوسط اطارات على لعبه ما 25fps وبعد الكسر تحصل على 30fps فانت حولت الاداء من ضعيف الى معتدل
اذا كنت تفضل تفعيل V-Sync او Adaptive V-Sync وتحصل على 54fps وبعد الكسر حصلت على 61fps من معدل الافيراج اذن انت تحولت من جيد الى مثالى
دائما كسر سرعه الكارت ايجابيه خصوصا اذا حصلت على اعلى من 5% من نتيجه الاطارات وسريع ويمكن فصله او تفعيله بضغطه واحده من داخل الويندوز

5
ثق بكلامى اخى الكريم ذاكره الفيديو رام مهمه بالطبع لكن المعالج اهم
ماهو سعر GTX 960 2GB VRAM ؟ تقريبا 2200 جنيه
ماهو سعر GTX 960 4GB VRAM ؟ تقريبا 2400 جنيه
ماهو الذى يمكن الحصول عليه مع كارت 4GB ؟ ربما عدد اقل من العدد الذى تستطيع حصده على كارت 2GB اذا كان اعلى فى تردد النواه والميمورى بشكل ملحوظ
اذا طلبت منك اللعبه ذاكره 2GB فلا تعطى ليها اى اهتمام ؟
كل ما يجب عليك وضعه بالاعتبار هو اداء المعالج
نعم هما مكملان لبعضهما ولكن اذا تاخر معالج الجرافيك فى معالجه المشهد كامل وتقديمه فى الزمن المناسب فما هى فائده الذاكره الاكبر
هاتلى GTX 970 بذاكره 2GB هشتريه وهتجاهل GTX 960 4GB لانه بالتاكيد هو الافضل والاقوى
لانه اسرع فى المعالجه ومش هيتضطر الى تخزين كم كبير من البيانات عشان يستكمل عمليه المعالجه بتاعته
على الرغم انه منذ فتح اللعبه باللحظه الاولى يبدا فى تخزين بعض البيانات الى ان تخرج من اللعبه لكن ليه المعالج GTX 970 جالنا ب 4GB
عشان قوته فى المعالجه مناسبه وقادره على تحليل كم كثيف من البيانات اللى ممكن تخليه يحتاج ذاكره 4GB

افترض انك عندك طياره 400 راكب تسافر من مدينه الى مدينه
لكن اذا كانت المدينتين دول من الاساس لا يعيش فيهم سوى 300 فردHigh Res Textures فهتعمل ايه بعدد المقاعد الاكبر ؟
هتلاقى كل واحد رايح يقعد جمب الشباك كالعاده طبعا وبالشكل ده مليت الطياره

طيب هات نفس الطياره مع مدينه قد 1000 فرد Ultra Texture Resolution هتلاقى فى عنق زجاجه وتكدس على تذاكر السفر
فلازم تقرر انك توفر طياره ب 800 مقعد لان متوقع فى بعض الايام ان عدد المسافرين يزيد

دى مجرد امثله فقط
فين هو معالج GTX 970 بالضبط او GTX 750 اعتبره محرك الطياره نفسه اللى هينقل الركاب
الطياره سرعتها وليكن 500 كيلو بالساعه ؟ اذن مع 300 مسافر سرعتها تقدر بانها اقل من الافيراج اذن 500
طيب مع 400 فرد ؟ ربما 490 او 480 كيلو بالساعه
هات فرد زياده عليهم - مش هتعرف مينفعشى وخطر جدا ومش موزون وده هيحصل للمعالج اذا ذادت البيانات عن 1GB وهتبدا تعانى من تقطيعه

ملحوظه اخيره - عندى احساس مبدايا ان ويندوز 10 بيتعامل مع الكارت الخارجى حاليا على انه زى المعالج المركزى ويقدر يتشارك بحصه
مع الرامات الاساسيه ( مجرد احساس بالرغم انى عارف ان هذه التقنيه Virtual mem غير مسموحه الا للمعالجات المدمجه والمركزى )
لكن هل هى حقيقيه ام لا وهل بيخزن على الهارد ولا الرام الاساسى بصراحه مش متاكد من كل ده

لكن فى النهايه العمليه بتكون نسبه وتناسب من الشركه الام حتى لا يقع المعالج فى عنق الزجاجه بسبب ذاكره الفيديو واذا وقع فيها
فانت بحاجه الى معالج اقوى وذاكره اكبر

اذا اللعبه طلبت منك 2GB ولا تعطى اهتمام لكن اذا لاحظت ان الاداء سىء بالفعل وبطىء يجب تقليل الادادات تدريجيا الى ان تحصل على الاداء المناسب
بس

ahmad2006771
13-01-2016, 22:51
شكرا جزيلا يا مشرفنا الغالي لقد استفدت منك كثيرا وغدا ان شاء الله سأبدأ بكسر السرعة كما فهمت من شرحك